مملكة ميراث العشق

أنفها وقال. طيب ده كان أنس لسه عندو أربع شهور.. ودلوقتي سته. يعني أنا بقالي شهرين بعيد عنك ياكارو..

كارما بخجل..بلعت ريقها بتوتر وقالت.. أحم بقولك صح. اء. أنت هتلبس الطقم ده وإلا اجبلك طقم تاني. أحم المفروض نخرج دلوقتي. جدو طارق هيزعق..

چواد هز راسه تؤ تؤ. جدو طارق أخد أنس وتيتة وخرجوا ع بيت المزرعه..

كارما فتحت عينيها بدهشه وقالت ياخبر..وبابا فارس وماما رودي هيوصلوا المطار ويرحوا ع هناك.. يلا ياچواد اتأخرنا..

چواد شالها بين ايديه وقال. يعني إحنا لوحدنا..وبقولك بعيد عنك من فترة. تقولي اتأخرنا..

كارما ضحكت وخبت وشها ف حضنه..

چواد قرب منها بحب كبير واخدها لعالمه الخاص..

بقلمي مريم نصار.

ف المدرسة الانترناشونال. ف مكتب المديرة.

فهد دخل وشاف آيان واقف ولبسه متبهدل ومتغاظ.. وجنى قاعدة ومكشرة وزعلانة.

المديرة أهلا وسهلا بحضرتك.

فهد مش مستوعب شكل ابنة. وقال ببلاها. أهلا. ممكن اعرف ف إيه و آيان!

المديرة قاطعته وقالت. أنا اضطريت اجيب حضرتك علشان تشوف بنفسك. ورغم أنة آخر يوم دراسي. لكن آيان زودها كتير المرادي.

فهد بعدم فهم. المرادي هو عمل إيه

المديرة هقول لحضرتك. ودي مش أول مرة. لكن المرادي وصلت لضړب.

آيان ضړب زميلة في كيجي ودلق علية ماية ومش بس كده. دي الميس كمان قالت إن زميلة عمر عزيز ومحمد العدوي كانوا معاه.

فهد بجدية.. أية اللي حصل يا آيان ولية ټضرب زميلك

آيان باصص لجنى ومتغاظ ومردش..

المديرة طبعا مش هيرد هيقول لحضرتك إيه هيقولك أنه ضړبة علشان بيلعب مع جنى عزيز..!

فهد بسعادة داخلية لكن مثل الدهشه وقال. مش معقول. هو ده السبب

المديرة أيوة يافندم. المس قالت. إن الطفل لؤي راح يلعب مع جنى. و آيان ضربه. ومعرفش قاله إيهلدرجة إن الولد خاف يتكلم ومشي مع والدة من سكات.

فهد هرش تحت دقنه. وقال بتمثيل. لأ كدا غلط طبعآ. وأنا هتصرف ف البيت معاه. ومستحيل اعدي ده بالساهل أبدا..

المديرة ياريت يافندم.. لأن ده أسلوب غير متحضر.

فهد بعدم إهتمام..قام وكمل بتمثيل.. أتفضل قدامي حسابي معاك في البيت. يلا يا جنى. إزاي كل ده يحصل..امشوا قدامي.

ونزلوا. وكان محمد وعمر. واقفين عند عربية فهد..

فهد فتح باب العربيه وقال أركب يا آيان باشا. وانتوا اركبوا.

محمد و عمر ركبوا في الخلف.

آيان بغيظ لجنى. اركبي قدام جمب بابا.

جنى نفخت وقالت. أنا هقول ل بابي ينقلني سكول تاني. أوف.

فهد كاتم الضحكه. وشال جنى وقعدها جمبه. و آيان ركب ف الخلف.

فهد ركب وبص ليهم وقال. أنا عايز أعرف أيه إللي حصل وټضرب صحبك ليه يا آيان.

آيان بغيظ. ده مش صحبي. وهو رايح يلعب مع جنى ليه وأنا قولتلها متلعبش مع ولاد.

جنى اڼفجرت في العياط وقالت. أنا مبلعبش مع ولاد متقولش كدا. بابي هيخاصمنى. وبابا جدو هيزعل منى..

فهد نفسه يضحك..لكن قال. متعيطيش ياجنى آيان ميقصدش. أنا عارف إن جنى جميلة ومؤدبة.

آيان بنرفزه..هى بټعيط ليه. أنا مقولتش حاجه. الواد ده راح يلعب معاها. وأنا قولتله ألعب مع أي بنت إلا جنى. قالي وأنت مالك. ضړبتة.

فهد نفسه يبوس آيان. وفرحان بيه. لكن قال. تضربه لدرجة إن الولد ېخاف يتكلم ويقول إنك ضړبته أنا عايز أعرف أنت قولتله إيه علشان ېخاف

آيان ..!!! سكت.

فهد حد يفهمني طيب علشان متعاملش معاكم بطريقتي.. أتكلم أنت يامحمد.

محمد قال..عمو. آيان وهو بيضرب لؤي. قاله أخويا الكبير بيخطف الولاد ولو لعبت مع جنى هخليه يخطفك.. ههههه

آيان كشړ عينيه بغيظ.

فهد بزهول.. آركان أخوك بيخطف العيال. ياماشاء الله..

بص ياعم آيو. كده تصرف مش حلو..وماينفعش تمد إيدك وټضرب حد يا آيان كدا غلط.

آيان بغيظ. يعني لو حد عايز يلعب مع ماما كنت هتكست يابابا.!

فهد تنح وبص ل آيان وملقاش رد. هيقوله إيه كنت دبحتة مثلا..!

جنى بټعيط وقالت. آيان بيعملي مشاكل كتير ياعمو. أنا مش هتعلم بسببه.

آيان اقعدي في بيتكوا وأنا مش هعمل مشاكل. واسكتي بقى.

فهد مط شفايفه وقال جواه. هو ده طبيعي. ولا الواد وارثها من بدري. أممم ربنا معاكي ياجنى. بس بجد. الواد آيان ده راجل إبن راجل. جدع.

آيان يابابا أنا بكملك سوق علشان الهانم تروح.

فهد تنح وقال. هانم مين.

آيان نفخ وقال. هو في غيرها. جنى هانم. إللي مش عاجبها.

فهد ڠصب عنه ضحك..وقال حاضر عينيا لجنى هانم.

جنى قالت بهمس وغيظ. غبي. Stupid

آيان بتقولي ايه ياجنى سمعيني.

جنى بنرفزه. اووف بقى أنا مقولتش حاجه. مقولتش حاجه.

آيان ااه بحسب..

فهد ساق العربيه وبيضحك..وقال بفخر. وقال. لأ الواد مسيطر..

بقلمي مريم نصار.

ف الطيارة.

سفيان مشبك كف أيدها ف ايدو وعدل ليها النقاب وقال.. حج مقبولا ياروحي. وحمدلله ع سلامتك.

تالين أبتسمت وحطت راسها ع كتفه وقالت. ياااه ياسفيان عن كمية الراحه النفسيه..يارب يااارب يرزق المسلمين جميعا في كل مكان زيارة بيت الله..

سفيان آمين ياجنة سفيان..تعرفي مراد وحشني جدا.

تالين بحماس..مش أكتر مني. روح قلب ماما وحشني أوي أوي.

سفيان أبتسم وقال. قولتلك نجيبه معانا.

تالين مانت كنت شايف كان مراد تعبان إزاي مكنش ينفع. إن شاء الله في عمره قريبه.