نااادرة قلبي

اوضته وهو كامل شياكته واناقته ببدلته السوداء وتحتها قميص ابيض وكأنها معمولة مخصوص ليه شكله وسيم جدا وهو حالق دقنه. شعره مترتب. لكن اتفاجا لعامر اللي بيرش عليه ملح وبيتكلم بطريقة تشبه النساء
عين الحسود فيها عود خمسة وخميسه الله أكبر 
حسن بصله باستغراب وهو بيبعد
بتعمل ايه ياض أنت فاكر نفسك أمي

رد عامر پخوف
والله العظيم امك هي اللي قالتلي ابخرك وارش عليك ملح علشان عين الواد محمود البقال وعمك سامح الجزار واللي اسمه نبيل الحلاق ومين تاني
حسن ضحك بوسامة
امي قلتلك كدا
عامر 
اه والله العظيم بس ايه الشياكة دي
حسن
عمرها ما هتتغير. ياله بينا.
خرجوا كلهم مع والدته وأخته وجوزها وصلوا لبيوتي سنتر حسن كان منتظرها برا. ابتسم وهو شايفها خارجة مع ابوها ومسكه في ايده
نادرة ابتسمت وهي بتبص له
موسى وقف أدامه وحضنه
نادرة في عينك يا حسن.
حسن ربت على ضهره وبعد عنه وقف أدامها ومال عليها بأس راسها
طلتك عليا بالأبيض كأني مسكت نجمة من السماء طالعة زي القمر.
نادرة بابتسامة
وانت كمان شكلك حلو اوي اوي
نغم لمرجانة بخبث
أنا بقول الف مبروك وان شاء الله هنبقى خالتو قريب.
مرجانة ضحكت وبصيت لهم
الظاهر كدا
بعد مدة في القاعة حسن ونادرة وصلوا القاعة مع كل قريبهم اللي كانوا فرحانين ليهم جدا وفي منهم غيران وحاسس انها متستهلش كل دا! حسن صحابه شدوه علشان يرقصوا كلهم سوا اتجمع الشباب وبقوا يرقصوا بطريقة مرحة وهو كان فرحان وبيرقص بسعادة نادرة كانت بتضحك وهي بتتفرج عليهم وعامر بيرفع حسن على كتفه وبيرقصوا
نغم 
الليلة ولعت من اولها والله عامر دا جدع
نادرة بحب 
وحسن يستاهل
نغم 
هي البت بنت خالة مرجانة بتبصلك كدا ليه مش دي تبقي بنت أخت جليلة
نادرة 
اه هي بس هي كدا عمرها ما طقتني سيبك منها
نغم 
تعالي نرقص.
نادرة 
بس القاعة فيها شباب كتير اوي اتحر
سكتت فجأة پصدمة وهي بتبص لباب القاعة واللي دخل منها
نادرة پخوف فريد!
نادرة اټصدمت وهي شايفه فريد داخل القاعة وهو بيبصلها بخبث.
نغم
دا ايه اللي جابه هنا دلوقتي
نادرة پخوف وتوتر
مش عارفه يا نغم مش عارفة
نغم 
طب اهدي مالك اتوترتي كدا ليه اكيد مش هيحصل حاجة
نادرة بصيت لحسن اللي كان بيرقص مع الشباب وباين اد ايه فرحان نادرة وهي على وشك انها ټعيط 
تفتكري هيعمل حاجة تبوظ الفرح
نغم بسرعة 
يبوظ ايه وبعدين اهدي هو مش ماسك عليك ذلة يعني
فريد ابتسم بخبث وهو بيقرب من الكوشة لحد ما وقف أدامها نادرة كانت قاعدة جانب نغم وهي بتبص له بتوتر مد ايده يسلم عليها واتكلم بمكر
الف مبروك يا برنسس مكنتش متخيل انك هتكوني بالجمال دا في اليوم دا وعمري ما تخيلت انه يجي وانتي لغيري
نادرة وقفت بمنتهى البرود الخارجي وهي بتبص لايده الممدودة ابتسمت بحدة
بلاش تلف وتدور يا فريد جاي ليه امشي لان مش هسمحاك تبوظلي اليوم دا بالذات امشي.
فريد سحب ايده واتكلم بخداع وهو بيقرب خطوة
خاېفة خاېفة ابوظلك فرحك وسي حسن يعرف أن مراته بتلعب عليه وانه مجرد استبن ليا أنا وهترجعيلي
نادرة بصتله پغضب لكن محبتش تبين علشان الضيوف. نغم كانت واقفة معها ولاحظت أن حسن جاي عليهم وهو متضايق من وجوده حسن قرب منها وابتسم بحدة وقسۏة وهو بيقف جانب نادرة اللي مسكت في ايده وكأنها بتوصل رساله لفريد انها مبقتش له ولا ليه أي مشاعر في قلبها حسن بحدة وجدية
ايه اللي جابك يا ابن الأسيوطي.
فريد بخبث وهو بيبص لنادرة
معقول يبقى فرحك ومجيش دا أنت غالي عليا اوي. وبعدين يا حسن أنا بقول ننسى اللي فات سمارة خالص اللي في بطنها نزل وانت مش ابوها يعني وانا يا عم مسامحك على ضړبك ليا ويا دار ما دخلك شړ
حسن رفع حاجبه باستنكار
معقوله فريد بيه الأسيوطي جاي لحد هنا مخصوص علشان يبارك لحسن الميكانيكي غريبة. امشي يا فريد امشي احسنلك أنا وانت مفيش بينا حاجة تجمعنا وأحمد ربنا أن سمارة اتنازلت عن حقها لان صدقني أنا عندي استعداد اضربك تاني دلوقتي لأنك بني آدم رخيص وژبالة
فريد قرب منه پغضب وهو على وشك انه يضربه حسن بصله بحدة وهو بيقرب خطوة منه ومفيش في عينه ذرة خوف
فريد بخبث
لا راجل يا حسن راجل ونصير الغلابة بس خالي بالك بقا على أهل بيتك.
قرب منه وهمس له بخبث
بس خالي بالك عليهم اوي أصل مراتك صاروخ
حسن فجأة مسكه من ياقة قميصه بقوة وهو بيشده وباين في عنيه الغيرة والڠضب نادرة مسكت دراعه بسرعة وهي بتحاول تبعدهم وحاسه أن دي نهايتها عامر وموسى كانوا واقفين مش فاهمين اللي بيحصل
حسن بحدة
أنت الجاني على نفسك يا فريد أنت اللي جاني على نفسك لو حاولت حاولت بس انك تفكر بدماغك الژبالة دي عنها فاهم واطلع برا احسنلك.
فريد بخبث
همشي بس اهد كدا دا أنت عريس ولازم ترفع راسنا بدل ما القمر دي.
حسن قاطعه وهو بيضربه باللكمية وعنيه مليانة ڠضب وحدة عامر شد فريد وبعده عن حسن
موسى
في ايه يا ابني وفريد الأسيوطي مالك وماله
يتبع