من اجل الحب بقلم دودو محمد

وبتعمل ايه هناك إن شاءالله 
أحمد اصلها واحشتنى اوى 
ساره كده يا احمد ماشى ولسه هتمشى 
أحمد. استنى هنا يا مجنونه هو انتى بتصدقى على طول كده يا بنتى ثقى فيا اكتر من كده
ساره يعنى مكنتش عندها 
أحمد يا لهوى على الغباء هروح عندها اعمل ايه انا بشوفك بتثقى فيا ولا مجنونه زى ما انتى بس الحمدالله طلعتى مجنونه زى ما انتى 

ساره اتلم وبعدين كنت فين الصبح 
أحمد للاسف اختى جهاد صممت اروح المستشفى اللى فيها عبير واعرف حالتها ايه واطمنها على اسلام 
ساره اختك صعبانه عليا اوى قلبها متعلق بواحد ميستهلش 
أحمد انا طول عمرى بحاول اكون صديق جهاد قبل ما اكون اخوها بس عمرى ما اخد بالى من موضوع حبها لاسلام وأتصدمت لما عرفت بس مش عارف اخد قرار أبعدها عنه ولا اعمل ايه بالظبط 
ساره جهاد من النوع اللى بيكتم فى قلبه ومش بيبان عليها ۏاجعها تحب تضحك وتضحك اللى حاوليها حتى لو قلبها موجوع وده اصعب شئ فى الدنيا بيتعب الواحد وېموتو
أحمد نفسى اعمل اى حاجه تريح قلبها مش قادر أشوفها پتتعذب كده 
ساره احنا ممكن نحاول نقرب من اسلام ونصلح منه وخصوصآ انت قولت قبل كده ان هو كويس ومعدنه كويس بس اللى غيره كده انفصال أمه عن ابوه والفلوس الكتير اللى فى أيده وعدم مراقبته 
أحمد اسلام كان صاحبى فتره كبيره مبعدناش عن بعض غير واحنا كبار وكل واحد راح فى سكه غير التانى 
ساره اللى فيه الخير يقدمه ربنا
أحمد اكلتى 
ساره لاء لسه 
أحمد طيب يلا بينا ناكل 
وراحو على الكافتيريا يفطرو 
______________________________
عند زهراء
لبست هدومها ونزلت ركبت العربيه وراحت على الشركه الجديده ونزلت من العربيه وسألت على مكتب عاطف وركبت الاسانسير ولسه الباب هيتقفل اتفتح تانى وركب امير 
زهراء اټصدمت اول ما شافت امير وقعدت تبص فى عينيه 
أمير ركب واتفاجئ بوجود زهره وسرح فى عينيها 
زهراء انتبهت لنفسها ورجعت شعرها وراه ودنها وبصت الاتجاه التانى 
أمير انتبه لنفسه وبص الاتجاه التانى وغمض عينه لما شم برفان زهره واتنهد وقال شايف رجلك هتاخد على المكان 
زهراء ما هى زى شركتك شركة جوزى برضه 
أمير اتعصب وحاول يتحكم فى أعصابه وقال جوزك اللى بيعذبك ويهينك 
زهراء دى حاجه متخصكش
امير وقف الاسانسير وبص لزهراء بغيظ وقال انتى واحده رخيصه ممكن تبيعى اى حاجه علشان الفلوس حتى لو هتبيعى كرامتك وانا اللي صدقتك يوم ما هربتى من المستشفى انك بتحبينى انا اكتر من الفلوس واحد غبى بقى طول عمرى جنبك بتحول لواحد غبى بس فؤقت متأخر 
زهراء بدموع انت فعلا واحد غبى وهتفضل طول عمرك غبى مش بتشوف غير اللى عايز تشوفه مش بتفكر مندفع على طول لو فكرت لو لحظه واحده هتعرف أن انا بعمل كل ده علشانك بحاول أحميك من تهورك ومن شړ عاطف بس انت لاء مش شايف غير اللى عايز تشوفه شيفنى واحده ماديه واحده ممكن تبيع حب عمرها علشان شوية ورق ملهومش اى اهميه يمكن زمان مكنتش بفكر كده بس دلوقتى انا اتغيرت يا أمير شوف شكلى بص فى عنيا ومدت ايديها وقالت شوف رعشة ايدى لما اكون جنبك اكيد بتسمع دقات قلبى وهى بتنادى عليك 
أمير لاء بجد مقنعه اوى فى التمثيل كام مره قولتلك ارجعيلى وهحميكى كام مره طلبت منك متوجعنيش وبتوجعينى عايشه دور المضحيه وده مش لايق عليكى الصراحه 
زهراء ضړبته على صدره بدموع وقالت انت ايه يا شيخ عمرك ما كنت قاسى كده ليه بتعمل كل ده فيا كنت بتحس بيا قبل اى حد اصبحت واحد غريب عنى مش بتحس بوجعى 
أمير مسك ايديها وداس عليها وقال علشان قلبى خلاص تعب من وجعك يا زهره 
زهراء ايدى يا أمير 
أمير ايه بوجعك ومش قادره تستحملى اومال ازاى بتستحملى ضربه فيكى وتعذيبه فيكى ولا حبيتى الموضوع وبقى برضاكى
زهراء رفعت ايديها وقالت انت واحد ساڤل ولسه هتضربه
امير مسك ايديها التانيه وقال ايه وجعك اوى الكلام 
زهراء بدموع سيب ايدى يا أمير 
أمير وهو بيقرب منها قال لاء يا زهره 
زهراء بدموع امير انت بتوجعنى
أمير وهو بيدوس اكتر وبيقرب قال والۏجع ده يجى ايه جنب ۏجع قلبى منك 
زهراء پألم ودموع امير 
أمير قرب اكتر ليها وسند ضهرها على الحيطه وقرب من شفايفها 
زهراء بصت الاتجاه التانى وقالت أمير ارجوك بلاش تنزل نفسك من نظرى اكتر من كده 
أمير وهو بيمشى صوابعه على خدها قال ايه قرفانه من لمستى ليكى ولا حابه العڼف زى جوزك 
زهراء زقته ووقفت ترجع وقالت بتعب ودموع كفايه بقى حرام عليك انت عمرك ما كنت كده ولا بالاخلاق دى ليه يا امير ليه وحطت ايديها على بطنها 
أمير بص على ايديها اللى على بطنها وقال پصدمه انتى حامل 
زهراء پصدمه حامل 
وفى الوقت ده باب الاسانسير اتفتح وقالت عاطف 
______________________________
الفصل الاربعون 
فى الشركه الجديده لامير
زقت زهره اميره بعدته عنها ورجعت وحطت ايديها على بطنها 
أمير بص على ايديها اللى على بطنها وقال انتى حامل 
زهراء پصدمه حامل 
وفى الوقت ده اتفتح باب الاسانسير وقالت پصدمه عاطف 
عاطف بص ليهم الاتنين ومتكلمش 
زهراء پخوف وتوتر ا ا انا جيت فى الميعاد علشان نروح المشوار بتاعنا 
عاطف بص ليهم ومتكلمش 
زهراء ا ا انت ساكت ليه 
عاطف بتعملى ايه هنا مع البنى أدم ده يا زهره 
زهراء ص ص.صدفه والله 
عاطف وهو بيقفل أيده بعصبيه قال وليه موقفين الاسانسير
زهراء ها ك ك.كان معلق وراحت مسكت أيده وضحكة ليه بتوتر وقالت المهم ي ي.يلا بينا علشان منتأخرش 
عاطف بص لامير بغيظ وركب هو وهى الاسانسير التانى 
أمير بص على ايد زهره وهى ماسكه ايد عاطف واول ما اختفو خبط بأيده فى الحيطه وقال خلاص تعبت اقسم بالله تعبت هفضل فى العڈاب ده لحد امته وشغل الاسانسير وطلع على مكتبه 
سهى كنت فين كده يا حبيبى من بدرى نزلت ومظهرتش 
أمير كنت فى مشوار تبع الشغل انا داخل مكتبى اطلبى ليا واحد قهوه علشان مصدع 
سهى سلامتك يا قلبى من عنيا 
أمير مدخليش حد خالص عليا
سهى حاضر 
أمير دخل وقفل الباب وراه وطلب رقم وانتظر الرد وشويه وقال ها ايه الاخبار 
........ خرج من شقة اهله راح على العياده بتاعته على طول 
أمير خليك وراه اوعى يغيب عن عينك لحظه واوعى يحس أن فيه حد بيراقبه 
.......... حاضر يا باشا 
أمير بلغنى حركاته اول بأول سلام وقفل التليفون وقال لما اشوف اخرتها معاك يا ريان ايه وفى الوقت ده دخلت سهى وحطت القهوه قدامه وقالت 
سهى عايز حاجه تانى يا حبيبى 
أمير لاء شكرآ اطلعى واقفلى الباب وراكى 
سهى حاضر وخرجت وقفلت الباب وراها وبدأ امير يشوف الشغل اللى وراه 
______________________________
عند زهراء وعاطف
ركبو العربيه وشغل عاطف العربيه من غير ولا كلمه
زهراء عاطف 
عاطف ارجوكى يا زهره متتكلميش فى اى حاجه دلوقتى 
زهراء حاضر بس عايزه اقولك حاجه واحده بس اللى حصل فوق ده صدفه ومحدش فينا كان مخطط لده
عاطف وهو بيدوس على أسنانه ابوس ايدك اسكتى انا بحاول أهدى اعصابى علشان مش عايز اذيكى 
زهراء وهى حابسه الدموع فى عينيها قالت حاضر وبصت من الشباك وحطت ايديها على بطنها ودموعها نزلت منها لما افتكرت كلمة امير انها