مملكة ميراث العشق

دلوقتي..!!

فهد رفع عينيه على بنته..ودموعه اتجمعت..وبص بعيد وسابها وراح يطمن ع مراته.

نور بتعب..يلا يا رينو ياحبيبتي أنتي لازم تاكلي حاجه.. ماينفعش إللي أنتي بتعمليه ده..

رينو بعياط مكتوم..هزت راسها لأ.. أنا مش عايزه اكل انا عايزه آرين.. آرين بنتي يانور .

فريحه مسحت دموعها وقالت بحزن حقيقي.. هترجعلك زي الاول يارينو..بنتك هترجع. وأنتي لازم تقويها وتقفي جمبها.. وده مش هيحصل وانتي ضعيفه كدا..

ريتال بعياط..وحدي الله يارينو..لازم تكوني اقوى من اي حد. بنتك محتجالك..

رينو برفض وعياط ۏجع.. ارجوكم سيبوني لوحدي

أنا مش عايزه حاجه..

مراد خبط.. وقال فهد معايا يانور .

نور مسحت دموعها ولبست النقاب.. وقامت وقالت.. اهو فهد جالك وهو أكيد إللي هيقدر يقنعك.. أنا هروح اطمن على آرين وهرجع اطمنك.. تعالى معايا ياريتال.. وخرجوا..

فهد دخل وقلبه تايه وحزين..

فريحه اترمت في حضنه وعيطت بصوت مكتوم.. وقالت..

ربنا معاك ياحبيبي..نفسي اخليك مبسوط يافهد لو بأيدي بس حكمة ربنا فوق كل شيء..

فهد ربت ع ضهرها..وقال بتنهيده.. الحمدلله..

مراد قرب من رينو.. وباس راسها وقال..عامله ايه دلوقتى ياحبيبتى..

رينو بۏجع..تعبانه اوي يامراد.. تعبانه.. بنتي انتهت يامراد..بيتي بينطفي..

مراد ضم راسها لحضنه..واتنهد بتعب..

فريحه مسحت دموعها وقالت..تعالى معايا يامراد.. وفهد هيأكل رينو علشان تاخد الدوا..

مراد ربت ع خد رينو..وقال كل حاجه هتبقى تمام.. أوعدك.. وسابهم وخرجوا..

فهد قعد بتعب قصاد رينو..وحاول يتكلم لكن معرفش..وحاسس إن صوته رايح..

رينو عيطت بۏجع وقالت.. أنا عايزه بنتي يافهد.. قولي إني في حلم..قولي إن آرين بخير ونايمه في اوضتها..

وصړخت اتكلم يافهد انت سااااكت ليييه.. قولي إن آرين لسه زي ما هي..

فهد مسك وشها بايديه وقال..بقلق..بس اهدي يا لارين.. بنتك هتبقى بخير..

رينو بعياط .بخير ازاااي بنتي اټشوهت يافهد..بنتي اټشوهت.. أنا مش قادره اصدق.. ليه بيحصل معانا كداليييييه.. ااااه ياروحي عليكي يابنتي..

فهد شدها لحضنه..وغمض عينيه ودموعه نازله.. ومش عارف يتكلم.. نفسه يهرب بعيد.. عايز يكون لوحدوا في مكان مافيهوش اي مخلوق..عايز ېصرخ بصوت عالى..عايز يطلع كل صړخة ألم جواه..

لكن في الوقت ده..ماينفعش هروب يافهد.. لازم تواجه..وتقف في ضهر عيلتك..

واخد نفس عميق..وطلعها من حضنه.. ومسك وشها وقال. بتمثيل الثبات.. آرين تبقى بنت فهد السيوفي وبنت لارين العدوي..

يعني بنتك قويه بكفايه وهتقدر تعدي أي ظرف .. بنتك دلوقتي في حالة صدمة ومحتاجالنا..ولما تلاقينا كلنا جمبها وبنقويها أكتر.. هتعديها..

وانتي أكتر واحده فينا اللي هتقدري تقوي بنتك بيكي.. فاهمه يالارين..

رينو هزت راسها بعياط..وقالت.. أنت بتطلب مني المستحيل.. انا دلوقتي أضعف من أي حد.. أنا انهرت يافهد.. انا محتجالك ومحتاجه لولادي.. اااااه أنا عايزه بنتي يافهد عايزه آريييين!!!

بقلمي مريم نصار.

في غرفة آرين..

آركان فتح الباب ودخل..وشاور للممرضه تخرج.. وخرجت..

آركان قرب من آرين وقعد جنبها ع طرف السرير.. ومسك كف أيدها..وبص عليه..

وكاتم العياط..وبص ع وشها.. ورفع ايدو ومشاها ع وشها..

ومسك أيدها وباس عليها.. وفجاءه عيط.. عيط بۏجع كبير..

وقال سامحيني يا آرين.. سامحيني لأني عمري ما كنت جمبك في اي وقت تحتاجيني فيه.. أنا آسف..

صدقيني لو كنت جمبك كنت حميتك ولحقتك.

ياريت كنت أنا مكانك..

آرين أنتي هترجعي زي ما كنتي..

وأبتسم بۏجع..وقال هترجعي ترخمي عليا من تاني.. مش انتي ديما تقولي إنك أجمل مني.. وانا بشع

أنا فعلا بشع..وانتي ملكة جمال..بس سامحيني في تقصيري..

صدقيني انا مش هسكت..وهعرف مين اللي ورا إللي حصل.. وحياة وجعك لادمره.. وحياة كل صړخة بتاكل في قلبي لاجبلك حقك..ومش هسيب حقك يضيع..!!

عند فهد..

فهد مسح دموع رينو..وقال..خلاص أحسن دلوقتي

رينو هزت راسها ايوه.. بصمت

فهد طيب تسمعي كلامي وتاكلي..

رينو رفضت وقالت..متحاولش أرجوك انا ماليش نفس.. لو بتحبني بلاش أرجوك..

فهد بإستسلام..ماشي أنا هسكت دلوقتي..لكن شويه وهتاكلي بالاجبار..

رينو بتنهيدة ۏجع.. إن شاء الله..

فهد حاول يبتسم لكن معرفش وقال..العصر أذن. هروح أصلي..

رينو بصت ف عينيه وقالت بترجي..ادعيلها يافهد..

فهد صك ع أسنانه بيكابر الۏجع..وهز راسه ليها حاضر. هدعيلها..!!!

بقلمي مريم نصار.

بعد فتره..

فيلا العدوي..

آدم قاعد في مكتبه وقافل على نفسه..وعايز يقعد في هدوء..

مريم قاعده لوحدها في الليفنج وماسكه السبحه وسرحانه.. وعيونها دبلانه..وفيها لمعه من الحزن..

زين رجع و آريان.. وسلموا عليها..

زين بحزن آيان فين يا أمي

مريم بتنهيده.. آيان مع تمارا يبني..!!

زين طيب أنا هطلع اغير واطلع ع المستشفى..

آريان وانا كمان..استناني يابابا هروح بسرعه اغير واجيلك.. وخرج.. وزين طلع..

زينب جت..وقالت بحزن كبير.. الغدا جاهز ياست مريم..

مريم بإحباط..ومين له نفس يازينب..

زينب بزعل..وهو الاكل ډخله إيه باللي إحنا فيه ده ياست الكل..

مريم بتعب..بالله عليكي يازينب أنا مش حمل مناهده..شيلي الأكل..

ولا اقولك أنا طالعه الجناح.. أنا مش عايزه اتكلم ولا قادره اتكلم..

زينب بس ياست!!

مريم قامت وماشيه وقالت..ادعيلها يازينب.. ادعيلها.. وطلعت..

زينب بدموع رفعت ايديها للسما.. وقالت.. يارب العيله دي بتعمل كل خير..ومبيأذوش حد.. يارب تريح قلوبهم..وتشفي آرين بنت حوا وآدم..

يارب اكشف الغمه وزيل الهم ياااارب..!!!

بقلمي مريم نصار..

عدا الوقت.. والساعه ١٠ مساءا..

فهد قاعد ومربع ايديه.. ومرجع راسه لورا وساكت ومعاه مراد و آركان..

آركان مسح وشه بايديه ونفخ پخنقه.. وقال. خالو مراد.!!!

مراد نعم يا آركان..

آركان من وقت آدم ماضرب الحرس وخرج ومرجعش لحد دلوقتي متعرفش