كان لي كاملة بقلم منى أحمد حافظ

يا خالد يا مليون خسارة أنت صغرت أوي فنظري صغرت لدرجة أني معدتش شيفاك حتى إيمان اللي استغليت حبها ليك ضيعتها من أيدك.
توال هجوم أمل عليه ففجرت غضبه لا يصدق أنها تطاولت عليه وسلبته رجولته فصاح بها بحدة
.. أمل أنا بحذرك أنك تتمادي معايا ومش معنى أنك عارفة أن ليك معزة خاصة جوايا تطاولي عليا والهانم اللي بتزعقي لي علشانها هي اللي رافضة تعيش معايا طلبت الطلاق وسابت البيت ومشيت أنا لا طردتها ولا قولت لها تمشي وبعدين أنت مالك بيها هي دي مش إيمان اللي من كام ساعة كنت عيزاني أطلقها وأرميها وكنت بتذلي فيها.
أجابته بصدق بعدما وغزها الندم
.. كنت غلطانة والحمد لله لحقت نفسي أنما أنت طلعت ممثل عظيم لدرجة أني كنت هصدق تمثيلك عليا عموما أنا بتصل بيك علشان أقولك إن مراتك فخطړ تعبت وڼزفت وكلمتني والخط قطع ومعرفتش مكانها فياريت تعمل خاطر لأم بنتك وتنزل تدور عليها وتلحقها بلاش تدوس على كل حاجة يا خالد وبلاش تخسر نفسك زي ما خسړت كل اللي حواليك وأتمنى حقيقي أنك تلاقي إيمان وتهتم بيها قبل ما بابا وخالو وحازم يوصلولها لإن وقتها هتبقى خسړت حت.
لم تشأ ثريا أن تستمر محادثة ابنتها معه أكثر من ذلك فسحبت هاتفها من بين أناملها وصاحت بقلب مكروب تقول
.. أنا ثريا يا خالد ثريا اللي محاسبتكش على اللي عملته بنتها من كام شهر بس صدقني ورب العزة لو إيمان جرالها فأنا بنفسي هروح أقدم فيك بلاغ وهتهمك أنك خطڤتها واتجوزتها بالڠصب ودلوقتي تقوم زي أي راجل وتدور لي على إيمان وتسلمها لمحمد وبعدها مش عايزين نشوف وشك تاني فاهم.
أنهت ثريا الحوار وأغلقت هاتفها دون أن تترك له أي فرصة للرد عليها ووقفت تحدق بوجه ابنتها لا تدر لما انتابها خوف مضاعف عليها فاقتربت منها وربتت كتفها وسألتها
.. حبيبتي أنت بخير حاسة بحاجة يا قلب ماما طمنيني عليك يا بنتي أحسن أنا مش حمل ۏجع تاني.
هزت أمل رأسها لتدخل اطمئنان زائف إلى قلب والدتها وهمست
.. اطمني يا ماما أنا بخير صدقيني.
انهت أمل كلماتها ليعلو رنين هاتفها وما أن لمحت رقم إيمان حتى أجابت پخوف ولكنها عبست حين حدثها صوت رجل وسألها بتوتر
.. بعتذر من حضرتك بس الأنسة صاحبة الموبايل لاقيتها فاقدة الوعي على كورنيش النيل وأنا طلبت لها الأسعاف وقولت أشوف أخر رقم و.
قاطعته أمل بقولها
.. كتر خيرك بس لو سمحت كمل جميلك وقولي الأسعاف ودتها أنهي مستشفى.
أخبرها الرجل باسم المشفى وأنه سيرافقها لهناك شكرته وأغلقت هاتفها وأخبرتهم بحديثه معها وسرعان ما أبلغ أحمد والده بما حدث فطمأنه بأنهم على وشك الوصول إليها.
تهربت أمل من نظرات أحمد التي حاصرها بها وازدردت لعابها حين أعترض طريقها وطلب منها أن تجلس ليتحدث معها فانصاعت وجلست أمامه ليبادرها أحمد بقوله
.. أظن من هروبك أنك عارفة غلطك ومتأكدة أن حازم لما يعرف أنك اتكلمتي معاه هيزعل ولعلمك هيبقى له كل الحق أنه يزعل ويضايق. 
أومأت بأعتراف حزين وأردفت
.. أنا عارفة أني غلطانة بس بصراحة يا أحمد أنا مقدرتش أسكت كنت حاسة أن هيجرالي حاجة لو متكلمتش معاه وقولت له اللي جوايا كان لازم يعرف هو بقى عامل أزاي فنظرنا كلنا لعل وعسى يفوق لنفسه قبل ما يخسر أكتر من كدا.
انضمت ضحى إليهم ووكزت أحمد كي لا يزيد من ضغطه على شقيقتها وبادلت نظراتها بين وجه شقيقتها الحزين ووجه أحمد الغاضب وقالت
.. عموما لو محدش فينا جاب سيرة أنها كلمته مأظنش أن حازم هياخد خبر يعني هو مش صح أن أمل تخبي عليه بس منعا للزعل ما بينهم.
والتفتت ضحى وغمزت لخالتها نعمة وقالت
..
مش كدا يا خالتو.
رفعت نعمة حاجبها باستنكار وقالت
.. وأنا مالي يا ضحى وهو أنت شيفاني رويتر هروح أوقع بين الجدع وخطيبته ماشي يا بت ثريا لما يجي كبيرك هقوله وهو يشوف له صرفه معاك قال وأنا اللي قعدت اتحايل على محمد علشان يعجل بكتب الكتاب عموما أنا هسكت لجل عيون الواد الحليوة اللي قاعد جانبك والجدع التاني جوز بنتي أمل إنما لو على جوز ال ...
منعتها شقيقتها من سبهما وأدرفت
.. وبعدين يا نعمة ما خلاص بقى أنسى زي ما أمل وأحنا نسينا.
ضحكت نعمة بتهكم وقالت ساخرة
.. وماله يا أم قلب طيب أنا مش عارفة أنت هتفضلي طيبة لحد أمته أنت وبناتك ولا الخيبة أمل اللي أول ما سمعت صوت المسهوكة بټعيط نسيت كل حاجة وألحقوها دا أنتو هتجننوني معاكم وليهم حق الناس يفتكروا أنكم على نياتكم وساذجين ويجيوا عليكم.
هزت أمل رأسها بالرفض لكلمات خالتها وأردفت بجدية
.. بس الطيبة مش عيب يا خالتو وبعدين أحنا لما بنتعامل بنتعامل علشان ربنا وبعدين لو الناس موقفتش جنب بعض وعلقوا لبعض المشانق هنعيش فغابة أحنا لازم نرحم بعض وصاحب الحق ربنا هيرد حقه ويعوضه على صبره دا غير أننا كلنا بشړ خلقنا ربنا وهو سبحانه وتعالى اللي هيحاسبنا وبعدين يا خالتو هو أنا ولا ضحى أتعلمنا الطيبة دي من مين ما هي منك ومن ماما أنتو اللي زرعتوا جوانا التسامح والرحمة.
أوقفت أمل حديثها وخفضت رأسها بحرج ثم أضافت
.. أنا منكرش أني أندفعت وأتهورت لما فكرت أرد الأساءة بالأساءة بس الحمد لله لحقت نفسي قبل ما أغلط فحقنا كلنا ولما راجعت نفسي لاقيت إن تصرفكم مع إيمان كان صح الأب والأم عمرهم ما بيقدروا يقسوا على ولادهم وأنا مكنش ينفع أبدا أطلب منهم يرموها وهي ملهاش غيرهم.
ربتت ثريا وجنة ابنتها فالتقطت أمل يدها وقبلتها ليأتي تعقيب أحمد بقوله
.. أنا فخور بيكم وسعيد أنكم عماتي لإنكم كنز نادر وسط قبح الحياة. 
احتضنته نعمة فقبل جبهتها وأردف
.. تعرفي أنك أول واحدة سامحت إيمان لما وافقتي أنها ترجع تقعد فالشقة تحت رغم أن كان سهل ترفضي بس حضرتك اللي مش بتحبي تبيني طيبتك.
ابتسمت نعمة بحرج وقالت
.. وهو أنا هعرف أغلب ابن أمجد فالكلام ربنا يبارك لي فيك أنت والبنات وميحرمنيش منكم أبدا يا رب.
بعدما ساد الهدوء بينهم تعالى رنين هاتف ثريا فأجابت بتمهل قائلة
.. السلام عليكم.
أجابها صوت فتاة مهتز يقول
.. وعليكم السلام بعتذر من حضرتك بس هل الأستاذة ثريا معايا.
أخبرتها ثريا أنها هي لتهتف الفتاة بصوت حزين
.. أنا أسفة لأتصالي مع حضرتك الممرضة المسئولة عن الحضانة اللي فيها أمل بصراحة أحنا حاولنا نتصل بالأستاذ خالد ومدام إيمان معرفناش نوصل لهم.
تسلل الخۏف إلى قلب ثريا فسألتها بقلق
.. هو في حاجة يا بنتي بصراحة صوتك قلقني.
أخبرتها الممرضة بأسف
.. البقاء لله يا مدام ثريا أمل بنت مدام إيمان أتوفت من نص ساعة فياريت حد يجي علشان يخلص الأجراءات ويستلم الچثمان قلبي معاكم وربنا يلطف بمدام إيمان.
سالت دموع ثريا وأخذ لسانها يردد بحزن
.. إنا لله وإنا إليه راجعون لا حول ولا قوة إلا بالله.
حاوطتها ابنتيها وقد نشب القلق أنفسهم وسألتها نعمة بأهتمام
.. في أيه يا ثريا حد جراله حاجة.
أجهشت ثريا في البكاء