مملكة ميراث العشق

ياحبيبتي..والسؤال ده يخص مين

كارما بعفوية..بصراحه يخص حضرتك يامامي..

الكل بص لبعض بعدم فهم..

ساره يخصني أنا طيب اسألي. وأنتي عارفه إني أنا وانتي أصدقاء ومش هخبي عنك أي حاجة..قولي يلا اهو أنا سمعاكي.. بس يارب ميكونش عن البورصه ههههه.

كارما بعفوية..ليه مفيش ولا صورة واحده لجدو عاصم وتيتة سوزان..عمري ما شوفتهم ولا عارفه شكلهم ولا أي حاجة عنهم..!!

آسر فتح عينيه پصدمه وبص لابوه..

مالك بص ل ساره..

ساره سابت الشوكه..والصدمة ملجماها ومش عارفه تتكلم..ورجعت بالذاكره لوقت طويل جدا.. وشريط زكرياتها السيء بيعدي قدامها..واللي كانت خاېفه منه حصل.. وإن حد من ولادها يسألوا عن ماضي عيلتها.

كارما شافت رد فعل ساره..وقالت.. مامي انا عمري ما سمعت حضرتك بتتكلمي عن باباكي ومامتك غير أنهم كانوا شغالين في تجارة الأعمال وبس.. ولا حد في العيله كلها بيجيب سيرتهم.. أيوه هما ماتوا.. بس بردوا ناناه شيرين وجدو مصطفى ماتوا لكن لحد دلوقتي كل العيله بتذكرهم والخير كمان وأي حد ېموت الكل بيفتكروا. ماعدا جدو وتيتة.. ممكن اعرف السبب

آسر غمض عينيه بتعب.. لأنه عارف كل حاجه من أبوه. لأنه سأله نفس السؤال.. لكن آسر تفهم الموقف ووقف جمب أمه أكتر ودعمها لأنها تستاهل الدعم بعد كل اللي عاشته..

مالك شاف ساره كأنها دخلت في عالم تاني ومش موجوده معاهم.. وساب الشوكه..وحاول يبتسم..

وبيفكر في مبرر يخرج بيه من السؤال إللي إجابته هتوجع قلب مراته من تاني..ويفتح چرح قديم..

آسر بتفكير..فتح عينيه وقال بثبات. فعلا وأنا مع كارما تماما..لكن أنا بقى عارف كل حاجه..ولو كنتي سألتيني كنت قولتلك.. ههههه..

كارما بفضول..بجد يا آسر.. طيب قولي بقى جدو وتيتة سوزان كانوا عاملين إزاي

مالك بنظرة تحذير لأسر..

آسر هز راسه لابوه..متقلقش.. وبدأ يسرد قصه من وحي خياله.. وقال..

جدو عاصم كان راجل عظيم ومتفاني في عمله. كان شغال مع جدو جاسر ورفع الشركه مع جدو وبعد كده شاف تيتة سوزان في حفله خيرية..كانت هى المسؤوله عنها.. وأعجب بيها واتجوزو بعد فترة قصيرة من التعارف..

وخلفوا أجمل وأحسن أم في العالم كله..ساره عاصم الصاوي.. وكانوا عايشين في سعاده..لحد ما ماما كبرت وسطهم..وكانت تيتة سوزان بتهتم بماما كتير جدا. وجدو علمها إزاي تقدر تتفوق على الكل..وهو اتوفى قبل تيتة سوزان بكتير. وعاشت في حالة حزن كبيرة وللأسف الشديد البيت إللي كانوا عايشين فيه. كانت ماما وتيتة وقتها وحصل ماس كهربائي وكل حاجه اتحرقت كل صورة وكل زكرى اتحرقت وده سبب عدم وجود صوره ليهم. ومالك الصاوي قدر ينقذ ساره. وبعد كده وقف جمبها لحد ما تخطت المرحله دي واتجوزا.. وتيتة أتوفت.. وفي حاجه كمان جدك عاصم كان ديما بيفضل الوحده مبيكونش أصدقاء علشان كدا نادر لو حد أتكلم عنه..لكن اللي عايزك تتاكدي منه.. إن جدك عاصم وجدتك سوزان كانوا حاجه كبيره وعظيمه جدآ..

كارما بإنبهار..واو بجد..! بجد انا على قد مانا زعلانه من النهايه..لكن بجد مبسوطه اوى..

ساره مسكت مفرش السفره بأيدها..وبتحارب دموعها والصراع إللي جواها لكن صعب..وقامت وقفت وقالت بصوت مبحوح..عندي شغل مهم على اللاب توب هطلع اكمله..بعد اذنكم..وماستنتش رد حد وطلعت بسرعه..

كارما بحزن..بابي هى مامي مالها.. أنا قولت حاجه زعلتها

مالك أبتسم وقال..ابدا ياروحي لكن هى أكيد افتكرت باباها ومامتها. وهتبقى كويسه.. يلا كملي اكلك..

كارما بزعل.. أنا أسفه جدا مقصدش أنها تزعل..بس انا بجد كان نفسي أعرف مين جدو وتيتة..

مالك وده حقك طبعا..لكن مامتك كانت متعلقه بيهم جدآ..فلو بتحبيها بلاش تفكريها علشان متزعلش عليهم..

كارما هزت راسها بالنفي.. أبدا أبدا مش هتكلم تاني في الموضوع ده خالص..

مالك شاطره ياحبيبتي..يلا كملوا اكلكم وانا هطلع اطمن عليها.. وسابهم وطلع..

آسر حط ايدية تحت دقنه..ونفخ پخنقه..

ساره قاعده ع السرير وحضنه ركبها ودموعها نازله بۏجع وندم كبير.

مالك دخل وقعد قدامها..

ساره اتكلمت وقالت بعياط وۏجع..كان نفسي يكون زي ما آسر قال بالظبط..كان نفسي يكون ليا أب وأم أفتخر بيهم..كنت أتمنى ولادي يتشرفوا بيهم ويتكلموا عليهم وهما فخورين بيهم..

لكن ڠصب عني..اء.. أنا مقدرش أغير المصير. لكن حاولت ابدأ من جديد..بس مهما اجازف واعدي. أبويا وأمي هيفضلوا وصمة عار في حياتي..

مالك بتنهيدة تعب..حط راسها ع صدرو وقال.. ساره محدش بيختار مصيره. وبعدين انتى بټعيطي ليه دلوقتي.. الموضوع ده ماټ وادفن من سنين.

وبنتك متقصدش حاجه. هى من حقها تسأل وتعرف. كلنا من صغرنا بيبقى عندنا فضول لحكايات وأسرار الماضي.. و آسر أتصرف بحكمه..وكارما وعدتني أنها مش هتتناقش في الموضوع ده تاني..

الموضوع منتهي..وياريت متفكريش في الماضي..

آسر خبط ودخل..وقعد جنبها..

ساره رفعت راسها ومسحت دموعها بسرعه..

آسر أبتسم..وقال. أنتي ماليكش ذنب في أي حاجه حصلت زمان.. لأ أنتي اختارتي مين والدك ولا والدتك.

ولو كان ليكي القدره على ده..ف أنا واثق إنك كنتي هتختاري صح..وبعدين أحنا فخورين بيكي أنتي..

الست إللي واجهت الظروف الصعبة..واللي اتحدت الخطړ. واللي حاربت وسط عالم غير سوي. وخرجت للنور وكافحت وأثبتت نفسها..يبقى لازم نكون فخورين بيها.. وأبدا مانشوفهاش بټعيط على ماضي ملهاش ف أيدها شيء