رواية رائعة للكاتبة ليدي

يتحدثان
الاولي مسكينه خاېفه عليه اوي هو والدها يانورا
نورا اه بس مش مسكينه ولا حاجه .. دول عالم مافيش في قلوبهم رحمه 
راميين الراجل في دار مسنين ولا سألين عنه الالما جاتله ازمه قلبيه من القهره ياعيني
الاولي اعوذ بالله هي الدنيا جري فيها ايه 
نورا ربنا ينتقم منهم ..... يلا نشوف شغلنا بدل ماناخد ذنوب علي الفاضي
وصلت علا البيت وجدت والدتها في المطبخ تعد الغداء
علا السلام عليكم
سهير وعليكم السلام ورحمه الله وبركاته ...اكيد جوعتي ماانتي مافطرتيش
استغربت علا من والدتها فلم تسألها عن حال والدها
علا براحتك ياماما انا ماليش نفس ....... مش عايزه تسأليني عن بابا
سهير عامل ايه 
علا اتحسن شويه بس لسه في العنايه المركزه
سهير ربنا يشفيه
وصلت لميا وبعدها كريم واعدت علا المائده والتف الجميع حولها ليتناولوا الغداء
وبعد انتهائهم ذهبت لميا للمذاكره كما فعل كريم
وذهبت سهير لتأخذ قسطا من الراحه في غرفتها بينما كانت علا تغسل الصحون وتنظف المطبخ وفور انتهائها ذهبت لتتوضأ وتصلي العصر ثم اتجهت هي الاخري الي غرفتها
جلست تفكر في حالها وما يحيط بها من ضغوط وتوتر 
فكرت في وضعها مع خالد ولكن قاطع تفكيرها صوت هاتفها
علا الو
ياسمين ايوه ياعلا عامله ايه 
علا الحمد لله ازيك ياياسمين
ياسمين الله يسلمك ..... انتي فين لسه عند ماما 
علا اه لسه
ياسمين طيب ساعه كده وهاجيلك اصلي لسه مااتغدتش
علا ماشي هاستناكي
ياسمين هو خالد معاكي 
علا لا خالد عند مامته هايتغدي هناك زمانه لسه واصل اصله بيخلص شغله دلوقتي
ياسمين ماشي ساعه وجايه لك مع السلامه
علا الله يسلمك
مرت الساعه ووجدت علا ياسمين تدق الجرس فتحت لها وصافحتها وقبلتها ودخلت معها غرفتها
ياسمين ها ياستي مالك بقي قلقتيني امبارح
علا والله ياياسمين انا حاسه اني متلخبطه وتايهه الدنيا كلها حواليا توتر وضغوط ومش عارفه الاقيها منين 
وكمان خالد صعبان عليا
ياسمين ليه 
علا يعني

انا مش مهتمه بيه وحاسه انه زهق ومتضايق بس مش بيبين 
هو مالوش ذنب في اللي انا فيه 
بيحاول يسعدني بكل الطرق 
خالد ده المفروض ماكنش اتجوزني وكان اتجوز واحده من غير كلاكيع زيي تحبه وتسعده والله خالد طيب اوي ويستاهل كل خير
عشان كده انا بفكر في حاجه . بس محدش يعرفها خالص الا انتي دلوقتي
ياسمين بتفكري في ايه
علا بفكر اتطلق من خالد ......................
الحلقة 15
ياسمين ايه انتي بتتكلمي بجد ياعلا
علا هو ده اللي بفكر فيه اني اسيب خالد من دلوقتي واخليه يعيش حياته مع واحده حياتها طبيعيه ياياسمين 
انا مش قادره اسعده .حتي كلمه بحبك مش قادره انطقها مع انه نفسه يسمعها مني ولو مره
انا كل ماافوق من حاجه تطلعلي حاجه تانيه
ياسمين بصراحه مش عارفه اقولك ايه محدش يقدر يفيدك في حاجه زي دي غيرك انتي . دي حياتك وانتي اللي تقولي اذا كنتي عايزه تكملي او لا المهم تكوني مرتاحه نفسيا
رن هاتف علا فردت
علا السلام عليكم
هدي وعليكم السلام. ازيك ياعلا عامله ايه 
علا الحمد لله ازيك انتي ياهدي وحشتيني
هدي لو كنت وحشتك كنتي اتصلتي وسألتي
علا معلش ڠصب عني ربنا يعلم اللي كنت فيه الايام اللي فاتت
هدي معلش ياحبيبتي . بابا عامل ايه الف سلامه عليه
علا الحمد لله اتحسن شويه . انتي عرفتي منين 
هدي عمر لسه قايلي من شويه بعد ماجه من الشغل . ربنا يتم شفاؤه علي خير يارب
علا ربنا يخليكي ياهدي
هدي انتي لسه عند مامتك 
علا ايوه
هدي خلاص هاجي اشوفك دلوقتي
علا ماشي ياحبيبتي مستنياكي
استيقظت سهير من نومها ودخلت غرفه علا لتطمئن عليها وجدتها تجلس مع ياسمين
سهير ازيك ياياسمين انتي هنا من امتي مش تصحيني ياعلا
ياسمين ازي حضرتك ياطنط عامله ايه
سهير الحمد لله ياحبيبتي .. ها تشربو شاي معايا ولا اعملكوا حاجه تانيه 
ياسمين لا ياطنط ماتتعبيش نفسك
علا استني ياماما وانا هاروح اعمله
سهير لا ياحبيبتي خليكي قاعده مع ياسمين
غادرت سهير الي المطبخ لتصنع الشاي وعادت علا الي حديثها مع ياسمين حتي دخلت سهير بالشاي ووضعته امامهما
ياسمين شكرا ياطنط
علا اقعدي ياماما معانا
سهير لا ياحبيبتي انا هاروح اشرب الشاي في البلكونه واقرأ قران
ذهبت سهير الي الشرفه وجلست تتلو ايات القران الكريم حتي دق جرس الباب ففتحت علا وجدتها هدي رحبت بها وقبلتها ودخلت معها الي الغرفه
هدي السلام عليكم
ياسمين وعليكم السلام
سلمت هدي علي ياسمين وجلست
هدي اخبارك ايه ياعلا 
علا الحمد لله كويسه والله كنتي وحشاني اوي ياهدي
هدي وانتي كمان ربنا يعلم .. وانتي اخبارك ايه ياياسمين 
ياسمين الحمد لله
لم تكن ياسمين ترتاح في الجلوس مع هدي بمكان لم يكن بينهما توافق علي الاطلاق لذا قررت ان تترك المكان
ياسمين انا عايزه امشي ياعلا عشان الحق اروح الكوافير اعمل شعري
علا يابنتي البس طرحه وريحي نفسك بقي هتبقي زي القمر والله
ياسمين قصدك اتجحب ماشي . بس انا مش هالبس الحجاب عشان ارتاح من عمايل شعري وخلاص . لازم البسه وانا مقتنعه عشان مااخلعوش تاني
هدي مقتنعه عايزه تقتنعي بايه ياياسمين الحجاب فرض علي كل مسلمه بالغه عاقله . ويكفيكي اقتناع انه امر من ربك سبحانه وتعالي 
ينفع حد يقول انا مش هصلي الا لما اقتنع بالصلاه اهو الحجاب فرض زي الصلاه
شعرت ياسمين بالاحراج من حديث هدي وتغير وجهها وڠضبت
ياسمين انا ماشيه ياعلا اشوفك بعدين سلام
وخرجت مسرعه
علا كده ياهدي كسفتيها
هدي انا ماقلتش حاجه غلط ياعلا واتكلمت بمنتهي الادب وماغلطتش فيها 
وبعدين في حاجات ماينفعش فيها المجاملات الحق حق
علا طب تشربي ايه بقي 
هدي شاي
خرجت ياسمين غاضبه من هدي لقد احرجتها بكلامها ولكنها عندما تذكرت كلام علا سرعان ما ابتسمت ونسيت ماقالته هدي
ياسمين لنفسها يااااااه ياياسمين انا مش مصدقه . خلاص علا هي اللي اختارت تبعد يعني اي حاجه هعملها عشان اقرب من خالد مش هتكون خېانه وضميري كده ارتاح 
ماهي كده كده هاتسيبه وهو اكيد هايتجوز واحده تانيه ليه ماتبقاش انا 
انهت هدي الزياره وذهبت الي بيتها بعد اطمئنانها علي صديقتها علا
وحضر خالد ليأخذ علا الي بيتهما
استقلا السياره وعندما وصلا الي البيت فتح خالد الباب ودخل مع علا ثم اخذها بين ذراعيه وضمھا الي صدره بشوق
خالد وحشتيني اوي ياحبيبتي ... كده برضه تخليني

انام لوحدي امبارح 
علا معلش انا كنت خاېفه علي ماما انت عارف انها تعبانه
خالد خلاص ياحبيبتي مش زعلان ..المهم انك وحشاني موووووت
ثم اخذها ودخلا غرفتهما
وفي الصباح ذهب خالد الي عمله وبدأ في مباشره عمله الهندسي حتي جاء وقت الراحه اليوميه نزل خالد متجها الي الكافيتيريا ليحتسي قهوته ولكنه وجد ياسمين تقف في زاويه قريبه من الكافيتيريا ويبدو علي وجهها الضيق والقلق 
فذهب اليها
خالد انسه ياسمين مالك خير 
ياسمين ازيك ياباشمهندس . والله متضايقه اوي موبايلي مش لاقياه الظاهر وقع مني الصبح في التاكسي وزميلتي اللي اعرفها هنا مجاتش النهارده عشان اتصل من تليفونها عليه يمكن يكون واحد ابن حلال لقاه ويرجعهولي
خالد طب خدي موبيلي اتصلي وان شاء الله خير
اخذت ياسمين الهاتف من خالد واتصلت برقمها ووضعت الهاتف علي اذنها كانت رائحه عطر خالد تفوح من الهاتف وكانت تستنشقها ياسمين بسعاده وتود لو قبلت الهاتف وضمته وليس الهاتف فقط !
ياسمين ردي بقي ياماما روحتي فين بس اهو جرس
الو
ياسمين ايوه لو سمحتي ده موبيلي
انتي مين ده