كتبنا الكتاب

حياء كانوا باقيين عندى هم اللى كانوا بيساعدونى اصمد قدامه.
...
اخواته البنات. ..
كان بينا كلام على فترات طول الشهرين. 
كلام عادى .أقصد إننا ماتصحبناش ولا حاجة. بس كنت حساهم طيبين. 
وكنت كل فتره اقول لخالد يتصل فون بلاش نت عشان يدينى مامته اكلمها. لأنى كنت بحس إن دى حاجه بتفرحه أوى 
وبردوا ماكانش بينا انا وهى غير سلامات وكده.
خالد كان بيحكيلى عاللى بيحصل فالشقه على طول ووصلت لحد فين فالتجهيز. ..
كان الفرح بيقرب وأنا كنت بټرعب بزيادة من فكرة انى مسافره لوحدى بعيد عن اهلى. 
آه وجود خالد مطمنى بس ماكنتش بقدر أنسي خوفى ده. .
وكل ما أقول لخالد كده و احكيله عن خوفى وقلقى يقولى كل ماتحسي إنك قلقانه أو خاېفه تخيلى نفسك فى حضنى. كل الخۏف هيروح 
معرفش انا ماله ده والله. شكله عنده عقده بخصوص الموضوع ده بالذات. مفيش مناسبه ولا حوار بينا اللا ويحط فيه الكلمتين بتوع حضنى دول. كان مالى انا ياربى ومال الهم ده.
.....
طلع روحى عشان اعمل أجازه طويله من الشغل. 
كان أسهل انى استقيل بس محمود مارضيش. 
قالى مفيش استقالة عشان محدش عارف المستقبل فيه ايه. محمود تقريبا طول الوقت واثق انى هرجعله مطلقه. كان قلقان طول الوقت. وكل كام يوم ييجى يلومنا إننا اقنعناه يوافق. ..
الحمد لله لقينا شقه كويسه بس عالطوب. محمود قال مش مشكله. حلوه. 
واشتريناها وطبعا ب اسمى.
حجزنا فى دار مناسبات فالقاهره. طبعا حجزنا قاعتين عشان هيبقي فرح منفصل. 
وبما إن مفيش شقه جاهزه نقعد فيها. ف بعد مشاورات وحوارات لغينا فكرة شرم. 
خالد هيحجز فى فندق فالقاهره نقضي فيه كام يوم بعد الفرح قبل ما نسافر. .
ووعدنى انه هيعوضنى برحلة حلوه .
وصل خالد قبل الفرح ب 3 ايام. 
ومحمود طلع روحه ومارضيش انه يقابلنى قبل الفرح. خالد كان هيتجنن .وكان قرب يصدق فعلا إن محمود قاصد يضايقه. .
مفيش حد جه مع خالد غير واحد صاحبه. قال انهم بيجهزوا هناك عشان الفرح اللى هيتعمل هناك.
ليلة الفرح تعمدت ما اردش على اتصالاته وبقيت مقضياها رسايل معاه 
اصلى كنت متأكده طبعا انه مش هيعتقنى الليله دى. وهيزود جرعة قلة الأدب بتاعته. .
وكمان ماما كانت عندى ليلتها وبلغتنى إن محمود قالها تأكد عليا إن الډخله تتم فى مصر. ومش تتاجل لأى سبب حتى لو خالد هو اللى طلب. 
كلامها وترنى وكسفنى وخوفنى وجننى بصراحه. هم مالهم ب يتكلموا عن الډخله ببساطه كده. مش يراعوا اللى انا فيه! !
فقلت مش هعرف اصمد قدام خالد فالتليفون وأنا حالتى سيئه كده.
برغم انه فرح منفصل بس لبست فستان مقفول وطرحه عادى .ماحبتش فكرة انى أقوم ألبس واتغطى كل شويه وكده. واتصورنا انا وخالد مع بعض كتير اووى.
وخلص الفرح الحمد لله. واخدنى خالد عالفندق بعد واصلة عياط محترمه بينى انا وماما. ..
....
......
دخلنا الاوضه من هنا وأنا مسكتنى حالة الجنان من هنا. 
أخدت ايدى اللى شبطان فيها طول الوقت دى وروحت قعدت على كرسي فى اخر الاوضه.
وهو واقف يبتسم ورايق أوى حضرته. 
بقيت عماله افرك فى ايدى وأبعد عينى عن ناحيته خالص.
خالد إحنا متخاصمين 
أهون عليكى يا دودو تقابلينى كده بعد شهرين غياب! !
ماوحشتكيش طيب 
............
_ اهو انا بقي كنت عايز اجهزك للحظه دى وقت مكالماتنا. بس انت ما ادتينيش فرصتى وكنتى بتصدينى. نفعك فى ايه بقي الكسوف دلوقتى اديكى قاعده ذى البطه
اهه.
خااااالد.
ايوووه. كويس انك فكرتينى. 
و أول ما بدأ يقرب اتنفضت وقمت وقفت. بصوا معرفش انا كان مالى. بس كنت فى قمة التوتر والړعب تقريبا ...
_ خديجه مالك
ليه كل ده 
. .أنا خالد جوزك وحبيبك كمان. وإنت حبيبتى وطبعا إنت عارفه انى مش هحاول اضايقك ولا أأذيكى. .
..لأ. .مش قصدى كده والله. .بس.... ......
مش مهم خلاص. .
انا حاسس بيكى. .....
بصي .انا هاجى اخدك في حضنى بس مش اكتر. ممكن 
_. ............
واخدنى فى حضنه. وفعلا بدأت أهدى شويه. ما هو أصل الطقس مائل للحرارة فى حضنه الغريب ده...
وطبعا هو بدأ مايكتفيش ب الحضن ده. 
سبته وبعدت عنه .وواضح إن وشي كان باين عليه الړعب. لأنه جه اخدنى من ايدى وقعدنا سوا عالكنبه. ..
ممكن أفهم مالك بقي 
مش معقول الړعب ده كله بسبب الخجل بس! 
_.........معلش يا خالد. بس بجد انا نفسي مش عارفة مالى. ...
حط ايده على راسي. تقريبا كان بيرقينى. فضل كتير يقول ادعيه وآيات قرآن. ..هديت شويه ...
اهدى خالص. وماتفكريش فى حاجه. .....
اقولك. إحنا هنسهر سوا ونتعشي و.....ممكن اتجرئ واخدك فى حضنى وأنا نايم مثلا وبس. لحد ما انت تهدى خالص . انشالله نستنى شهر كمان. ايه المشكلة !!
أى حاجه بس ماشفش الخۏف والقلق ده كله يا خديجه وكأنك ماعرفتنيش خالص ومش مطمنالى أبدا. .
.......طبعآ لما قال كده افتكرت كلام ماما ومحمود. وشكيت انه ممكن يكون اتبسط عشان هنأجل ذى ما هو عايز. وطبعا محدش عندنا هيعجبه الكلام ده. اعمل انا ايه دلوقتى و اقولهاله اذاى. واصلا اذاى اناقشه فى حاجه ذى دى .ده أنا أموت احسن بس مانطقش الكلام ده قدامه . ربنا يسامحكم كلكم عالموقف اللى انا فيه دلوقتى ده.....
_ خديجه 
. ..نعم 
سمعتيتى ...خلاص اتفقنا 
_. ............أصل. ....يعنى عشان. ..ااا............ماما ومحمود. ..كانوا قالوا يعنى إن. ....يعنى هم قبل ما نسافر قالوا إننا. .......اووووووف....استغفر الله العظيم. ....
.....قصدك اتفاقى مع محمود على الډخله. صح 
. ..............زلزال بقي أو حريق أو أى حاجه فالموقف الهباب ده ياربى المهم انى اختفى من قدامه بس ....
.....أنسي كل ده خالص. وماتفكريش فى حاجه ذى ما قلتلك .إحنا مش هنمشي فى موضوع ذى ده بمزاج حد. ..سيبى كل حاجه تمشي بطبيعتها. وأنا عادى حتى لو اضطريت أمد الاجازه ونفضل هنا أيام زياده. 
........برغم إن أول كلامه خوفنى. بس دلوقتى ارتحت خالص. وكأن هم كبير واتشال. ......
آه بس انا هعمل كده بمقابل 
...مقابل ايه
_ يعنى نقول مثلا. ...رقصه حلوه.
نعم.. اذاى يعنى ! !!
إيش 
رقصه. إنت ترقصيلى وأنا مجهز اغانى حلوه 
لأ طبعآ مستحيل 
ومستحيل بردوا انى اتنازل عن انك ترقصيلى 
ده مچنون ده وللا إيه. ....طيب تعالى نرقص سلو. ..يعنى رقصه هاديه كده مادام مارقصناش فالفرح. .
ماشي. طلباتك أوامر. بس بعدها هترقصيلى. .
....
.......
ووصلنا ل حلول وسط الحمد لله فالاخر.
وعدت الليله وبعدها بيومين عقدتى اتفكت الحمد لله. والدنيا مشيت.
بس عايزه أنصحكم نصيحه لوجه الله للى ناويه تتجوز واحد سعودى. أهم حاجه عند معظمهم هو الرقص آه والله خالد مثلا الرقص عنده أسلوب حياه. 
....
.........
خالد حنين. وصبور بطريقه تنقط. بس من النوع اللى يصبر ويفضل ورا اللى هو عايزه ويعمله فالاخر.
الجزء 8
الاخير. ....
وهاتلى قلب لا داب ولا حب 
ولا انجرح ولا شاف حرمان أم كلثوم 
كان أسبوع جميل. 
اقدر اقول ان خالد شخص رومانسي فعلا مش ذى ما كنت متخيله خااالص. 
وصبور و مراعى فى التعامل جدا.
كنت بكلم اهلى كل يوم 
وآخر يوم ليا فى مصر جهزنا الشنط. وأنا كنت مجهزه بقية شنطى فى بيت بابا. 
روحت انا وخالد عند ماما. 
وكانوا اخواتى كلهم موجودين. 
قضينا اليوم مع بعض لحد العصر. 
وبعدين طلعنا على المطار. طبعا بعد واصلة عياط رهيبه.
قبل ما أمشي لقيت ماما بتدينى فلوس. وقالتلى