رواية رائعة للكاتبة ليدي

ذراعها ايه ياماما انتي فين تعالي اتصوي مع خالد وعلا كلنا اتصورنا
اخذت لميا صورا كثيره مع العروسان بجانب جميع الحضور فلم يكن هناك عددا كبيرا من المدعوين سوي الاسرتان وبعض الجيران وياسمين وصديق خالد وزوجته
وبعد تناول الجميع لقطع الحلوي والمشروبات...... مر الوقت وانتهي الحفل واخذ الامير اميرته ليطيرا الي عشهما 
ودعهما الجميع من امام المنزل حيث كانت تلك هي رغبه خالد
جلست علا بجانبه في السياره وقاد خالد السياره وانطلقا 
حتي وصل العروسان الي بيتهما واصر خالد ان يحمل علا الي الداخل 
وحملها ودخل الشقه واغلق الباب
وقفت علا مرتبكه لاتعرف ماذا تفعل وكانت تنظر الي اسفل 
اقترب خالد منها ورفع وجهها اليه بحنان وقال مبتسما يااااااااااااااه انا مش مصدق ان انا وانتي بقينا في بيتنا وهنفضل مع بعض علي طول
كانت علا صامته لا تعرف بماذا ترد علي هذه الكلمات
فأخذها خالد وضمھا اليه بذراعيه وقال بحبك ... بحبك اوي ياعلا
لكنه شعر بها ترتجف بين ذراعيه فابتعد قليلا وقال ايه رأيك تدخلي تاخدي دش بسرعه عشان نتعشي انا مېت من الجوع
علا انا مش جعانه خالص
خالد لا مافيش حاجه اسمها مش جعانه انتي ناسيه انك كنتي من كام يوم تعبانه لازم تتغذي وترتاحي يلا علي الحمام بسرعه ..انا هجهزلك اللي هتلبسيه في الاوضه علي ما تخرجي
دخلت علا الي الحمام كانت مرتبكه وخائفه ..اخذت وقتا طويلا في خلع فستانها ثم بدأت في الاغتسال وشعرت براحه وبعض الاسترخاء بعدها 
انهت اغتسالها وخرجت تترقب ما ان كان خالد داخل الغرفه 
لكنها لم تجده بالداخل 
تنفست الصعداء ودخلت واغلقت الباب بالمفتاح 
ولكنها اندهشت عندما وجدت خالد قد احضر لها بيجامه قطنيه ووضعها علي السرير
ربما كان خالد يريد بذلك ارسال رساله طمئنينه الي علا ليقلل من توترها
ارتدت علا ملابسها وخرجت من الغرفه لتجد خالد قد ابدل ملابسه واعد العشاء علي المائده
علا ايه كل الاكل ده
خالد انا سخنت كل اللي موجود في التلاجه بصراحه 
بس الاول هادخل اتوضا عشان نصلي مع بعض
توضأ خالد وارتدت علا اسدالها ووقفا سويا لاداء الصلاه ثم بعدها جلسا العروسان لتناول الطعام
كان خالد يطعم علا بيده ويتحدث معها في موضوعات مختلفه ليقلل من توترها وبعد الانتهاء من العشاء اخذ خالد الاطباق الي المطبخ وصنعت علا الشاي وجلسا سويا لاحتساءه
خالد ااااااااااااه عندي صداع جامد
علا وانا كمان .... ده من دوشه الفرح
خالد دوشه ايه امال لو عملنا فرح بقي كنتي هتقولي ايه
علا لا كده احسن
خالد يوم فرح جيهان روحنا البيت مهدودين ومصدعين كانت الساعه 2 لدرجه نمنا لتاني يوم العصر
علا ياااااه للدرجادي
خالد احلي حاجه اني واخد اسبوعين اجازه اصحي متاخر براحتي وانام براحتي ونتفسح بقي وننبسط .. انتي عارفه اني عمري ما اخدت اجازه من يوم ما اشتغلت
علا ولا يوم واحد
خالد لا انا بحب الشغل اوي وبعدين كنت محوش الاجازات عشان الايام دي 
مش يلا بقي الساعه 11 ندخل بقي 
علا ندخل دلوقتي طب نقعد كمان شويه
خالد انا قصدي ندخل الاوضه .. ههههههههههههههههه بلاش التفكير الشرير ده 
ابتسمت علا اخيرا لكنها لم ترد
وقف خالد وامسك بيدها لتقف هي الاخري ثم حملها الي الداخل
وضعها علي السرير ثم ضمھا اليه وقال انتي عارفه من يوم ما شفتك وانا بحلم باليوم اللي انام فيه وانتي في حضني
الحمد لله ان اليوم ده جه اخيرا
اوعديني ياعلا نفضل مع بعض طول العمر ومانفترقش عن بعض ابدا
خالد علا ..... انتي نمتي
علا لا صاحيه
خالد طب قولي اوعدك
علا خلاص اوعدك
خالد طب نامي بقي تصبحي علي خير ياحبيبتي
علا بجد
خالد بجد
ابتسمت علا وشعرت بالراحه والامان بين ذراعي خالد 
لم تشعر بهذا الشعور من قبل فقد حرمت من عطف الاب وحنانه كما حرمت من احساسها بالامان 
ذلك الشعور الذي لاتعرفه البنت الا بوجود اب الي جانبها
كانت رائحه خالد وانفاسه الدافئه يشعروها بهذا الامان لاول مره
لفت علا ذراعها حوله واغمضت عيونها وباتت ليلتها بين ذراعي

زوجها الحبيب
وفي الصباح كانت الساعه العاشره والنصف صباحا
استيقظت علا ولم تجد خالد بجانبها بحثت عنه لم تجده بالحمام ولا بغرفه المعيشه 
دخلت الي الشرفه لتجده واقفا يحتسي فنجانا من القهوه وشاردا حتي انه لم يشعر بها 
امسكت بذراعه فانتبه
علا صباح الخير
خالد صباح النور ياحبيبتي
علا انت صحيت امتي 
خالد معاد كل يوم الساعه 7 ونص
علا يااااااااااااااااه وليه بدري كده
خالد انا متعود علي كده بس مارضيتش اقلقك وسبتك نايمه
يلا عشان تفطري
اعدت علا الافطار مع خالد وجلسا سويا حول المائده لتناول الافطار 
لم يكن خالد كعادته كان شاردا بعض الشيء ولكنه كان يتظاهر بعكس ذلك امام علا
علا بقالك ثلات ساعات قاعد لوحدك
خالد لا انا صحيت صليت وعملت التمارين بتاعتي واخدت دش
علا بس غلط تشرب قهوه علي الريق
خالد ماتخافيش انا متعود كل يوم باخد قهوه في المكتب علي الريق
علا بس كويس انك بتعمل رياضه كل يوم يابختك
خالد الرياضه دي اهم حاجه لان الواحد ساعات مابيبقاش عنده وقت يروح جيم
انا زمان كنت مواظب علي الجيم بس من ساعه ما اشتغلت في الشركه دي مبقاش عندي وقت خالص
بالفعل كان خالد يمتلك قواما رياضيا وبنيه قويه 
بعد انتهائهما من تناول الافطار جلسا سويا في غرفه المعيشه يشاهدا التلفاز
علا مالك ياخالد
خالد ايه ياحبيبتي ولا حاجه
علا لا مش عادتك يعني حاسه انك متغير
خالد ابدا بيتهيألك بس انا مش متغير ولا حاجه ليه بتقولي كده
علا خالد هو انت ليه ....... يعني امبارح
خالد انا فاهم قصدك ...... بس عايز اقولك حاجه
الواحد لازم يفرق بين الكسوف وبين عدم الاستعداد النفسي اصلا
امبارح انتي كنتي متوتره جدا ومعندكيش اي استعداد . لو كان حصل حاجه كانت هتنعكس عليكي بشكل سلبي
وبعدين احنا قدامنا العمر كله مع بعض
وقبل ان ترد علا رن هاتفها
علا السلام عليكم
سهير وعليكم السلام ازيك ياحبيبتي عامله ايه 
علا الحمد لله انا كويسه ياماما وحشتيني
سهير وانتي كمان قوليلي تعبانه ولا حاجه 
علا لا ياماما انا كويسه خالص لميا وكريم عاملين ايه
سهير الحمد لله ...... بقولك احنا هانيجي نزوركو علي العصر كده
علا ماشي ياماما تشرفو هستناكو
سهير يلا ياحبيبتي مع السلامه سلمي علي خالد
اغلقت علا الهاتف وكان خالد تركها ودخل الغرفه .. دخلت علا وجدت خالد ملقي علي السرير علي وجهه ولكنه اعتدل عندما شعر بوجودها
علا انت هتنام شويه 
خالد لا انام ايه الضهر خلاص علي وشك . هاقوم اتوضا والبس واستعد
وعند سماعه اذان الظهر خرج ليؤدي الصلاه
جلست علا تفكر في شرود خالد ولابد ان السبب في هذا هو ليله زفافه التي لم يقضيها كما كان يحلم 
ولكن قاطع تفكيرها صوت هاتفها
علا الو
ياسمين ايوه ياعروسه صباحيه مباركه
علا ازيك ياياسمين وحشتيني اوي
ياسمين ها رفعتي راسنا ولا فضحتينا هههههههههههههههههه
علا مافيش فايده فيكي ابدا
ياسمين يلا اعترفي واحكيلي علي كله ..... ولا خالد جانبك
علا لا خالد نزل يصلي
ياسمين ها قولي ياعروسه عملتي ايه
علا ريحي نفسك محصلش حاجه
ياسمين ايه ولا حاجه خالص اكيد عيطتي وصوتي ومش بعيد يكون اغمي عليكي
علا لا والله خالد لقاني خاېفه ومتوتره مرضيش يضايقني وخادني في حضنه ونمنا
ياسمين يضايقك والله انتي هبله
علا ماما جايه بعد العصر ماتيجي
ياسمين لا مش هاينفع مش هاعرف اتكلم معاكي براحتي