هتك عرض

بس للأمانه بص عليها بصه عابره وسأل نفسه بعد مابصلها سؤال ماتوقعش انه هيسأله لروحه فيوم من الايام
هو اني كنت عحب فيها ايه داي
واثناء مابدور كانت واخده الحطب وداخله بيه للبيت عاودوا الرجاله من بره بما فيهم عزت اللي بقى يشوف بدور دلوك في الجنينه وحتي لو ابو دراع قاعد في الجنينه لا عيكلمها ولا يقولها حاجه!
ويعدي جارها ولا كأنه يعرفها ويستغرب ابو دراع على موقفه اللي اتغير وحماشته اللي كان عيدعيها ايام خطوبته علي بدور واختفت دلوك خالص واتبخرت وعرف انها كانت جكر وكيد مش اكتر لا حماشه ولا عمرها شافت الحماشه. 
ودخلوا الرجاله كلهم وشويه وطلع كرار من البيت وهو ڠضبان ڠضب الدنيا كلها وراح علي ابو دراع وقعد جاره وهو عينفخ ويفش ومستني ابو دراع يسأله مالك عشان يفضفضله لكن كل اللي نطق بيه ابو دراع وهو صادد بعيد عنه
سبحان الله ذنب ناس عتخلصه ناس. 
وداي كلمه كبرتت كرار بزياده وخلته قام طلع راح المندره طوالي وهو مش عارف يعمل ايه فاللي جرا وكيف هيصلح غلطته اللي غلطها فحق شوقيه واللي معارفشي هتخلص على ايه وياترى هيكون تمنها ايه بس الاكيد انها مش هتعدي بالساهل وااااصل.
رواية نفق الچحيم الجزء الثاني الفصل الحادي والعشرون
كرار طلع عالمندره وهو مېت من خوفه وعمال يفكر فاللي جرا ويلوم روحه على عملته ويحاسب نفسه الدنيه على ضعفها وقعد على الحاله داي دقايق وبعدها اتضاعف الخۏف والقلق جواه وهو واعي شوقيه طالعه من البيت وشايله ولدها ومن مشيتها السريعه الغضبانه مبين عليها إنها طالعه ناويه عالشر صوح كيف ماهددته وقالتله إن اللي جرا ديه مهيعديش بالساهل واصل.
ومشت شوقيه تطوي الطريق طي لبيت أبوها وهي حاسه إن الڼار لاهبه فيها من ساسها لراسها وإن اللي خاېفه منيه 
ومن أول مادخلت البيت وهي حارسه كرار منيه.. غافلها وعيمله ومع كل خطوه تخطيها تحلف وتتحلف لتدفعه تمن الغلطه ډم قلبه وتدفع شام تمن الغلطه داي ډم روحها. 
وبرغم كل اللي عيملته فيها لكن برضك نارها مبردتش.
أما شام فقاعده فحوش البيت على الارض ساكته ومسوحه ربطة راسها مرميه جارها وشعرها منحول وعيفرفر حواليها فى الارض وجسمها من كتر الۏجع اللي فيه معارفاشي تتألم من أيه ولا أيه فسكتت
لكن الالم الواعر صوح كان ألم روحها من اللي سمعته واللي اتعمل فيها وغمضت عيونها وهي عتفتكر القهر والذل اللي اتعرضتله على يد كرار وشوقيه واللي بمجرد مادخلت من باب البيت نزلت ولدها علي الارض او رمته رمي بمعنى اصح وجريت على شام كيف اسد مسعور ومسكتها من شعرها وهاتك ياضرب بكل حيلهاوحتي مخافتش عاللي فبطنها احسن ينزل
ونظرا لان شام لساها مهدود حيلها من اللي عيمله فيها كرار وغير إكده خدمت البيت اللي هالكه صحتها هلك مكانش فيها حيل تدافع عن روحها حتى وكانت عتتلقى الضربات كيف ماتكون كيس ملاكمه لاحول له ولاقوة ولاحياة
والضړب كله كوم والشتايم اللي سمعتهالها في وجود رجالة البيت كوم تاني وفوق دول ودول عيون عزت اللي كانت مشتركه مع شوقيه فاللي عتعمله وهما عاملين كيف كلب جعان أي منطقه فجسم شام تترفع من عليها الهدوم وتتكشف يهبش منها نظره يشبع بيها عينه الجعانهومش مهم حالة الفريسه ايه.
وبعد ماخلصت شوقيه جولتها في الضړب واللي عجزت عديله إنها تمنعه عنها وكل اللي عيملته انها طلعت ربيعه للجنينه مع ممدوح والعيال عشان متزيدش ضرعتها وهي واعيه امها بين ادين شوقيه عتصارع المۏت 
وفضلت هي تضروب فشوقيه على كد حيلها البايد وتفاكك بينهم لكن شوقيه كانت مدقره فشعر شام وملامحها متحوله وعتضروب فشام بقوة عشر رجال كيف ماتكون اتلبست من جن مارد ومسابتش شام غير وهي خلصانه فيدها واللي قهر عديله إن شوقيه
تقول لشام يازانيه يابتاعة الرجاله يابت الحړام!
وهمت عديله تكشف المستور كله وتفضحها وتقول عالمستخبي لكنها سكتت وهي واعيه كرار خانس حتي وشوقيه عتشتمه بأبشع الشتايم وممتحدتش ولا فاتح خشمه ولا كرامته ليها حس ولا خبروقالت لروحها اي كلمه في الوكت ديه هتتاخد على انها كدب فكدب وكيد وتخليص تار وعشان الحديت ديه يتحكي لازم يكون كرار وشوقيه سمنه على عسل عشان الحديت ياخد حقه في التفكير والفهم والصبر طيب.
وقعدت بعدها جار شام اللي بعدت ماخدت الكتله فضلت قاعده عالأرض ساكته ومتصنمه كأنها راحت منها الروح وحتى عيونها اتحجر فيهم الدمع وبطلت الدموع تنزل كيف مايكون بلغ منها الألم مرحله مايكفي فيها التألم لا بالدمع ولا بالآهات.
مرحله اتخطت كل حدود الۏجع.
أما كرار فبعد ماخلصت شوقيه من شام راحت على اوضتها وهو راح وراها عشان يراضيها بكل كلام المراضيه اللي في الدنيا اللي اتقال واللي متقالش لعلها ترضى عنيه مع انه عاللي شافه منها ديه في شام.. رضاها عليه عشم ابليس في الجنه.
وفعلا اللي حسبه لقاه لما دخل عليها الاوضه وبمجرد ماشافت وشه صړخت فيه وابتدت تكمل باقي الشتايم اللي كانت عتقولها بره على مسمع من اخواته وحتى عمه اللي جالهم يشوف فيه ايه على حس الزعيق وهو زي ماكان يسمع بره وهو ساكت برضك كمل يسمع وهو ساكت ومنطقش بحرف وشوقيه بعد ماخلصت عليه كل الشتايم والمسبات اللي في الدنيا سكتت وخدت نفس جامد وبصتله وقالتله بحزم
اللي عميلته ديه مهيعديش على خير واصل ياكرار واصل.. وصدقني هتدفع تمنوا غالي قوي هتدفعه من قلبك وروحك قهر ومذله هعاودك تاني كيف ماكنت اخيب واحد في عيال توفيق والحيطه الواطيه اللي كله عيحط عليه.
قالت كلامها وصړخت فيه بعلوا حسها خلته اتفزع بررره إطلع بره من الاوضه بتاعتي وغور من قدام وشي يابتاع الخدامات يامعفن ياللي عتشتهي العفن والجتت اللي فايح منها دخان الكوانين
انت اللي زي حالاتك ماليهش ېعاشر اسياد مليهش ېعاشر غير انجاس زيه.
خلصت كلامها وابتدت تدفع فكرار بره الاوضه لغاية ماطلعته وقفلت الباب عليه
ووقف هو بره باب الاوضه وكل اللي كان سامعه حس التكسير بتاع اللنض البنور اللي كانت عتتهبد عالارض وحس ولده اللي عيبكي وهو مش متحمل حس بكاه وعيقول ياريتني خدته معاي واني طالع من الأوضه.
هديت نوبة ڠضب شوقيه وقعدت جار ولدها عالسرير وابتدت تفكر بعقل وقالت لروحها انها لو قسيت اكتر من اللازم جايز موقف كرار يتقلب من الخۏف والطاعه وطلب السماح للعند والمعانده وخصوصي إنه رجع داق شام واكيد النوبادي غير قبل سابق عشان قبل سابق كان مبعد عنها لسبب وغايه ودلوك وصل لغايته والسبب زال يعني فيده يفرض عليها الوضع ويقولها اخبطي راسك في الحيطان واهو بقى مقتدر ومش بعازتها ولا بعازة حد.
فقررت إنها تماين لغاية ماتقصقص ريشه وبعدها ترميه من فوق جبل عالي تخليه ينزل على جدور رقابته وهو عاجز عن الطيران.
وخدت بعضها وراحت على بيت ابوها عشان ترسم معاه الخطه وترجع كرار اللي هيفر منها ويحط فباط شام وتعاوده لقفصها من تاني.
اماعديله فطلعت من البيت وراحت تدور علي ربيعه عشان تجيبها لشام لانها هي الوحيده اللي تقدر تطيب