كتبنا الكتاب

اكيد مش محتاج حد يفهمه إن الراجل هو المسؤل عن نوع الجنين. وإنه مكتفى بيا تماما. وإنه بيحبنى وماعندوش إستعداد يعيش مع حد غيرى ولا يقسم حياته ووقته على حد تانى معايا. 
بس انا عايشه هنا بقالى اكتر من 6 سنين وعارفه الوضع. 
غير مامته وأخواته وباباه.
عايزه اقولكم إن باباه ده طيب جداااا. 
برغم إنى اول ما وصلت هنا ماشفتوش غير بعدها ب أيام. 
بس لما عرفته وعاشرته حبيته جدا. 
وأقدر اقول انه اكتر واحد متقبلنى هناك بينهم.
ومع ذلك طبيعتهم هنا وحياتهم وطريقتهم وأفكارهم بيخلونى ابقي شبه متأكده انه فى يوم ممكن يتجوز تانى. 
ممكن يحصل لما يلاقينى جبت بالفعل اطفال كتير وخلاص مش هقدر ولا هرضي اخلف تانى.
و دى مشكله تانيه بتواجهنى. 
كثرة الخلفه. 
انا بإذن الله بعد ما أولد هيبقي عندى
4 بنات ربنا يحميهم. بس للأسف هفضل أفكر فالخلفه لحد ما أجيب ولد أو لحد ما اتعب. 
حتى لو خلفت 10 بإذن الله. 
والحمد لله انى بولد طبيعى. 
آه صحيح انا مش بتعب أوى معاهم عشان الحمد لله خالد موفرلى اللى بيساعدونى طول الوقت. بس فكرة انى عندى اطفال كتير كده مضيقانى جدا. 
وأرجع أفكر مع نفسي إنى اتغيرت وبقيت واحده تانيه. حتى أفكارى ودماغى اتغيروا
مشكله تانيه بتقابلنى وهى انى حاسه انهم لحد الآن لسه مش قابلنى بينهم أقصد مامته وأخواته. 
مقدرش أنكر انهم بيعاملونى كويس وعمرهم ما وجهولى كلمه وحشه. بس بيجنبونى فى معظم الأوقات. 
يعنى عمرهم ماعتبرونى واحده منه. 
بيعاملونى كانى ضيفه. بمنتهى الاحترام والحذر. 
و دى طبعا حاجه مجننانى. وخصوصا إنى من الناس اللى بتعتذ بنفسها جدا. ....
رساله من صاحبة القصه 
السلام عليكم ورحمة الله وبركاته. 
انا قريت كل تعليقاتكم تقريبا. وبشكركم على كلامكم سواء المدح أو النقض. 
ومبسوطه جدا بالتجربة دى تجربة انى احكى قصة حياتى كده 
ومبسوطه والله إنها عجبتكم. 
حابه اطلب منكم تدعولى ب امانه. 
انا فعلا معظم الوقت مخنوقه. 
مش قادره استمتع بالنعم اللى ربنا رزقنى بيها من كتر الخنقه والقلق. 
وادعولى ربنا يزود حبى فى قلب جوزى ويهدينى ليه ويهديه ليا. 
وادعولى ربنا يرزقنى ب ولد المره اللى جايه بإذن الله. 
ادعولى بفك الكرب وزوال الهم 
ماما بتقولى انى محسوده أو الشيطان مآثر عليا جامد. بس انا فعلا محتاجه دعواتكم جدا.
د ايمان بعد ما عرفت كل قصتي سألتني إن كنت ممكن آخد نفس القرار واتجوز خالد لو الزمن رجع بيا تانى 
انا بحبه جداااااا.
وبقي هو عندى احسن من كل الرجاله. 
وأنا دلوقتى مقدرش استغنى عنه ولا عن حبه وعيشتى معاه. 
بس لو رجع بيا الزمن تانى مش هوافق ولا هتجوزه. 
اصلآ مش هتجوز خالص. لأنى فعلا مش هلاقى حد ذيه. وأكيد بعد ما جربت عيشتى معاه ودلعه ليا وأخلاقه ومعاملته. عمرى ما هقبل ب أى حد يعيشنى فى جو مختلف أو بمعاملة مختلفه عن معاملة خالد. 
ف أفضل انى ماتجوزش خالص. 
لأن فعلا حالة القلق والړعب والخنقه اللى انا حساهم ماثره عليا جامد. وباجى على نفسي بكل طاقتى عشان أخلى خالد مايحسش ب أى حاجه. .
وشكرا ليكم. معلش طولت عليكم.
تعدييييييييل
خديجة عرفت إنها حامل فى ولد مش بنوتة وولدته الحمد لله بالسلامة وطبعا هى كانت مش مصدقة من فرحتها.