مملكة ميراث العشق

متخلف عقليا كدا..قوم معايا قوم..نشوف وشك ده..وبيساعدوه يقوم

مصطفى بس سيبك..رعبتهم صح

آركان ههههه جدا..

يتبع تكملة باقى الفصل ف ج 2

فيلا مصطفى عزيز..

بعد شويه..كل الشباب. غيرو لبسهم واتوضو وصلو ونزلو قعدو ف الليفنج..

كريم قاعد محرج جدا من موقف مصطفى. وبص ليهم..وقال بحرج..احم. ف الحقيقه ياشباب انا مش عارف اتكلم اقولكم إيه..بس مش عايزكم تزعلو..انتو عارفين دماغ مصطفى.

تيم بهدوء..وانت زنبك ايه ياكريم. وبعدين موقف وعدا خلاص. اهو اخد نصيبه.

ياسين !!! وساكت..

آريان بص ع ياسين. واڼفجر ف الضحك..وقال العريس مصډوم.. هههههههههه.

الكل ضحك..

آركان ههههههههه ولا آدم ينهار ألوان لما القردة نطت ع كتفه ههههههه انا قولت بس كدا الناهيا..

آدم مراد هز راسه بيأس..واد متخلف..

مصطفى نازل بيعرج وپيتألم. وجمبه چواد سانده..وقال انا سامعكم ع فكره و الله يسامحكو.. انت معندكوش الروح الحلوه.

آدم مراد قام من مكانه..وراح وقف قدام مصطفى..وبص ف عينيه نظره طويلة..

الكل انتبه..واتعدلو..وحبسو انفاسهم..من موقف آدم..ومتوقعين انه هيضرب مصطفى تاني

كريم قام بسرعه ووقف جمب آدم. ولسه هيتكلم

مصطفى بلع ريقه بصعوبه وبيهرب من نظرة آدم.

.وقال بتلعثم..ف..ف ايه ع فكره بقى الضړب مش حل المشاكل..اه انت كدا هتربيلي عقده..

آدم مراد هز راسه..وابتسم بتمثيل..ورفع ايدو..

مصطفى اتخض

آدم مراد ببرود..بيعدل ياقة التيشرت لمصطفى.

وقال من بين أسنانه مع ابتسامه لأ ازاى يادرش..احنا كلنا طبعا عندنا الروح الحلوه..ده حتى عشان نثبتلك إن روحنا حلوه..انت هتدخل ع المطبخ دلوقتي..تعملنا القهوه وتجهزلنا كلنا كدا الفطار..

مصطفى تنح بدهشه وفتح بوقه..وقال هاااا!!!

آدم مراد هرش تحت دقنه وقال..انا بشرب قبل الفطار..كوباية لبن ع بيض..وبعد كده قهوه..وبعدها بفطر..

وهتشوف طلبات الشباب ايه وهتعملو..

وحط ايدو ع كتف مصطفى وضغط بسيط..وقال هي دي الروح الحلوه يادرش..

مصطفى كشړ عينيه بغيظ مكبت.!!! وقال طيب يلا ياچواد تعالى معايا..وا

آدم مراد هز راسه. لأ لأ. چواد ضيفك..وانت صاحب فكرة أننا نتجمع ونسهر..واعمل حسابك إن كل الشغالين بريك..يعني محدش هيساعدك ف حاجه.. وشاور ع المطبخ..وقال بأمر.. يلا خمس دقايق والمشروب يكون قدامي..وقرب من وشه وقال بتحذير..وعايز اي غلطه او حركه من حركاتك..يبقى الله يرحمك بجد.

مصطفى بلع ريقه بصعوبه..ومشي بسرعه ع المطبخ وبيبرطم..

آدم مراد راح قعد مكانه..

كوثر داخله من الباب..وجريت ع آركان..

آركان شالها..وقال قرده متدربه كويس.. ههههههه.. الله يخربيت افكارك يامصطفي..

ياسين صك ع أسنانه بغيظ كبير..وقال..انا غلطان اني سمعت كلام المتخلف عقليا ده..وجيت ع هنا..

تيم بضحكه.. خلاص ياعريس التوتر وحش عشانك.

الكل ضحك..

آسر هههههههه مش قارد انسى الموقف بجد..حتة حركه ماتجيش ع دماغ حد وخصوصا فكرة القرده..ههههه..

ياسين بغيظ..اه اضحك انت وهو..ماانتو ع قلبكم زي العسل..انا اټخضيت حتة خضه..منك لله يامصطفي..

آدم مراد ڠصب عنه ابتسم ع شكل ياسين..

كريم بضحكه..بس عايزين الصراحه..الواد ده خلاص فاضل تكه وهيجنني..انا ال بعاني والله..

تيم اخد نفس عميق ومسح وشه بايديه وقال. بس تعرفو.. الموقف ده هيبقى من احلا الذكريات. واجملهم.. مصطفى رغم ال عمله. لكن كل مانكبر ونفتكر موقف زي ده هنضحك من قلبنا..

آريان عندك حق ياتيم..وتعرف مصطفى اول مره يصعب عليا وهو بياخد العلقھ..

ياسين يبني هو ده ضړب. والله انا بضربه ومرضتش اتكا عليه..

وبص ل كريم وقال..انا بعتذر منك ياكريم اني مديت ايدي ع اخوك ..والله الموقف كان صعب عليا..انا كنت نايم بحلم بالفرح صحيت ع ضړب ڼار..

وياسين كشړ عينيه وانتبه..وكمل وقال..ايوه ايوه .صدق الواد ده قالى امبارح نام ياعريس ده انت هتصحى ع ضړب ڼار..!!!

الكل ضحك..

كريم بيني وبينك انا اضايقت..بس الموقف كان صعب جدا.. وخصوصا أنى انا مجرب كل حركات الواد ده.. وبعدين مصطفى اخوك يا ياسو..وعدت ع خير..

ف المطبخ..

مصطفى متغاظ جدا جدا..وبيجهز كل حاجه. وبهدل المطبخ..ونفسه يعمل اي موقف بس خاېف من آدم..وبيكلم نفسه وقال..ياما نفسي احطلهم صاروخ وهما قاعدين بيحفلو عليا كدا..

لأ وكمان كوثر قاعده ف حضڼ آركان ومأنتخه..ماشي ياكوثر..

وحط كوباية اللبن. وحط عليها البيض..وكان قرفان..وقال اه منا برضه بقول التناحه دي مش من فراغ..واحد بياكل بيض ني وكبده نص سوا..يبقى زومبي. اه عليا الطلبات آدم مراد ده من فصيلة المستذئبين..

وشال الصينيه وعليها القهوه والعصاير واللبن.. وخرج من المطبخ بغيظ..وعينيه بتألمه..

الكل ضحك ع شكله.. ومصطفى اتغاظ..وقال بتريقه..تحبو تختارو منيوم الفطار كمان حضراتكو

وياريته ماقال كدا..الكل اختار نوع خاص من الفطار وانتقمو من مصطفى..ال الدخان كان بيطلع من ودانه..وراح يجهز كل طلباتهم ف وسط ضحك الشباب..

بعد شويه.

كريم قفل الفون وقال. عمي زين وصل ليليان ع السنتر..وقال إن كل البنات راحت السنتر وعمي مراد وعمي فهد وصلوهم بنفسهم..

تيم هز راسه ايوه عارف..مريم بعتتلي مسج وقالتلي.

ياسين بص ف الساعه. وقام وقف طيب انا يدوبك اروح الفيلا واظبط حالي..

كريم والله مايحصل..انت تفطر الأول..وبعد كده كلنا هنشوف ورانا ايه وغير كدا الشباب مش هتسيبك ف يوم زي ده لوحدك..

مصطفى خارج من المطبخ..ولأبس المريله والطاقيه..وقال بغيظ..الفطار جاهز يا بهوات..!!

الكل ضحك وقامو وقعدو ع السفره..وكان فطار مش مترتب لكنه كان وقت مميز والكل ضحك من قلبه..ع شكل مصطفى.

كوثر نطت ع كتف آدم..وضحكت ليه..

آدم مراد ابتسم وهز راسه وقال