مملكة ميراث العشق

وتالين..!! ع كلامك ده ياتيم..دول ناس خطړ جدآ.. طيب محاولتوش تسمعوا صوت آرين وتالين محدش كلمهم ياتيم..!

تيم بتنهيدة ألم.. للأسف هي أتصلت مرة واحدة بس. ومدتش فرصه لفهد يسأل عليهم..

آركان صك ع أسنانه بغيظ واضح وقال.. أقسم بالله ما هسيبها..ولو حصل حاجه لأخواتي..لايشوفوا أيام سودا.. وبعدين آدم فين..!!

تيم آدم سافر ومنتظرنا هناك..!!

آركان منتظرنا.! ده إللي هو مين

تيم بتحذير..اللي هو أنا و آريان..واسمعني كويس.. لو حد عرف إني جاي مع آريان.. أقسم بالله يا آركان لاتشوف وش تاني.. واسمعني بقى وركز معايا..

آركان تمام سامعك..

تيم أنت هتسافر في طياره خاصه.. وأحنا هنسافر في طياره عاديه..وهنفضل ع تواصل لحد ما نوصل مطار إيطاليا..

وبعد ما خالو مراد وفهد يروحوا القصر.. انا وانت وآدم واريان..هنتقابل عند المطار.. وهنروح اي مكان..علشان آدم يحط لينا خطه ونشوف هنعمل ايه.. اتفقنا!!

آركان بتوعد.. اتفقنا..ده نهايتهم هتبقى سودا إن شاء الله..

بقلمي مريم نصار.

بعد شويه.. مراد وفهد خرجوا من المستشفى..

آريان وصل المستشفى..ونزل مع تمارا إللي شايله محمد ومش فاهمه حاجه وشايفه جوزها خاېف وقلقان ومش راضي يتكلم.. و آريان شال آيان. ودخلوا المستشفى..

تيم في المكتب..وقعد جمب تمارا..وقال.. تيما أنا محتاج مساعدتك..

تمارا بعدم فهم.. مساعدتي أنا خير ياتيم.. أنا تحت امرك ياحبيبي..

تيم مسك أيدها وقال.. الموضوع مهم جدا..وكمان حساس.. ولازم حد عاقل يقدر يتحمل المسؤولية دي..

تمارا بقلق..مالك ياتيم قول ياحبيبي إيه الموضوع

تيم اتنهد بتعب. وقال آرين وتالين اتخطفوا..!!!

آريان واقف مخڼوق جدآ..وقلبه مشغول عليهم.

تمارا كشرت عينيها..وقالت ياريت متهزرش أوكي.. أنت و آريان جايبني هنا علشان أشوف آرين ونتيجة العمليه مش كدا

تيم هز راسه بحزن.. وقال. لأ.. أنا بقول إللي حصل..

تمارا قلبها دق..وقالت پصدمه.. آرين وتالين..!!! وهزت راسها پصدمه..وقالت.. مستحيل.. مستحيل اللي أنت بتقوله ده.. وعيطت وكملت.. اتخطفوا إزاي ياتيم.. وامتى..

تيم مسح دموعها.. وقال. تمارا إحنا في وقت محتاجين فيه نقوي بعض.. وأنتي دورك كبير في المهمه دي..انتي لازم تساعدينا علشان نرجع بيهم من غير شوشره.. أنتي عارفه إن جدو وناناه لو عرفوا مش هيقدرو يتحملوا وخصوصا أنهم بره مصر..

تمارا شهقت پصدمه..بره مصر..! قولي ياتيم أنت عايزني أعمل أي وانا هعمل إللي أنت عايزو..

تيم مسح وشه بأيديه وقال.. دورك تخلي بالك من رينو وماما فريحه.. مش عايز عينيكي تغيب عنهم دقيقة أنتي والدكتوره رودي.. وأنا كلفت أمن هيقفوا ع أوضتهم.. وكمان كريم وياسين هيكونوا موجدين بره الأوضه.. فهمتي ياتمارا!!

تمارا عيطت بۏجع وقالت حاضر ياتيم..حاضر..!!!

تيم باس ع راسها..وقال إن شاء الله هنرجع بيهم.. أنتي بس خليكي قويه.. أنا هروح دلوقتي أتكلم مع رينو وماما فريحه.. وقام وخرج..

تمارا ضمت محمد لقلبها وعيطت بصوت كله ۏجع وخوف..

آريان قعد جمبها وضمھا لقلبه بحنان وقال.. إن شاء الله هنرجع بيهم ياتمارا..

تمارا بترجي.. أرجوك يا آريان خلي بالك من نفسك.. وارجعوا بخير.

آريان مسد ع ضهرها وقال.. إن شاء الله ياحبيبتى..

رودي وصلت واتصلت ع طارق وطمنته..وقفلت بحجة الشبكه.. وراحت مكتب تيم قعدت مع تمارا لحد ما تيم يخرج من عند رينو..

بقلمي مريم نصار.

في اوضة رينو وفريحه..

رينو قاعده ع السرير..وباصه قدامها وساكته من الصدمه.. وأنها أكبر من تحملها لفقدان بنتها..

فريحه نايمه ع جمبها..ودموعها نازله بصمت..

تيم دخل..وشاف وضعهم.. وقرب من فريحه.. وساعدها تتعدل.. وقال.. ممكن تبطلي عياط.

فريحه بۏجع وحړقة قلب.. بنتي ياتيم..هاتولي بنتي.. أنا مش هقدر أعيش يوم واحد من غيرها..

تيم عيونه لمعت. وقال. هترجع.. إن شاء الله هترجع.. إحنا خلاص عرفنا هما فين..!!

فريحه فتحت عينيها بأمل..وقالت بلهفة قلب أم..فين..! تالين و آرين فين ياتيم..!

تيم حاول يبتسم بتمثيل..وقال. في مكان بعيد شويه. واللي اخدوهم محتاجين فلوس مش أكتر..

فريحه برجفه..فين مراد.. قوله ياخد كل حاجه ويدهالهم..مش مهم الفلوس..بس يرجعوا..

تيم ربت ع أيدها وقال..وده إللي إحنا هنعمله.. لكن مطلوب من حضرتك أنتي ورينو تعملوا حاجه صغيره أوي..

فريحه هزت راسها.. أنا هعمل أي حاجه.. بس يرجعوا..

تيم هز راسه ليها..وقام قعد جمب رينو.. ومسك أيديها..وقال بترجي..علشان خاطري. قولي أي حاجه..

رينو ..!!!

تيم بۏجع..مسك وشها وقال..رينو ردي عليا.. أنا تيم. وبوعدك إن آرين هترجع بخير..

رينو ..!!!

تيم بجديه.. رينو.. أنتي عايزه آرين ترجع ولا لأ

رينو عيونها لمعت.. ودموعها نازله بصمت..

تيم بأمل..طيب اقولك على حاجه..بس الأول قولي أنتي بتثقي فيا ولا لأ.. بتثقي في تيم مش كدا

رينو هزت راسها بتعب..

تيم مسح دموعها وقال..طيب ياحبيبتى وأنا قد الثقه دي.. وبقولك إن آرين بخير..

رينو رفعت عينيها ليه وقالت بۏجع كبير.. اوعدني. إنك ترجعلي بنتي..!!

تيم بإستسلام.. أوعدك.. أوعدك إني هعمل المستحيل علشان آرين وتالين..وعلشان محدش من العيله يشك في حاجه.. لازم انتي وماما فريحه.. تتصلوا على بابا آدم. علشان هو الوحيد اللي لازم ميحسش بحاجه.. خالو مراد خاېف ع ماما مريم وماما رنا..!!!

لو عايزين البنات ترجع بجد بخير..ومن غير ما حد من العيله يحصله حاجه..لازم تكلموهم وانتوا طبيعين جدآ..وكأن مفيش اي حاجه حصلت.. أنا لازم امشي دلوقتي..

وأنا مأمنكم كويس.. الدكتوره رودي و تمارا وكريم