نااادرة قلبي

الكلام معه وحابة وجوده وساعات بقعد أدامه وأنا بفضل اتفرج عليه. عارفة لما بيكون نايم واصحى قبله ابقى مبسوطة وانا بتفرج عليه وساعات ببقا عايزاه ابوسه يخربيت جمال أمه
نغم ضحكت وهي بتراقب حركتها العفوية
نادرة بغيظ
بتضحكي ليه هل دا موقف يستدعي انك تضحي أنا بقولك متوترة وخاېفة
نغم ببساطة
نادرة سيب نفسك. حسن دلوقتي جوزك. جوزك. أنت بدأتي تحبي حسن

نادرة بصت للشارع بحيرة
مش عارفة. بس أنا بقيت بخاف عليه أوي يا نغم وبقيت بحب خوفه وغيرته عليا وبحب اهتمامه ودا اللي مخليني مش عارفة لأنهم بيقولوا لما تحب حد مش هتبقى عارف أنت بتحبه ليه ولو حبيته علشان سبب معين أو ميزة فيه مش هيبقى حب حقيقي
نغم
يمكن اللي بتقوليه دا صح بس علشان نحب حد محتاجين نحس أنه مهتم وبيخاف علينا وعايز يحمينا ودا طبيعي إنما بقا موضوع ميزة أو سبب معين اعتقد أن الميزة دي ممكن تبقا حاجة هو بيملكها يعني مثالا علشان وسيم أو غني دي الأسباب اللي تخليكي تقولي أنت بتحبي الحاجات اللي بيملكها لكن الشخصية دي حاجة موجودة فيه مش عارفة افهمك ازاي بس أنا متأكدة أنك فعلا بتدي نفيك فرصة كويسة علشان تعيشي معه بس نصيحة من أختك حاولي زي ما هو بيديكي الاهتمام والخۏف والغيرة تديله حاجة زيها يعني أنت كمان تهتمي بحياته والحاجات اللي بيحبها مش بافورة علشان برضو هو ممكن يتخنق بس في حدود الطبيعي اللي هو يستحقه.
نادرة
بالظبط كدا هو دا اللي أنا مش عارفه اعمله بصي أنا اكتشفت انه هو بيهتم وأنا عادي أنا بكون مستنية انه يهتم يعني مثالا امبارح كنت منتظرة انه يبدأ ويقولي كل سنة وانتي طيبة مبداتهاش أنا
أنا بستنى منه دا وكنت ناوية اعمل معه مشكلة لو ماليش بس اكتشفت انه بيهتم يعني جهزلي صندوق في حاجات كتير حلوة اوي وفرحني بس هو كمان اكيد بيستني اني اهتم أنا عارفة انك هتقولي أن دا موضوع تافه وميستحقش كل التفكير دا أنا بتكلم في العموم فهماني
نغم
فهماكي يا نادرة. عيونك بتقول أنك ملهوفة أنك تفرحيه زي ما هو بيفرحك بأقل التفاصيل.
نادرة هزت رأسها بأه
نغم بجدية
سيبي نفسك يا نادرة. سيبي نفسك للغمرة اللي انتي حاسه بيها سيبي نفسك وحبيه لأن انتي من جواكي عايزاه تعملي دا بس مش عارفه ازاي بس على فكرة الحب ابسط من كدا بكتير
نادرة تفتكري
نغم افتكر
نادرة
أنا لازم أمشي دلوقتي هكلمك تاني
نغم اوكية سلام
نادرة سلام
نغم لنفسها
والله البت دي هبلة متعرفش أنها بالطريقة دي اصلا حبيته ونظرة عنيها دي كفيلة أن هو كمان يقع في حبها.
بعد عدة ساعات نادرة كانت واقفة في المطبخ مع دعاء اللي بتتكلم باستمرار عن طفولة حسن نادرة كانت بتسمعها وهي بتضحك
دعاء اه والله زي ما بقولك كدا الواد دا غلبني
نادرة بضحك
والله انتي القاعدة معاكي بالدنيا الواحد محسش بالوقت وحسن طلع مسخرة وهو صغير
دعاء بحب
بس طيب والله وبيحبك اساليني أنا
نادرة بابتسامة عارفه بس قوليلي بقا أنت ازاي بتعملي خلطة المحشي ريحته حلوة اوي أنا جوعت من الريحة
تبارك بمرح وهي قاعدة على سفرة المطبخ بتحشي كرنب
هي ماما كدا عليها وصفات تجوعك من الريحة تصدقي أنا بحاول اتعلم منها مش عارفة اه بعمل بنفس الخطوات لكن مش نفس الريحة والجمال هما ستات زمان دول عليهم نفس حلو في الأكل
اكيد والدتك كمان كانت بتعمل أكل حلو اوي
دعاء بصت لبنتها پغضب ونادرة سكتت 
تبارك متقصدش يا نادرة متخديش على كلامها
نادرة بابتسامة
لا عادي. بس أنا معرفش لو كانت أمي بتعرف تطبخ ولا لاء مش فاكرة كنت صغيرة
تبارك بحزن
حقك عليا والله مقصدش
نادرة بتهرب
مفيش حاجة. ها بقا قوليلي يا دودو بتعملي الخلطة ازاي
دعاء ابتسمت بود وهي بتشرحلها بهدوء وحب
نادرة 
هو الأكل دا مش كتير أوي.
دعاء 
لا لا كتير ولا حاجة وبعدين احنا صايمين وكمان أنت محتاجة تغذية يا نادرة
نادرة 
مش اوي يعني وبعدين أنا باكل كويس بس مش بيبان عليا.
دعاء 
برضو محتاجة تغذية
تبارك 
مش هتسلكي معها صدقيني.
نادرة ابتسمت وقامت جهزت العصير بعد وقت طويل السفرة كانت جاهزة المغرب على وشك يأذن نادرة فضلت تبص من البلكونة وهي مستنياه جرس الباب رن وتبارك فتحت الباب
جليلة 
السلام عليكم. ازايك يا حبيبتي
تبارك بابتسامة
بخير الحمد لله. اتفضلوا
موسي 
ايه دا حسن مش هنا ولا ايه.
تبارك 
زمان بيقفل الورشة وجاي اتفضلوا
نادرة سلمت عليهم وقعدت جانب أبوها
حسن وصل بيته ركن الموتسكل وطلع بسرعة جدا لشقته دخل البيت مكنتش موجوده دخل أوضة النوم وهو عايز ياخد دش بسرعة لقى هدومه على السرير مكوية وعليها ورقة بنفسي الطريقة بتاعته
هستناك مش هفطر إلا لما تيجي. ابتسم وهو ماسك الورقة
دخل ياخد دش بسرعة وطلع لبس هدومه لكن سمع اذان المغرب جاي من المسجد. خرج من البيت وطلع على بيت والدته
في بين الصياد كلهم كانوا بيفطروا ونادرة قاعدة جانبهم مش بتاكل
جليلة 
اكسري صيامك يا نادرة. مالك
نادرة 
ها أنا كويسة مفيش حاجة بس.
في الوقت دا دخل حسن بسرعة
السلام عليكم ورحمة الله وبركاته
وعليكم السلام ورحمة الله وبركاته.
معليش اتاخرت عليكم يا جماعة
موسى
لا سلام على طعام ياله اقعد
حسن ابتسم وقعد جانبها. نادرة بصتله وغمزت له بمرح وبهمس
حلو القميص دا عليك بعرف اختار.
حسن
سمي الله وافطري يا نادرة ياله
دعاء 
خدي يا نادرة أنت ماخدتش منابك
نادرة
أنا مش بحب البط
دعاء 
يارب طب دقيقتين بس واطلعلك حمامتين احمرهم
نادرة بسرعة 
لا لا حمام ايه وبعدين الاكل كتير اوي وانا باكل اهوه
دعاء بسرعة 
طب اعملك بانية. قولي نفسك في أي وانا هعملهولك على طول
نادرة
طب والله ما قادرة أنا باكل اهوه والأكل حلو اوي متتعبيش نفسك.
دعاء 
طب ليه مقولتليش واحنا بنجهز الاكل
نادرة بابتسامة
والله مالوش لازمه وبعدين أنت عايزاه تتعبي نفسك وخالص
موسى بضحك
هي كدا طول عمرها مغلبانا
نادرة بدلال 
أنا برضو. دا