هتك عرض

وهي عتقولها
متنضفي زين ولا مكريه كرايه عتخدمي ليه خدمة البت لمرت ابوها ها
شام فضلت تحاول تفك روحها منها وهي مش فاهمه عتعمل فيها إكده ليه وفنفس الوكت خاېفه تمد يدها عليها تجرالها حاجه وتنزل اللي فبطنها ووكتها دبحها علي ايد كرار هيكون امر محتوم. 
ولكنها لما اتوجعت ومقدرتش تتحمل ابتدت تصرخ وتستنجد بستها عديله ولما عديله سمعت صړاخها جات عليها جري وسبقت الكل على الاوضه اللي جاي منها حس شام ولما شافتها بين ادين شوقيه وعماله تقطع فشعرها وتخبطها فكل حيط شويه رمحت عليها وابتدت تحوش فيها لكن شوقيه كانت كيف ديب مسعور ومسك فريسه ولما مقدرتش بحس واطي وهي متشعلقه فأديها قالتلها
همليها يافاجر يابتاعة حوصلة الحمامه يازانيه همليها احسن افشي سرك واكشف المستور وتروحي ورا السمس وبدال مانتي معلقاها من شعرها وعتمرجحي فيها اخليكي تتعلقي انتي من شعرك فسجره وتتمرجحي بس هتكون روحك مفارقه جتتك. 
وشوقيه سمعت كلام عديله واعصابها سابت وحست برعشه سرت في كامل جسمها وبلعت ريقها پخوف وهي عتبص لعديله وتنقل عيونها مابينها وبين شام وكان في الوكت ديه الكل اتجمعوا علي باب اوضة شوقيه وابتدوا يسألوا ايه اللي حوصول ولما شافوا منظر شام وفهموا إن شوقيه ضړبتها ورده ونعمه وفكريه وحتى عدويه طلعوا راحوا عالموطبخ من غير اي رد فعل ومفضلتش غير بدور بس تتفرج وتتشفى فمنظر شام وهي مضړوبه ومتقطع
شعرها فيد شوقيه.. وحوريه اللي واقفه مش عارفه تعمل ايه في شوقيه اللي اذاها دلوك على شام وياعالم لو سكتتلها بكره اذاها هيطول مين 
ويمكن يطولها هي ذات نفسها. لكنها في النهايه اختارت السكوت واكتفت ببصة تحذير لشوقيه ومتعرفش إن شوقيه فدنيا تانيه خالص ومش معاها. 
عديله بحزم
روحي عالموطبخ ياشام واوعاكي اللي متتسماشي داي تقولك تعالي اعمليلي حاجه وتعمليهالها لو عتموت قدامك وجارك دواها وقالتلك لافيهوني اوعاكي تلافيهولها سامعه. 
شام هزتلها دماغها بموافقه وعديله بصت لشوقيه وبنبرة ټهديد قالتلها
وانتي حسك عينك تتطلعي عليها تاني بعين رديه ولا تطلبي منها شي ولو ديه حوصول متلوميش غير حالك يابت العمده فاهمه ولا افهمك وافهم الكل 
شوقيه پخوف واضح
فاهمه فاهمه خلاص مش هقولها على حاجه تانيه ولا اطلب منيها حاجه اخر نوبه. 
خلصت كلامها وهي باصه لعديله بترقب تشوف ايه اللي هيطلع من خشمها تاني وعديله اكتفت بإنها خدت شام وطلعت بيها بعد مابصت لشوقية بصه بمعني اني خلاص من اليوم وطالع هقفلك بالمرصاد.
اما حوريه فكانت واقفه وشايفه كل حاجه عتجرا والعجب مخليها متاخده من خوف شوقيه من عديله وخنستها قدامها كنها ماسكه عليها حاجه! 
أما بدور فبمجرد ماوصلت شام قصادها بلؤم بصت لشوقيه وقالتلها
براوه عليكي يامرت واد عمي إيوه أكده شدي حيلك وربي اللي عايز يتربي في البيت ديه.
عديله سمعت كلام بدور وهجمت عليها ومسكتها من شعرها ونزلتها للأرض بحيلها كله وهي دايسه على راسها وعتقولها
والله مافي حد عايز يتربى في البيت ديه غيرك ياام كواشي يابتاعة الجاز يامقمله ياللي القمله فراسك تجر قطر قطر لما ياخدك بالباط ياغياره ياام ڼار 
اصلا كل وحده عتكره شام من غيرتها عشان شام احلى منكم كلكم ياشوية رمم يامعفنين. 
خلصت كلامها وعدويه جات جري من الموطبخ علي حس صړاخ بتها خلصتها من ادين عديله ومشت بيها عالموطبخ وهي عتسكت فيها من البكا بحسها العالي وعديله خدت شام وراحت بيها على اوضتها ومبقاش في الاوضه غير شوقيه وحوريه وحده خاېفه ومړعوبه لحد المۏت ووحده ھتموت وتعرف سر رعبها وخۏفها وايه اللي حدا عديله وماسكاه عليها!
٥٢
طلعت حوريه من اوضة شوقيه اخيرا بعد ماادتها نظره معناها إني شكيت فحاجه وحتما هعرفها وهملت شوقيه في الاوضه لحالها هتتجنن من كلام عديله وتسأل روحها ياترى جابته من فين وعرفته كيف ياترى الدايه هي اللي ڤضحت سرها ولا ايه وقالت لروحها اكيد الدايه ماهو مفيش حد يعرف بالسر غير تلاته هي والدايه والتالت اللي هرب بعملته وبفلوسها ومن ساعتها مجاش ولا حس ولا خبر. 
وخوف سيطر عليها والسؤال اللي عيتردد فدماغها دلوك هو ياتري كرار لو عرف هيعمل فيها ايه وياتري عديله هتقوله ولا هي بس عتهددها عشان تكف اذاها عن شام
وهمست لروحها
كله هيبان مع الايام واللي مكتوبلك ياشوقيه هتشوفيه بس اوعك تضعفي ولا تبيني خۏفك عشان الخواف عيتداس ويتاكل والناس كيف الديابه بس يشموا ريحة خوف الواحد عيهجموا عليه وياكلوه وكل. 
عاود كرار من بره واتلفت حواليه ولاول مره ميلقاش شوقيه واقفاله فمعاد رجوعه علي باب اوضتها وحارسه عيونه احسن يبصوا لشام! 
فراح على الاوضه فتحها وشاف شوقيه قاعده علي السرير ومهمومه وحتي مانتبهتش للباب وهو عيتفتح ولا خدت بالها منه وهو عيدخل لغاية ماقعد جارها ولولا مامسك يدها لحتنها انتبهتله وبإبتسامه باهته قالته
اهلا يامقاول جيت مېته ياحبة عيني ماخدتش بالي ليك 
سألها كرار بإستغراب اكبر لنبرتها الهاديه
مالك ياشوقيه إنتي تعبانه ولا حاجه 
ردت عليه وهي سرحانه
هبابه بس تعبت واني عنضف الاوضه وحيلي هبط. 
كرار وقف على حيله وپغضب قالها
وليه تنضفي انتي ياشوقيه ومن مېته عتنضفي مجبتيش المخڤيه ليه تنضف مكانك مش قايلك اني قبل سابق تخلي كل شغلك الشاغل اللي فبطنك وبس ويدك متتمدش على صنف حاجه اني هجيبهالك من شعرها تلحسلك الاوضه بلسانها. 
شوقيه وقفت منتوره وقالتله بإعتراض
لااااه.. متجيبهاش معاوزاهاشي تعملي حاجه من إهنه ورايح. 
كرار بعجب ليه يعني واشمعنا! 
شوقيه بلجلجه
معرفشي بس كل ماعتاجي تعملي حاجه في الاوضه وتتفرج علي حاجتي وعلي اللي فأوضتي واللي انت جايبهولي فيها عحسها عتصيبني بالعين وعقعد بعدها يومين تلاته حاسه پخنقه وديقه خليها بعيد عني عتستكترك عليا وتستكتر عليا الراحه. 
كرار بتفهم
امممم طيب مادام إكده اوبقي نادمي على اي وحده من البنات تساعدك متتعبيش حالك وتتغاشمي في الخدمه ياللي ماكنتي تعمليها وانتي فاضيه اتشطرتي دلوك وانتي حبله 
شوقيه
هي نوبه ومش هتتكرر تاني وهقول لوحده تساعدني او هبعت لوحده من اللي عيخدموا فبيت ابوي تاجي كل سبوع ولا حاجه تعملي الاوضه وتغسلي غسيلي. 
كرار بإعتراض
له حدش غريب عيخش بيتنا ولا يختلط بينا احنا عنعملوا حاجتنا مننا فيناديه سلوا بيتنا
شوقيه بإعتراض
كان سلوا بيتكم زمان وابوك. وامك اللي كانوا ممشينه علي هواهم دلوك. ابوك ماټ وامك زمنها ولى وبقي فيه مقاول جديد ومرت مقاول جديده ومن اليوم وطالع إحنا اللي هنعملوا سلوا جديد علي مزاجنا ياكرار فاهمني. 
كرار بصلها ومردش وهي كملت
من اليوم وطالع ياكرار
الكلمه في البيت ديه كلمتك وكلمتي والباقي كلهم يسمعوا ويطيعوا واللي مش عاجبه يخبط راسه في الحيط ياإكده ياإما تبنيلي بيت لحالي. 
كرار
جديده حقه النغمه داي ياشوقيه ولا بس عرفتي إن عمي هو وعياله هيبنوا وهيطلعوا من البيت هتعاندي فيهم 
شوقيه
والله ماعرفت حاجه واول نوبه اسمع منك إن عمك هيبني! 
كرار
له هيبني في الجنب الغربي من الجنينه وجاب الاسمنت والرمل والطوب وبعد بكره هيبتدي بنا. 
شوقيه بديقه
شوف ولا قالوا ولا حد جاب سيره وعدويه مرت عمك خانسه وساكته وممتكلماش ولا جايبه سيره تلاقيها خاېفه من العين. 
كرار له مش حكاية عين ومش عين بس هي مرت عمي مش رطاطه ولا عتحب كتر الكلام