نااادرة قلبي
المحتويات
مع الناس في حياتهم بصت بس على السعادة اللي في حياتهم دون ما تهتم أن لكل شخص نصيب من السعادة والحزن كانت عايزاه تبقى هي اللي دايما أهم وهي اللي محبوبة والأجمل وكمان تتعامل مع الناس بطريقتها المتكبرة دي وتفرض عليهم رأيها.
حسن ونادرة وصلوا بيت دعاء لقوها قاعدة هي وتبارك مع بحر وبحر بتضحك بسعادة مع تبارك
وعليكم السلام ورحمة الله وبركاته.
دعاء ادخلوا يا ولاد قولولي عملتوا ايه عند الدكتورة
نادرة
طمنتنا وقالت إن حالتي مستقرة بس ابنك هو اللي موسوس
حسن دا أنا
نادرة
اومال عندك شك ولا ايه
حسن لنفسه
أنا مش هتعصب أنا مش هتعصب صبرني يارب.
دعاء
طب اقعدوا أنا عاملة بقا سمك ورز صيادية تاكلوا صوابعكم وراهم وكمان فيه ملوحة وفسيخ
فيه بصل اخضر
دعاء بابتسامة
طبعا هو الأكل دا يحلي من غير البصل الأخضر واللمون
نادرة
طب بألاذن أنا يا حسن
سبته واقف ودخلت المطبخ بمنتهى الاريحية كأنه بيتها
حسن
احنا مش متغديني مرة يا بت
نادرة طلعت من المطبخ وهي شايلة طبقين فيهم سمك مشوي
بتصلي في الأكل يا حسن
كملت بدموع مزيفة وخبث
دعاء بسرعة وهي بتحضنها
متعيطيش يا حبيبتي. وانت يا حسن احترم نفسك أنا بقولك اهو. وبعدين تاكل براحتها كل اللي هي عايزاه
نادرة كانت بصه لحسن وبتلاعب حواجبها بخبث وهي مبتسمة حسن اتكلم من بين شفتيه بغيظ
مثلي يا أختي مثلي لما نرجع بيتنا. معليش يا ماما أنا بس كنت خاېف عليها تفطس من كتر الاكل
غلس اوي على فكرة
تبارك
خلاص بقا يا حسن ياله الاكل هيبرد
حسن خرج للبلكونة الواسعة كانت بحر قاعدة على مخدة أدام الطبلية ونادرة بتحط الإطباق
حسن
الفسيخ دا متاكليش منه كتير احنا لسه جايين من عند الدكتورة انتي سامعه
نادرة
يعني ماكولش
حسن
عندك سمك ورز وسلطة وطحينة وبصل كلي أي حاجة من دي بس ابعدي عن الملوحة والفسيخ
على فكرة دا فسيخ بيتي امك اللي عامله
حسن
صبرني يارب. ماشي بس مش عايز طفاسة
نادرة بصتله بلامبالة وقعدت جانب بحر وهي بتبص للفسيخ والبصل الأخضر بطمع وخبث بعد لحظات كانوا كلهم قاعدين حوالين الطبلية وحسن بيحط لبحر السمك في طبقها بعد ما اتأكد أن مفيش فيه سيف بص لنادرة اللي بتاكل بشراهة وشهية مفتوحة خليتهم يستغربوا وفي نفس الوقت عايزين يضحكوا على شكلها
بت بت! براحة وبعدين ايه الفجع دا انتي خارجة من مجاعة شيلي الفسيخ دا من أدامها يا ماما انتي بطني بتقلب
نادرة رفعت عنيها بخبث وهي بتاكل بصل اخضر. رفعت راسها وهي بتعصر الليمون في بوقها بطريقة خليتها تقشعر
نادرة باستغراب
هو أنت مش بتحب الفسيخ والرنجة يا حسن
دعاء ضحكت بصوت واطي وهي بتبص لحسن اللي وشه قلب الوان
لا ومش بقبل ريحتهم اصلا وكمان دي عبارة عن سمۏم
دعاء بخبث
أصله أكل منه وهو صغير وقضى طول اليوم بطنه بتوجعه وحالته بالبلاء
نادرة باستمتاع وهي بتاكل
والله العظيم مفيش حاجة بتكيفني زي الاكله دي
حسن بضيق
طب كفاية كدا أنت مش هتستحملي
نادرة سكتت فجأة وبصتله ببراءة وحزن مزيف
يعني مش هتاكل معايا منه. افرض فيه حاجة اتعب يعني
حسن بلامبالة
لا يا عنيا تبطلي اكل منه خالص أنا مباكلش منه
نادرة بخبث وبراءة
يعني افرض أنا بتوحم دلوقتي على فسيخ وطلع مش حلو أو تعبني هتستحمل پهدلة المستشفيات معايا
حسن جز على سنانه بغيظ وهمس لبحر
انتي اكلتي فسيخ حلو ولا ايه أصل أنا ماليش فيه
بحر هزت راسها وهي بتمضغ الاكل باستمتاع
حلو اوي يا أبو علي
حسن بسرعة وحماس
اهي بتقول حلو يبقى على بركة الله ما تكتريش بس
نادرة بحزن وغيظ
يا حسن دوق الاكل
حسن بصلها بطرف عنيها وبص للإطباق اللي أدامه بلع ريقه بتوتر وحاول يأكل وهي بيحاول ميشمش الريحة
بعد نص ساعة بحر ونادرة كانوا بيضحكوا وهم بيتفرجوا على حسن اللي لسه قاعد في مكانه وبياكل من الفسيخ والبصل الأخضر بنفس طريقة نادرة قبل شوية
بحر
يا أبو على مش أنت بتقول سمۏم وبتاع
نادرة بضحك وهي بتهز كتفها بحركة عفوية
ما شاء الله يا أستاذ حسن أنت هتفضل قاعد تاكل كدا بقالك نص ساعة أو اكتر مش قلت مش حلو ومش عارفه ايه ياله قوم كفاية كدا خلينا نلم الزفارة والحاجة دي
حسن باستمتاع
قوموا أنتم وانا هشيل بعد ما اخلص. حلو اوي الفسيخ دا يا ماما أنت جبتيه منين
دعاء بسخرية
أنا اللي عاملة يا حسن
تبارك ضحكت وهي بتقعد على الكنبة بعد غلست ايدها
أنا أول مرة اشوف حسن بياكل رنجة وفسيخ دا كان أوقات بيزعق لما يتحطوا أدامه على الطبلية ويخرج من البيت لحد ما نخلص اكل وكمان نرش معطر وبخور
نادرة هزت كتفها بفخر
ادعولي
بعد وقت حسن كان بيلم الأكل هو وتبارك نادرة وبحر كانوا بيلعبوا شطرنج ونادرة بتعلمها ازاي تلعبها وخصوصا انها كانت بتلعبها مع موسى كتير جدا
بحر بغيظ
أنت قفلتيها عليا اعمل ايه دلوقتي
نادرة ببساطة ومرح
حركي الحصان وكملي انتي وشطارتك
بحر بصت للعبة بتفكير قاطعهم حسن وهو بيحرك قطعة في اللعبة قفل اللعبة على نادرة وبخبث
كش ملك
نادرة بغيظ وصوت عالي
أنا
متابعة القراءة
