نااادرة قلبي
المحتويات
انك لما تشوفها تفتكرها اجنبية سبحان الله كانت بنت بحري بجد دلوعة لكن لسانها محدش بيسلم منه كانت من عيلة فقيرة وبسيطة لكن لأنها نغشة عرفت توقع الحج موسى وتخليه يحبها واتجوزها على الست جليلة وبموافقتها لكن جوازهم مطولش اوي سنتين وطلقها كانت وقتها معها نادرة بنت كم شهر ولما أطلقوا فضلت نادرة معها لكن الشهادة لله الحج موسى كان بيبعتلها فلوس وكل اللي هي بتطلبه كانت بيوصلها لكن كان في مشكلات كتير بسبب سنية وخلافها مع الحج موسى في تربية نادرة وربنا أعلم باللي حصل
ساعات بحس أن نادرة افتقدت الأمان في حياتها. ساعات بحس أنها تايهة رغم أنها مش بتسيب حقها ورغم لسانها الطويل وتصرفاتها العنيدة إلا أن بحس أنها خاېفة من حاجة.
دعاء بابتسامة وهي بتقعد جانبه
علشان كدا بقولك براحة عليها وخدها على اد عقلها محدش عارف هي مالها ها قولي بقا ناوي تحدد الفرح امتى عايزاه افرح بيك.
بصي أنا دلوقتي عندي شغلانة وزبونها هيدفع فوري لو خلصت فادعيلي اقدر اعملها وساعتها الدنيا هتتيسر بإذن الله وأنجز في شغل الشقة.
دعاء
ربنا يكرمك من وسعه يا حسن ويريح قلبك وبالك يارب.
اللهم آمين
بعد دقايق خرج حسن من البيت في طريقة للورشة بالموتسكل لكن واقفه أدام القهوة لما والد عامر نادي عليه.
حسن
صباح الخير يا حج عبدالرحمن أخبارك ايه النهاردة
بخير الحمد لله بس كنت عايزاه استشيرك في موضوع كدا يا حسن أنت متأخر على الورشة ولا حاجة.
حسن بود
لا أبدا زمان عامر فتح الورشة وبعدين أنا فاضيلك نفسي مخصوص بس استشارة ايه دي .
شاب كدا اعرفه ابن بلد عمل موقف ميتسماش على ولاد البلد خالص.
حسن
عمل ايه وهو مين أصلا
عبد الرحمن
خطب من مدة قصيرة بنت من منطقته وفرحهم المفروض بعد كم شهر المهم الجدع دا عمل ايه. طلع على المواسير زي الحرامية علشان يتكلم مع خطيبته والله اعلم باللي حصل وهو عندها والله اعلم عمل ايه معها
تنقطع لسان اللي يقول نص كلمة على نادرة اللي يجيب سيرة مراتي بنص كلمة هو اللي ناوي على مۏته وبعدين اللي سمعك الحكاية مقلش بقيتها ليه ولا قالك هو طلع على المواسير ليه
عبد الرحمن بمكر
نادرة وايه علاقتك أنت ونادرة بالموضوع ولا تكون أنت كمان طلعت على المواسير
حسن بجدية
متلفش وتدور عليا يا عم عبد الرحمن
عبد الرحمن
شوف يا حسن أنت عارف معزتك عندي ازاي يمكن زي عامر وأكتر كمان لان متأكد انك راجل مجدع بس اللي أنت عملته دا ميصحش يا إبني حتى لو كانت أسبابك ايه. أنت ترضاها لتبارك أختك
حسن
بس أنت مش فاهم اللي حصل أنا كنت بحاول افهمها غلطها
عبد الرحمن بابتسامة
يا حسن دا أنت اكتر واحد عارف الناس محدش فيهم بيسال على الأسباب كل واحد هيالف قصة في دماغه أنت ابتي يا حسن وأنا عارف من نظرة عينيك أنك بتحب نادرة وانك ابن أصول مش هتعمل حاجة وحشة لاسمح الله بصي نصيحة من راجل عجوز نادرة مش مراتك لحد دلوقتي والناس ما هتصدق تلقى قصة تتكلم فيها فبلاش يا ابني تديهم الفرصة دي.
حسن بابتسامة
ساعات بحس أنك فاهمني اكتر من نفسي وكانك ابويا يا جدع
عبد الرحمن بابتسامة
يبقى اطلبلك كوباية شاي على حسابي صحيح وأنت بتغني في الشارع بليل ابقى وطي صوتك كان باين عليك أنك فرحان
حسن
هو أنت عرفت ازاي صحيح
عبد الرحمن
عيب عليك هو أنا تلميذ ما أنا برضو حبيت آه فكرتني بالذي ماض. اه يا إسكندرية على جمال بنات بحري
حسن بصلها وضحك
سلام يا حج هبقي اعدي عليك بليل عند غية الحمام.
عبد الرحمن
هستناك يا أبو على.
في بيت نادرة خرجت من اوضتها بكسل ونوم لقيت ابوها وجليلة بيفطروا
نادرة
صباح الخير يا حج صباح الخير يا جليلة.
موسى بحدة
صباح النور اقعدي.
نادرة لنفسها
احنا لسه أصطبحنا ياترى عملت مصېبة ايه على الصبح.
مالك يا حجيج متعصب كدا ليه ذا احتياجات مش كويس عليك.
موسي
حسن امبارح كلمني وقالي انه هياخد كم يفرجكم على الشقة وامك بتقول انكم مرحتوش دا ليه بقا يا ست الحسن
نادرة بإرهاق وخبث
اه هو أنا مقولتلكش يا بابا. أصل امبارح تعبت اوي ومقدرتش أقف وحسن الله يخليه جبني لحد هنا هو وجليلة.
جليلة لنفسها
اه يا بنت الڼصابة
موسى باستغراب
يعني كنت تعبانة علشان كدا لما جيت من الشغل كنت نايمة طب ليه مقولتليش يا جليلة
جليلة بتلقائية
والنبي ما كنت اعرف
لكزتها نادرة بسرعة في كتفها وهي بتمثل الإعياء جليلة بسرعة
اه اه افتكرت أصل أنا اتشغلت في البيت وشغله اللي مش بيخلص وبعدين لما هي نامت أنا اطمنت انها كويسة
موسي پخوف
طب انتي كويسة دلوقتي يا بنتي ولا نروح لدكتور
نادرة بسرعة
لا أنا كويسة كويسة جدا الحمد لله
موسي
طب الحمد ولو اني شامم ريحة خبث في الموضوع لكن هعديها بمزاجي المرة دي
نادرة قامت بحب
على فكرة بقا أنت أجمل أب في الدنيا دي كلها ربنا يحفظك ليا يا بابا.
موسى بابتسامة
ويبارك فيكي يا نادرة بس أنا عايزاك تهدي يا نادرة وتعقلي لأن الدنيا برا مش وردي يا بنتي فاهمني.
نادرة بصدق
فهماك وبحبك والله العظيم أنا بس ساعات بخاف ولما بخاف بلقى نفسي عملت مصېبة فاهمني.
موسى
فهمك بس عايزاك تعرفي اني في ضهرك طول العمر ومش عايزاك تخافي أبدا عايزاك تعرفي دايما أن ربنا موجود وأن كل مصېبة بتعمليها حتى لو بحسن نية هتتحاسبي عليها وهتتردلك في يوم من الأيام علشان كدا مش عايزاك تخسري قلبك الأبيض بسبب الخۏف يا نادرة
نادرة ابتسمت بحزن وحضنته
عارفة يا بابا واوعدك اني هحاول وبعدين يمكن أنا دلوقتي مستعدة اني اعمل حياتي الخاصة مع حسن أنا عارفة اني هغلبه معايا
متابعة القراءة
