مملكة ميراث العشق

ياقلب ملوكا..

مراد إن امي وفريحه وحماتي وكمان اخواتي مايعرفوش باللي حصل.. كل اللي حصل ده من دماغ آدم أبني. أنتي عارفه أنه صمم يكتب كتابه علشان يحسن من نفسية آرين.. والكل اتفاجيء.. بس بزمتك ياملوكه ياقمر مفرحتيش للعيال دي

ملك بضحكه.. اه منك يامراد..بتاكل عقلي بكلمه.. حبيب عمتك أنت.. وأنا دلوقتي فرحت..فرحت من قلبي. ربنا يتمم بخير. وعقبال الفرحه الكبيره..

مراد ايوه بقى سمعنا الضحكه الحلوه دي ياملوكه.. يابختك ياحج جاسر.. ههههه.

ملك بضحكه..شوف الواد. ربنا يسعد ايامك يامراد يابن أخويا.. وإن شاء الله اتحسن كدا واجي ابارك للعصافير بتوعنا .

مراد برفض لأ عيب والله ده واجب علينا..انتي الكبيره..والواد آدم بعد ما يطمن على آرين.. هيجيلك لحد عندو يعتذرلك وتباركيله..

ملك أبتسمت بحب كبير وقالت.. منحرمش منك ولا من زوقك ياحبيبى.. ومفيش اعتذار ولا حاجه. هو بس يجي علشان ابعتله هديته هو و آرين..

وهي في العمليات دلوقتي ياروحي عليها صح

مراد بتنهيده.. ايوه ادعيلها ياعمتو..

ملك دعيالها من قلبي ربنا يشفيها ويعافيها..وترجع زي الاول وأحسن بإذن الحي القيوم..

مراد اللهم امين

بقلمي مريم نصار..

في الجامعة..

زهرة اتفضلي يا چود دي تلخيصات آخر محاضرتين.. وفي هنا في الورقه دي تحديدا ٢٩ سؤال.

الدكتور قال إحتمال كبير يجي منهم في امتحان الترم.. ولازم آرين تراجع عليهم كويس أوي..

چود أبتسمت.. أقسم بالله يا زهرة أنتي بنت بمليون راجل..ومفيش حد في جدعنتك..

زهرة ضحكت بفرحه.. بجد يا چود بجد أنتي شيفاني كدا 

چود استغربت لرد فعلها..وقالت اه بجد يازهرة..بس أنتي ليه فرحتى اوي اوي كدا.. كأني جبتلك هدية..

زهرة بعفوية وفرحه قالت.. لأنها كدا فعلا أنا من زمان مسمعتش حد قالي كلام جميل زي ده .مفيش غير عيلتي و آرين..

چود كشرت عينيها..ليه يازهرة..

زهرة بحرج..متشغليش بالك . أنا مش عايزه اوجع دماغك بحاجات تافهه..

چود شدتها من أيدها وقالت اقعدي اقعدي.. انا أصلا قاعده زهقانه.. مصطفى جوزي راح يصور ورق مع صاحبه..

زهرة قعدت وقالت.. أنتي جميله اوي ياچود. وبتتعاملي معايا على إني عاديه .

چود بصت حواليها..

زهرة بإستغراب.. أنتي بتدوري ع حاجه..

چود اه بدور على بقيت اعضائك أنتي مشوفتيهاش ايه يابنتي بعاملك ع إنك عاديه دي مانتي زي الفل أهو ولا ناقصك أيد ولا حاجه ليه بتقولي كدا

زهرة ضحكت من قلبها وقالت..دمك خفيف جدا ياچود. لا انا اقصد إن بشرتي سمرا وكدا.. مش كتير إللي بيتقبلني..

چود عوجت بوقها ورفعت حاجبها وقالت.. نعم ليه مش يتقبلوكي إن شاء الله.. ومالها البشره السمرا.. دول غنوا للبت السمرا..

وكملت بنرفزه..وبعدين إن شاله عن إللي خلفوهم ما اقتنعوا.. إللي بيشجعوا العنصريه دول يروحوا يشوفوا نفسهم..يقدروا يخلقوا حشره ولا أصلا ليهم في شكلهم حاجه لأ طبعا..

ربنا اللي خالق كل الناس زي بعض بس بأشكال وألوان مختلفة.. يبقى ڠصب عن عين إللي خلفوهم يتقبلوا جميع الفئات..

.مش هانقي إحنا مين يعجبنا ومين لأ.. وبعدين يابت خليكي شجاعه كدا وواثقه من نفسك. أمشي وارفعي راسك لفوق. انتي لانقصك عين ولا نقصك رجل.. وبعدين انتى عليكي جوز عيون حكايه..ومناخيرك زي الفل أهو مسمسه..

وتلاقي شعرك سايح وناعم.. ناعم ولا مش ناعم يابت يازهره

زهرة بضحكه من قلبها..قالت ناعم والله ياچود وطويل جدا كمان.. بس أنتي والله العظيم زي العسل.. أنا حبيتك أوي. وحسيت إن روحي المعنويه اترفعت بشكل كبير جدا..

چود بغيظ..اه يختي أنتي يترفع معنويتك.. وأنا يترفع ضغطي.. قومي بقى اعزميني على عصير لمون..

زهرة ههههههههه بعد الشړ عليكي ياحبيبتى من الضغط إن شاله المتنمرين وأنتي لأ..

چود رفعت ايديها للسما وقالت ياااارب يختي.. ربنا يريحنا من أشكالهم.. وتلاقي أصلا اللي بيتريق ده. لو قعد مع نفسه كدا هيلاقي فيه كل العبر.. داهيه تاخد الغبي.

زهرة هههههههه لأ لأ مش معقول أنا في حياتي مضحكتش كدا انتي عسل أوي..

چود ضحكت وقالت..والله أنا خساره في البلد دي

. روحي يازهرة يابنت حوا وآدم إلهي يرزقك بواحد زي مصطفى عزيز.. يخليكي ماشيه تلفي حوالين منك وخاېفه يكون تحت رجلك مقلب من مقالبه..

زهرة يلهوي حرام عليكى ياچود أنتي بتحبيني أوي كدا..

چود بصدق..طيب والله فعلا حبيتك أوي..انتي طيبه وجميله وجدعه اوي يازهرة..

زهرة بسعادة داخليه..ربنا يكرمك ياچود ويرزقك الذريه الصالحه قريبا.. أقوم أنا بقى هروح أجيب العصير ونشربه مع بعض ماشي

چود ماشي ياموزه بس بسرعه علشان ريقي نشف من المناهده..

زهرة ههههه حاضر ياحبيبتى.. ومشيت..

مصطفى جه..وخطڤ بوسه من خدها. وقال.. إللي وحشني.. وقعد جنبها..

چود اتخضت..وخبطت كف على كف.. وقالت..الله يخربيت بجاحتك.. انت بتوبسني ف الجامعه يامصطفى

مصطفى عندك حق..هبوسك اول ما نروح.. اصلك وحشاني مۏت يابت.. ههههه

چود بغيظ.. انا مش بهزر..أفرض دلوقتي حد شافك واتكلم عليا.. الكل مايعرفش انك جوزي..

مصطفى بعدم إهتمام..طظ.. وبعدين مين اللي مبعرفش إنك مراتي..يابنتي الجامعه باللي فيها بالعميد عارفين إنك الحته بتاعتي..يعني حرم مصطفى باشا عزيز.. وبعدين سيبك من كل ده.. انا جايبلك خبر بمليون دولار امريكي..

چود شهقت وحطت ايدها ع بوقها وقالت بدهشه.. مصطفى اوعى تكون حامل