نااادرة قلبي

ازاي تحافظي عليه اللي بيحب يا نادرة بيجي يخبط على الباب مش بينط زي الحرامية من الشباك وبعدين انتي مفرطيش في نفسك وعمرك ما كنت هتعملي كدا لأنك فاهمة الأصول بس علشان قلبك بتتغاضي عن الغلط وبتحاول تسكتي ضميرك لكن انتي أجمل من كدا افرحي يا نادرة وقومي غيري واغسلي وشك واحمدي ربنا انه وقعك مع واحد ابن حلال هيصونك لآخر نفس فيكي.

نادرة بصتلها بتردد لكن مرجانة ابتسمت ومسحت دموعها بحب وبخبث
عرف ازاي انك بتحبي القطط
نادرة ابتسمت بخجل وهي بتفكر في كل كلمة قلها قامت فجأة وهي فرحانة حضنت القطة وبخبث
دا سر بينه وبيني
مرجانة
سر من دلوقتي عليا أنا برضو
نادرة بسعادة
اه. أنا هروح اغير.
مرجانة
_ماشي يا نادرة بس خليكي فاكرها
نادرة راحت ناحية الدولاب اخدت هدومها وراحت تغير وتغسل وشها
مرجانة لنفسها
يارب بلاش توجعها ولا يجي اليوم اللي أحاسبها على الغلطة دي لأنها مش هتستحمل والله.
ابتسمت وهي بتنزل على الأرض وبتلعب مع القطة. نادرة رجعت بعد شوية لقيت مرجانة نامت فضلت قاعدة على السرير وهي ماسكة الموبيل وبتفكر تكلمه تقوله انها مكنتش تقصد رد فعلها بس ارتبكت.
نادرة 
اكيد اتضايق من اللي عملته بس الوقت اتأخر.
فتحت تطبيق الواتساب على رقمه وقررت تبعتله رسالهحسن أنا مقصدش. هو أنا ارتبكت مش اكتر أصل أنا أول مرة يتقالي كل الكلام دا بالطريقة دي.  بعتت الرسالة وقفلت الموبيل بسرعة قامت اخدت المصحف من على المكتب الصغير اللي موجود جانب السرير قعدت جانب مرجانة وفتحت سورة الكهف وبدأت تقرأ بهدوء وهي حاسة براحة وسعادة.
حسن كان قاعد على السرير لكن سمع صوت أشعار وصول رساله فتحه وابتسم لما شاف رسالتها
...
بعد أسبوع يوم الفرح نادرة كانت قاعدة في البيوت سنتر وهي فرحانة جدا ومتوترة وخاېفة من سعادتها تتقلب ويحصل مشكلات لكن قررت تعيش متعة وجمال اللحظات نغم كانت قاعدة معاهم وهي بترقص مع البنات مع ألاغاني
نغم 
بقولك ايه يا نادرة عايزة ابقى خالتو. معاكي ظرف تسع شهور فاهمة يا بت
نادرة بارتباك 
اتلمي يا جزمة ولا انتي انحرفت بعد الجواز.
نغم 
يلهوي يلهوي اتلم. أنا مش مطمنة للبت دي يا مرجانة اتلم ايه لا بصي فرفشي كدا. انتي اصلا مش محتاجة نصايح هو حسن لبس واتدبس خالص.
نادرة بغيظ 
اتدبس في ايه أن شاء الله هو يطول
مرجانة 
عمرك ما هتتغيري بلسانك دا على الله حكايتك انتي وهو
نادرة بدلال 
بس برضو احلى تدبيسه
نغم اللعب
نادرة ضحكت وهي بتحاول تهرب منهم وهي بتبص لبسبوسة
نادرة هو فاضل كتير
لا أنا خلصت خلاص بسم الله ماشاء الله ملامحك جميلة مش محتاجة حاجة.
في بنت دخلت واتكلمت معهم
الحج موسى عايز يتكلم مع العروسة شوية
نادرة 
بابا. طب معليش تخرجوا شوية
كلهم خرجوا وفضلت نادرة موسى ابتسم وهو بيبصلها نادرة قامت وهي بتحاول تظبط فستانها الأبيض
بسم الله ماشاء الله. معقول كبرتي وهتتجوزي اه يا نادرة. اه يا بنت قلبي عشت طول عمري ادعي ربنا اني اسلمك بأيدي لابن الحلال. عيشت طول عمري خاېف مكنش معاكي في يوم دي دا. انتي ازاي جميلة كدا
نادرة بحب وهي بتمسك ايده وبتبوسها
بابا هو أنا ينفع اقولك انك بجد أجمل حاجة في حياتي ونفسي ارفع راسك دايما واخليك فخور بيا.
موسى بابتسامه
وأنا فخور بيكي وفخور انك بنتي واني عندي بنوته قلبها ابيض زيك عارفه يا نادرة لما شفتك أول مرة وحضنتك بعد ولدتك حسيت بدف حسيت بروح حلوة اوي بتحوطني كبرتي وبقيتي عروسة
سنية كانت هتفرح اوي. اكيد هي فرحانة انك فرحانة
نادرة 
أنا كان نفسي تكون معايا وتحضني يا بابا بس حاسة انها مرتاحة دلوقتي بابا هو أنت پتكره ماما.
موسي
يعلم ربنا اني عمري ما كرهتها وحتى لو كفاية انها خدتني بأجمل هدية أنا وهي يمكن اطلقنا لكن مش معنى كدا اننا كرهنا بعض أنا طلقتها علشان مكنتش عايز اوصل للمرحلة اللي اكرهها فيها علشان بحبك لو كنا كملنا كنا هنتعب بعض اكتر وهنتعبك وسطنا بس إرادة ربنا انها ټموت
شوفي يا نادرة اعتبرها نصيحة الراجل بيحتاج من العلاقة انه يلاقي حد يطبطب عليه لما يزعل حد يونسه حد يفهمه لما يكون مخڼوق ومش عايز يتكلم لما يقولك سبيني لوحدي احضنيه وخليكي معه لما تحسي انه زعلان ابتسمي في وشه ولما تزعلي صارحيه الراجل مبيحبش يحط راسه على المخدة والست اللي جانبه شايله منه. بصي يا بنتي أنا عايزاك تكون سعيدة في حياتك علشان كدا بقولك حبي حياتك معه وخليه يحس انك راضيه وحاولي تفهميه. صدقيني لو أنا شايفه مش مناسب ولا حتى صايع أو ميستاهلكيش عمري ما كنت هفرط فيكي وسامحيني لو قسيت عليك يوم ببقى خاېف عليك يا نادرة وخاېف تتوجعي صدقيني يا بنتي
نادرة بابتسامة
احضڼي يا بابا.
موسى ضحك وهو بيشدها لحضنه وهي غمضت عينيها واتنهدت براحة وبهمس
أنا بحمد ربنا انك ابويا وسامحني أنت لو قصرت يوم في حقك.
جليلة من وراهم
الله الله أنتم مقضينها احضان من ورايا
نادرة ابتسمت وبعدت عنه وهي بتمسح الدموع اللي اتجمعت في عنيها
في بيت حسن خرج من