كان هناك شخص يقف وهو يسعد لمرائها
المحتويات
كتير ..
ودخلت اميرة حماتى بتحبنى مع انها مېته
ريم اسمها السلام عليكم الأول ..
اميرة السلام عليكم الاول ... وامسكى بنتك مش هخدها معايا فى حته تانى ... مابطلتش زن... وشكلها عملتها ..
ريم طيب تعالى ياموزتى ... نغير ونستحمى وناكل
آسر طيب وانا والواجب ...
ريم طيب تعالى بقا نطلع ونذاكر فوق وانا بأكلها
أدهم وانا نسيتينى
ام أدهم بالراحة عليها شويه كل واحد عايز طلبه الأول ... هاتى ريم انا هحميها واكلها وانتى يازفته شوفى آسر عايز ايه ... وريم اعملى الشاى لجوزك .
أدهم والله ياحجه انتى بتفهمى ..
ريم ههههههه ... ياسلام
أدهم اه طبعآ مش انا من مسئولياتك ...
ريم احلى مسئوليه فى الدنيا
ريم بأبتسامه طيب قوم ساعدنى نشيل الاكل ...
أدهم انت تؤمر ...
اميرة وهى تفتح باب الشقة صحيح الزواج تهذيب وإصلاح ... ده انت عمرك ماشيلت كوباية ميه
أدهم هجليك ... اتلمى ...
اميرة وعلى ايه امشى احسن ..
أدهم لريم عاجبك كده ...
اقتربت منه ريم ومسحت بإصباعها على وجهه مش انت حبيبى يبقى سيبك منهم
وشدها من يديها ... وأغلق باب الغرفة
وسندت ريم ظهرها على الباب انت عايز ايه ..
فحاوط ادهم ريم بذراعيه عاوز أتجوز
ريم هو سلق بيض ... مش لازم خطوبه
أدهم لأ انسى الكلام ده ... ده انا صابر بقالى كتيير
اوي .. وماصدقت قلبك حس بيا
ريم يعنى انت دلوقتى عايز ايه ...
ريم يعنى انت شايفنا فاضيين ... انت ناسى فرح اميرة
أدهم هو احنا هنحارب ...
ريم ياحبيبى مش لازم اكون مستعده ..
أدهم بس انا بحبك من غير استعداد
ريم فى داخلها تشعر بالخجل بالموافقة هكذا هى لا تعرف كيف توافق ولكنها تريد ان يجبرها أدهم بطريقة ما حبيبى خليها بعد فرح اميرة ... يكون عقلى كله معاك .
بحبك ... ومستعد استناكى العمر كله
ريم بحبك ...
فحملها أدهم ودار بها فى الغرفة ثم استلقى بها على السرير
أدهم روما ... ممكن طلب ...
ريم قول ياقلبى
فلعب انفه فى انفها ممكن تنامى جنبى من النهارده
ريم طيب آسر الوضع ده هيبقى غريب عليه ..
أدهم لو سأل نبقى نجاوبه ان ده الطبيعى وياستى بعد ماينام ابقى تعالى مش لازم وهو صاحي
أدهم من بكرة نجيبلها سرير صغير .. نحطه عندنا
ريم اذا كان كده ماشي .. يلا بقا قوم
أدهم لأ خليكى فى حضنى شويه .. عارفة انى حاسس انى بحلم ... ربنا مرة واحده كده ادانى حلم كان نفسى احققه
ريم الولاد
أدهم لأ ... انتى ... طول عمرى نفسى قلبى يدق زى مابيدقلك ... ان قلبى بيتخطف اول ما بتبصيلى .. ان أفضل مشتاقلك طول الوقت وما اشبعش منك ... فاكرة لما بقولك ربنا بيسبب الأسباب ... كنت بقصد نفسى ... ان فجأة ربنا عوضنى باللى اتحرمت منه ...
احس أدهم ببلل فوجد ريم تبكى ايه ياقلبى
ريم ده انا اللى ماكنتش متخيلة ان عوض ربنا يكون عليا كبير كده ... انا لو لفيت الدنيا مش هلاقى قلب زى قلبك ... وانا ربنا رزقني بأم تكون حنينه عليا ...
أدهم انتى هتقوليلى ... ده بسببك بحس انى مش ابنها ..
ريم ربنا يخليها ليا
أدهم امين ... ريم
ريم نعم ...
أدهم هو بعد الكلام الحلو ده نفسك ما اتفتحتش اننا
نتجوز دلوقتى
ريم وهى تقفز من حضنه هروح اشوف ريم
________________
مرت الايام التالية في تجهيز شقة اميرة كانت ريم واميرة يتسوقون يوميآ ... حتى جاء يوم الفرح وذهبت ريم واميرة لمركز التجميل ... طلبت ريم من مها التي كانت تساعدها فى شقتها القديمة ان تعاود للانتظام معها فى بيتها الجديد وطلبت منها الحضور للفرح لتأخذ بالها من ريما ...
بدأ العاملين في تجهيز اميرة وريم ..
كانت ريم قد اشترت فستان روز هادئ مع مفاجأة لزوجها ..
وعندما ذهبت لتلبس الفستان جلبت لها اميرة كيس لفستان آخر...
ريم ايه الفستان ده
اميرة ده جوزك جابوا هديه ...
ريم بجد افتحيه عشان أشوفه
اميرة بصى عشان مش ناقصه مشاكل انا هغمى عنيكى عشان هو مش عايزك تشوفي الفستان إلى وهو معاكى
ريم انتى عبيطة
اميرة يابنتى خليكى رومانسية للواد يطفش
ريم تصدقى عندك حق ... طيب تعالى واخلصى..
أنجزت ريم كل شئ ولم يتبقى سوى قصه الشعر فطلبت ريم من العامله شيئآ ...
وجاء أدهم ...ونظر إلى ريم و الفستان الذى فصل عليها تفصيلا
أدهم لو سمحت هو القمر مرتبط
ريم حبيبى شيل اللى على عيني ده ...
أدهم هو انتى تعرفينى ...
ريم أدهم بليز بقا ...
أدهم ايه ده هو انتى ريم ... شكلك متغير وزى القمر
ريم على اساس انى كنت وحشه ...
أدهم من العبيط اللى بيقول كده ... بس الححاب مخليكى ملاك ...
ريم شكلى حلو فيه بجد
أدهم بقولك ملاك. ... ده انا نفسي اخدك من ايدك وامشى واخبيكى من العيون
ريم مش للدرجاتى
أدهم هو انا فعلا مش عارف اوصف جمالك
ريم طيب يلا شيل اللى على عينى ... اختك خلتنى احلف بأمة لا اله الا الله ووعدتها انى استناك انتى اللى تشيلها .
أدهم هشيلها بس مش دلوقتى
ريم حبيبى بس انا مش هعرف امشى ...
أدهم بس كده ... وقام بحملها
ريم عااااا ... نزلنى ... الناس عيب كده ..
أدهم هو انتى شايفة حد ..
ريم لا ...
أدهم يبقى تخيلى انا وانتى وبس ...
وضعها فى السيارة وتوجهوا إلى القاعة ...
حمل أدهم ريم ثانيآ ... ودخل القاعة وهو يحمل زوجته ... وسط تصفيق الجميع
ريم أدهم ... انت جايبنى فين وأيه الناس اللى بتصفق ...
أدهم اصبرى دقيقة وهقولك ...
انزل أدهم ريم ... وخلع لها العصابه من على عينيها ..
فوجدت ريم نفسها فى وسط القاعة وحولها جمع من الناس وهى ترتدى الفستان الأبيض و ادهم يقف أمامها وهو يلبس التوكسيدو التى تعطى له الأناقة والرقى اللذان خلقا من أجله فقط ...
فهمس لها مبروووك النهاردة فرحنا
ريم طيب احبك اكتر من كده ايه ...
أدهم انك تحبينى على طول ...تسمحى تقبلى منى الهدية ديه ...
ريم ايه
ركض أدهم ناحية الدى جى والتقط المايك وابتدأ الغناء ... والرقص معها
وماله لو ليلة تهنا بعيد وسيبنا كل الناس .b
انا ياحبيبى حاسس بحب جديد مالينى ده الإحساس
وانا هنا جنبى احلى الناس انا جنبى اغلى الناس
حبيبى ليلة تعالى ننسى فيها اللى راح تعالى جوه حضنى وارتاح ديه ليلة تسوى كل الحياة ومالى غيرك ولولا حبك هعيش لمين حبيبى جاية أجمل سنين وكل مادى تحلى الحياة ...
ريم بحبك ياقدرى
انتهت الرقصة وجلست ريم وادهم وبدأ الجميع فى تهنئة العروسين .. حضر اهل ريم جميعا والعاملين فى المؤسسة واقتربت اميره لتهنئها
ريم ماشى بتضحكوا عليا ومفهمانى ان فرحك النهارده ...
اميرة لا انا فرحى كمان أسبوع ... وكله بترتيب جوزك ...
ريم جوزى ده مافيش منه
فقبل أدهم يدها ربنا يخليكى ليا
وابتدأ الجميع فى الرقص مرة آخرى كان أدهم يمسك يد ريم وآسر اليد الأخرى لايريد احد ان يتركها للأخر انتهى الفرح بسعاده ... فكانت
متابعة القراءة
