رواية رائعة للكاتبة ليدي

ياماما
بصي يوم الخميس فرح ناديه بنت عمك مختار زميل بابا في الشغل 
تعالي معانا وهيكون كل الموظفين هناك هتشوفي سعيد وكأنها صدفه وتقولي رأيك يمكن يعجبك
ياسمين هو سعيد ده مابيزهقش ولا مابيفهمش
والله لومش عايزه تروحي اخرجي قولي لباباكي بنفسك
ياسمينماشي ياماما هاروح معاكم بس لو قلت لأ مش عايزه حد يفتح الموضوع تاني معايا
كانت علا تتوسد صدر خالد لتلتمس بعض الراحه والطمئنينه 
تنهد خالد نفسي ياعلا تنسي كل اللي فات وتسيبي مشاعرك علي راحتها وماتخنقيش نفسك بحاجات راحت خلاص
علا انا اسفه ياخالد انا عارفه اني تعباك معايا سامحني
خالد عايزاني اسامحك بجد
علا طبعا
ابعدها خالد قليلا وامسك برأسها بين يديه قوليلي بحبك ياخالد
رن هاتف علا فانتهزت الفرصه واسرعت نحوه وردت السلام عليكم
ايوه انا
ايه
امتي ده حصل ............ مستشفي ايه 
متشكره اوي سلام
اسرع خالد نحوها ايه ياعلا خير 
علا بابا ياخالد تعب ونقلوه المستشفي انا لازم اروحله
ثم اسرعت الي الغرفه وابدلت ملابسها كما فعل خالد وخرجت اخذت حقيبتها والتقط خالد مفاتحه وهاتفه 
استقلا السياره واتجها الي المشفي 
دخلت علا الي موظفه الاستقبال وسألتها متلهفه لو سمحتي فيه مريض جه المستشفي من شويه اسمه حسن عبد الله
الموظفه اممممممممممممم حسن عبد الله دا في العنايه المركزه
علا ايه ومين المشرف علي الحاله
الموظفه الدكتور علي حسين في الدور التاني اول مكتب علي اليمين
صعدت علا مسرعه ومن وراءها خالد 
دخلا الي الطبيب القيا السلام وجلسا
خالد بعد اذنك يادكتور عايزين نعرف حاله المړيض حسن اللي في العنايه
الطبيب اااه والله للاسف مش هاقدر اطمنك الحاله غير مستقره
علا يعني حالته ايه 
الطبيب هو جه عنده اڼهيار عصبي وازمه قلبيه وهو اصلا مريض بالضغط 
فعملنا اللي علينا وربنا موجود
خالد طب ممكن نشوفه
الطبيب لا طبعا حاليا ممنوع
علا هو هايخرج من العنايه امتي 
الطبيب لسه مش عارفين بس لو الحاله فضلت بالشكل ده مضطر اخليه في العنايه 
ادعوله
شكر خالد الطبيب وصافحه وخرج مع علا التي اخرجت هاتفها واتصلت بالدار
علا الو لو سمحت عايزه اكلم مدام امل المشرفه
ثانيه واحده يافندم
امل الو مين معايا
علا انا علا بنت الاستاذ حسن اللي اتنقل المستشفي النهارده
امل اه اهلا يادكتوره هو عامل ايه دلوقتي
علا انا عايزه اعرف ايه اللي حصل 
امل انا كنت بلف علي النزلاء عشان اجمعهم للعشا دخلت لاقيته مكسر الاوضه خالص وواقع من علي الكرسي بتاعه ومغمي عليه طلبت الاسعاف ومعرفش اي حاجه تانيه
اغلقت علا الهاتف واڼهارت بالبكاء حتي اختل توازنها فامسكها خالد واجلسها علي مقعد بجانبها
خالد مالك ياعلا
علا مافيش .. انا خاېفه اوي علي بابا
خالد ماتخافيش ياحبيبتي ان شاء الله خير ......انا هنزل اجيبلم ازازه ميه من تحت
نزل خالد وجلست علا تبكي انا السبب اكيد ماقدرش يستحمل كلامي 
انا كنت قاسيه اوي ................ بس مين اللي كان قاسې علي مين 
يارب ارحمني يارب وماتعذبنيش 
لو بابا جراله حاجه هفضل اتعذب طول عمري . انا مش حمل كل ده انت عالم بي يارب
معقول يعيش كل ده بعيد عننا ولما ييجي اكون انا السبب في مۏته 
يارب ماتحكمش عليا بالعڈاب ده . يارب اشفيه
جاء خالد واعطي لها زجاجه الماء فشربت ومسحت دموعها
خالد اظن ماما لازم تعرف كل حاجه ياعلا ماينفعش تخبي عليها اكتر من كده
علا عندك حق
خالد طب يلا نروحلها وجودنا هنا مش هايفيد بحاجه علي الاقل ماما ممكن تحب تشوفه قبل ما .........
علا لأ ماتقولهاش
خالد محدش عارف ايه اللي هايحصل ........... يلا
غادرت علا المشفي مع خالد واتجهت نحو منزل

والدتها دقت جرس الباب فتحت لميا
لميا علا......... وحشتيني اوي ......... ازيك ياخالد عامل ايه هي علا مالها 
خالد مافيش علا كويسه هي ماما فين
لميا ماما بتصلي في اوضتها
علا انا هادخلها
جلس خالد وسألته لميا فيه ايه
خالد ماتقلقيش ياحبيبتي مافيش حاجه علا عايزه تتكلم مع ماما في موضوع 
ممكن تعمليلي قهوه
لميا حاضر
دخلت علا الغرفه وجدت والدتها لم تنته من الصلاه فجلست علي السرير 
وبعد انتهاء سهير من صلاتها التفتت الي علا مبتسمه ازيك ياحبيبتي جيتي امتي
علا لسه واصله دلوقتي
سهير خالد معاكي 
علا ايوه قاعد بره
سهير مالك ياعلا فيكي ايه 
علا انا عايزه اقولك علي حاجه ياماما بس خاېفه عليكي
سهير اتكلمي ياعلا
روت لها علا القصه كامله بكل تفاصيلها اخبرتها بالقصه الحقيقيه منذ ان رأت ابيها حتي دخوله الي المشفي 
ولكن دهشت علا من رد فعل والدتها فلم تبك سهير ولا حتي ظهرت عليها اي من علامات الحزن او الخۏف عليه
علا ماما اتكلمي ...... ماتقلقنيش عليكي
سهيرهاقول ايه ربنا يشفيه 
يلا نخرج لخالد عشان مايقعدش لوحده
خرجت سهير من الغرفه سلمت علي خالد وجلست
علا مش عايزه تروحي المستشفي ياماما
سهير هاروح اعمل ايه ربنا معاه .... وبعدين الدكاتره موجودين ماليش لازمه
نظرت علا الي خالد مستغربه
علا خالد انا هبات مع ماما النهارده . روح انت عشان عندك شغل بدري
خالد يعني مش هاتروحي الشغل بكره 
علا لا بكره هاخد اجازه عشان لازم اروح المستشفي اطمن
سهير روحي بيتك ياعلا
علا لا ياماما انا هبات معاكي النهارده يعني هبات
وقف خالد طب استأذن انا بقي
سهير مع السلامه يابني
خرج خالد وهو في غايه الضيق فمن وجهه نظره لا داعي لبقاء علا مع والدتها فهي لم تتأثر بشيئ وصحتها تبدو علي مايرام
ركب السياره وانطلق الي البيت
دخلت علا غرفتها وامسكت بهاتفها واتصلت بياسمين
كانت ياسمين ممده علي سريرها واضعه قناع علي بشرتها وتضع طلاء الاظافر 
رن هاتفها فأمسكته وجدت علا اتسعت عيناها وارتبكت علا ياتري عايزه ايه 
ياسمين الو . ازيك ياعلا
علا انتي صاحبه انتي 
ياسمين ايه انا ليه
علا انا في مأساه وانتي ولا بتسألي عني
ياسمين ايه اللي حصل
علا خالد عرف موضوع بابا وزعل مني وخاصمني وبابا تعب بسببي واتنقل المستشفي 
وانا حكيت لماما علي كل حاجه .......... بصراحه نفسيتي زي الزفت
ياسمين وخالد لسه زعلان منك 
علا لا اتصالحنا النهارده
ياسمين اااه طيب كويس ........ وماما عملت ايه لماعرفت
علا ولا حاجه بس حاسه انها بتتظاهر بالقوه بصراحه خفت عليها وقلت ابات عندها الليله دي
ياسمين وخالد
علا خالد مشي راح يبات في الشقه انتي عارفه عنده شغل بدري 
انا عايزه اشوفك يابنتي ............. انا مش هاروح الشغل بكره ماتيجي الصبح 
نفطر مع بعض
ياسمين هه لا مش هاينفع . انا عندي مشوار مع ماما الصبح هانزور واحده قريبتنا تعبانه وبعدين هانروح نشتري شويه حاجات للبيت
علا اوك ... بس لازم اشوفك قريب بجد وحشتيني ياياسمين انتي عارفه اني مش بعرف افضفض لحد غيرك
ياسمين معلش ياعلا ڠصب عني والله بس هحاول برضه وابقي اكلمك
علا ماشي مع السلامه
ياسمين الله يسلمك
اغلقت ياسمين الهاتف وهي تلوم نفسها وكنها سرعان ما نفضت تلك الافكار عن رأسها
ياسمين برضه لأ مش هاتخلي عن خالد ابدا .... دا حلم حياتي 
وهو مش هيلاقي السعاده مع غيري 
ولا انا هلاقيها مع غيره
الحلقة
وصل خالد البيت القي بمفاتيحه علي الطاوله واتجه نحو غرفه النوم ابدل ملابسه وقبل خروجه من الغرفه لفت انتباهه الصوره الموضوعه الي جانب السرير فأمسكها وجلس يتأملها
كانت صورته مع علا يوم زفافهما اخذ ينظر الي وجه علا تلك العروس الحزينه التي تبتسم ابتسامه مصطنعه لاتكشف عن اسنانها
تذكر ذلك اليوم وكيف كانت زوجته فائقه الجمال وكم كان في قمه سعادته واقباله علي هذه الحياه