نااادرة قلبي
المحتويات
هو أنتى كنت بټعيطي
جليلة بحدة وزعيق
وهعيط ليه أن شاء الله دا أنا مصدقت أنك تتجوزي واخلص منك ومن قرفك اخيرا البيت هيفضا عليا واخلص من وشك كل شوية وكلامك اللي زي الدبش
جليلة قعدت على الكرسي وهي بداري وشها نادرة ابتسمت وهي بتبص لأبوها
نادرة بخبث
جليلة أنت زعلانة اني هتجوز واسيبك
جليلة بضيق لا
نادرة بمكر
جليلة
أمشي من وشي يا نادرة أنا مش ناقصكي.
نادرة ابتسمت بحب وهي بتقعد جانبها وبتسند دراعها على السفرة وهي بتبص لجليلة
انتي زعلانة صح قولي أنك هتزعلي وقولي كمان إني مهمة عندك أوي وان مهم دورتي مش هتلقي بنوته جميلة زي تناقر معاكي وإني هبقي أجمل عروسة وهخطف قلبه قولي أنك هتزعلي أنتى أكتر واحدة عارفني صح وعارفة أن أكتر حاجة نفسي فيها اني القى حد ېخاف لما أبعد عنه
جليلة بحزن
أنا حقيقي مش عارفة هعمل أيه لما تسيبي البيت وتتجوزي كل أما أفكر إني هتصحي في يوم ومتخانقش معاكي لما افكر أن ممكن يجي اليوم اللي مسمعش فيه صوتك وكلامك وانتي بتقولي أي هبل لما أفكر أن هيجي اليوم اللي ادخل فيه اوضتك وملقكيش بترقصي وتغني زي الهبلة احس إني أديت لحسن حته من قلبي وكأني خرجت حته من روحي وسلمتها له. يمكن تباني ضعيفة لكن اللي يتسند عليك كأنه مسنود على بيت كامل. أنت بنتي بجد بنتي اللي الدنيا هدتني بيكي عارفة أنا بحس أنك نور عيني اللي بشوف بيه هتوحشيني اوي حتى لو أنت معايا في نفس الحي بس هيوحشني صوتك العالي ولسانك الطويل هيوحشني جنانك.
طب والله ممكن اكلم الواد دا واقوله معندناش بنات للجواز.
جليلة بضحك وهي بتمسح دموعها
حسن لو سمع أنك بتقولي عليه واد هيعلقك من رجليكي
نادرة ضحكت
الصراحة مچنون ويعملها.
جليلة اتنهدت براحة وحب
نادرة أنا عارفة أنك طيبة وعارفة أن قلبك أبيض لو جيه يوم وزعلتك مني عايزاك تسامحني
شششش أنت قولتي إني بنتك والأم لو قطعت رقبة متقولهاش سمحيني لأني عمري ما هزعل منك.
جليلة
طب ياله خلينا نفطر علشان ورانا حاجات كتير
موسى
ريحتي قلبي يا نادرة.
نادرة ابتسمت بهدوء وبصت للأكل بجوع
طب هنفضل نرغي ونسيب الطعمية تبرد دا حتى ميصحش.
...
بعد أربع ساعات موسى خرج وراح معرض الأجهزة بتاعه وسابهم نادرة وجليلة جهزوا البيت ونادرة وقفت تزين الصالون اللي هيكتبوا فيه الكتاب وجليلة كانت واقفة مع مرجانة في المطبخ بيجهزوا الأكل وسط ألاغاني الشعبية نادرة دخلت فجأة المطبخ وبتتكلم بصوت عالي
جليلة
طب وأنتي تروحي ليه ابعتي أي حد وبعدين أنت هتفضلي رايحة جاية في البيت كدا
نادرة بغيظ
لو جايبه حاجة من جيبك ابقى حوشيها يا جليلة كله من خير ابويا.
جليلة بحدة
لمى لسانك يا بت مش عايزاه اجيبك من شعرك النهاردة انتي فاهمة
ولا تعرفي يا مرات ابويا المهم عايزاة حاجة
جليلة
بما إنك نازلة عدي على العطار قوليله هات البهارات اللي أمي بتاخدها كل مرة وخليها يزود في الحبهان
نادرة حاجة تاني.
جليلة
متتاخريش انتي فاهمة الضهر قرب يأذن
نادرة
حاضر حاضر وبعدين وطي ألاغاني دي شوية كل اللي يعدي على البيت يزعرط مش مولد هو
جليلة بردح
انتشي مالك يا بومة الناس فرحانه لك أمشي من أدامي بدل ما اتعصب عليك ومتتاخريش انتى فاهمة
نادرة بضيق
ما قولت حاضر اغنيها.
نادرة دخلت اوضتها غيرت هدومها واخدت فلوس ونزلت راحت محل العطارة اخدت الأكياس من العطار وخرجت كانت حاسة بحركة غريبة وكأن في حد بيراقبها وقفت تاكسي ركبت فيه وهو اتحرك دون ما تقوله العنوان لكن حسيت بالخۏف لما لقيته بيزود السرعة وبيدخل لمنطقة المينا نادرة بصوت عالي
رايح فين يا اسطى دا مش طريقي نزلني هنا. بقولك وقف أنت مبتسمعش
السواق مهتمش بكلامها وهو بيكمل في طريقها نادرة اتغاظت وقامت من مكانها مسكت في كتفه بغيظ وهي بتضربه
مش بقولك وقف. طب ورحمة أمي ما أنا سيباك النهاردة إلا لما نروح القسم.
دراعي يا بنت المچنونة. يا عضاضة
نادرة صړخت وهي بتشيل الكاب عن رأسه لكن اټصدمت وهي شايفة فريد هو اللي بيسوق التاكسي
فريد بۏجع
دراعي حرام عليك هم مش بياكلوكي في بيتكم. في حد يعمل كدا يا بنت المچنونة
نادرة بحدة وڠضب
لم لسانك ونزلني احسن والله العظيم اصړخ واعملك مصېبة. نزلني يا فريد
فريد
طب اهدي اهدي وبعدين انتي خاېفة ليه هو أنا هاكلك هقول الكلمتين اللي عندي وهروحك
نادرة اتنقلت من الكرسي اللي وراء للكرسي اللي جانب السواق بسرعة
فريد
اهمدي يخربيتك وبعدين بتدوسي على الكرسي بالجزمة
نادرة بحدة
وقف العربية بقولك أنجز واقفها
فريد
حاضر حاضر اهو اتنيلت واقفتها
نادرة اخدت نفس عميق وبصتله بشراسة
ايه اللي أنت بتهببه دا أنت اټجننت يالا بتخطفني
فريد بسخرية
وأنت وش خطڤ اسم الله عليك انزلي خلينا نتكلم مش كفاية كل ما اكلمك من رقم تعمليلي بلوك.
نادرة بحدة
واحنا من أمتي في بينا كلام يا فريد بيه
فريد
متابعة القراءة
