من اجل الحب بقلم دودو محمد
المحتويات
عملت ايه الله يحر. قك معملتش حاجه وشكلى مافيش امل اعمل حاجه بعد الواقعة السوده دى شكل الفقرات اتلغبطت على بعض وجه يقوم قال منك للى اكلت دراع جوزها يا بعيده انا متجوز زينه ولا ايه
ريم احمد ربنا ان جنبى مفيش سکينه ولا حاجه كان زمانها فى بطنك دلوقتى
محمود لييييييه متجوز سفاحه
ريم اطلع بره يا محمود
ريم اه سورى عينى راحت فى النوم ڠصب عنى
محمود تمام عقابآ ليكى بقى هتغيرى هدومك وانا قاعد وكتم ضحكته
ريم نعععععم يا اخويه محمود بلاش تستفزنى علشان مطلعش العفاريت اللى جوايا عليك
محمود لسه شيفهم دلوقتى لما وقعتينى على الارض
ريم محمووووووود
ريم وهى بدوس على سنانها اطلع بره يا حوده
محمود يا خراشى يا ناس على كلمة حوده من شفايفك
ريم قربت منه وقالت بجد ومسكت أيده وحطتها عند شفايفها
محمود ايوه بقى ورينى ريمو الرومانسى
ريم بصت ليه بصه لئيمه وفتحت بؤقها وعضته من أيده
محمود يا بنت العضاضه
محمود هطلع هطلع ايه مش بيأكلوكى لحمه ومسك أيده وبص على العضه وقال يخربيتك دى جابت ډم
ريم وهى بتكتم ضحكتها اخس عليا متزعلش منى يا حوده
محمود بت انتى اتعدلى لاعدلك
ريم الله لا كده عجبك ولا كده عجبك اعملك ايه
محمود متعمليش حاجه البسى وخلصى يا اختى ومسك أيده اللى فيها العضه وخرج من الاوضه
محمود فتح الباب تانى وقال اضحكى يا اختى اضحكى كله هيطلع عليكى بعد الجواز إن شاءالله وقفل الباب تانى
ريم قعدت تجهز
وبدأت تجهز نفسها للخروج
____________________________
فى فيلا امير
وصل امير الفيلا وحدف المفاتيح والتليفون على الترابيزه وقعد جنب أمه على الكنبه وحط راسه على رجلها من غير ولا كلمه
أمير طلعت من المستشفى روحت عند قبر بابا
امينه انت متروحش هناك غير لما تكون مضايق
أمير وانا ايه فى حياتى مش بيضايق يا امى
امينه طول ما حب زهره فى قلبك هتعيش تعبان وحزين
أمير مش بأيدى يا امى حب زهره عامل شبه المړض اللى بيمسك صحبه وميسبهوش غير لما ېموت
أمير المۏت عمره ما كان شړ ده راحه كبيره للى زى
امينه بلاش توجع قلب امك عليك يا حبيبى
أمير مسك ايديها وبسها وقال ربنا يخليكى لينا يا ست الكل انا كويس متقلقيش
امينه طيب زهره عامله ايه
أمير كويسه رجعت تانى لجوزها
امينه بأستغراب رجعت لجوزها ازاى مش هى قالت إنها هترجع مع اخواتها
أمير معرفش يا ماما هى وراحتها بقى وقام وقف وقال هطلع انام شويه
امينه اطلع يا حبيبى
أمير طلع اوضه وشاف سهى نايمه نفخ وخرج من الاوضه وراح على اوضه تانيه نام فيها
سهى حست بأمير لما دخل وخرج تانى وقامت قعدت على السرير وقالت ماشى يا امير من امبارح بايت عندها ولما رجعت مش طايق حتى تنام فى نفس الاوضه اللى انا نايمه فيها بس انا اللى فى الاخر هفوز بيك انا ام ابنك ومشيت ايديها على بطنها وقامت دخلت الحمام وشويه وخرجت ونزلت عند امينه تحت وقالت صباح الخير
امينه صباح النور يا بنتى
سهىصحيح يا مرات عمى هى زهره عامله ايه
امينه الحمدالله محصلش ليها حاجه وحشه دراعها بس اللى اتجبس
سهى وهو اللى حصلها ده من ايه
امينه حدفت نفسها من البلكونه
سهى ليه بقى
امينه مش عارفه يا بنتى بتقول بسبب جوزها
سهى امممم وهى دلوقتى راحت فين
امينه رجعت عند جوزها
سهى والله عملت خير برضه ها فطرتى يا مرات عمى ولا لسه
امينه لاء مليش نفس حضرى وافطرى انتى علشان اللى فى بطنك
سهى حطت ايديها على بطنها وقالت حاضر يا مرات عمى صح امال فين ساره
امينه نامت ساعتين وقامت راحت الجامعه
سهى ومحمود
امينه نزل عند مراته
سهى ماشى هو امير جه
امينه ايوه يا بنتى جه وطلع عندك الاوضه مشفتهوش
سهى لاء يا مرات عمى الاوضه فاضيه ممكن يكون راح نام فى اوضه تانيه عادى ما هو مش اول مره يعمل كده وبتمثيل عملت نفسها بټعيط
امينه أهدى يا حبيبتى علشان اللى فى بطنك الزعل مش كويس عليه وبعدين انا مش كلمتك وفهمتك قبل كده تعملى معاه ايه يعنى بأيدك انتى يا خيبه تحببيه فيكى وتخليه ميشوفش غيرك قدامه
سهى عملت يا مرات عمى ولبست ليه قمصان نوم اشكال والوان وهو برضه مش سأل فيا ولا شيفنى قدامه خالص مش شايف غير زهره وبس
امينه معلش يا حبيبتى حاولى تانى وانا هكلمه
سهى حاضر يا مرات عمى ربنا ميحرمنيش منك
امينه ولا منك يا بنتى ويقومك بالسلامه يارب روحى كلى يلا يا حبيبتى
سهى حاضر عن اذنك ومشيت وسابتها
امينه وبعدها معاك يا امير الوضع كده زاد عن حده ربنا يهديك لنفسك ولمراتك يا ابنى
____________________________
فى الجامعه عند ساره وأحمد
ساره زهره بقت منكسره اوى يا احمد
أحمد صعبه لما تكون بتحب واحد وتعيش مع واحد تانى مش بتحبه تلاقيها مش بتنام الليل من وجاعها
ساره وكمان شكل جوزها بيعاملها وحش علشان كده حاولت ټنتحر
أحمد ربنا يهديه ليها اختيارها من الاول غلط
ساره صعبانه عليا اوى على طول الدمعه محپوسه فى عينيها وبجد امير وزهره حالتهم وحشه اوى
أحمد كل شئ قسمه ونصيب وهما مش مكتوبين لبعض يعنى دى حاجه لا بأيديها ولا بأيديه
ساره ربنا يصبر قلبهم
أحمد المهم كان فيه موضوع كده انا كلمت امير فيه
ساره موضوع ايه ده
أحمد المفروض كنت متفق مع امير أن انا هخطبك والبسك الخاتم يوم خطوبة محمود بس لما حصل موضوع ابن عمك ده انا مشيت واتصلت بأمير واعتذرت ليه وهو أتفهم الموقف وانا الصراحه ندمان اوى أن عملت كده وعايز اجى اخطبك رسمى ايه رأيك
ساره بكسوف اللى انت شايفه اعملة
أحمد يعنى موافقه
ساره بكسوف هزت راسها بمعنى ايوه
أحمد وربنا بمۏت فيكى
ساره م م.ماشى يلا بينا علشان منتأخرش على المحاضره
أحمد استنى هنا انتى مقولتيش اجى امته
ساره أسأل امير هو اللى يقولك
أحمد طيب ايه مفيش بحبك ولا حاجه حلوه تبلى بيها ريقى
ساره احمد بس بقى علشان بتكسف وسابته ومشيت
أحمد اه يا انى يا مغلبانى استنى يا ساره ومشى وراها
_____________________________
فى شاليه مهجور وضلمه
فتحت روز عينيها بصعوبه واټصدمت لما شافت الدنيا ضالمه ومش شايفه حاجه وايديها مربوطه قالت پخوف
روز ا ا.انا فين حد هنا
جهاد فتحت عينيها وقالت ايه ده انا فين
روز جهاد انتى هنا
جهاد روز احنا فين
روز پخوف مش عارفه
جهاد احنا اخر حاجه كنا قدام المدرسه ورايحين عند مستر سامح المستشفى وبعد كده وسكتت
روز ايوه وبعد كده قابلنا اسلام ومش فاكره حاجه بعد كده
جهاد طيب حد يفهمنا احنا فين وبنعمل ايه هنا
روز پخوف انا خاېفه اوى يا جهاد احسن ما يكون الناس بتوع الاعضاء ھيموتونا وياخدوه الكلاوى بتاعتنا
جهاد تصدقى أن تكتيفت ايدى دى رحمتك منى كلاوى ايه أم كلاوى واحنا داخلين مسمط
روز ايوه يا بنتى انتى مش بتسمعى عن تجار الاعضاء
جهاد بغيظ اقسم بالله لو مسكتيش يا روز الكلب انتى ي
لون ملهوش اى لازمه فى الالوان لكون انا اللى نطه فى كرشك ومطلعه الكبده والفشه والكلاوى واصفيكى وارتاح منك
روز انتى ازاى كده مش خاېفه
جهاد اتنيلى على عينك ده انا عملت
بي بي على نفسى من كتر الخۏف
روز قعدت تضحك.
جهاد بتضحكى ده احنا شكلنا ايامنا سوده
وفى الوقت ده سمعو صوت الباب بيتفتح والنور نور
روز پصدمه انتى
_____________________________
بقلمى دودومحمد
متابعة القراءة
