كتبنا الكتاب

أرد اقول ايه 
انا...اااا...أحم. ..بصراحه يعنى. .اسفه أقصد انى مش عارفه اصلآ أرد اقول ايه. 
بصي يا دكتوره. هو لما كلمنى قلتله يكلمك انت على طول ما انتم مع بعض كل يوم تقريبا. بس هو مارضيش. وصمم يبقي فى وسيط فالموضوع عشان مايلفتش النظر لو اتكلم معاكى لوحدكم. وعشان هو مستحرم
مش عارفه. بس ده سعودى يادكتور. 
عامة براحتك. هو بس عايز يعرف إن كان يتقدم رسمى وللا المبدأ مرفوض اصلآ 
_ ......بصراحه معرفش. انا عمرى يعنى ماتحطيت فى موقف كده. حتى معرفش اخويا هيوافق وللا لأ 
هو والدك فين 
_. .متوفى من سنين. واخويا هو المسؤل عنى. 
بصي هاتى رقمك اديهوله. وأنا هقوله يكلمك عشان هو رافض تماما إنه يقابلك لوحدك. واسمعى منه. وبالمره تكونى شوفتى الوضع عندكم فالبيت. واللى فيه الخير هيتم بإذن الله. 
.......
خرجت من عنده
وأنا تقريبا مش شايفه قدامى والله. 
وقررت اروح لانى ماكنتش هقدر أكمل شغل. ولا حتى هقدر اقابله. 
طلعت موبايلى أستأذن من الدكتورة المسؤله عننا. ولقيته فى وشي. 
خالد 
متأكده انه آخد باله من وشي اللى قلب ألوان. 
وأنا اول مره ابصله بنظره مختلفه تماما. هو أنا صحيح مابقتش قادره ابص ناحيته. بس اخدت بالى إن هو باصصلى أوى ذى ما يكون عايز يشوف رد فعلى على اللى قالهولى رئيس القسم
جزء 5
الحيره. ....
ومن منا لا يعرفها وتذوق مرارتها. .!
نعم فالحيره لها طعم مر. 
أخدت بعضي وتقريبا جريت من قدامه. ...
مش عارفه انتم متخيلين موقفى ساعتها وللا لأ 
بس انا بجد من وقت ما سبت مكتب رئيس القسم لحد ما روحت وأنا حاسه إن فى حد ضاربنى على دماغى.
ماكنتش بفكر خالص فاللى حصل. ولا حتى فكرت إن كنت هوافق وللا لأ. 
انا فقط كنت مصډومة. ..
اول ما وصلت البيت حكيت ل ماما. 
الست تنحت. .
وفضلنا انا وهى متنحين كده شويه.
بالنسبة ل ماما. هى كانت طبعا رافضه. هى اصلآ مافكرتش. 
هو تقريبا كان قانون عندها ان ممنوع جواز الجنسيات الأخرى.
وقالتلى احكى ل محمود لما ييجى بالليل. 
دخلت اوضتى وكلمت نهال صاحبتى عالنت نهال أقرب صاحبه لي. اتجوزت وسافرت السعودية مع جوزها. 
قعدت كلمتها ب هدومى حتى قبل ما أغير.
حكتلها على كل اللى حصل. 
البت يا عينى كان حاصلها ذهول.
هو انتى يا بنتى كل شويه تطلعلنا ب قصه شكل !
على أساس أنه بمزاجى يعنى 
طب والله المره دى بالذات ومع إنه معايا فالكليه بس ولا لحظه فكرت فيه. مجرد انه حاجه غريبه بالنسبالنا وخلاص. 
ده أنا لسه لحد الآن مصدومه بالموضوع. 
مممممممم. وإنت بقي بتحكيلى ليه دلوقتى 
......يعنى ايه بحكيلك ليه. 
هو إنت يا خديجه بتفكرى فالموضوع بجد وللا إنت رافضه وبتحكيلى وخلاص 
........والله العظيم مش عارفه يا بنتى. انا لحد ما دخلت اوضتى كنت مصډومة 
و دلوقتى 
_. .....
_ يعنى إنت ممكن تتجوزى واحد سعودى يا خديجه! 
انت شكلك اټهبلتى والله. 
ليه بقي! 
هو ايه اللى ليه. 
هتسيبى أهلك وتسافرى مع واحد ماتعرفيهوش لبلد غريبه. وياعالم بقي ايه اللى يحصل
طيب ما إنت اتجوزتى واحد ماتعرفيهوش وسافرتى لبلد غريبه لوحدك معاه 
آه. ده مصرى. وأهله هناك فى بلدى جنب اهلى
وايه الفرق. وكل ده هيفيد ب ايه لما تحصل بينكم مشكلة. أهلك هيروحوا يتخانقوا مع أهله مثلا 
_يا سلاااااام. ..
ماشي بلاش ده. التعداد يا حبيبتى. مثنى وثلاث وغيره.
ده ممكن يتجوز عليكى بسهوله جداا. واصلا تلاقيه متجوز دلوقتى. 
..ممكن نسأل عنه عادى يعنى. ونعرف إن كان متجوز وللا لأ. 
اصلآ شكله مش من النوع ده. 
ده غير إن ممكن أى واحد مصرى يتجوز عليا عادى جدآ. 
استغفر الله العظيم. 
هو في ايه 
ايه اللى حصلك 
ايه يا بنتى اللى يجبرك على كده أصلا !
لا إله إلا الله. ده عريس مواصفاته كويسه. 
دكتور فالجامعه. وسنه واضح إنه مناسب. شكله محترم ولذيذ كده مش خنيق. العربيه اللى مأجرها فظيعه. يعنى واضح إنه مستريح جداااا. اه من چنسية وبلد تانيه. بس مسلم وبيتكلم عربى حضرتك. 
.........مش مقتنعه خااالص طبعا 
انت اصلآ مجنونه وتافهه فى تفكيرك. 
وكمان هو إنت نسيتى محمود 
عمره ما هيوافق. 
...على فكره بقى انا بفكر معاكى بصوت عالى. يعنى مش عشان وافقت وللا رفضت 
والله !
كل ده ولسه ممكن ترفضي
يا بنتى انت بتدافعى عنه. 
والله انا بكره أفرح فيكى لو جه اتقدملك وقالكم مثلا انه هيتجوزك وتفضلى انت فى مصر ويبقي يجيلك وقت إجازته كل كام شهر. 
...حرام عليكى يا شيخه. يعنى أنا شكل كده
لأ. هم اللى كده. 
وأنا عايشه هنا وبسمع كل يوم حكايه شكل عنهم وعن جوازاتهم. وحكاية انهم يتجوزوا مصريات ويسيبوهم فى مصر لوقت الاجازه بس ده بقي كتير دلوقتى. 
ومين اللى هيوافق على الكلام ده إن شاء الله 
ما هو يا حبيبتى عشان سعودى يتجوز من جنسيه تانيه بيسموها جواز من أجنبيه. و ده له إجراءات كتيره بتتعمل هنا فالسعوديه. هم بقي بيتلككوا بالإجراءات دى ويقولوا احسن تفضل العروسه فى مصر. مع إن الإجراءات دى ممكن تتعمل بسهوله وعروسته تروح تعيش معاه فالسعوديه عادى. 
......ربنا يسامحك بتخوفينى ليه كده 
غلطانه انا يعنى عشان بقولك على الحقيقة 
عامة لو جبتيلى إسمه بالكامل واسم المدينه اللى عايش فيها. ممكن أخلى جوزى يحاول يعرف عنه أى حاجه 
......ماشي. 
....
........
و جه محمود بالليل. 
ماما حكتله. 
طبعا لازم يعيش جو الصدمه فالأول ذى ما كلنا عيشناه .
وانت اديتيله رقمك ليه 
كنت اديله رقمى أو اقفلى الموضوع فى ساعتها وخلاص 
...اصلآ د شوقى هو اللى طلب رقمى. وأنا ماكنتش يعنى هقوله لأ. وهو كان عايز رقمك فالأول بس رجع وقاللى شوفى البيت عندك الأول إن كان متقبل المبدأ. 
......وإنت ايه رأيك يا خديجه 
محمود ده رهيييب. ذكى زياده عن اللزوم. تقريبا هو توقع
انى بفكر فالموضوع. ........هو يعنى أنا أعرف عنه حاجه لسه عشان يبقالى رأى .
يعنى لو عرفنا عنه كل حاجه كويسه هتوافقى 
.......
ولا كانى بكلم دكتوره كبيره 27 سنه وبتشتغل. 
انت مابتسمعيش عن مصايب الجوازات اللى ذى دى 
وفضل يعيد فى كلام نهال وكلام غيره كمان 
يا محمود انا ماقلتش انى موافقه. 
هو كده كده اكيد هيتصل بيا. انا هديله رقمك. وإنت معلش حاول تقابله حتى عشان د شوقى مايزعلش. وبعدها يبقي ربنا يسهل. 
وكمان ممكن لما يتصل بيك تعرف اسمه بالكامل واسم بلده. و جوز نهال هيسال عنه هناك. 
مادام قابلته أو سألت عنه يبقي انا موافق على المبدأ. وأنا طبعآ مش موافق.
وفضلنا نتكلم كتير اوى. 
و أختى الكبيره جت عندنا وقتها 
وطبعا عرفت الموضوع. 
وطبعا اخدت الصدمه الأولى. وبعدها 
طيب ما تخليه يكلمك وتقابله .انا مش فاهمه أفكارك الغريبه دى والله. هو يعنى هياكل منها حته لو جه وشفناه. 
على الأقل نتفرج شويه.
يعنى إنت كمان ممكن توافقى إننا نرمى أختك الرميه دى! 
فى ايه يا محمود .يعنى هم اللى بيتجوزوا مصريين مش بيطلقوا 
المصريين مش بيتجوزوا مره واتنين وتلاته على مراتاتهم 
ده غير العيشه الغم اللى بيعيشوها لولادهم واللى متجوزينهم. 
وكمان دى بتقولك دكتور وفالجامعه وبييجى هنا مصر ب الأسابيع يتفسح. وخديجة بتقول انه راح لندن كام سنه يعمل دراسات عليا. 
و ذى ما هى قالت هنسال عنه وعن أهله 
وإن كان وصل ل سن 34 سنه من غير ما يتجوز مع إن ظروفه تخليه يتجوز مره واتنين وتلاته كمان يبقي هو اللى مش بتاع تعداد وجواز عمال على بطال وكده. 
ومع