رواية رائعة للكاتبة ليدي

خالد ياماما عايز نتجوز في العيد
لميا الله فكره جميله
سهير وانتي
علا ياماما انا مش مستعده علي الاقل نفسيا
سهير صلي بس استخاره وسيبيها علي الله ربنا عالم الخير فين
وجاء اليوم التالي واستقل الجميع سياره خالد الذي اتي ليأخذهم الي منزل كريمه التي كانت قد اعدت لهم مائده فخمه مليئه بأصناف الطعام المختلفه الشهيه
دخلوا وسلموا علي الجميع وطلبن منهم كريمه التوجه الي المائده لتناول الغداء واثناء الغداء
كريمه ايه رأيك ياعلا في المكرونه بالبشاميل انا عملاها عشانك انا عارفه انك بتحبيها
علا جميله جدا ياطنط تسلم ايد حضرتك
سهير الا ايه اخبار الزعافه ياكريمه
كريمه اطلعي منها ياسهير ملكيش دعوه
خالد ايه ياماما الزعافه دي
كريمه لا دي حماتك ميعاد نومها جه
ضحك الجميع وبعد الانتهاء من تناول الطعام اصرت علا علي كريمه ان تجلس وستقوم هي ولميا بأعمال ما بعد الغداء في المطبخ
غسلت لميا الاطباق وصنعت علا الشاي وقدمته لهم وجلست
كريمه ماتاخد علا ياخالد واقفوا

في البلكونه شمو هوا
لم تستطع علا الاعتراض وذهبت مع خالد ولكن البلكونه هذه كانت داخل غرفه خالد .. كانت غرفه بسيطه ومرتبه جدا وبها المكتب الخاص بالمهندسين وادوات الهندسه وخلافه
خالد ايه رأيك في اوضتي 
علا جميله وبسيطه 
ثم نظرت لتجد صورتها توضع الي جانب سريره .... من اتي بها 
لاحظ خالد انها تنظر الي الصوره فابتسم وامسك بالصوره
خالد انا اخدت الصوره من صور كتب الكتاب اللي كانو معايا وكبرتها وحطيطها جانبي عشان اشوف عنيكي قبل ما انام واول ما اصحي من النوم
شعرت علا بالخجل من كلماته ولم ترد عليه ولكنه اراد ان يكمل كلامه 
خالد انتي عارفه ياعلا انا اكتشفت اني مش محتاج الصوره اوي عارفه ليه 
علا بخجل شديد ليه
اقترب خالد منها وامسك بيدها عشان صورتك اصلا انا شايفها قدامي علي طول مش بتفارقني
واقترب اكثروقال عمرك سمعتي ايمان البحر درويش وهو بيقول 
عجيب حبك ضياه ساكن في روحي في كل تكويني
وبشتاقلك اكيد لكن ولا عمرك وحشتيني 
وقولي هتوحشيني ازاي وصورتك نن في عيوني
كان يقترب منها وهو يشعر بيدها ترتجف بين يديه 
وعندما شعرت علا بأنفاسه الدافئه علي خدها كان صوت دقات قلبها تعلو علي صوت كل ما حولها
حتي قاطعهم صوت كريمه من الخارج ياخالد ياعلا تعالوا خدو الشاي لحسن برد
انتبهت علا واجتذبت يدها من بين يديه وهربت الي الخارج مسرعه دون ان تفكر ان شده احمرار وجنتيها سوف تحكي للجميع عما حدث
وبالفعل لاحظ الجميع ارتباكها واحمرار وجهها فنظرت كريمه لسهير وقالت بخفوت يقطعني ............. فضحكت سهير
وخرج خالد من الغرفه بعد دقائق وجلس ليحتسي الشاي بجانب والده الذي نظر له وابتسم دون ان يتكلم
سهير صحيح ياكريمه اخبار جيهان ايه مش هتنزل قريب اجازه
كريمه اه صحيح نسيت اقولك دي نازله في نص رمضان وكمان هتعيد معانا داانا الفرحه مش سيعاني
سهير ربنا يجيبها بالسلامه ان شاء الله ويطمنا عليها
انتهي اليوم وعادت اسره علا الي منزلها وظلت علا في غرفتها 
وسمعت طرقا علي الباب كانت سهير تريد التحدث اليها
سهير انا عايزه اتكلم معاكي
علا اتفضلي ياماما
سهير انتي دلوقتي عرفتي ان خالد عايز يتجوز في العيد عشان اخته تحضر وتفرح معاه 
ودي اخته الوحيده حرام نحرمهم من الفرحه دي ايه رأيك
علا خلاص ياماما هافكر في الموضوع وهصلي قبل ما انام
مرت الليله وكانت علا تفكر في خالد وكان صوته يتردد في اذنها وتفكر ايضا في لمسه يده لاول مره 
لم تكن تظن ابدا انها سوف تشعر بهذا الشعور في حياتها
وفي اليوم التالي اتصلت علا بخالد
خالد السلام عليكم 
علا وعليكم السلام
خالد وحشتيني اوي من امبارح .. الله يسامحك ياماما
علا ليه بقي
خالد ولا حاجه لحسن تقفلي في وشي السكه هههههههههههه
علا انا موافقه ياخالد
خالد علي ايه
علا نتجوز في العيد
خالد بالله بتتكلمي جد انا اسعد واحد في العالم ..... كل ده من مسكه ايد هههههههه
علا ايه اللي انت بتقوله ده لا طبعا ... انا بس عايزه جيهان اختك تبقي موجوده معاك مش اكتر
خالد معلش ياعلا خليكي معايا 
ثم تحدث مع شخص في امور العمل وسرعان ما عاد اليها
خالد انا اسف ياحبيبتي اصلي مشغول اوي
علا لا عادي اقفل بقي وشوف شغلك ونتكلم بعدين
خالد مع السلامه ياحبيبتي
علا مع السلامه
اغلقت علا الهاتف واتصلت بصديقتها ياسمين لتخبرها باخر التطورات
ياسمين الو
علا ازيك ياياسمين وحشتيني
ياسمين انتي كمان وحشتيني ياعلا اوي عامله ايه
علا هتجوز في العيد اللي جاي
علا ياسمين .. ياسمين انتي سمعاني 
ياسمين ايوه انا معاكي الف مبروك ياحبيبتي ايه المفاجأه الحلوه دي
علا اعمل ايه بس جيهان اخت خالد جيه من السفر في رمضان 
ونفسهم تحضر الفرح
ياسمين مبروك ياعلا الف مبروك
علا انتي تعبانه ياياسمين مال صوتك
ياسمين مفيش حاجه بس شويه صداع هقوم اخد حبايه وابقي كويسه
علا طيب ياحبيبتي الف سلامه اكلمك بعدين سلام
اغلقت ياسمين الهاتف واذ بوالدتها تدخل غرفتها
عندي ليكي خبر حلو
ياسمين خير ياماما
عريس
ياسمين انا تعبانه ياماما مش قادره اتكلم
اسمعي بس دا راجل محترم هيعجبك اوي
ياسمين لا ياماما انا مش هتجوز تاني الا اللي انا اختاره ويكون الانسان اللي طول عمري بحلم بيه
طب ماتشوفيه وتقعدي معاه يمكن يطلع اللي بتحلمي بيه
ياسمين لا ياماما مش هو اللي انا بحلم بيه
امال مين بقي
ياسمين لوسمحتي ياماما سيبيني انا تعبانه
الحلقة 5
دق جرس الباب في منزل علا وكانت السادسه مساءا فتحت لميا
ياسمين ازيك يالميا عامله ايه 
لميا الحمد لله وقالي كتير ماشفتكيش ياياسمين اتفضلي
ياسمين معلش كنت تعبانه هي علا موجوده
لميا اه في المطبخ ادخليلها
دخلت ياسمين المطبخ وجدت علا تصنع الشاي 
علا ياسمين ازيك وحشتيني اوي ..هعملك شاي معايا 
اخبار الصداع ايه
ياسمين الحمد لله بقيت كويسه
علا طب تعالي نقعد في البلكونه في اوضه ماما اصلها خرجت من شويه
جلستا الصديقتان تحتسيان الشاي وسألت علا اخبارك ايه قوليلي
ياسمين هيكون ايه يعني .. ماما ياستي جيبالي عريس
علا عشان كده

كان صوتك متغير لما كلمتيني
ياسمين اه .... انا ياعلا لو قررت اكرر التجربه دي تاني لازم ادقق جدا في الاختيار انا مش حمل ۏجع تاني
علا عندك حق والله ياياسمين..بس مش ممكن العريس ده يكون كويس
ياسمين الله اعلم ... سيبك من الموضوع ده ايه الاخبار الحلوه دي
علا مش حلوه اوي يعني ..انتي عارفه كل حاجه عملتها في الموضوع ده كانت عشان حد
يعني قابلت خالد عشان ماما ماتزعلش ووافقت علي الخطوبه عشان كنت خاېفه علي صحتها وكتب الكتاب عشان برضه خاطر ماما .. اما الفرح بقي فعشان اخت خالد تحضر معاهم
ياسمين انتي مش بتحبي خالد
علا حب يعني ايه حب اصلا انا عمري ما حبيت ولا حتي حاولت ....يعني معرفش اللي جوايا ده هو الحب ولا لا
انا خلاص سبت نفسي اما اشوف الدنيا هتعمل في ايه
ياسمين لا ياعلا يلاش النبره دي .... لو مش مستعده للجواز دلوقتي ارفضي مش لازم اخته تحضر ..اعملي اي حاجه عشان نفسك في الموضوع ده مش كله عشان خاطر اللي حواليكي
قبل ان ترد علا دخلت لميا وفي يدها هاتف علا يرن 
لميا علا خالد بيتصل
اخذت علا الهاتف وردت الو ..... وعليكم السلام
الحمد لله كويسه ......... وبعدين بقي ياخالد 
لا نزلت راحت مشوار.............. طيب ماشي خلاص ...مع السلامه
ياسمين ايه
علا