نااادرة قلبي

الكرسي
انتى ليه ماكلتش وشكلك كمان منمتيش وازاي تيجي لحد هنا. أنت هتخرجي دلوقتي وهتروحي مع ابوكي وانا هتصرف متقلقيش يا نادرة
نادرة پغضب وصوت عالي
متقلقش ايه بس يا حسن دا أنا بمۏت من الخۏف اكل ايه وشرب ايه دلوقتي دا بيقولوا فيها حبس وحاجات كتير
حسن ابتسم ڠصب عنه علشان يهديها
صلي على النبي واهدي وان شاء الله خير خير يا نادرة محڼة وهتعدي بس ادعيلي المهم ماما كويسة عملت ايه لما عرفت وهي فين

نادرة بلعت ريقها بتوتر وبكدب
موجودة بس اصرينا عليها متجيش وهي في البيت وبابا جاب محامي كويس و.
حسن بحدة وخوف
انتي بتكدبي صح. امي أنا عارفها كويس لا يمكن تفضل في البيت وانا هنا. امي فين يا نادرة حصلها حاجة
نادرة مقدرتش ترد وعيطت حسن بحدة وړعب
امي فين يا نادرة انطقي هي كويسة صح
نادرة پخوف عليه
اهدي يا حسن هي كويسة بس لما عرفت الخبر مستحملتش ووقعت اغمى عليها وناقلها المستشفى الدكتور قال إنها كويسة بس الضغط والسكر مش متظبطين ويومين وهتبقى كويسة المهم فكر في نفسك دلوقتي يا حسن
حسن قعد وڠصب عنه دموعه نزلت على والدته نادرة حضنته بهدوء
والله هتكون كويسة صدقني يا حسن
حسن مسح دموعه بسرعة وهو بيحاول يتماسك
نادرة خليكي معها ومع تبارك هم مالهمش غيري وقوليلهم اني كويس وان شاء الله هخرج من هنا
نادرة حاضر حاضر يا حسن بس بالله عليك هون على نفسك كدا ممكن يجرالك حاجه
حسن 
أنا كويس. كويس بصي فين موبيلي
نادرة
مش عارفه تقريبا في البيت
حسن
طب بصي افتحيه وخلي ابوكي يكلم واحد اسمه مينا هو محامي شاطر وهيقدر يساعدنا وان شاء الله عامر يخرج هو كذا كذا الورشة مش باسمه
نادرة يعني ايه يعني هو يخرج وانت تلبسها
حسن بتعب 
نادرة ابوس ايدك أنا مش قادر اناقشك دلوقتي بس اعملي اللي قولتلك عليه.
نادرة 
حاضر يا حسن بس خليك فاكر أنا مش هسمح انك تبعد عننا وهترجع تاني وهتروح معانا صدقني
حسن 
أن شاء الله. إن شاء الله يا نادرة
نادرة خرجت ووكيل النيابة دخل وكمل تحقيقه مع حسن لكن مفيش أي نتيجة جديدة
بعد شهر ونص مينا قدر يخرج عامر من الموضوع لأنه مش مالك المكان اللي وجود فيه المخډرات
لكن مقدرش يعمل أي حاجه لحسن لانه مالك المكان وهو اللي بيكون في الورشة اغلب وقته ولان مفيش أي حاجة تدين أي شخص تاني غيره والدته خرجت من المستشفى والكل حزين ومتضايق
حتى أهل الحارة والمنطقة اللي هو ساكن فيها وكل اللي يعرفوه
في المحكمة العليا ميعاد الجلسة التانية لحسن واللي هيتحكم فيها عليه العسكري دخل بحسن قاعة المحكمة وفي ايده الكلبشات كلهم راحوا ناحيته وهو بصلهم بلهفة نادرة بقيت في آخر شهر في الحمل كان نفسه يبقى جانبها بحر يمكن طولت شوية كلهم موجودين والدته وتبارك وجوزها وجليلة واختها ونوال ونادرة وبحر ومرجانة ومينا المحامي بتاعه موسى وعامر وعبود صاحب القهوة كلهم موجودين حتى إسلام الشاب اللي ساعده يلقى شغل وسمارة وبرا القاعة في ناس كتير جايين بصلهم وبلع ريقه بصعوبه وهو شايف البدلة الزرقاء اللي لبسها دخل وراء الحديد
دعاء بلهفة 
متخفش يا حسن أنت ابن حلال وعمرك ما اذيت حد وربنا شاهد وهيبراك منها
نادرة بتصميم وتعب ودموع
حسن أنت هتخرج صدقني وبعدين الدكتورة قالت اني حامل في ولد وخالص كلها كم يوم أنا عايزاك تكون معايا مش هقدر يا حسن صدقني
حسن خرج ايده ومسح دموعها بحب
سامحيني والله العظيم لو كنت أعرف اني هاذيكي معايا كدا مكنتش حبيتك اتجوزتك بس الغلبان في البلد دي بيجوا عليه اوي يا نادرة اوي. واحنا مالناش ضهر فظلموني وانا بظلمك معايا وبظلم الطفل دا معانا بس وعد عليا لو ليا عمر وخرجت المرة دي الحساب تقل اوي اوي يا نادرة ولو بكوا بدل الدموع ډم مش هرحمهم
مينا باسف
حسن مفيش أي دليل على فريد أو طه ولما جبتهم المحكمه في الجلسه اللي فاتت انكروا أي حاجه وهم اكيد مش يتكلموا بس أنا هحاول باي طريقة تانية متقلقش الخواجة بنفسه بيقولك اطمن هو هيتولي الموضوع
عامر بحزن
أنا اسف يا حسن والله ما عارف ازاي الحاجة دي دخلت الورشة
إسلام بجدية
متقلقش يا جدع دا أنت ساعدتني وانت متعرفنيش وربك كريم اوي وان شاء الله هتخرج النهارده
حسن ابتسم ونزل على ركبته ومد ايد لبحر اللي بټعيط
بټعيطي ليه دلوقتي
بحر بدموع
علشان أنت سبتني يا أبو على وانت وحشتني اوي وخاېفه تسبني وكمان نادرة كل يوم ټعيط وانا مش عارفة امسح دموعها وانا وعدتك مش هخليها ټعيط بس أنا خلفت وعدي ليك ومش عارفه اخليها تبطل عياط وكمان أنت زعلان
حسن ابتسم على برائتها
أنا مش زعلان يا ست بحر. أنا معايا ربنا ومش خاېف بصيلي كدا وارفعي راسك ايوة كدا اوعي توطي راسك ولو مخرجتش معاكم النهاردة لازم تخلي بالك عليها وعلى النونو الصغير لحد ما أنا ارجع له ماشي
نادرة عيطت وبعدت عنهم واديتهم ضهرها وهي مش قادرة تستحمل حسن بصلها وبص لوالدتها بتعب
أنا كويس متقلقيش عليا
القضاه دخلوا القاعة وكل واحد قعد