كان هناك شخص يقف وهو يسعد لمرائها

أدهم وعند عودته امام اللعبة قابلته فتاه وتنظر له بنظرات إعجاب .. 
الفتاه بدلع هو انت شارى ده عشان الميه .
أدهم إحم أه
الفتاة انت شاريه منين ... وشاور لها أدهم على المكان
كانت ريم واقفة وتنظر إليه والغيرة تأكلها حتى قررت الذهاب إليه .
ريم هو فيه حاجة
أدهم اه الآنسةكانت بتسأل على حاجة ...
الفتاة طيب عشان الدنيا زحمه ...ممكن تيجى معايا ..
ريم وحركت ادهم بجوارها تعالى انت هنا... يجى معاكى فين
الفتاة بدلع اشترى من ده ...
ريم وهى تخبطها فى كتفها يلا ياحبيبتى روحى لنفسك جوزى مش فاضى ... يلا ياحبيبى عشان الولاد مستنين ..
أدهم مبسوط للغايه من تصرف ريم الذي لا يعني سوى شئ آخر غير انها تحبه لذلك فليحاول ان يثبت أنه يحبها وبشده
ريم مالك مبسوط اوى كده فرحان ان واحده بتعاكسك...
أدهم لا طبعآ ... فرحان ان حبيبى بيغير عليا ...
ريم مين ده اللى بيغير ... ده عشان شكلك مايطلعش وحش قدام العيال ....
أدهم ماشي ... يلا بقا نركب ..
ريم لا هنروح ...
أدهم بس انا لسه عايز العب
ريم يبقى خليك يلا ياميرا يلا يا آسر
أدهم ههههههه ... طيب استنونى ...
ظل أدهم طوال الطريق مبتسمآ وېختلس النظرات إلى ريم .... وآخذ يفكر كيف يقنعها انه يعشقها ...
______________________________
كانت الحياة تمشى بهم ومناكفة أدهم لريم بعد ما تأكد انها تحبه ... وكانت ريم بغير قصد تظهر له ذلك الحب وخاصة فى مسألة الغيرة ....
حتى جاء يوم تعب أدهم للغاية ... وكان نائم يرتعش ... ذهبت ريم ليلآ لتطمئن على آسر كالعادة ... ومرت من امام غرفة ادهم ... ولا تعلم لماذا ولكنها دخلت للأطمئنان عليه ... ولكنها وجدته ينتفض ... 
وضعت ريم يدها على جبهته فوجدت حرارته مرتفعة ... فذهبت سريعآ واحضرت له كمادات ... ووضعتها له حتى نزلت الحرارة ولكنه ظل يتوجع 
فلم تعرف كيف تتصرف ...
فدخلت على الانترنت لتبحث عن أقرب دكتور وذهبت لاحضاره بالسيارة وأخذت ريم معها ... 
أحضرت ريم الطبيب وابلغها بأن لديه نزلةشعبيه حاده ... وان الحرارة كلما ذادت تخفضها بالكمادات... جلست ريم بجواره طوال الليل ...
وكلما يرتعش ينتقض جسدها وتسقط من عينيها الدموع ...
صدى صوت الحق ملأ الكون فقامت ريم لتتوضأ لتصلى ... وفى آخر ركعة اخذت تدعى لزوجها فصحى أدهم على صوت بكاؤها فأبتسم فى تعب ....
رجعت ريم مرة آخرى لجواره وجست جبهته وحمدت ربها... 
سمعت بكاء ريم فذهبت واحضرتها ..
ريم تحدث ابنتها ريما حبيبتي من غير عياط عشان بابا عيان ومش عايزة اسيبك لوحدك ومش هقدر اسيب بابا لوحده ... جلست ريم بجواره على السرير وابنتها فى حضنها .... وذهب أدهم فى السبات مرة آخرى واول ما فتح عينيه ابتسمت ريم في وجه ... فنطق ...
أدهم احلى صباح فى عمري كله ..
ريم انت كويس ...
أدهم هو ينفع أفتح عينى على ابتسامتك وما ابقاش كويس .... 
ريم لا بجد ..
أدهم لا الحمد لله .... 
ريم يستاهل الحمد ... ارتاح بقا عقبال ما اجيب الفطار ...
أدهم روما انتى مانمتيش من امبارح ..
ريم هروح أجهز الفطار ...
دخلت ريم عليه وجدته يحاول القيام ...
ريم انت رايح فين ...
أدهم مش عايز انام ...
ريم لا معلش .. افطر وبعد كده ادخل الحمام اتوضى وصلى وانت قاعد وبعد كده ادخل فى الاوضه الكبيرة عشان ماما اكيد هتطلع وكده ...
جلست ريم تطعم أدهم بيديها ...
أدهم مبتسمآ تعرفى ان ديه تانى مرة تأكلينى بآيدك ... 
ريم بحب بالهنا ...
استيقظ آسر ودخل لغرفة ريم
فلم يجدها فبدأ فى البكاء .....
ريم ده آسر بيعيط ... فركضت ريم للخارج ..
ريم آسر حبيبى ... 
آسر انتى كنت فين انا حلمت انك سبتيتى زى ماما .. ومش لاقيتك فى الاوضه ..
ريم ماتخفش انا هنا ... تعالى فى حضنى ... فحملته ريم وقبل أن تدخل لأدهم سمعت بكاء ريم فذهبت وحملتها ... ودخلت لادهم وهى تحمل الاثنين ... 
ريم شفت بقا حبايب بابى جايين يصبحوا عليه ...
أدهم احلى صباح ... اصبروا بقا اصوركوا ...
ريم لأ يا أدهم شكلنا وحش ...
آسر لا نتصور يا انطى ...
وبالفعل التقط لهم اكثر من صورة ... 
آسر انا جعان ...
ريم طيب يلا ناخد دش جامد ونغير هدومنا وناكل .. وريم كمان محتاجة دش ...
أدهم مش محتاجه مساعده ...
ريم لا ياحبيبى استريح واعمل انت كمان اللى قلتلك عليه ...
أدهم ماشى ياحبيبتى ...
ريم ههههه ... ماشي ... بس هى طلعت لوحدها
أدهم ماهو مافيش احسن من الحاجة اللى بتطلع لوحدها ..
وبعد ساعتين كان ام أدهم تجلس بجوار ابنها وتبكى و اميرة ايضآ ...
ام أدهم بقا كده يابنتى ماتقوليش وتجيبى الدكتور لوحدك 
ريم والله ياماما ماكنتش عايزة اقلق حضرتك ...
ام أدهم لأ زعلانه منك بجد 
فقبلت ريم رأسها لا عشان خاطرى ماتزعليش ..
آسر انطى تعالى شغلى الكارتون ...
ريم حاضر بس بأكل اختك واغيرلها واجيلك ...
آسر بصوت عالى لا ماليش دعوة دلوقتي 
ريم ايه يا آسر انت بتعلى صوتك ليه ... طيب عقاپ ليك مافيش كارتون واقعد ذاكر ومش عايزة اسمع صوت عشان بابا تعبان 
آسر مين بابا ..
ريم قصدى خالك ...
فأقترب آسر من أدهم هو انا ممكن اقولك يابابا 
أدهم طبعآ ... وتعالى اقولك على حاجة فى ودنك ..
آسر بفرحة بجد ..
ام أدهم قلتله ايه خليتوا فرحان ...
أدهم هتشوفى دلوقتى ... 
وقف آسر امام ريم ...
ريم بص كارتون انسى مش كل شوية تغلط وتقول اسف ... انت كبرت بعد كده فيه عقاپ ...
آسر بس انا بحبك يامامى مهما عملتي 
ري بس برده .... هو انت قلت ايه ..
آسر مش انتى بتحبينى تبقى مامى
فسالت دموع ريم واحتضنته بشده والله بحبك اوي زى ابنى ... لا .. انتى ابنى وبس ..
وريم من وسط دموعها انا بقيت ام آسر ..حبيبي ونور عينى ...
ريم بص بقا عشان لازم نتعاقب ... مافيش كارتون ... بس هندخل كمان شويه نعمل بيتزا انا وانت ..
أدهم وانا كمان 
ريم لا انت هتاكل شوربه خضار ... 
يلا ياسمسم 
آسر يلا ياماما...
فحملته ريم وقبلته احلى ماما من احلى آسر فى الدنيا تعالى بقا نشوف ريما ...
ام أدهم احسن حاجة عملتها فى حياتك ...
أدهم لا احسن حاجة فى حياتى انى اتجوزت ريم ..
ام أدهم اه والله يابنى ... أخلاق وحنية وأدب ..
أدهم ربنا يخليهالى ...
ام أدهم هبتدى اغير ...
أدهم ده انتى الأصل ياقمر
ام أدهم رينا يسعدكوا يابنى
البارت الخامس والأربعون
يجلس أدهم فى مكتبه وهو يفكر فى خطة ليجعل ريم تصدق انها تحبه هو فقط.... فقد اختبر معها الكثير من المشاعر التي تجعله يقسم انها تحبه ...
.
اما ريم فتجلس مع حماتها ....
ام أدهم ايه يابنتى انتى لابسه كده ليه ...كانت ريم تلبس تشيرت طويل واسفلة شورت 
ريم هعملك حملة نظافة .. 
ام أدهم لا ماتتعبيش نفسك ...
ريم ياحبيبتى كلها شهر وميرا هتتجوز فالشهر ده مش هنبقا فاضين ... 
ام أدهم طيب كنت قلتى انك ناوية النهاردة كنت جبت واحده تساعدك والبت اللى راحت عند صاحبتها ديه ...
ريم ما انتى شفتي ياموزتى خلتها تاخد ريم معاها ... وآسر هخلى