من اجل الحب بقلم دودو محمد

حياتك ابدآ
زهراء بدموع اااااااه ح ح.حاضر 
عاطف امشى وكمان يومين هبعت السواق يخدكم 
زهراء بدموع حاضر ومشيت ولسه هتفتح الباب 
عاطف اه اعملى حسابك لو شميت خبر انك اتقابلتى مع اللى اسمه امير ده هقطع خبرك وخبره فاهمه 
زهراء ح ح.حاضر 
عاطف امسحى دموعك ومش عايز حد يعرف بحاجه 
زهراء ح ح.حاضر ومسحت دموعها وخرجت 

عاطف ماشى يا زهره لما اشوف اخرتها معاكى ايه 
الجده دخلت وقالت اهدا على البنت كفايه اللى حصل زمان دى مش زينب يا عاطف
عاطف تيته ارجوكى متدخليش فى اللى ملكيش فيه 
الجده بتحذير قسمآ عظمآ يا عاطف البنت دى لو حصلها حاجه القديم كله هيتفتح وانت فاهم قصدى على ايه وبصت ليه بصه طويله وخرجت وسابته
عاطف مسك تحفه كانت محطوطه على المكتب وحدفها على الباب وراه جدته وقعد على الكرسى وهو متغاظ ومتعصب وبعد وقت خرج من الفيلا من غير ولا كلمه وروحت زهره مع اهلها البيت 
____________________________
الفصل التاسع وعشرون 
وصلت زهره البيت مع اهلها وهى طالعه افتكرت كل ذكرياتها مع امير ودموعها نزلت منها شريف اخد باله من دموعها ضمھا فى حضنه وهما طالعين وبص ليها بعنيه يطمنها وطلعو عند الباب ووقف سامح يفتح الباب وزهره قعدت تبص على باب شقة امير ودموعها نازله منها اتنهدت وغمضت عينيها ودخلت مع اخواتها البيت وقفت تبص علي الشقه وقالت 
زهراء بدموع قالت ياااااااه قد ايه الشقه واحشتنى اوى يا ماما واحشنى قعدتى فى وسطكم كلامكم ضحككم هزاركم جدكم كل حاجه 
نبيله يااااه يا بنتى انتى اللى بتقولى كده مش انتى اللى كنتى بتحلمى تمشى من البيت ده والحاره وتعيشى فى فيلا 
زهراء بكسره كنت غلطانه يا ماما صدقينى العيشه هنا احسن من العيشه فى الفيلا بكتير كنت عبيطه لما فكرت ان هعيش مبسوطه وانا معايا فلوس طلعت السعاده فى الحب وراحة البال والاتنين دول معرفش طريقهم فين 
شريف كلنا بنحلم يا حبيبتى نعيش حياه احلى فى مستوى أعلى بس عمرنا ما كرهنا عشتنا بلعكس عشتنا دى دافع لينا اننا نجتهد علشان نحقق حلمنا ونوصل لهدافنا 
زهراء بدموع للاسف الكلام ده عرفته متأخر اوى يا شريف 
سامح هو جوزك بيهينك 
زهراء بتوتر ل ل.لاء طبعآ
سامح حاسس ان فى حاجه انتى مخبياها علينا 
زهراء م م.مافيش حاجه مخبياها بس انتو واحشنى مش اكتر 
شريف بس كويس انك جيتى معانا علشان محمود هيجى يتقدم لريم بكره 
زهراء بفرحه بجد مبروك يا ريمو 
سامح برضه هتمشى الموضوع يا شريف 
شريف سامح مش وقته الكلام ده وبص على زهره 
زهراء ليه مش وقته انت رافض ليه يا سامح 
شريف خلاص يا زهره مافيش داعى لكلام 
زهراء لاء انا عايزه اعرف سامح رافض ليه الموضوع 
سامح عايزه تعرفى ليه يا زهره علشان اللى اخوه عملو معاكى علشان كسرتك وۏجع قلبك بسببه علشان ميحصلش فيها زى ما حصل معاكى 
زهراء دموعها نزلت منها 
شريف كفايه بقى يا اخى انت ايه معندكش ډم 
سامح مش هى دى الحقيقه 
زهراء بدموع لاء يا سامح مش هى دى الحقيقه الحقيقه ان النصيب هو اللى كان ليه دور كبير فى الموضوع ده يعنى لا أنا ولا هو كان فى ايدينا حاجه اما بقى موضوع ريم ومحمود انا شايفه انهم مش ذنبهم حاجه أن حنا نبعدهم عن بعض لمجرد مواضيع قديمه وبقت ماضى سامح لو ليا غلاوه عندك وافق على جوازهم لان سعادتهم هما الاتنين مع بعض وهيبقى ذنبهم فى رقبتك لو بعدهم عن بعض لان الفراق ده حاجه صعبه اوى المۏت اهون منه الف مره وانت هتكون حكمت عليهم بالعڈاب طول حياتهم 
سامح احنا كده هنقربهم لينا وانتى كل ما هتنسى هتقابليهم فى اى مناسبه وهتشوفيهم وهيقلبو عليكى الۏجع من جديد وهيفكروكى بكل حاجه 
زهراء بدموع وانا اصلا منستش يا سامح ولا عمرى هنسى علشان خاطرى وافق 
شريف كفايه بقى يا سامح وافق بقى 
سامح ماشى موافق بس لو يوم جه على اختى زى ما اخوه عمل هطلع روحه فى ايديا 
شريف وانا قبل منك هعمل كده 
سامح بص لريم وقال مبروك يا ريمو 
ريم بفرحه الله يبارك فيك يا سامح عقبالك يارب 
سامح إن شاءالله 
زهراء وأمته هيكون الفرح 
شريف هعمل فرحى وفرح ريمو فى يوم واحد 
زهراء ربنا يسعدكم يارب 
بيلار ماما انا جعانه اوى 
زهراء حاضر يا حبيبتى تعالى اعملك سندوتشات انتى ورائف 
بيلار بس رائف نام اهو وشاورت على الكنبه 
زهراء راحت عند رائف وقالت قوم يا حبيبى كل الاول وبعد كده نام قوم يلا وصحته واخدته هو وبيلار المطبخ علشان تأكلهم 
شريف بص على أخته وهى داخله المطبخ وبص لأمه بزعل وقال مبسوطه دلوقتى يا ماما لما جوزتيها لعاطف مبسوط يا سامح وانت شايف اختك كأنها عندها مية سنه من الحزن والهم وهى شايله مسؤولية مش بتاعتها اصلا بقت ام من قبل ما تفرح بجوازها وتعيش ليها يومين يارب تكونوا مبسوطين دلوقتى وبصلهم بحزن ودخل اوضه 
نبيله بدموع يا قلب امك اللى بيتقطع عليكى يا بنتى وعلى كسرتك فين زهره اللى كانت ضحكتها مش بتفارق وشها بقت الدمعه على طول محپوسه فى عنيكى يارب فرح قلبها وانزع من جواها الحزن والۏجع 
سامح دخل اوضه من غير ولا كلمه بس كان حزين على كسرت أخته 
ريم دخلت المطبخ وقالت روحى انتى يا زهره غيرى هدومك وريحى من السفر وانا هأكلهم وانيمهم 
زهراء لاء يا حبيبتى ادخلى انتى ريحى وانا هأكلهم 
ريم قومتها وقالت اسمعى الكلام بس انا مش تعبانه ولا حاجه وبعدين الاولاد شكلهم حلوين اوى وانا عايزه اكلهم وأتكلم معاهم شويه 
زهراء ماشى بس لو تعبوكى نادى عليا 
ريم مش هيتعبونى روحى بقى 
زهراء ماشى وراحت دخلت الاوضه وبصت عليها ودموعها نزلت منها وقالت كنت بتبطر عليكى ياريت ما بعد عنك ياريت كل اللى فات ده يطلع حلم واصحه الاقى نفسى محصلش كل ده انا حاسه ان انا فى كابوس ودخلت فتحت الدولاب وطلعت هدوم من هدومها القديمه ولبستها وبصت على البلكونه وراحت عندها وفتحتها وبصت على الحاره وافتكرت كلام ساره لما قالت ليها بكره تبعدى عنها وتشتاقى ليوم واحد من ايامها وضحكة بأنكسار وقالت كان عندك حق يا ساره فى كل كلمه قولتيها على الحاره وبصت على بلكونة امير ودموعها نزلت منها وهى شايفه هدومه وهى متنشره فى البلكونه وغمضت عينيها وهى الدموع نازله منها وقالت يارب انا موجوعه اوى ونفسى بقى ارتاح ودخلت من البلكونه وفتحت شنتطها وطلعت التليفون وأتصدمت لما شافت عاطف متصل عليها كتير والتليفون كان صامت وفى الوقت ده التليفون نور تانى برقم عاطف فتحت وردت عليه پخوف وقالت ا ا.الو 
عاطف بعصبيه انتى ليه مش بتردى على التليفون كل ده كنتى فين ها كنتى عنده فى الشقه ولا هو اللى عندكم علشان كده مش بتردى انطقى يا هانم وردى عليا 
زهراء پخوف ودموع قالت والله العظيم ما شوفته والتليفون كان معمول صامت ومحستش بيه لما رن وا ا.انا كنت قاعده مع اخواتى وامى وبنتكلم بره 
عاطف بزعيق بتتكلمو عليه صح علشان كده نسيتى الدنيا لمجرد ما جات سيرته 
زهراء بلاش تظلمنى يا عاطف احنا