من اجل الحب بقلم دودو محمد
المحتويات
ومسكت تليفونها واتصلت على امها
نبيله السلام عليكم
زهراء وعليكم السلام ازيك يا امى واحشتينى
نبيله الحمدالله يا حبيبتى انتى اكتر والله عامله ايه يا قلب امك
زهراء اهو عايشه يا ماما
نبيله مالك يا حبيبتى عاطف مزعلك
زهراء بلعكس يا ماما طيب وحنين معايا اوى المشكله فيا انا مش قادره احبه
زهراء ياريت يا ماما ياريت
نبيله استنى يا زهره خليكى معايا وقالت ريم افتحى الباب
ريم حاضر يا ماما و راحت فتحت الباب وقالت دى خالتى امينه وأبيه امير
زهراء اول ما سمعت اسم امير دموعها نزلت منها وقالت مين يا ماما
زهراء بالله عليكى يا ماما خلينى معاكى على التليفون اسمع صوته بس
نبيله لا إله إلا الله ليه بس كده يا بنتى حلفتينى ليه
زهراء ورحمة بابا خلى السكه مفتوحه
نبيله حاضر حاضر وحطت التليفون على الترابيزه وسابت السكه مفتوحه وقالت تعالى يا أمينه يا اختى تعالى يا أمير يا ابنى
نبيله ها لاء ولا مشغوله ولا حاجه كنت بكلم زهره
امير بص على التليفون وغمض عينه علشان يدارى دموعه
امينه وهى عامله ايه
نبيله الحمدالله كويسه وبصت لامير وقالت تعالى اقعد يا ابنى
امير قعد جنب التليفون
امير الحمدالله يا خالتى انتى ازى صحتك
نبيله بخير يا حبيبى
زهراء سمعت صوت امير قعدت ټعيط وحضنت التليفون وقالت يارب صبرنى على اللى انا فيه وحطت التليفون تانى على ودنها وكتمت صوت عيطها بايديها علشان تسمع صوت امير
امير اومال فين شريف يا خالتى
شريف انا اهو جيت
شريف اخيرآ يا أمير ابو لميس وافق على الجواز وهروح اتقدم ليها كمان يومين
امير بفرحه مبروك يا صاحبى ربنا يسعدك يارب
امينه ربنا يسعدك ويهنيك يارب يا حبيبى يلا ما هو الفرح لما بيجى بيجى مره واحده
نبيله قصدك ايه يا حبيبتى
امينه اقصد احنا كمان جاين نخطب القمر دى للولا محمود
نبيله ايوه بس مش لما يجى اخوها سامح
امير طبعآ يا خالتى بس احنا قولنا نيجى نطلبها منك ومن شريف ونشوف رأيكم ايه ونبقى نعمل كل حاجه رسمى لما سامح يوصل بالسلامه
نبيله انا عن نفسى موافقه محمود ابننا واحنا اللى مربينه بس برضه رأى اخواتها والأهم رأيها هى الاول
شريف وانا كمان موافق ولو على ريم انا هسألها بس انا شوفت الجواب فى عينيها اول ما سمعت الخبر
امينه خلاص شوفو وابقو ردو علينا يلا يا أمير علشان زمان مراتك حضرت الاكل
امير بص على التليفون وبعدين قال يلا يا امى وقال شريف تبقى تيجى عندى الاوضه عايزك
شريف هاكل واجيلك
امير اتنهد وبص بصه اخيره لتليفون وخرج
زهراء حطت التليفون على شفايفها وقعدت تبوس التليفون ودموعها نزله منها وتقول ااااااه يا ۏجع قلبى من بعدى عنك يا أمير يارب انا تعبت ومبقتش قادره استحمل الۏجع ده يارب انا قلبى پينزف من جوه
نبيله زهره معايا
زهراء بدموع ايوه يا ماما معاكى
نبيله ليه بتعملى كده فى نفسك انسى يا حبيبتى علشان تقدرى تعيشى
زهراء ھموت يا ماما مش قادره استحمل العڈاب اقسم بالله صوت امير دبحنى يا ماما مكنتش اعرف ان العند هيكون سبب عذابي بالطريقه دى مش قادره استوعب ازاى انا وهو افترقنا عن بعض بالطريقه دى وهو بقى من حق حد غيرى وانا مع حد غيره انا حاسه ان انا فى كابوس يا ماما ونفسى اصحه منه
عاطف السلام عليكم
زهراء مسحت دموعها بسرعه وقالت وعليكم السلام
عاطف بتكلمى مين
زهراء د د.دى ماما
عاطف هاتى اسلم عليها ومسك التليفون وقال ازيك يا حماتى
نبيله تسلم يا حبيبى من كل رضى انا بخير طول ما انتو بخير وسلامه
عاطف ربنا يديكى الصحه ويطول لينا فى عمرك يارب
نبيله تسلم يا حبيبى عاطف خلى بالك من زهره اوعى تزعلها وحطها جوه عنيك واستحملها لو ادلعت عليك شويه
عاطف زهره فى عنيا يا حماتى حتى اسأليها
نبيله قالت والله انك طيب وحنين عليها بس انا بوصيك تانى قلب الام بقى هنعمل ايه
عاطف حاضر يا حماتى اللى تأمرينى بى
نبيله ربنا يخليك يا حبيبى يلا هسيبكم بقى وأقوم اشوف اللى ورايا مع السلامه
عاطف مع السلامه يا حماتى وقفل التليفون ومد أيده بى لزهره
زهراء مدت ايديها اخدت التليفون وقالت بتوتر ا ا انت هنا من امته
عاطف لسه داخل بتسألى ليه
زهراء ها ل ل لا ولا حاجه بسأل سؤال عادى يعنى
عاطف اه ماشى فين الأولاد
زهراء فطرتهم وطلعو يلعبو فى اوضهم وانا قولت اطمن على ماما وهطلع عندهم بعد كده
عاطف ماشى الأوراق بتاعتك اهى ومن بكره هقدمها ليكى فى جامعة اسكندريه
زهراء ش ش.شكرآ
عاطف العفو
زهراء اخليهم يحضرو ليك الاكل
عاطف لاء خليهم يعملو ليا فنجان قهوه علشان اشربه وانزل الشغل
زهراء ح ح.حاضر وقامت تجرى
عاطف بص عليها وهى ماشيه وبعدين قال لنفسه ماشى يا زهره اسمعى صوته وعيطى انا هعرفك تكرهيه ازاى
زهراء شويه وجات ومعاها القهوه حطتها قدامه وقالت القهوه اهى وانا هطلع عند الاولاد
عاطف ماشى يا زهره اتفضلى
زهراء طلعت تجرى
عاطف بص عليها لحد ما طلعت وشرب القهوه وقام ركب عربيته ومشى على الشركه
____________________________
فى الغردقه
كانت روز مضايقه من الشخص اللى قاعد جنبها وقالت ليه
روز لو سمحت ممكن تدخل جوه شويه علشان انا مش عارفه اقعد وسكتت مره واحده وقالت پصدمه انت
سامح انتى ايه جايبك ورايا ده ايه البرود ده
روز انا جايه وراك ليه ھموت عليك وبعدين أنا ايه عرفنى انك متزفت هنا انا لو اعرف مكنتش ركبته من اساسه
سامح متزفت احترمى نفسك ولمى لسانك بدل ما اقطعهولك وبعدين بلاش التمثيليه الهابطه بتاعتك دى وانتى عامله نفسك انها صدفه انك ركبتى معايا نفس الاتوبيس وصدفه انك قعدى جنبى على نفس الكرسى بنى أدمه مخادعه وكدابه
روز انا مش بعرف اكدب ولا امثل اللى بيعرف الكلام ده انت واللى متجوزها عرفى بنى أدم ميعرفش حاجه عن الاخلاق والادب
سامح بعصبيه لاخر مره بقولك لمى لسانك
روز هتعمل ايه يعنى
سامح هقطعهولك
روز انت بنى أدم بؤق على الفاضى يا بتاع عبير
سامح بت انتى
السواق الصوت يا جماعه
سامح وروز بصو لبعضهم بغيظ وتحدى
روز قامت وراحت عند جهاد وقالت جوجو روحى اقعدى مكانى
جهاد ليه بقى إن شاءالله
روز اصل البنى أدم الغلس ده طلع راكب معانا ومن حظى الاسود لاقته هو اللى جنبى
سامح لمى لسانك سامعك انا
روز بصت عليه بغيظ وقالت روحى يلا
جهاد امشى ابت روحى اقعدى مكانك قال اقعد مكانها قال
روز بجد يا جهاد روحى اقعدى مكانى بليز بليز
جهاد امشى ابت بدل ما اديكى فى وشك بحاجه قال انا اسيب الست الكومن اللى جنبى دى واقعد مكانك دى معاها لب وشيكولاته وايه تانى يا حاجه وبصت عليها لاقتها نايمه قلتلها لاء صحصحى معايا كده يا حاجه ده لسه المشوار طويل وشوفى شنطة جحا دى فيها ايه تانى
روز بنى أدمه طفسه ومعندكيش
متابعة القراءة
