مملكة ميراث العشق

ياجماعه يدوبك نبدأ في العملية..ماينفعش نتأخر أكتر من كدا..

الكل أنتبه..

نور جت وقالت.. فعلا. وغرفة العمليات جاهزه.. تيم أدخل ل آرين.. وأنتي يارينو..هتدخلي معايا انا ومحمد

رينو بۏجع قلب.. لأ لأ يانور..مش هقدر أعمل أي حاجه..قلبي مش هيطاوعني اني أشوف بنتي وهي كدا..

نور مسكت أيديها وقالت حبيبتي اطمني على آرين..ومش عايزاكي تقلقي أنا ومحمد هنعمل أكتر من اللازم.. و آرين هتبقى بخير.. أوكي

رينو هزت راسها بقلق.. إن شاء الله.. ربنا معاكم..

محمد حس بقلق رينو..وقال.. إيه يادكتوره لارين.. مش واثقه فيا أنا ونوري ولا ايه

رينو هزت راسها بالنفي.. أبدا يادكتور والله.. ده انا أول معرفت إنك أنت ونور إللي هتعملوا العمليه ل آرين.. مش عايزه أقولك أنا اطمنت قد ايه..ودي بنتك مش هوصيك عليها طبعا..

محمد بتأكيد.. فعلا آرين بنتي وحبيبتي كمان..ومش عايزك تقلقي من أي حاجه.. وإن شاء الله الانسجه والأوعية الدموية هيندمجوا ويتفاعلوا خلال ال٣٦ ساعه إللي جايه بعد الجراحه..

رينو غمضت عينيها بترجي كبير..وقالت يارب يارب..

آدم مراد يعني عجبتك المفاجأه

آرين هزت راسها اممم جميله اوى..

تيم خبط ودخل وقال بابتسامه. ألف مبروك يا آرين..

آرين بعفوية.. الله يبارك فيك ياتيمو..

آدم مراد بغيره قال من بين أسنانه.. أسمه تيم يا آرين..وبقولك قدامه اهو..تيم.. فاهمه

آرين همست..يخربيت شكلك..رجعنا للقرف.

تيم بثبات هو حقك طبعا.. بس ماتبقاش بجح..

ومتنساش إني أنا أكبر منك وغير كدا آرين متربيه معايه وتحت عينيا..وكبرت قدامي..يعني أختي وبنتي وبنت خالتي وغير كدا أنا أكتر واحد كنت عايزك أنت بالذات ترتبط با آرين

آرين بإعجاب من تيم..قالت جواها..ايوه كدا ياتيمو.. أحم قصدي ياتيم..

وبعدها ضحكت ع نفسها أنها خاڤت من آدم حتى ف مخيلتها..

آدم مراد رفع حاجبه بتعجب وقال.. بعيدا عن أي حد أصلا يقدر يقرب منها غيري.. لكن ليه اشمعنا بقى انا بالذات

تيم قرب من وش آدم وقال.. لأني يوم ما أختار لأختي وبنتي..هختار راجل..راجل جدير بيها..ويقدر يحميها حتى من نفسه.. فهمت ياسيادة النقيب.. واتعدل وقال.. يلا بقى أخرنا العمليه بما فيه الكفاية..

آدم مراد ..!!!

آرين بلعت ريقها بتوتر وقلبها بيدق من الخۏف..

آدم مراد بقلق متداري.. دلوقتي

تيم أبتسم..ايوه ومش عايزك تقلق. كل حاجه هتبقى تمام..

آدم مراد ضغط ع ايد آرين بقلق..وقال..وقت العملية قد ايه

تيم من ساعه ل ساعه ونص تقريبا..يلا يا آرين

آرين بصت ل آدم وحاولت تبتسم لكن صعب..

مهما كان فكرة دخول غرفة العمليات لوحدها مرعبه..

آدم مراد بثبات..قام وقف.. وف أيدو آرين..وقال.. و آرين جاهزه..وبصلها وأبتسم بتمثيل وقال. مش كدا يا حبيبتي

آرين أبتسمت بصعوبه وهزت راسها.. أيوه..

آدم مراد يلا أنا جاي معاكي لحد ما تدخلي..

تيم بتحذير.. آرين أوعي تكوني شربتي أو أكلتي حاجه

آرين هزت راسها لأ انا صايمه زي ما طلب الدكتور محمد..

تيم طيب تمام يلا بينا. واتحرك.

آدم مراد خارج وماسك أيد آرين قدام الكل..

آرين شافت ابوها.. ولأنها مش متعوده على كدا. حاولت تسحب أيدها من أيد آدم.

آدم مراد مسك أيدها بتملك وقال..متحاوليش. وامشي جمبي أنتي مراتي..!!

آرين بحرج بليز يا آدم أنا متوتره وخاېفه.. وكمان كل حاجه جديده عليا. وكمان علشان خاطر بابي..

آدم مراد بتفهم..فك قبضة أيدو وساب أيدها.. وقال ماشي يا آرين..

فهد شاف آدم ماسك أيد بنته..والغيره طبعه.. لكن حاول يتأقلم..

لكن أبتسم..لما قرأ حركات شفايف آرين.. وحس بالفخر بنتيجة تربيته لبنته..

كلهم وصلوا قدام غرفة العمليات..وودعوها.. وفهد ودعها وضمھا لقلبه بحنان وطمنها.. و آركان..

أما آدم قدام الكل..باس جبينها وقال.. مش عايزك تخافي من حاجه.. اتفقنا..

آرين بصت ليهم بدموع وقالت..لا اله إلا الله..

كلهم سيدنا محمد رسول الله..

واتقفل باب العمليات.. والكل بدأ بالدعاء ليها..

نور أخدت آرين..بعد ما اتجهزت للعمليه وقالت.. اطلعي ياروحي ع السرير.. وبصي بقى مش عايزاكي تخافي من حاجه.. العمليه سهله وبسيطه جدآ..

آرين طلعت ع السرير..

نور بتظبط ليها المحلول..وقالت بإبتسامه..كويس جدا إنك قلعتي خاتم الخطوبه.. لأن أي عمليه لازم أي اكسسورات تتشال..

آرين هزت راسها.. لأ آدم مالبسنيش خاتم الخطوبه. وكملت بزعل.. أكيد نسي..

نور بتعجب..معقول أحم.. لأ نسي إيه..هو في زي آدم.. المهم بقى.. احكيلي إحساسك وقت كتب الكتاب..

ونور شاورت لدكتورة التخدير العام..علشان آرين ميحصلهاش رهبه..

آرين أبتسمت وقالت بدقة قلب..كنت فرحانه اوي اوي ياخالتو.. وكنت هفرح أكتر لو كنت زي الاول.. وا. وآرين غمضت عينيها ونامت بعمق..

ومحمد ونور بدأوا في إجراء العمليه..

بقلمي مريم نصار.

فيلا الصاوي.

ملك في الفون قالت بعتاب..بقى كدا يامراد..ده إسمه كلام اعرف من مليكة لأ يامراد لأ انا زعلانه.. وزعلانه من آدم أخويا ومريم كمان..دي محصلتش يبني..

مراد بتأكيد. حقك ياعمتو طبعا تزعلي.. وأنا بقولك حقك عليا ياحبيبتي.. بس والله لو عرفتي اللي حصل هتعذرينا..

ملك أنا عايزه اعرف. مريم تعرف ولا لأ.. لأني أتصلت عليها الصبح وقولتلها يامريم قومت من النوم ورجليا ۏجعاني مش عارفه هاجي المستشفى امتى قامت حلفت عليا إني مجيش واستريح علشان تعبانه.. قوم أسمع بكتب كتاب آدم و آرين

مراد ياحبيبتي أقسم بالله أمي ماتعرف حاجه.. طيب تصدقي بالله ياملوكا..

ملك ضحكت لا اله الا الله