رواية رائعة للكاتبة ليدي
المحتويات
المعيشه وامسكت هاتفها واتصلت بهدي فهي لاتعرف عنها شيئ منذ ايام
هدي السلام عليكم
علا وعليكم السلام ازيك ياهدي
هدي بصوت واهن الحمد لله كويسه
علا مال صوتك شكلك مش طبيعي
هدي والله ياعلا دور برد موتني . بقالي تلات ايام مش بروح المدرسه اصلا مش قادره اتحرك
علا لا الف سلامه ياهدي معلش انا اتشغلت شويه عنك والله ڠصب عني
علا الحمد لله كويسه بس انا مش مطمنه عليكي صوتك صعب اوي . انتي بتاخدي علاج
هدي اه روحت كشفت وباخد علاج اد كده مضاد حيوي ومسكن وحقن لما انتهيت
علا هو جوزك عندك
هدي لا لسه نازل مامته تعبانه برضه وهيوديها للدكتور
علا الف سلامه عليها
هدي الله يسلمك ياعلا . ماتيجي اشوفك
اخبرت علا خالد بمرض هدي واستئذنته في اعادتها فسمح لها
ارتدت ملابسها واتصلت بياسمين لتاخذها لزياره هدي فقد سبق ان تعرفت هي علي ياسمين
اخبرتها ياسمين انها ستأتي بالتاكسي وتنتظرها بالخارج
ذهبت علا برفقه ياسمين الي هدي لزيارتها وبالفعل كانت هدي تبدو ذابله ليست كعادتها
سلمت عليهما
هدي اهلا وسهلا اتفضلو نقعد في الصالون
علا لا احنا مش اغراب خليكي في الاوضه اللي كنتي فيها مرتاحه واحنا هانقعد معاكي
دخلن الي غرفه النوم وحملت كل منهما مقعدا بيدها لتجلس عليه
هدي تشربوا ايه بقي
علا لا مافيش داعي احنا هنتطمن عليكي ونمشي علي طول
علا بتحلفي ليه بس خلاص انا هاروح اعمل شاي
اصلي عارفه الطريق من ساعه العزومه
دخلت علا المطبخ وجدت بعض الاطباق متسخه في الحوض فعزمت علي غسلهم اولا ثم تصنع الشاي بعد ذلك
كانت ياسمين تجلس مع هدي ولا تتحدث فعندما تعرفتا الاثنتان لم يكن بينهما وفاق
هدي معلش اول مره تيجي بيتي وتلاقيه مبهدل كده
ثم ساد الصمت مره اخري
فكرت ياسمين ان تستفيد من الجلسه وتأخذ بعض المعلومات من هدي
ياسمين علا قالتلي ان جوزك مهندس مع خالد في نفس الشركه
هدي اه فعلا عمر وخالد اصحاب من ايام الجامعه واشتغلو في نفس الشركه سوا
ياسمين بس شغلهم صعب ودقيق برضه ومتعب
هدي طبعا ماهو بيتعلق بأرواح بشړ وما ينفعش فيه الغلط
هدي الحمد لله ......... بس حصلت عندهم من اسبوع كده شويه مشاكل
ياسمين خير ايه اللي حصل
هدي في واحد ربنا يهديه بقي شغال في الحسابات وتقريبا اغتلس او سرب معلومات عن مناقصه حاجه زي كده المهم انه خسر الشركه ومش بس هو دول كانوا عصابه يعني كذا واحد ربنا يهديهم والشركه لسه مقلوبه لحد دلوقتي
ياسمين معقول فيه ناس كده ربنا يستر عليهم
دخلت علا وفي يدها الشاي وجلست وضعت الصينيه علي التسريحه
هدي ياخبر ممكن الشاي يلقط ريحه من البرفيوم
ياسمين ايه ده البرفيوم ده شكله حلو اوي
علا اه داخالد جابلي نفي العلبه دي بس لسه ما استعملتهاش بيقولي دي اكتر ريحه بتعجبه
هدي اه دي جميله ياعلا استعمليها مادام خالد بيحبها
قامت ياسمين من مكانها واخذت الزجاجه وقرأت اسمها ووضعتها مره ثانيه
ياسمين جميله فعلا وهاديه
هدي عقبالك
بقي ياياسمين وتجيبي انتي كمان اللي جوزك يحبه
ياسمين ربنا يخليكي
انهت الصديقتان الزياره وعادت كل واحده الي بيتها
دخلت علا وجدت خالد يشاهد برنامجا سياسيا في التلفاز القت السلام وخلت غرفتها ابدلت ملابسها وخرجت جلست هي الاخري تشاهد التلفاز
حتي انتهي البرنامج ودخلا الزوجان غرفتهما ليناما
وفي صباح اليوم التالي ذهبت علا الي المشفي وكانت العياده مكتظه بالمړضي
ارتدت البالطو وبدأت في مباشره عملها
ثم جلست قليلا لترتاح وتحتسي كوبا من الشاي التي اتت به الممرضه سوسن
علا شكرا ياسوسن...... قوليلي في كام واحد بره لسه
سوسن مش فاهمه يادكتوره كل الناس النهارده سنانهم وجعتهم فجأه لسه فيه 12 حاله
علا يااااه 12 لسه طب دخلي اللي بعده بعد عشر دقايق علي ما اشرب الشاي
سوسن حاضر يادكتوره بعد اذنك
خرجت الممرضه وامسكت علا هاتفها واتصلت بخالد
خالد السلام عليكم
علا وعليكم السلام.... ازيك ياخالد
خالد الحمد لله .......... ايه خلصتيظ
علا لا بالعكس عندي حالات كتير يمكن اتأخر النهارده .شكلك هاتتغدي لواحدك
خالد لا عادي انا كنت ناوي اروح اشوف بابا النهارده فهتغدي معاهم وخلاص
علا طيب سلملي عليهم بقي ونتقابل في البيت بعد ماترجع ..... مع السلامه
خالد الله يسلمك
عادت علا الي استقبال المړضي واحدا تلو الاخر حتي دخلت الممرضه
سوسن فيه واحد عايز يقابل حضرتك بره يادكتوره
علا واحد ايه جاي للكشف دخليه في دوره
سوسن لا ده مش حاجز ولا حاجه بيقول عايز حضرتك في موضوع شخصي
علا موضوع شخصي مين ده اسمه ايه
سوسن قالي عابدين
علا عابدين اول مره اسمع الاسم ده
سوسن يعني ادخله
علا لا خليه لما اللي بره يخلصو دخليه في الاخر
دهشت علا من هذا الرجل الذي لم تسمع باسمه حتي من قبل
لابد انه مخطيئ ويريد علا اخري ليست هي
وبعد انتهائها من فحص جميع المړضي الذين كانو بالخارج دخل هذا الذي يدعي عابدين
كان رجلا في العقد الرابع من عمره طويل القامه شعره اسود اللون ويلبس سلسله في رقبته وخاتم في اصبعه الخنصر وهيئته تدعو للريبه
عابدين مساء الخير يادكتوره
علا مساء النور خير مين حضرتك
عابدين انا عابدين ..... اسمي محمد عابدين
طبعا مستغربه بس انا عارفك كويس مش انتي برضه التكتوره علا حسن محمود عبد الله
اصيبت علا بالدهشه كيف يعرف اسمها كاملا وماذا يريد منها هذا الرجل
علا ايوه عايز ايه يعني
عابدين مش هاتسألي انا عرفت اسمك منين
علا مش مهم انا اسمي مش سر ...... المهم انت عايز ايه مني بالظبط
عابدين لا لازم تعرفي انا عرفت اسمك منين عشان تعرفي انا عايز ايه
علا في ڠضب شوف انا مش فاضيه اتفضل اطلع بره يالا
عابدين حلمك علينا ماتبقيش حمقيه كده زي السيد الوالد
عندما سمعت علا هذه الكلمه اتسعت عيناها ايه انت تعرف.........
عابدين بالظبط..... الوالد عشره عمر اعرفه عز المعرفه ..... هو كان عصبي زيك كده بس ده كان زمان بقي
علا انا ماليش علاقه باللي بتقوله ده .....
عابدين بصي ياست الناس الوالد قاعد عندنا بقاله 5 سينين واكل شارب نايم متعالج 24 قراط بس خلاص زهقنا بقي ده لا شغله ولا مشغله
وفي الاخر ھيموت عندنا ويجيبلنا بلوي واحنا مش ناقصيين
علا انتو مين مش فاهمه
عابدين انا ولامؤاخذه نوال ست طيبه وبنت حلال اعتبريها المودام هي زي مراتي بالظبط
اشمئزت علا مما تسمعه وتخيلت البيئه التي يعيشون فيها
ولكن ماعلاقه ابيها بمثل هؤلاء
وكيف وصل به الحال ان يعيش في هذه البيئه ما الذي حدث
علا والمطلوب
عابدين تيجي تاخديه .... تدخليه بقي دار مسنين ترجعيه البيت تجوزيه مالناش فيه
احنا استحملنا 5 سينين وعملنا بأصلنا وصرفنا ياما
بس مش عايزين حاجه اعتبرناها سدقه يعني
تألمت علا من كلام هذا الرجل كيف يقبل والدها ان يصرف عليه مثل هذا الذي يتحدث عن الصدقه
وكان اقل ساعي في شركه السياحه لدي والها افضل منه
يالهي لابد ان هناك مكروه قد اصاب والدها وحالته يرثي
متابعة القراءة
