رواية رائعة للكاتبة ليدي

يعني 
سهير اه اهل خالد جايين بكره
علا ليه بقي 
سهير عشان نتفق علي كتب الكتاب
نهضت علا من فراشها وتوضأت وصلت وارتدت ملابسها وذهبت مع والدتها الي السوق 
كانت علا تختار الملابس الاكثر حشمه بينما كانت سهير تنتقي لها قمصان النوم ذات الالوان الزاهيه والاقمشه المختلفه من الشيفون والحرير والساتان وخلافه
كانت علا تعترض علي هذا ولكن سهير لم تلق لها بالا
كانت الساعه العاشره مساءا ولم تنتهيا بعد من اكمال ما يلزم
علا بارهاق حقيقي كفايه ياماما بقي انا تعبت من اللف وايدي وجعتني من شيل الاكياس
سهير عشان تعرفي انا واختك كنا بنتعب قد ايه
علا طب انا هتصل بكريم ييجي عشان نمشي بقي
سهير ماشي ..نبقي نكمل يوم تاني
علا تاني ايه ياماما هو انا هلحق البس ده كله امتي كفايه
وبالفعل عادو الي المنزل حاملين الاكياس وما ان فتحت لهم لميا الباب حتي ارتمي كل منهم علي كرسي
وبدأت لميا في فتح الاكياس ولم تصدق ماتراه
لميا وااااااااااااااو ايه ده كله 
يسلام ايه الدلع ده ..... بجد ياعلا انتي هتلبسي الحاجات دي هههههههههه مش مصدقه
علا والله اسألي ماما هي اللي اختارت شكلي كده هسيبلها الحاجات دي تلبسها هي
سهير ماشي ماشي بكره تشكريني
لميا مش عارفه ليه حاسه ان علا اختي هتلبس باديهات تحت القمصان دي ههههههههههه
علا بس ياخفه ..يلا قومي حضري العشا
لميا طب اغسلو ايديكو انا مجهزه كل حاجه
انهو العشاء ودخل كل منهم الي غرفته للنوم
وفي اليوم التالي اتجهت علا الي عملها وكانت تحمل بداخلها فرحه ولكن كانت هناك بجانب الفرحه مشاعر من القلق والخۏف
انهت عملها وغادرت المشفي واتجهت لاحدي محال الحلوي لتجلب بعض المعجنات والحلوي كما اوصتها والدتها في الصباح
عادت الي المنزل وتناولو الغداء وجهزوا كل شيئ لاستقبال اسره خالد
وفي الميعاد دق الجرس ففتح كريم
والد خالد السلام عليكم .. ازيك ياكريم
كريم الحمد لله اتفضل ياعمو اتفضلو
خالد ازيك ياكريم عامل ايه
كريم الحمد لله
وجاءت سهير اهلا اهلا ياجماعه واقفين ليه اتفضلو اقعدو نورتونا
جلس الجميع وجاءت علا سلمت علي والد خالد ووالدته وجلست معهم 
ووضعت لميا امامهم العصير
كريمه انا زعلانه منك ياعلا
علا ليه ياطنط بس
كريمه عشان كل مره اقول لخالد ابقي هات علا معاك وانتو راجعين وماتجيش
علا راجعين منين 
كريمه المشاوير اللي بتروحوها تختاروا الدهانات والعفش 
وكان لما خالد يرجع اسأله عليكي يقولي معلش ياماما اصلها كانت مستعجله ورجعت الشغل تاني
نظرت علا لخالد باستغراب فهي لم تكن تذهب معه لاختيار اي شيئ 
لكنها فهمت انه كڈب علي والدته حتي لا يعطيها فرصه لانتقادها
علا انا اسفه ياطنط ان شاء الله هاجي اقعد مع حضرتك لحد ماتزهقي مني
والد خالد تشرفي يابنتي البيت بيتك 
ها ياجماعه هنكتب امتي ان شاء الله
سهير العرسان يحددو هم بقي
خالد تحبي امتي ياعلا
علا ممكن نخليها اخر الاسبوع الجاي بس ... انا نفسي نكتب الكتاب في الازهر
والد خالد الله ينور عليكي يابنتي حتي نصلي هناك ونتغدي في الحسين بالمره ويبقي يوم حلو ان شاء الله
انصرف الضيوف واتصلت سهير بأختها سلوي لتخبرها بالامر
فحزنت سلوي للخبر ولكن سرعان ما باركت لاختها متمنيه لعلا السعاده وراحه البال
وجاء اليوم الموعود وكانت علا في غرفتها مع ياسمين التي اصرت علا علي حضورها
خرجت علا

برفقه ياسمين من الغرفه
سهير ايه ده ياعلا ماحطتيش شويه مكياج ليه كده
علا انتي عارفه ياماما اني مش بحب الحاجات دي
سهير طب يلا الناس تحت وخالتك وابنها معاهم
وصل الجميع الي الجامع الازهر وتم كتب الكتاب 
وذهبوا الي الحسين تناولوا الغداء كما ذهبوا ايضا الي خان الخليلي
واشتري خالد بعض الاكسسوارات لعلا وبعض التحف حتي تكون تذكارا في بيتهم لهذا اليوم
كان الوقت متأخرا فذهب كل الي منزله ودخلت علا الي غرفتها
وما ان ابدلت ملابسها حتي رن هاتفها
علا الو
خالد بحبك ..بمۏت فيكي
خالد علا ..علا
علا ايوه انا معاك
خالد ياريت ...امتي تبقي معايا ياعلا في بيت واحد بقي
علا وبعدين ياخالد
خالد لا بعدين ده هتشوفيه بنفسك ماينفعش احكيلك عليه ههههههه
اغلقت علا الهاتف في وجهه فقد اصبح اكثر جرأه بعد كتب الكتاب 
وضعت رأسها علي وسادتها املا في النوم
وفي منزل ياسمين 
ياسمين ياه ياماما كان يوم جميل اول مره اشوف الاماكن دي
والده ياسمين عقبالك ياحبيبتي ربنا يعوضك اللي شوفتيه
ياسمين يارب ياماما ربنا يبعتلي واحد زي خالد ده 
وسامه ايه .شياكه ايه .وكرم ايه ومهندس وبيموت فيها
والده ياسمين وهي 
ياسمين وهي شارده هي مش عارفه قيمته ياماما
بعد مرور اسبوع علي كتب الكتاب 
خرجت علا من المشفي في ميعادها ولكنها فوجئت بسياره تقف امامها ...... انها سياره خالد
خالد اركبي
علا خالد ايه اللي جابك هنا
خالد اركبي بس وانا اقولك
علا ياخالد فيه ايه انت كنت بتكلمني امبارح ماقلتليش ليه انك جاي
خالد هاتركبي ولا انزل اشيلك واركبك العربيه بنفسي
لم تجد علا مفر منه فركبت
علا فيه ايه بقي
خالد هنتغدي مع بعض
علا فجأه كده مقلتليش ليه امبارح
خالد كنت عايز احطك امام الامر الواقع عشان متلحقيش تخلقي اعذار
فتحت علا حقيبتها واخرجت هاتفها
خالد طنط سهير عارفه علي فكره انا قلتلها
وضعت علا الهاتف وادار خالد السياره واتجه لاحد المطاعم ودخلا سويا وجلسا واثناء تناولهم للطعام
خالد علي فكره انتو معزومين عندنا بكره علي الغدا
علا دا يوم المفاجأت بقي
خالد ماما زمنها قالت لطنط في المدرسه هو فيه ايه ياعلا
علا فيه ايه يعني ايه
خالد انتي مش عاوزه تشوفيني 
علا انا قلت كده دلوقتي انا بس مش بحب المفاجأت
وبعدين احنا هناكل ولا هنتكلم
وبعد الانتهاء من الطعام كان خالد يحتسي فنجان قهوته ثم قرر ان يعرض علي علا امرا ما
خالد فيه حاجه بفكر فيها وعايز رأيك
علا خير
خالد ايه رأيك نتجوز في العيد
علا اي عيد اللي جاي ده الصغير
خالد ايوه 
علا بس ده فاضل شهرين هي الشقه خلصت اصلا
خالد والله مش مصدق نفسي اخيرا سألتي عن الشقه
انا طالع عيني من الشغل للشقه وتقريبا مبنمش وفي الاخر يقولو مملكه الست ..... بالله ده مش ظلم
علا خلينا نتكلم جد شويه ياخالد الشقه لسه مش جاهزه ولا حتي العفش
خالد بالعكس بقي الشقه خلاص علي الوش الاخير وبعديه تركيب الكهربا الخارجيه حتي الاحواض في المطبخ والحمام اتركبو
وديكورات السقف كلها اقل من اسبوع وتخلص
علا والعفش وفرش الشقه والحاجات اللي نقصاني 
خالد حبيبتي قدامنا شهرين خلصي فيهم حاجتك براحتك وبالنسبه للعفش فضي نفسك يوم نروح نختاره فيه معرض تحفه واحد صاحبي جايب منه اختاري اللي يعجبك منه او من غيره
علا وليه الاستعجال خلينا براحتنا لما نخلص نتجوز
خالد علا شكلك بتهربي 
علا اهرب من ايه كل الحكايه اني مش فاضيه اخلص كل حاجه في شهرين
خالد ليه ياعلا مش ممكن يكون ناقصك حاجات تحتاج منك اكتر من شهرين 
وبعدين حتي لو فيه حاجه هتبقي ناقصه انا هاجيبهالك بعد الجواز
لم ترد علا فلم يترك لها خالد عذرا لتقوله وصمت خالد فهو لا يريد ان يضغط عليها اكثر من ذلك 
انهي خالد قهوته وفع الحساب وركبا السياره واوصلها الي منزلها وذهب
فتحت علا الباب فوجدت والدتها تجلس مع اختها لميا يشاهدا التلفاز
علا السلام عليكم
سهير وعليكم اسلام
لميا ايوه ياعم ناس تاكل في المطاعم وتتفسح وناس تاكل مسقعه في البيت
علا انا مش فيقالك يالميا دلوقتي 
سهير فيه ياحبيبتي مالك اقعدي 
علا