رواية رائعة للكاتبة ليدي

عليها بعض الطعام يلا ياماما انا عملت الخضار اللي الدكتور قال عليه
سهير تسلم ايدك ياحبيبتي
دخل خالد ليطمئن علي سهير وسلم عليها وذهب الي البيت وترك علا الي جانب والدتها المريضه
دخلت علا غرفتها وبدات في تنفيذ فكره هدي فأمسكت هاتفها واتصلت بياسمين
ياسمين الو
علا ايوه ازيك ياياسمين
ياسمين الحمد لله وحشتيني اوي ياعلا
علا انا عند ماما النهارده ماتيجي نقعد شويه مع بعض
ياسمين معلش ياعلا مش هاقدر انتي عارفه بابا .. بس انتي ليه عند ماما فيه حاجه
علا ماما تعبانه شويه .... وانا وخالد كمان زعلانين
ياسمين ايه الف سلامه عليها وانتي وخالد زعلانين ليه 
علا والله ياياسمين خالد مبقاش معايا زي الاول خالص معرفش جراله ايه بقاله حوالي شهر كده وكمان طلباته غريبه
ياسمين ازاي
علا يعني امبارح مثلا لقيته بيقولي ياريت ياعلا تقصي شعرك وتخليه قصير
ياسمين ايه طب ليه 
علا بيقول انه

بيحب الشعر القصير وبيشوف البنت اللي شعرها قصير رقيقه اكتر من اللي شعرها طويل
ياسمين قصير قد ايه يعني 
علا بيقولي لحد اول الرقبه كده
ياسمين وانتي قلتيله ايه 
علا انتي عارفه ياياسمين اني بفكر اسيب خالد يعني مايفرقش معايا زعله 
وانا مش ممكن اغير من شكلي عشان البيه يرضي عني 
طبعا لما قلتله الكلام ده زعل وقالي لازم تعملي الحاجه اللي بحبها عشان مااضطرش ابص لواحده بره
ياسمين خالد قالك كده
علا تصوري ياياسمين ............. صحيح عملتي ايه في موضوع الشغل لسه بتدوري
ياسمين هه اه لسه مالقيتش ادعيلي بقي
علا معلش ان شاء الله تلاقي مع السلامه عشان اروح اشوف ماما
وفي اليوم التالي كانت هدي في بيتها فأمسكت هاتفها واتصلت بصديقتها اسماء
اسماء الو
هدي ايوه ياسمسمه ازيك عامله ايه
اسماء الحمد لله
هدي بقولك ايه يااسماء عارفه البنت اللي انتي صورتيهالي قبل كده
اسماء مالها 
هدي شوفيها كده قصت شعرها ولا الا
اسماء نعم . انتي ايه اللي جرالك ياهدي انا مش فاهمه انتي بتعملي ايه
هدي عشان خاطري ياسمسمه
اسماء حاضر خليكي معايا ثواني ................................................ يابنت اللذين عرفتي ازاي فعلا دي قصت شعرها .دي مجنونه دي ولا ايه شعرها كان تحفه
هدي ههههههههههههههههههههههه سلام دلوقتي يااسماء
اتصلت هدي بعلا سريعا
علا ايوه ياهدي ازيك
هدي علا ..... صاحبتك قصت شعرها ههههههههههههههههههه انا دلوقتي قلبي برد شويه ولسه
علا للدرجادي ولسه ايه ياهدي تاني 
هدي هو احنا لسه عملنا حاجه خدي خطه رقم 2 اسمعي ياستي ........
الحلقة 19 والاخيرة
كانت ياسمين تجلس مع خالد في الكافيتيريا تحتسي القهوه وطبعا خالد لم يبد اي اعجاب ولم يعلق علي مافعلته بشعرها ولو بنظره وهذا عكس ما توقعته ياسمين بالمره
ياسمين القهوه حلوه النهارده ومختلفه
خالد فعلا
ياسمين الواحد دايما يحب التغيير في كل حاجه عشان يكسر الملل 
يعني انا مثلا بحب دايما اغير في كل حاجه شكلي شعري لبسي عشان ماحسش بالملل
خالد عندك حق
ياسمين مش ملاحظ التغيير
خالد اممممممم اه انتي قصيتي شعرك مش كده
ياسمين اه مش احلي بصراحه انا بحس ان الشعر القصير ارق ولا ايه رأيك
خالد مش عارف بصراحه اصلي مش بفهم في الحاجات دي اوي .... كله كويس
شعرت ياسمين بخيبه امل وبالغيظ الشديد منه
ولكنها قالت لنفسها يبدو انه لاحظ واعجب بشعرها واستحي ان يصرح بهذا
اما علا فكانت قد بدأت في تنفيذ خطه هدي الثانيه
اخذت اجازه من عملها واستقلت تاكسي واتجهت الي محل عمل والد ياسمين
وصلت وسألت هناك عنه احدي الموظفات فأوصلتها الي باب مكتبه طرقت الباب ودخلت
علا السلام عليكم
وعليكم السلام ورحمه الله وبركاته اتفضلي
علا انا علا صاحبه ياسمين
اهلا اهلا يادكتوره عارفك طبعا . دا انتي الحاجه الكويسه الوحيده اللي ياسمين اختارتها في حياتها
ابتسمت علا متشكره اوي ياعمي ربنا يخليك .... انا كنت جايه اكلم حضرتك في موضوع يخص ياسمين بس خاېفه اعطل حضرتك
لا مافيش عطله ولا حاجه خدي راحتك مالها ياسمين تشربي ايه الاول 
علا لا متشكره ياعمي ولا حاجه 
حضرتك عارف ان ياسمين بتشتغل في شركه ............
ايوه
علا بس اللي حضرتك ماتعرفوش ان خالد جوزي بيشتغل مهندس في نفس الشركه وهو عارف ياسمين طبعا 
المهم هو قالي ان فيه مهندس زميلهم في الشركه اخلاقه سيئه جدا وسمعته وحشه اوي وياما كان ليه فضايح قبل كده 
المهم الراجل ده ابتدي من فتره يتقرب من ياسمين وهي طبعا ماتعرفش عنه اي حاجه 
انا قلتلها علي حقيقته بس حضرتك عارف ياسمين عنيده قد ايه ماصدقتش لانه فعلا بيقدر يقنع اللي قدامه انه كويس 
وياسمين لسه طالعه من تجربه قاسيه ومعندهاش خبره في الناس وانا خاېفه عليها هي مش هاتقدر تتحمل تجربه تانيه
اسمه ايه المهندس ده 
علا مش مهم اسمه دلوقتي ياعمي المهم اننا ننقذها منه لان حضرتك لو حتي منعتها من الشغل او هددته برضه مش هايبعد عنها ويمكن كمان يتمسكوا ببعض اكتر وتكبر الحكايه في دماغ ياسمين
طب انتي فيه في دماغك حاجه
علا ياسمين كانت حكتلي علي الاستاذ سعيد اللي اتقدملها من فتره
ايوه بس هي رافضاه نهائي
علا اللي اعرفه انها مش رافضه نهائي بالعكس هي قالتلي انه انسان محترم وباين عليه كويس بس هي خاېفه

تخوض تجربه جواز تانيه وخصوصا انها ماتعرفوش 
انا حسيت من كلامها انه مناسب ليها جدا 
وطبعا حضرتك تعرفه كويس
اكيد اعرفه بني ادم محترم وجاد وشخصيه كويسه وظروفه مناسبه لظروفها
علا يبقي خلاص حضرتك عارف مصلحتها اكتر منها ولو هي عايزه ټأذي نفسها 
يبقي واجب حضرتك تمنعها ولو حتي بالقوه 
انا اسفه طبعا اني بتدخل بس انا بتكلم من منطلق خۏفي عليها وحبي لها كمان ياسمين بالنسبه لي اخت مش صديقه بس
لا كلامك مظبوط وانا اشكرك انك جيتي وقولتيلي واخدتي من وقتك عشان تحمي ياسمين
علا لا ياعمي العفو انا عملت الواجب اللي اي اخت لازم تعمله 
بس ياريت ياعمي ماتقلش لياسمين اني قلت لحضرتك حاجه عشان يعني ماتزعلش مني
مفهوم طبعا
علا ممكن اخد رقم حضرتك عشان اتطمن
طبعا طبعا اتفضلي
علا بعد اذن حضرتك انا همشي عشان مااعطلكش
عادت علا الي بيت والدتها اتصلت بهدي واخبرتها بما حدث 
ثم دخلت لتعد الغداء واحضرت الطعام الخاص بوالدتها والذي اوصي به الطبيب
دق جرس الباب فتحت علا وجدت خالد ووالدته امامها
علا اهلا ياماما ازيك اتفضلي
كريمه انتي ماتتكلميش معايا خالص لا انتي ولا الواد اللي ورايا ده
علا ليه بس ياماما حصل ايه
دخلت كريمه الي غرفه سهير مباشره وقبلتها وجلست الي جانبها
كريمه وانتي ياسهير دورك جاي بس لما تقومي بالسلامه 
بقي كل ده يحصل وانا مااعرفش حاجه طب خالد وعلا عيال ومابيفهموش .انتي بقي ياسهيرايه 
علا معلش ياماما سامحيني والله انا كنت مشغوله في اللي حصل خالص انا اسفه
خالد خلاص بقي ياماما قلتلك انا اللي غلطان كان مفروض اقولك 
يلا ياعلا روحي اعملي لماما كوبايه لمون
كريمه بالنعناع
وفي منزل ياسمين
عادت من عملها ابدلت ثيابها وتناولت الغداء برفقه والديها وقبل ان تدخل الي غرفتها اوقفها والدها
ياسمين
ياسمين ايوه يابابا
اعملي حسابك سعيد جاي النهارده عشان نتفق علي كل حاجه
ياسمين سعيد مين ونتفق علي ايه 
نتفق علي الجواز ..... سعيد كلمني النهارده تاني وانا وافقت وعزمته ييجي عشان تقعدوا مع بعض وتتكلموا
ياسمين بس يابابا انا قلت لحضرتك قبل كده اني مش ..........
قاطعها وادها بحزم انا ماسمعتش حاجه ........ سعيد مناسب ليكي وانا موافق