هتك عرض

اني ومعروف سابقه خطاويهم. ولو عالسن اني اكبر منيه بسنه يعني المفروض اني اللي اكون الكل في الكل مش هو. 
رد عليه نعيم بهدوء
مكنتش هتقدر عليها ياولدي المسئوليه شيلها مش هين وعتاخد من الحيل والعقل وحتي العمر واديك شفت عمك ماټ صغير من كتر شيل الهم أني متحملتهاش قبلك ومحبيتلكش التعب لا إنت ولا اخوك. 
رد عليه سلام بعصبيه
وليه تحكم علينا يابوي ماكنت تسيبنا نجربوا يمكن نطلعوا أهل ليها ونقدروا ونسدوا ليه تظلمنا يابوي ليه. 
نعيم مش ظلم ياولدي دي محبه وخوف والله. 
سلام نفخ بقلة حيله وهو عيحاول يهدي نفسه
طيب يابوي خلاص اللي حوصول حوصول بس من إهنه ورايح مليكش صالح باللي هعمله ولا تعترض عليه وهملني اشوف موصلحتي عاد. 
نعيم
موصلحتك كيف يعني 
سلام
موصلحتي يابوي فأني هاخد من الفلوس بتاعة المشاريع وهندلى ادفع مقدم معدت حفر ولودر واجيبهم بالقسط واشغل عليهم حد واول حاجه هعملها بيهم
هشتغل المشروع اللي إتفقنا هندوه لمقاول من الباطن ومن بعدها هاخد شغل لروحي واشتغله بمعداتي وابقي كبير نفسي ومش هشتغل تحت رحمة حد تاني حتي لو الحد ديه واد عمي وأول مالمشروعين يخلصوا وناخدوا من مكسبهم حق دهب حريمنا هاخده واكمل بيه سداد المعدات ولو إتبقت حاجه بسيطه أمرها هيوبقي هين..
خلاص يابوي الزمن اللي جاي ديه زمن يلا نفسي ولو إنت وعمي الله يرحمه كنتوا ماشيين مع بعض بما يرضى الله منضمنوش دلوك النفوس هي هي ولا متغيره وفيها خبث. 
سكت نعيم بعد كلام سلام ولده مردش وحوريه ضړبت على صدرها وهي فاتحه خاشمها پصدمه وممصدقاش اللي ودانها عتسمعه
يتبع 
حوريه سمعت حديت سلام مع ابوه وبدال ماكانت رايحه اوضة عيال ولدها عاودت تاني لأوضتها وفضلت تلف فيها وهي حاسه إن حريقه شبت بين ضلوعها من اللي سمعته.. يعني إيه
يعني عيال نعيم ناوين يلعبوا بديلهم من ورا عيالها وياخدوا منيهم الشغل والفلوس! ويحوزوا لنفسهم ويسحبوا البساط من تحت رجلين عيالها وحده وحده!
خلاص ماټ توفيق وبانت النوايا وكل واحد عيقول يلا نفسي فضلت تفكر هتعمل إيه وهتقول إيه وإن أي حاجه هتقولها دلوك هتتحسب عليها هي وتبان هي اللي عايزه تفرق
وخصوصي إن سلام وابوه مطلعتش منهم حاجه قبل سابق تدل على طمعهم ولا ندالتهم
وعيالها زيهم زي أبوهم لا يمكن يصدقوا فعمهم وعيال عمهم واصل ومش بعيد بعد كلامها اللى كانوا ناويين يعملوه في الدرا يعملوه عيني عينك قدام الكل وتوبقي حجتهم إن مرت عمهم هي اللي قدمت الشينه وذمت فيهم وتهمتهم بالباطل.
فرست على أسلم حل ېخرب عليهم كل تخطيطهم وفنفس الوكت يحفظ حق عيالها وتعبهم.
بس قررت إنها تستني لغاية ماالليل يقسم وتنفذ اللي عزمت عليه.
بص حوصول اللي مخلاهاش تستني لنص الليل عشان تنزل
لما سمعت صوت صړاخ وزعيق ملى البيت ورجه رج فرمحت هي وكل ناس البيت يشوفوا فيه إيه!
وبمجرد نزولهم شافوا كرار فأوضة عديله ماسك شام منومها فى الارض ونازل ضړب فيها باديه ورجليه فبطنها وضهرها وهي تصرخ وهو يزعق فيها بعلوا حسه ويقولها
حبلتي مېته ومن مين اللي فبطنك ديه واد همام ولا السيد اللي سبقوني ليكي
ولا واد حد قبلهم انطوقي.. اصلك لو حطتيلي الف عقل فوق عقلي مهتحبليشي في النوبتين اللي قربتلك فيهم.
ولا هيبان عليكي الحبل والوحم وإنتي يادوبك الشهر مقفلاه.. اني خواتي البنته مكانوش عيتوحموا ولا يعرفوا روحهم حبالى غير في الشهر التاني او التالت وانتي تلاقيكي حبله من بدري وحتى لو مش من بدري يوبقي اللي فبطنك ديه واد حد من التنين ياهمام ياالسيد..أني عارف إنك مش مظبوطه من ساعة ماشفتك فنصاص الليالي ماشيه بطولك فبلدك يافاجره وطبعا كيف مالبسوكي ليا ووقعتى فزوري عايزاني ألبس عيل غيري مش إكده
بس له والله مايوحصول ولا يكون.
وفضل يضروب فيها وعديله تصرخ عليه بكل حيلها وهي عتتسند وتحاول تروحلها وتقوله
حرام عليك ياظالم داي كانت حايضه فاول يوم جات فيه للبيت بزياداك ظلم..
اتكلمي ياحوريه وقوليله هاي ھيموت البت فيده إنجديها حرام عليكي.
طيب وقف نشوفوها حبله صوح ولا له محدش متوكد ولا عارف لسه.
ردت عليها حوريه وهي عتطلع وتبعد عن الأوضه
اني لا شفت ولا ريت هشهد واقول حاجه مشفتهاشي.
ردت عليها عديله وهي عتترمي بجسمها علي شام تحميها من ضړب كرار هبابه
طول عمرك شيطانه خرسه عند الحق وولدك راضع منك الشيطنه.. ربنا عليكم إنتي وهو
تعالى يانعيم حوش وإرفع الظلم ياولدي اللي كان عياخد حمى الغلبانه ماټ وهملها فيد الظلام.
إتقدم نعيم وهو عيقول لكرار
بزياداك ياكرار البنيه ھتموت فيدك.. حرام عليك ياولدي متظلومش ستك عتقول البنيه جات حايضه عيب عليك اللي عتقوله ديه.
رد عليه كرار بعصبيه وصوت شق سكون الليل شق
عمااااى.. اطلع إنت من الموضوع ديه متتدخلش لا إنت ولا أي حد تاني الموضوع ديه بتاعي ويخصني أني وبس وإن كان على ستي هي لا شافت حيض ولا محيضش هي عتقول إكده وخلاص عشان تخلص الفاجر داي من يدي.
ردت عليه عديله بتاكيد
له والله العظيم اني عقول الحق البنيه كانت حايضه واحلف علي كتاب الله.
كرار بعصبيه.. شفتي الحيض بعينك ولا ريتي منيه علامه ولا عتتحدتي وتحلفي علي كلامها ياستي انطوقي
عديله مشفتش بعيني اني مش كد شهادة شوف العين بس عارفه إنها معتكدبشي هي قالتلي وامها وخياتها كانوا عارفين وقالوا قدامي.. هي هتكدب ليه يعني
كرار رد عليها وهو عيسحب شام من شعرها من تحتها
يوبقي تقفلي خاشمك وتسيبيني أعمل الصالح مادام منضرتيش بعينك..ورجع يضروب فيها ومحدش قادر يقربله ولا يحوش عنها وخصوصي وهما شايفينه فحاله أول نوبه يشوفوه فيها
وعقلهم تايه بين تصديقه وتصديق اللي عتقوله ستهم عديله لكنهم كلهم ميالين بعقلهم لكلام كرار لأنه الاقرب للصوح وإنها ممكن متكونش حبله منيه.. وخصوصي إنها مقالتش قدام حد إنها حايضه اول ماجات البيت ولا حد شاف منيها علامه!
ومع صړاخ عديله وصړاخ شام ومنظرها
وهي عتنضرب عزت ماتحملش وطلع رامح عالوحيد اللي هيقدر يخلص شام من يد كرار قبل مايموتها.
وثواني وكان واقف يخبط على باب بيت ابو دراع.. واللي طلعله مڤزوع بنومه ولما شافه سأله پخوف
عزت! فيه إيه ياعزت
رد عليه عزت وهو عيسحبه من يده ويتحرك بيه
الحق ياابو دراع مفيش وكت للسوئلات صاحبك ھيموت مرته ومحدش قادر يغيتها منيه.
أبو دراع سمع كلام عزت وكان قرب علي البيت وسمع بوضوح صړاخ شام وصړاخ عديله بحسها المبحوح ووقف ثواني قدام الباب متردد وحدود عهده مانعاه
لكن انسانيته نقضت العهد وهو سامع كرار ھيموت شام فيده صوح والكل واقف يتفرج عليه مفيش بس غير سته عديله عتهابر معاه
وحتي هي مش راحم ضعفها وكل ماتقرب من شام يزيحها بكل حيله بعيد عنها.. وكل اللي نعيم عامله إنه عيحاول يمسك امه عشان متروحش لشام ولا تحوش عنها خوفا عليها من كرار.
دخل أبو دراع وشق الواقفين بدراعاته ووسعهم عن طريقه ودخل كيف اسد غاضب على كرار ورفعه عن شام وقام راميه بعيد عنها بكل حيله خلاه اتوجع وصړخ من الخبطه
وقوام ابو دراع سحب اللحاف من فوق السرير ورماه على شام اللي كان شعرها ولحمها