مملكة ميراث العشق

نفسك..وارجعي على البيت.. وسمعيني صوت آيان لانه وحشني أوي..

ميرو عينيها لمعت.. وربتت على ايد آرين. وقالت.. بكره هتبقى زي الفل.. ومش هتبعدي عن آيان ولا عننا دقيقه واحده.. إن شاء الله..

فهد ورينو و آدم و آركان زعلوا علشان آرين..

تيم أخد ميرو وخرجوا..

وبعد كده ليليان وتمارا وچود وهمس اطمنوا عليها ومشيوا..

وجه الليل..

آدم قام يلا بينا يام مراد..

مريم قامت بتعب..يلا ياحبيبي..

مراد ياريت ياحج تاخد فريحه وتالين معاك.. لأني هفضل مع فهد..

فهد ربت ع رجل مراد وقال..حبيبي يامراد..

تالين لو سمحت يابابا أنا عايزه ابات مع آرين وأكون المرافق ليها..

مراد معلش يا حبيبتي مش هينفع الفتره دي.. انتي امتحاناتك على الابواب..واوعدك في آخر عمليه بعد الامتحان..هتباتي معاها إن شاء الله..

تالين إن شاء الله..وسلمت ع آرين وأخوها آدم..

رينو بالله عليكي يافريحه..تخلي بالك من آيان..

فريحه اطمني ياروحي أول ما أرجع إن شاء الله.. هاخدو من تمارا وهيبات معايا انا وتالين..

رينو اطمنت..ربنا يكرمك ياحبيبتى..

آدم ل آرين حبيبة قلب جدها..عايزه اي حاجه..

آرين أبتسمت سلامة حضرتك يابابا..خلي بالك من نفسك ومن ماما مريم..

آدم إن شاء الله ياروحي. وبكره إن شاء الله هكون عندك..

مريم بابتسامه..خلي بالك من نفسك يا آرين وخدي علاجك في ميعاده ياحبيبتي..

آرين حاضر.. وكملت بترجي ماما مريم .خلي بالك من آيان..

مريم من عيوني وإن شاء الله قريب يبقى في حضنك يانور عيني.. يلا استودعكم عند الله.

وخرجوا..

فهد قوم أرجع على البيت يا آركان أنت راجع على الكليه بكره..

آركان قام وقال..والله ڠصب عني يابابا..ومش عايز اسيب آرين لوحدها..

رينو متقلقش على أختك ياحبيبى.. وأنا مجهزالك شنطتك وكل حاجه هتلاقيها في اوضتك..

آركان سلم عليهم وقال..قبل ما امشي الصبح هاجي أسلم عليكم واطمن ع ريبونزل.. وودعهم ومشي..

فهد قعد جمب آرين..وقال بحب..عامله ايه دلوقتى ياحبيبتى..

آرين پألم.. الحمدلله يابابي..

مراد شاف آدم واقف وحاطط أيدو ف جيبه..وشكله مخڼوق.. وفكر يعمل ايه علشان يسيب لابنه مساحه مع آرين..

رينو مسكت الروشته..وقالت عشر دقايق وهتاخدي المسكن ياحبيبتي..

آرين هزت راسها ياريت يامامي.. لو سمحت يابابي ارفع السرير شويه..عايزه أقعد..

فهد رفع ليها السرير. وحط مخده ورا ضهرها..وقال.. مستريحه كدا..

آرين پألم مكتوم.. ايوه احسن..ميرسي لحضرتك..

مراد بقولك ايه يافهد..

فهد قول يامراد..

مراد الساعه ١١ وأنا جعان وعلى أخري.. تعالى ننزل نجيب أكل..

فهد رفع حاجبه وف نظره سريعه على آدم مراد ومراد.!!!

مراد. شدو من ايدو..وقال أنت هتعملي فيها ماري منيب.. يلا ياخويا قدامي بقولك جعان.. واخدو وخرجوا..

فهد أبتسم بصمت..وقال أنا عايز أعرف أنت بتفكر بخبث كدا ازاي وامتى يبني أنت مش بتهمد..

مراد لا مش بهمد..بس أنت اللي خنيق..

فهد بتعجب..انا خنيق ليه بقى إن شاء الله

مراد يعني محسسني إن آدم هيخطف البت.. ماتسيبهم ياخويا عريس وعروسته..

وبعدين ما انت شايف حالة. آرين..يعني محتاجه ل آدم اكبر وقت ممكن..

فهد بدهشه.. أنت عبيط يبني أنت هو انا قولتله ميكلمهاش وبعدين ده لسه آخر واحد خارج من الأوضه آركان.. عملت ايه أنا بقى طلعتك أنت وابنك بره المستشفى مثلا أنت اللي دماغك سم..

مراد بتريقه..يسلام حوش الواد ياجدعان..ايزي خالص وسايب الواد برحته.. يلا ياخويا يلا هتعقدونا في حياتنا الله يخربيت الكفره..وركبوا العربيه ومشيوا.. وفهد بيضحك على مراد..

رينو حطت المسكن في الكانيولا.. وقالت دقيقه بالظبط..ومش هتحسي بأي الم..

آرين بتعب..ميرسي يا مامي..

رينو ربتت ع أيدها وقالت..ربنا يهون عليكي اللي أنتي فيه ياقلب مامي..

آدم مراد مسح ع شعرو..واتحرك وقال عمتو عايز أتكلم مع آرين شويه..

رينو ابتسمت وقالت.. أنا أصلا كنت خارجه.. وبصت ل آرين.. انا هنزل اقعد مع الدكتور محمد ونور شويه.. وقامت وخرجت..

آدم مراد قفل الباب.. وراح قعد جمب آرين..!! وبص ليها..

آرين بلعت ريقها بتوتر..وبصت بعيد..

آدم مراد عامله ايه دلوقتي

آرين بتوتر..كويسه الحمد لله..

آدم مراد حاسه بأي ألم..!

آرين هزت راسها دلوقتي لأ..

آدم مراد طلع من جيبه علبه صغيره. وفتح ليها العلبه.. وأبتسم..

آرين شهقت وانبهرت بشكل الخاتم إللي يخطف القلب..وبصت ل آدم.. كأنها بتقوله ده ليا أنا

آدم مراد فتح كف أيدو ليها..وقال إيدك يا آرين..

آرين بصتله بتوهان ولخبطه ومش عارفه تعمل إيه

آدم مراد الخاتم ده معايا من الصبح ورفضت إنك تلبسيه وتقلعيه بعدها علشان العمليه..

آرين قلبها دق..ورفعت ايديها برجفه وفرحه وكسوف وكل المشاعر..

آدم مراد لبس ليها الخاتم.. ورفع أيدها وباس عليها.. وقال مبروك ياروحي..

آرين سحبت أيدها بسرعه..وقالت بخجل.. الله يبارك فيك..

آدم مراد ضحك بصمت على ارتباكها. وقال يلا دورك..

آرين بتوتر.. أخدت الدبله..مع أول لمسة أيدها لأيدو قلبها دق بقوه. ولبسته الدبله بصعوبه..

آدم مراد شبك أيدو ف أيدها.. وقال. تعرفي إني لحد دلوقتي مش مصدق نفسي. إنك خلاص ع ذمتي..

آرين رفعت عينيها ليه وقالت بدموع.. أنت إللي مش مصدق نفسك امال انا اقول ايه يا آدم

آدم مراد كشړ عينيه وقال بإستفهام..ليه النظرة دي يا آرين

آرين أنا مخنوقه اوي يا آدم..رغم فرحتي الكبيره لكن حاسه پخنقه كبيره..

آدم مراد هشش أهدي.. وأنتي سمعتي الدكتور محمد قال إيه إن محدش يقرب من وشك ولا الشاش.. يعني بلاش دموع..