رواية رائعة للكاتبة ليدي

انا كنت عايزك تروحي الشقه عشان تشوفي ايه رأيك عايز اخد رأيك في حاجات مهمه انتي ماروحتيش غير مره واحده
علا مش هاينفع اعمل انت اي حاجه هتبقي كويسه
خالد لا هستناكي بكره بعد الشغل ونعدي علي طنط ناخدها ونروح
علا لا بكره نازله انا وماما هنشتري شويه حاجات
خالد حاجات ايه
علا لبس وكده
خالد طب اللبس وفهمناه وكده ده يطلع ايه
علا مش فاهمه
خالد ههههههه خلاص خلاص بس ارجوكي كتري من وكده ده
تركته علا وسبقته للباب دفع الحساب والحق بها واوصلها الي المنزل 
دخلت علا منزلها وجدت مفاجأه بانتظارها 
انها صديقتها ياسمين التي سافرت مع والديها بعد اتمام المرحله الثانويه ولم تراها منذ ذلك الحين
علا ياسمين انا مش مصدقه اني شوفتك حمد الله علي السلامه
ياسمين بجد وحشتيني ياعلا وحشتيني اوي
حلستا الصديقتان في غرفه علا
علا قوليلي بقي اخبارك ايه احكيلي
ياسمين حكايتي تتلخص في تلات كلمات .. اتخرجت .. اتجوزت .. اتطلقت
شعرت علا بالحزن علي صديقتها فهي تحبها كثيرا
لكن علا لوكانت تعلم ان ياسمين ستكون سببا في تغيير حياتها ربما كانت لها رأي اخر
الحلقة 3
علاايه ازاي ده حصل
ياسمين هقولك ايه دي حكايه طويله مش عاوزه اوجع دماغك بيها
علا اخص عليكي احنا اخوات متقوليش كده خليني اشيل عنك شويه
ياسمينانتي عارفه انا كنت فرحانه قد ايه لما بابا قال اننا هنسافر 
حتي الجامعه قدمت انتساب فيها وقلت هاجي علي الامتحانات 
وسافرنا وقضيت اجمل ايام اول ما رحنا 
اتعرفنا علي مصريين كتير كانو بيتنافسو عشان يعزمونا ويفرجونا علي البلد 
كان لينا جيران مصريين هم كانو سبب التعارف بأحمد اللي كان جوزي
علاكان ابنهم 
ياسمينلا كانو اصحاب
علامصري
ياسمينمصري طبعا بس كان شغال في دبي وكان نازل ابوظبي كام يوم شغل 
وكان جاي يزور جيرانا وهم عزمونا في اليوم ده وياريتنا مارحنا 
اول ما شفته اعجبت بيه هو مكنش وسيم بس كان مثقف وانيق ومبين انه محترم اوي
علايعني حبيتيه من اول نظره 
ياسمين بالعكس انا بعدها نسيته خالص وبعد 3شهور جارتنا قالت لماما انه عايز يتقدم 
بابا رفض عشان كنت في اولي كليه لسه
علاعنده حق بصراحه
ياسميناه بس جارتنا اقنعت ماما واقنعتني بيه اوي 
وهو كمان نزل ابوظبي وقعدت معاه عندها واتكلمنا
علامن ورا باباكي انتي غلطانه
ياسمينعارفه بس جارتنا كانت قاعده معانا مكناش لوحدنا 
المهم اتكلمنا وقالي ان دراستي هتبقي اهم حاجه عنده وهيشجعني 
والجواز مش هيعطلني وكده .بصراحه ارتحتله ساعتها 
وماما قعدت تزن علي بابا واقنعته لحد ما وافق بس بعد ما اخلص امتحانات اولي
علاوبعدين
دخلت لميا في هذه الاثناء تحمل كوبين من العصير اتفضلو العصير الجبار
ياسمينتعبتي نفسك ليه انا لسه شاربه شاي مع طنط
لميالااااااااااا العصير ده جبار صنع ايديا
علااشربي بسرعه عشان نلحق نعمل غسيل معده
لميا كده برضه مانا عماله احشيكي عصير من زمان متكلمتيش
علااحشيكي
لميا اه مش دكتوره اسنان بكلمك بلغتك
علاطب يلا اخلعي من هنا بقي بدل ما اضربك قلم الخلخك
ياسمين كفايه انا دماغي سوست منكو
ضحك الجميع وانصرفت لميا وعادتا الصديقتان الي قصتهما السوداء
علاها كملي
ياسمينبس وخلصت الامتحانات ورجعت علي ابوظبي وجهزنا كل شيء واتجوزنا 
وبعدها سافرنا علي دبي نزلنا في الفندق الي بيشتغل فيه لمده اسبوع
علاهو بيشتغل في فندق
ياسمين اه مدير العلاقات العامه في الفندق 
المهم ..بعد الاسبوع روحنا شقتنا اللي كان مجهزها وياريتنا مارحنا هناك ياعلا
علاليه اتغير بقي هناك
ياسمين قولي اتحول بقي واحد تاني خالص 
رجع الشغل بعد يومين من رجوعنا الشقه قلت معلش احنا مع بعض علي طول 
كان بيتأخر بره اقول شغله واقعد

اذاكر عشان محسش بالملل
وفضلنا علي الحال ده شهر ونص لحد مافي يوم اسود كنت قاعده بذاكر في اوضتي وهو كان في اوضه المكتب علي النت 
راح الحمام وانا دخلت الاوضه صدفه بصيت علي الاب توب بتاعه اټصدمت
علاايه بيتفرج علي حاجات مش كويسه 
ياسمينلا بيكلم بنات زباله لقيت واحده بعتاله صور قزره وكتباله كلام مؤرف
وهو رادد بكلام فظيع ومن كلامهم عرفت انهم علي علاقه ببعض من قبل جوازنا
علاوعملتي ايه
ياسمينانا كنت صغيره ومش عارفه اتصرف قعدت اصړخ وواجهته بحسبه هايتكسف ويحاول يراضيني
علاامال عمل ايه
ولكن لميا قاطعتهما من جديد فتحت الباب وقالتعلا .. خالتو سلوي جت بره تعالي سلمي عليها وارجعي
ياسمينطب انا همشي بقي ياعلا ونكمل بعدين
علالا يابنتي خليكي دقيقه وراجعه علي طول
ياسمين لا انا عرفت من طنط ان خالتك لسه واصله من ايطاليا قريب اقعدي معاها براحتك وانا كمان اتأخرت اوي وبابا بقي بيحاسبني علي النفس
خرجت ياسمين من الغرفه بصحبه علا وسلمت علي سلوي وانصرفت علي وعد بلقاء علا قريبا لاكمال حديثهما
جلست علا مع خالتها ووالدتها واختها يتبادلون اطراف الحديث 
حتي طلبت سلوي منهما ان يصنعو لهم القهوه
كانت سلوي تريد الحديث مع سهير بمفردهما 
سلوي عملتي ايه في اللي انا طلبته منك ياسهير
سهير عملت ايه في ايه اوعي تكوني لسه هتتكلمي في موضوع علا وعادل
سلوي هو في موضوع غيره
سهيرحصلك حاجه في مخك ياسلوي لوكنتي جيتي قبل الخطوبه كنت اتمني لكن عايزاني اغدر بالراجل بعد ما قرينا فتحه 
سلوي اديكي قولتي .خطوبه يعني مش كتب كتاب ولا جواز
وبعدين ابن خالتها اولي
سهير مش هينفع ياسلوي وعادل ربنا يرزقه ببنت الحلال وتكون تنقيتي برضه
سلوي علا هي بنت الحلال اللي انا عايزاها لعادل ملكيش دعوه خدي رأيها وردي علي
جاءت علا بالقهوه واذ بهاتفها المحمول يرن
علاعن اذنك ياخالتو
ردت
علاالو
خالدوحشتيني
علا خالد لوسمحت انا لازم اقفل عشان خالتو عندنا وعايزه اقعد معاها
خالدخالتك اللي جايه من السفر
علاايوه
خالدوابنها معاها
علالا لوحدها وبعدين ايه ابنها ده اسمه عادل
خالد والله انا اسف ياستي كنت ناسي الاسم ماتزعليش اوي كده
علا انت كنت متصل عشان حاجه 
خالدياساتر علي الاسلوب .. المهم انا عاوز اخد رأيك في حاجه
علاحاجه ايه
خالد ايه رأيك نكتب الكتاب
علا ايه 
فوجئ خالد بانبره التي تتحدث بها علا فقد صړخت عندما سمعت كلمه كتب الكتاب تعجب كثيرا وسألها
خالدايه ياعلا اټفزعتي كده ليه
علاها ابدا بس انت فاجئتني
خالد فاجئتك بايه علي اساس ان كتب الكتاب ده امر مش وارد اصلا
خالدردي ياعلا .. لو فيه حاجه بتفكري فيها قوليلي 
انتي مش عاوزه تتجوزيني 
علاانا مقلتش كده
خالامال ايه عايزه تأجلي ولا عايزه تلغي الموضوع اصلا 
شكلي كده كنت فاهم غلط
علافهمت ايه
خالدكان بيتهيألي انك ..... يعني ابتديتي تحبيني
علاممكن اقفل دلوقتي لو سمحت ونتكلم بعدين
خالدمع السلامه ياعلا
انهت علا مكالمتها مع خالد وجلست تبكي في صمت حتي لا يشعر بها احد 
تذكرت خالتها التي جاءت لزيارتهم فمسحت دموعها وخرجت لتجلس معها
سلويايه ياعلا خالتو مش واحشاكي ولا ايه
علا لا والله ياخالتو متزعليش بس المكالمه كانت مهمه ولازم ارد
سلوي انا لازم امشي بقي الوقت اتأخر وهروح لواحدي اصل عادل في اسكندريه
سهير ايه ياسلوي انتي لحقتي تقعدي لسه بدري
سلوي المهم اتطمنت عليكم تصبحو علي خير
خرجت سلوي مع كريم ليصتحبها للبيت واستئذنت علا من والدتها ان تذهب للنوم لانها تشعر ببعض التعب
باتت علا ليلتها وهي تبكي ولا تستطيع النوم
وفي الصباح ارتدت ملابسها ولم تتناول الافطار مع اسرتها علي غير عادتها
ذهبت الي المشفي واستقبلت اولي حالاتها وانهت فحصها
لكنها طلبت من الممرضه ان تعتذر لباقي المړضي وذهبت
خرجت لاتعلم الي اين ولا تدري ماذا تريد 
حتي اهتدت للذهاب الي صديقتها ياسمين 
فتحت لها والده ياسمين الباب
علاسلام عليكم ياطنط
وعليكم السلام اتفضلي يابنتي
علاانا