كتبنا الكتاب

ذلك مش بقولك وافق. بقولك قابله مش هتخسر حاجه خالص. 
....
وماتفهموش بقي النصيب وللا إيه. لأننا حسينا أن محمود بدأ يلين فعلا. ودى لوحدها تعتبر معجزة. 
قالى لو كلمك اديله رقمى وخليه يكلمنى وما تتكلميش معاه فى أى حاجه. مفهوم 
وماما ولا كأنها كانت رافضه تماما من كام ساعه. أول ما أختى بدأت تتكلم ماما على طول بقت بتوافقها على كلامها. الأمهات دول والله محدش يقدر يفهمهم أبدا.
....
تانى يوم الصبح قبل ما أنزل لقيت رقم غريب بيتصل. 
طبعا حطيت احتمال انه يكون هو اللى بيتصل. حاولت اتلم على اعصابى ورديت 
السلام عليكم ورحمة الله وبركاته 
ياربى على لهجته دى. ...وعليكم السلام ورحمة الله وبركاته. 
د خديجة .مش كده 
_. .أيوه مع حضرتك. 
. ...بصراحه يا دكتوره انا ماكنتش عايز اكلمك انت على طول كده بس هو د شوقى اللى اقنعنى. انا حابب يبقي كلامى مع وليك على طول 
وليي 
_ أقصد اخوكى يعنى. هو أنا مش متشدد للدرجادى وبكلم زميلاتى والطلبه البنات عادى. بس حاسس إن فى موضوع الجواز ده بالذات ماينفعش اتكلم معاكى غير لما يبقوا أهلك عارفين. 
....أنا حكيت ل محمود. 
كويس. 
هو وماما بس يعنى. ..أقصد حكاية البلد المختلفه وكده. 
مفهوم طبعا. طيب ممكن تدينى رقمه عشان اكلمه 
آه طبعا. انا استاذنته وهو وافق اديه لحضرتك.
...وقفل. .
هو إيه اسمه ده !
مفيش أى كلمتين كدهون..
ومحمود اداله معاد. واتصل محمود وقالى إنه جاى انهارده عندنا. 
وأنا معدتى بدأت تقلب من دلوقتى من كتر التوتر. 
الموضوع شكله قلب جد وللا إيه !
روحت الكليه وأنا مش عارفه هشوفه واتعامل معاه اذاى. 
بس الحمد لله خالد سهل عليا الموضوع خالص. ماجاش اصلآ يومها ..
ما علينا. ..
طبعا محمود أكد علينا كلنا محدش فينا يخرج خالص للصاله طول ما خالد موجود فالبيت. وفضلنا انا واخواتى نتصنت عليهم من ورا الباب. .
خالد كان جايب معاه كذا حاجه كده. واضح إنهم من محل حلويات. 
حطهم على الترابيزه وقال 
هى الدكتوره المفروض في يوم ذى ده تتهادى ب الدهب. بس انا بصراحه مارضتش أجيب دهب عشان ماتفهمنيش غلط 
انا عرفت بعد كده إن فعلا كتير من السعاوده ب ياخدوا معاهم حاجه دهب للعروسه فى أول زيارة. بس اصلا هم بيبقوا رايحين للعروسه وهم شبه متأكدين إن الموضوع هيتم. لأنهم غالبا ب يبقوا قرايب فى بعضيهم كده. .
محمود ماسابش حاجه اللا وكلمه فيها 
بس بدأ كلامه ب إنه صعب يجوز أخته لچنسية مختلفه وتروح تعيش كده بعيد عنه طول عمرها. وولادها بقي يبقوا من چنسية تانيه وقصة طويله. ...
_ معلش يعنى يا دكتور خالد.
اشمعنى خديجه بالذات 
و ليه مصريه كان ممكن يعنى تتجوز من عندكم 
.......هو أسباب كتير. وفى منها مش هقدر اوضحهولك أوى. عندنا الوضع مقفل خالص عن هنا. يعنى البنات غالبا مش بنشوفهم ولا نعرف طبايعهم بسهوله. لازم تبقي البنت من عيلتك عشان تبقي واثق فيها كويس. ده رأيي انا الشخصي. بس عيلتى بقي تقريبا معظمهم رجاله والبنات فيها مش كتير. والكبار منهم اتجوزوهم ولاد عمامى أو خيلانى. وأنا بصراحه بردوا مابفضلش الجواز من البنات الصغيرين. يعنى اللى هم 18 و و سنه دول. مع إن المعظم عندنا بيتجوزوا البنات فالسن ده. بس انا تفكيرى مختلف شويه. 
وأنا قابلت الدكتوره خديجه. آه ما تكلمناش سوا ولا قضينا فتره طويله سوا فالشغل. بس ماشاء الله التربيه بتبان. وبردوا تقدر تقول انى استريحت من ناحيتها. حسيت بقبول يعنى. 
وأنا تقدر تقول انى انتقائى شويه فى اختياراتى. و معلش. بس بيهمنى موضوع الشكل والهيئة العامة في العروسه 
. .................و أهل حضرتك هناك مش هيعترضوا 
محدش له حق الاعتراض غير ابويا وامى. وهم اصلآ كبروا ومش عايزين غير أنهم يشوفونى متجوز ومرتاح وعندى عيال. انا واختى فهمنا منه دلوقتى انه مش متجوز هناك 
وأنا كنت ناوى اقولهم انهارده قبل ما اجى. بس قلت استنى عشان لو لا قدر الله مفيش نصيب يبقي ما فرحتهمش عالفاضي. 
.......والتعداد يا دكتور. آسف يعنى. بس دى حاجه مشهوره عندكم أوى. مين يضمنلى انك مش هتتجوز عليها 
.......أكيد محدش هيعرف يضمنلك الموضوع ده. ولا حتى لو هى اتجوزت واحد مصرى. هو مش هيقدر يضمنلك انه مش هيتجوز تانى. ده نصيب يا باشمهندس ومحدش بيعرف الغيب غير الله. 
بس اقدر اقولك انى واحد وصلت ل سنى ده وأنا لاقى صعوبه أنى اختار زوجه واحده. يعنى أعتقد صعب انى لما اتجوز أفضل ادور تانى عشان اتجوز تانى. 
وأنا اصلا مش من الناس اللى بتفضل التعداد. يكفينى زوجه واحده بإذن الله تتقى الله فيا وفبيتى وعيالى. وعندى شغلى فالمستشفى الخاص واخد كتير من وقتى غير الجامعه. 
وعايز اقولك إن ابويا مش متجوز غير أمى. لا اتجوز قبلها ولا بعد ما اتجوزها. 
واخويا أصغر منى ب سنه. متجوز بقاله 7 سنين. ومافكرش يتجوز على مراته ولا بيفكر يعملها بعد كده بإذن الله. 
واخواتى البنات اجوازهم مش متجوزين عليهم. 
عايز اوصلك يعنى إن مش كل السعوده بيعددوا. 
وأنا لو عايز أعدد ماكنتش هدقق أوى وأنا بختار عروستي. كانت أى واحده وخلاص على اعتبار انى ممكن اتجوز غيرها لو ماعجبتنيش. 
لكن انا إخترت طبيبه. وحابب اقولك كمان انى ممكن لما ظروف البيت تسمح اخليها تنزل المستشفى يومين فالاسبوع. بس طبعا هنحتاج نغير تخصصها. ممكن تاخد نسا عشان تبعد عن الرجال. 
خديجه الصغيره. يعنى هيبقي صعب أخدها من أمها وتبعد عنها كده وماتشوفهاش غير كل كام سنه مره. 
معاك حق. بس هى ممكن تتجوز مصرى وتسافر معاه يشتغلوا. وأنا أعرف مقيمين عندنا مش بينزلوا مصر أجازه غير كل 3 سنن. وفى منهم اكتر كمان. لكن انا أوعدك إنها هتنزل ليكم كل سنه بإذن الله وأنا هكون معاها. 
وفضلوا يتكلموا بنفس الطريقة كده فتره طويلة. زهقنا انا واخواتى من كتر ما طولوا. 
محمود اخد بياناته بالكامل. وطلب منه إنه هينزل معاه وهو مروح ويصور الباسبور. 
إحنا اتفاجأنا من طلبه. وتوقعنا إن خالد هيضايق ويسيبه ويمشي. بس خالد وافق على طول ومامانعش..
خالد سأله إن كان فى موافقة مبدائيه وللا لأ. 
محمود قاله إنه لسه هيتكلم مع اخواته ومامته واعمامه. 
وقاله كمان انه هيحاول يسأل عنه وعن عيلته فالسعوديه.
وبعد كده محمود سأله عن مكان سكنى 
يعنى هى بقي هتبقي عايشه فى نفس البيت مع اهلك 
انا بانى شقه فوق بيتنا. يعنى واخده مساحة البيت كله. أصل بيت ابويا كبير. حاجه كده ذى فيلا دورين عندكم بس مبانى ونظام سعودى. 
واخويا كمان مش عايش مع أهلى. عايش فى بيت لوحده. 
........
انا المفروض بدفع مهر للعروسه بإذن الله. وهى بتتاقل ب الدهب. بس انا لو حصل نصيب ووفاق. هطلب منك تختار شقه هنا فى مصر تناسب العروسه وتعجبها. وأنا بدل المهر هشترى الشقه دى ب إسمها. وتكون مكان ليها هنا فى مصر. ومؤخر صداقها هسلمه ليها بعد
الډخله بإذن الله. 
ومن غير نظرتك دى يا بشمهندس. انا مش بشتريها ب فلوس ذى ما بيظهر عندكم فالافلام. ده حقها. والمهر والمؤخر بيبقوا على مستوى ما الراجل يقدر. وأنا الحمد لله ربنا مدينا القدره دى. و مقام مراتى هيبقي من مقامى. يعنى