نااادرة قلبي
المحتويات
اللي جابها معه وهو جاي فتحها وطلع منها شكولاته وزبادي بالفراولة وعصير
خدي يا ست بحر عارف انك بتحبيهم
بحر بحماس وسعادة كلهم ليا
حسن
وأنا عندي كم بحر يعني طبعا كلهم ليكي
بحر اخدت منه الحاجة وباسته من خده طلعت لسانها لياسين وكأنها بتغيظه
حسن ضحك وسابهم يلعبوا وقام دخل المطبخ لنادرة نادرة كانت بتطلع الصينية من الفرن
اساعدك في حاجة
نادرة
لو ممكن خد الأطباق على السفرة
حسن بابتسامة
حاضر يا ستي أي أوامر تانية
نادرة هزت رأسها بأه وشاورت له انه يقرب حسن رفع حاجبه باستغراب وساب الأطباق وقرب
نادرة مسكته من ياقة قميصه بغيظ
بعد كدا لما تجيب شكولاته لبحر هاتلى أنا كمان فاهم.
باسته من خده وبعدت اخدت الصنيع وطلعت حسن ضحك بسعادة واخد الأطباق وخرج وراها
بحر ياله يا حبيبي علشان نتغدا
بحر وهي بتاكل شيبسي
أنا مش عايزه اكل يا ماما
نادرة
هقول ايه كله منك يا حسن قلتلك الف مرة بلاش شيبسي بيوجع لها بطنها وبيخليها مش عايزاه تاكل اتفضل أنت بقا اقنعها
حسن لبحر
عجبك كدا دي ست مفترية بتاع مشكلات تعالي ناكل علشان ممكن تعملنا مشكلة
بحر بحزن
نادرة بزعل
علشان مش بترضي تاخدي الدوا بتاع بطنك أنا تعبت والله
سابتهم ودخلت المطبخ حسن قعد جانب بحر بحزن ممكن اعرف ليه مش بتأخدي الدواء انتي عايزاه تزعلينا.
بحر
الدوا مر اوي يا حسن
حسن بتفهم
حبيبتي أنا عارف بس لازم تاخديه علشان تبقى كويسة وتعرفي تاكلي وتكبري أنا اصلا لو كنت أعرف انك ماخدتهوش مكنتش هديكي الحاجة دي لأنها اصلا بتتعبك
بس ممكن اجيبلك كل الحاجات اللي تحبيها لو اخدني الدواء
بحر دموع
خالص هخده بس بلاش نادرة تزعل
حسن
هي بتزعل لما تحس انك مش كويسه علشان كدا وعد تاخدي الدواء
بحر
وعد والله هاخده على طول
حسن ابتسم بحب وشالها على كتفه
يبقى ياله بينا بقا ناكل علشان الاكل ريحته حلوة اوي
قعدوا ياكلوا كلهم ونادرة شايله ياسين على رجليها وبتاكل بحر حسن كان بيبصلها ومركز معها وافتكر أول مرة شافها زمان وهو عنده 19سنة كانت جميلة جدا وحنينه على القطط وعدت الأيام ودعواتها استجابت وبقيت قسمته ونصيبه.
نادرة سرحان في ايه حسن
حسن ها
نادرة
ها ايه الاكل هيبرد مش بتحب البشاميل سخن ياله
طب ياله سيبي بحر هي بتعرف تاكل لوحدها وكلي. صحيح في مشوار لازم نروح سوا بليل
نادرة مشوار ايه
حسن بجدية
هنودي ياسين وبحر عند ماما ونقعد معها شوية وبعدها هاخدك ونشوف المفاجأة
نادرة مفاجأة ايه
حسن بليل يا نادرة
يتبع
متابعة القراءة
