كتبنا الكتاب

.وكمان واضح أنك فاهمنى غلط تقريبا. اللى انت بتوصفه ده فيا أنا! !.احتمال بردوا.........
_ أنا بقي كان نفسي نكتب الكتاب قبل القعده دى عشان أعرف اكلمك براحتى من غير حرمانيه. انا صحيح بكلم بنات وسيدات بحكم شغلى وأيام سفرى لندن. بس كلامى معاهم بيبقى فى أضيق الحدود وللزوم بس و انا من زمان ناوى اتقى الله فى أى حاجه تخص جوازى عشان ربنا يباركلى فيه وفزوجتى واولادى بإذن الله. عشان إنت مش متخيله الجو المقفول بتاع المملكه عندنا بيسبب مشاكل أد ايه جوا البيوت. انا مش بلوم على ستات بلدى وعلى بناتنا هناك. التخنيق والتضييق عليهم يعمل اكتر من كده. 
عارف إنك مش فاهمه انا أقصد ايه. بس بعد كده هتفهمى بإذن الله. وعشان كده انا أتأخرت فالجواز ل دلوقتى. ومش عيب فى بناتنا والله. بس انا كان نفسي من زمان اتجوز واحده مش سعوديه. بنت أكون اتعاملت معاها على الأقل كام يوم بس يخلونى أكون فكره عنها. وتكون محترمه وعارفه حدودها فالتعامل مع اللى حواليها من غير ما يتقفل عليها أبواب. 
...أحم. ..كان ممكن يعنى تتجوز حد من الطلبه أو اللى بيشتغلوا معاك فالمستشفى.
هيبقوا سعوديات وفنفس الوقت مش مقفول عليهم اوى
ههههههههههه. ..مش سهل ذى ما انت متخيله. وكمان انا بردوا من الناس اللى يهمنى ملامح عروستي. ومش سهل أى ملامح تجذبنى خالص. 
هو تقريبا بيغازلنى بس بطريق غير مباشر مايضرش بردوا ....
طيب ماهو يعنى لو بقي عندك بنات هيعيشوا فى نفس البلد وهيبقي مقفول عليهم بردوا. وممكن يطلعوا بالصوره اللى انت خاېف منها دى. 
.....اكتر حاجه بفكر فيها بقالى سنين هو اللى انت بتقوليه ده بالظبط. وبصراحه فشلت انى الاقيله حل مناسب غير انى أوعد نفسي إنى أحاول اربيهم بطريقه مختلفه على أد ما أقدر. وكمان انا وكام واحد زميلى داخلين بإذن الله فى حاجه كده ذى شړاكه مع زمايل من الإمارات وناويين نفتح مستشفى هناك فالامارات. فممكن تبقي حياتنا بين السعودية والإمارات. بس انا مقدرش أوعدك إن ده هيبقي اكيد. لأنى لسه بفكر. وكمان مقدرش اسيب ابويا وامى دلوقتى. وكمان انا فكرت إنى مش هنتقل بولادى ل بلاد تانيه سواء عربيه أو اجنبيه غير لما أأسسهم صح الأول عندنا فالمملكه على أمور دينهم وعلى الالتزام. و ده بردوا مش كلام نهائى. لسه هنشوف وضعنا ايه
واللى فيه الصالح اكتر هنعمله بإذن الله. 
طيب أنا بصراحه فى حاجات عايزه اتكلم فيها عشان مخوفانى من الحكايه دى كلها. 
وأنا هسمعك للآخر وهناقشك. وبإذن الله ربنا هيقدرنى واطمنك.
فضلنا نتكلم وأنا قلتله يحكيلى عن عيلته وأخواته وباباه ومامته. وشغله. و....
هقولكم بس على اكتر حاجات لفتت نظرى فى كلامه. مثلا 
قاللى إنى هلبس نقاب وأنا خارجه هناك أو لما يبقي فى رجاله فالبيت. 
بصراحه انا بصيتله وماردتش لانى كنت خاېفه من الموضوع ده بالذات. 
قالى انه مش بيلزمنى بالنقاب. وانى لما أنزل مصر أجازه ابقي اشيله لو عاوزه. 
قاللى إن شكلى بالنسبالهم مميز و ملفت شوية وإنه مش هيستحمل حد يبصلى ويدقق فى ملامحى.
لما كلمته فى حكاية إن لو لا قدر الله حصل طلاق هتحرم من ولادى طول عمرى 
خالد يعنى وإحنا لسه بنتكلم في جواز وحياه جديده واسره وعيله تقوليلى طلاق! !
أعتقد إن الطلاق ده مش هيحصل غير بسبب حاجه كبيره جدا جدا ومالهاش حل. وأنا واحد ناوى بإذن الله اتقى الله فيكى. وبإذن الله مش هيحصل بينا خلاف كبير للدرجادى.
وحتى لو لا قدر الله حصل انا كنت لسه بقولك وبحكيلك عن احلامى لتربية ولادى بإذن الله. وانى هيبقي شغلى الشاغل هو نفسيتهم ومستقبلهم والبيئة اللى حواليهم. تفتكرى بقي انى هبقي خاېف عليهم للدرجادى وفنفس الوقت احرمهم من أمهم. وبالذات لو بنات. !!
أنت حاسه إنى معډوم الضمير للدرجادى !
سألته عن شغلى وعن جو المستشفى هناك وكده. 
وأكدت عليه انى بتفرج على التليفزيون واسمع أوقات مسلسلات واغانى وكده 
فضل يضحك جامد وكأنى بقول نكته وبزغزغه مثلا
خالد معلش بس انت واخوكى محسسنى انى جاى ليكم دايركت من قريش .وإنى هخدك احبسك فى كهف واعذبك! !
.........سكتت ما هو احنا فعلا كنا متخيلين كده ههههههههه
_ بإذن الله ربنا يريد ويجمعنا سوا وانت هتعرفى وقتها غلاوتك عندى من شكل المعامله اللى هتبقي بينا. وأنا عاذرك لأنك لسه ماتعرفينيش. بس انا واحد مش متشدد أوى ذى ما انت متصوره. وبحب الخروج والسفر بالذات على فكرة.
قلبى كان مستريح من ناحيته. 
وكلامه معايا هدانى كتير. مع إنه مجرد كلام. بس معرفش ليه كنت مصدقاه أوى وحاسه انى مش هخسر لو وثقت فيه. ....
جه محمود يقعد معانا. وشويه وعمى وخيلانى الاتنين جم هم كمان. واتعرفوا على خالد. 
وفضلت انا وماما قاعدين معاهم.
ومحمود وقت كلام خالى مع خالد كان قاعد جنبي وسالنى عن رأيي. 
وكانت أصعب كلمة موافقه قلتها فى حياتى. كنت حاسه إنها خارجه بصعوبة والله. مش عشان أنا كارهه الموضوع. لأ. كنت مخضوضه بس مش اكتر. ..
وبدأت الاتفاقات. ...
الاتفاقات خدتلها ساعتين هى كمان. والساعة عدت واحده بعد نص الليل بسبب الليله الطويله دى.
هقولكم على اللى حصل فالاتفاقات باختصار شويه. 
خالد كان عايز الموضوع يخلص على طول. يعنى كتب كتاب
وبعدها بكام يوم ياخدنى معاه. 
محمود رفض بشكل قاطع. 
وصمم على فترة خطوبه حتى لو قصيره. 
وفضل الجدال شغال لحد ما اتفقوا فالاخر إننا نكتب الكتاب الأول دلوقتى و ده كان طلب خالد. رفض خطوبه بدون كتب كتاب. وقال مادام الفتره دى مطلوبه بسبب إننا نتعرف على بعض اكتر يبقي لازم نكتب الكتاب عشان يبقي أسهل التعامل بينا. .وبعد الكتاب يسافر خالد ل شغله. والفرح يبقي بعد شهرين.
محمود طلب منه إن حد من أهله ييجى كتب الكتاب. وخالد بلغه انه كده كده كان ناوى يجيب أخوه من هناك عشان يشهد على جوازه.
محمود طلب بنود تتحط فى عقد الجواز ك شروط يعنى. 
والنقطة دى بالذات فضلوا يتناقشوا فيها كتير. وفالاخر صفصفت الشروط على الاتى 
. وقت ما اطلب الطلاق يتم من غير مشاكل 
.لو حصل طلاق هو ملزوم يوصلنى بلدى ويسلمنى ل اهلى بعد ما آخد حقوقى. 
.فى حالة الطلاق هيبقى من حقى أشوف ولادى كل سنه على الأقل. وهو ملزوم يجبهم عندى فى مكان وجودى. 
.خالى طلب إن الشروط دى تتكتب كمان فى عقد منفصل عن عقد الجواز وطبعا العقد هيفضل مع محمود بعد ما يوثقوه. 
الډخله. .....
بقوا بيتكلموا عن الډخله ويتخانقوا بسببها ولا كأنهم مثلا بيتكلموا عن الغدا أو الفطار. 
بقيت مكسوفه جدااا وهم بيتكلموا عنها بسهوله كده وأنا فى وسطهم. بقي نفسي اختفى أو النور يقطع أو يحصل زلزال .المهم يسكتوا خالص. 
ايه بقي كانت مشكلة الډخله !!
.محمود مصمم الډخله تتم فى مصر قبل ما ياخدنى معاه واصلا محمود فالأول قاله هى مش هتروحلك هناك. أنت هتيجى تاخدها بنفسك ..
و خالد طلب الډخله تتعمل هناك فالسعوديه عشان أهله طبعا هيعملوا احتفال كبير وكده. .
وكل واحد بقي مصمم على رأي تقريبا كده محمود كان شاكك فيا وللا حاجه فقال تبقي فى وسطنا