حب بلا ثمن للكاتبة المجهولة

اردف قائلا هكلم فياض واشوف وصلوا لحد فين.. وأخرج هاتفه واتصل بفياض انتظر قليلا حتي جاءه الرد
مصعب بتسأل انت وصلتوا لفين يا فياض
اجابه فياض احنا في الطريقة يا مصعب بس مش علي القصر..
عاقد حاجبه وهو يقول ليه يا فياض!!!! مش جاين علي القصر ليه!
فياض الآنسة حياة رفضت وأصرت أنها مش هتجي القصر.. وانا حاليا رايح عندي هخليهم يقعدوا في الشقة الفاضية اللي قصدنا لحد ما تشوف هتعمل ايه..

جز مصعب علي اسنانه من تلك الحياة ليقول بغيظ ماشي يا فياض..لو في حاجة ناقصهم كلمني.. سلام
وأغلق معاه والټفت لماسة ثم أسترسل قائلا متقلقيش يا ستي كله تمام بس للأسف واضح ان العيلة كلها قلبها اسود..
ماسة ليه بتقول كدا!!!!
مصعب حياة رفضت تجي القصر
ماسة بغيظ ما انا عارفها دماغها ناشفة.. ل تسترسل بقلق طب هما فين دلوقتي!
مصعب متقلقيش هما راحوا عند فياض.. عنده شقة فاضية في العمارة بتاعتهم هيقعدوا فيها..
زفرت ماسة براحة وهي تقول الحمدلله.. ده كأنه كان كابوس.. ثم اردفت بامتنان متشكرة أوي اوي علي وقفتك معانا..
مصعب انت زوجتي ومسئول مني ومفيش بينا شكرا..
وصل فياض امام العمارة التي يسكن بيها وهو يصتحب حياة وأمنية.. وفي تلك الفترة أثناء قدومهم كانت تنظر له حياة بغيظ لا تعرف لما تشعر بالضيق تجاهه برغم إنقاذه لها ولكنها أقنعت نفسها أن ذلك الشعور سببه أنه يأتي من طرف مصعب..
فياض بجدية اتفضلوا .. احنا وصلنا..
حياة بغيظ مش تفهمنا الأول احنا وصلنا فين أنت سحبنا كدا وخلاص..
نظر لها فياض ببرود ثم اردف هو انت مش سامعني وانا بكلم مصعب وبقوله إن انتم هتقعدوا في الشقة الفاضية اللي قصدنا ولا الفهم عندك صفر..
اندفعت حياة قائلا بغيظ ماتحترم نفسك يا جدع انت.. انت بتتكلم معايا كدا ليه.. وبعدين فهم ايه اللي عندي صفر يابابا !!!!!! ثم اردفت بتابهي انا في كلية طب يعني الذكاء كله..
فياض بسخرية مش باين يعني..
احست
أمينة بجو المشاحنة بين فياض وحياة فلكزت حياة وهي تقول بتوبيخيا بت عيب ايه اللي بتقوليه ده الراجل واقف جانبنا وبيساعدنا ..ثم نظرت لفياض واردفت بأسف معلش يا بني متزعلش منها هي كدا مدب في كلامها بس قلبها ابيض والله..
فياض وهو ينظر بغيظ لحياة واضح يا حجة..
تأففت حياة وهي تنظر له أيضا بغيظ ومن ثم ترجلوا من السيارة وصعدوا الي أعلي متوجهين الي شقة فياض..
بعد مدة وصلوا أمام شقة فياض ومن ثم طرق الباب..
فتحت له سميحة و رمقت حياة وأمنية باستغراب..
احرجت حياة وأمنية كثيرا من نظرة أم فياض..
سميحة فياض!!!!
نطق بمعني ذات مغزي ايه يا امي هنفضل مواقفين الضيوف كدا كتير!
سميحة بإرتباك لا يا حبيبي ازاى ثم وجهت نظرها لأمينة وحياة واردفت بترحيب وضحكة بشوشة أهلا أهلا اتفضلوا يا جماعة..
دخلوا الي غرفة استقبال الضيوف وجلسوا في توتر واضح عليهم
سحبت سميحة فياض واردفت بهمس مين القمر الصغيرة دي ! ومين اللي معانا دي كمان! فياض انت اتجوزت من ورايا يا واد ولا إيه!
فياض بهمس قمر فين دي!!!! ثم نظر لحياة بغيظ قولي شمس نجوم مش قمر..
فهمت الاخري أنه يحاكي والدتها عنها ومن الواضح أنه يقول شىء ما لا يريحها لترمقه هي الاخري بغيظ
فياض بصي يا سوسو علشان بس دماغك متحدفش كدا ولا كدا .. دول يبقوا أم واخت زوجة مصعب الألفي وهما واقعين في مشكلة وانا بساعدهم وهفهمك التفصيل بعدين علشان عيب احنا سايبن الناس وبنتكلم كدا..
سميحة بتفائل حلو اوي.. ثم نظرت لحياة واردفت في سرها يبقي دي العروسة اللي انا اختارتهلك يا فياض علشان تنسي زفتة الطين وتركته وذهبت حتي ترحب بامينة وحياة..
فهم فياض نظرة والدته لحياة ثم اردف بغيظ بصوت هامس لنفسه انا عارف تفكرك يا سوسو .. هي أيام سودا انا عارف..ودخل هو الآخر عند حياة وأمنية..
سميحة بأبتسامة بشوشة والله انتوا منورنا يا جماعة
أمينة ده نورك يا حبيبتي.. معلش بقي احنا طبنا عليك كدا من غير مقدمات بس الظروف حكمت بكدا..
سميحة أوعي تقولي كدا.. ده انا مبسوطة والله أنكم هتقعدوا معانا هنا علي الأقل ألقي حد يسليني بدل الوحدة اللي انا فيها دي..
فياض وحدة ايه يا سوسو امال انا روحت فين!!!!
سميحة مش قصدي يا حبيبي بس انت علي طول في الشغل وانا بزهق من القعدة لوحدي.. ثم نظرت لحياة واردفت قائلة إلا قول لي انت اسمك ايه يا قمر
حياة برقة اسمي حياة يا طنط
نظر لها فياض واستغرب من رقتها وأردف في داخله ما انت رقيقة أهو امال ليه بتقلبي معايا زي القطة الشرسة..
أكملت سميحة وهي تنظر لحياة اسمك حلو اوي يا حياة وياتري عندك كام سنة
حياة عندي ٢٢ يا طنط..
سميحة انت في كلية ايه يا حبيبتي وقدمك كام سنة وتخلصي!
أحس فياض أن والدته إذا تمادت في الحديث سوف تقوم بطلبها الجواز له ليقوم بابتسامة من بين أسنانه احم.. ايه يا سوسو كل الاسئلة دي يا حبيبتي انت هطلعها بطاقة ولا إيه!!..
احست بالغيظ الشديد منه لتقول بعناد انت مالك انت أصلا ثم وجهت نظرها الي سميحة وهي تقول اسئلي يا طنط اللي حضرتك عايزاه.. ثم نظرت لفياض برفعت حاجب وتحدي وهي تقول بتباهي انا يا طنط في كلية طب ودي يا طنط بيدخلوها الأذكياء فقط .. وفاضل لي سنتين تدريب وابقي دكتورة قلب..
بادل نظرتها بأخري ولكن بتوعد وهو يقول في خلده وحياة امي لكسر غرورك ده ثم اردف موجها الحديث إليه قائلا بسخرية ربنا يستر علي المړضي اللي هيقعوا تحت ايدك
حياة بغيظ ليه بقا إن شاء الله
أمينة وسميحة نظروا لبعض وابتسموا من منائرة فياض وحياة ثم هتفت سميحة بصوا انتوا هتناموا عندنا النهاردة لحد ما نوضب الشقة اللي هتقعدوا فيها من التراب
أمينة ماشي يا حبيبتي اللي تشوفي..
فياض طب واضح كدا أنكم اتفقتوا اخلع انا بقي..
قال كلمته وأستاذن منهم متوجها إليه غرفته..
أما سميحة وأمنية وحياة أخذهم الحديث وكأن بينهم معرفة قديمة
في مكان اخر

________________________________________
بالتحديد في شقة كبيرة فخامة كان نائم وهي تتوسط احضانه..
لتقول هيهنتجوز رسمي أمتي يا علي
علي السباعي مش وقته الكلام ده ومتطلعنيش من المود
...........انا زهقت بقي انت وعدتني أننا هنتجوز قريب
علي يوووووه انتي مصرة تنكدي انا ماااااشي
.........خلاص خلاص انا أسفة بس متبعدش عني انا مقدرش أعيش من غيرك انا بحبك اوي يا علي..
علي بمكر انا كمان بحبك يا روحي......
ناسين أن الزواج أساسه هو الأشهار وأن ما يفعلاه ما هو إلا علاقة محرمة بكل ما تحمل من معني..
الفصل الحادى عشر
تشرق شمس يوم جديد فتحت عينها لا تري شئ ولكنها تشعر أن مكانه فارغ ملست بيدها وجدت الفراش فارغ وهو غير موجود..سمعت دق الباب اعتدلت في جلستها وهتفت ادخل
دخلت رهف بابتسامة الجميل عامل ايه النهاردة
ماسة انا كويسة يا حبيبتي بس ادعلي أن ربنا يخرجني من اللي انا فيه ده لأن إحساس
انك تبقي شايفة كل حاجة سواد ده إحساس وحش اوي
رهف بحزن بدعيلك والله يا ماسة أن شاء آبيه مصعب مش هيسكت وهيعرضك علي أكبر