من اجل الحب بقلم دودو محمد

ما هقدر انساه حبه بيجرى فى دمى بيمشى فى عروقى حبه عايش فيا ومعايا بحاول انسى بس ازاى وهو صورته قصاد عيونى دايما قلبى بيتقطع من جوايا امير واحشنى اوى اوى وقعدت فى الارض وقعدت ټعيط وفى الوقت ده حست بأيد على كتفها بصت لفوق وعينيها كلها دموع 
عاطف شدها وقفها وشدها فى حضنه وقال انا اسف بجد مكنتش اقصد انا وعدك ان هنسيه ليكى الاول بس اندفعت انا اسف ليكى بجد

زهراء قعدت ټعيط وقالت انت شوفت بعينك وجعه ليا قد ايه بس رغم كل ده مش قادره أكرهه بلعكس بعدى عنه خلانى احبه اكتر من الاول كمان عارفه أن انت خاېف على الاولاد بس انا برضه اتعلقت بيهم وبقوا حاجه اساسيه فى حياتى ومقدرش ابعد عنهم بس انا بټعذب من جوايا يا عاطف 
عاطف انا معاكى وجنبك وهفضل وراكى لحد ما تنسيه يا زهره بس عايزك تساعدينى فى كده 
زهراء اساعدك ازاى يعنى 
عاطف حاولى تشغلى نفسك بأى حاجه تانيه وبلاش تفكرى فيه خليكى حاطه قدام عينك جرحه ليكى أن هو محاولش يتمسك بيكى وباعك بسهوله واتجوز غيرك حاولى تفكرى فيا اكتر ا ا اقصد فى الاولاد اكتر هما حبوكى ومحتاجينك جنبهم بجد 
زهراء بعدت عن حضنه ومسحت دموعها وقالت هحاول 
عاطف وانا هساعدك يلا علشان ننام 
زهراء هزت راسها وقالت يلا 
عاطف امشى قدامى 
زهراء مشت قدام عاطف وطلعوا الاوضه ونامت زهراء على الكنبه ونام عاطف على السرير 
عاطف زهره 
زهراء نعم 
عاطف لسه زعلانه منى 
زهراء لاء يا امير وسكتت شويه وقالت قصدى يا عاطف 
عاطف قفل ايده بعصبيه وغمض عينه علشان يهدا شويه وقال ماشى يا زهره نامى تصبحى على خير 
زهراء وانت من أهله وغمضت عينيها ونامت 
عاطف قعد يبص عليها وهى نايمه لحد ما عينه راحت فى النوم 
____________________________
فى القاهره
فى شقة توفيق
دخل شريف اوضه وقعد على السرير بحزن ودموعه نزلت منه وقال 
شريف يارب متوجعش قلبى عليها انا اموت لو حصلها حاجه يارب لو في حاجه هتوجعها هاتها فيا وبلاش هى يارب انا بحبها ومقدرش استحمل ۏجعها ولا أشوفها بتتألم قدامى 
وفى الوقت ده تليفونه رن لاقه رقم اللى اتصلت منه لميس الصبح رد بلهفه وقال ايوه يا عمرى واحشتينى
لميس انت اكتر بتعمل ايه
شريف بحب بفكر فيكى 
لميس بجد اوعى تكون بتضحك عليا وبتفكر فى حد تانى امۏتك 
شريف وانا عينيا مش شايفه غيرك فى الدنيا دى 
لميس بحبك اوى يا شيفو ونفسى بقى يجى اليوم اللى هنكون مع بعض على طول وابقى جنبك وفى حضنك 
شريف وانا بحلم باليوم ده اكتر منك ربنا يقرب البعيد ويهدى ابوكى 
لميس يارب يا شيفو صحيح عملت ايه فى موضوع الشغل 
شريف امير هيدخلنى شريك معاه فى الشركه الجديده بتاعته انا بالمجهود وهو بالفلوس 
لميس بفرحه بجد والله العظيم امير ده جدع ومافيش زيه بس انتو هتتعبوا شويه لان مفيش حد كبير يسندكم ويدعمكم بأسمه 
شريف ربنا كبير يا حبيبتى وان شاءالله نقدر نكبرها من غير ما نحتاج لحد يساعدنا 
لميس طبعآ يا حبيبى انا واثقه فيكم وعارفه انكم هتقدرو تكبروها وان شاءالله لما اكون مراتك مش هسيبك ابدآ وهشتغل معاكم فيها 
شريف إن شاءالله يا حبيبتى 
لميس لازم اقفل قبل ما حد يشوفنى وانا بكلمك وانا كل ما اقدر اكلمك من تليفون تيته هكلمك 
شريف ماشى يا حبى وبلاش تتعبى نفسك تصبحى على خير 
لميس وانت من أهله 
شريف لميس 
لميس نعم 
شريف خلى بالك على نفسك بحبك 
لميس حاضر سلام 
شريف قفل مع لميس وبص على التليفون مده طويله وغمض عينه واتنهد ونام 
_____________________________
اشرقت شمس صباح يوم جديد بنورها الساطع فى سماء الغردقه 
لتبدأ جهاد بفتح عيونها بصت على روز لاقتها لسه نايمه قامت دخلت الحمام اخدت شاور واتوضت وخرجت لبست هدومها وأدت فرضها وبصت على روز لاقتها لسه نايمه فتحت الباب وخرجت خبطت على باب اوضت سامح 
سامح فتح ليها وقال جهاد خير 
جهاد ممكن اتكلم مع حضرتك يا مستر 
سامح لو بخصوص موضوع روز انتهى الكلام يا جهاد 
جهاد هو بخصوصه بس عايزه حضرتك تسمعنى الاول وبعد كده ابقى أنهى الموضوع براحتك 
سامح هنا 
جهاد لاء طبعآ انا هنزل استنى حضرتك تحت وسابته ونزلت 
سامح قفل الباب واتنهد وغير هدومه ونزل دور على جهاد وشافها قاعده على الترابيزه راح عندها وقعد وقال خير يا جهاد عايزه تقولى ايه
جهاد بص حضرتك انا هحكيلك موضوع الرهان من أوله وابقى رد عليا فى اخر الكلام 
سامح انتى مهما قولتى مش هيغير معايا حاجه 
جهاد ماشى اسمعنى الاول 
سامح اتفضلى 
جهاد هو فعلا احنا اترهنا عليك فى الاول وكانت روز عايزه ټنتقم منك بسبب انك بتستقصد تجرحها بالكلام على طول وكنا وخدنها هزار لحد ما حضرتك روحت أدتها الدرس فى الفيلا وقربت ليك وبقت تشوفك على حقيقتك بدأت تحبك بجد وكانت على طول تكلمنى بعد ما حضرتك تمشى من عندها وتكون فى قمة سعادتها واحده واحده بقيت حضرتك شئ اساسى فى حياتها ولما كنت تغيب عنها تبقى ھتموت عليك وتفضل تسأل عليك شبه العيل الصغير التايه من امه وانا جيت فى يوم وسألتها على الرهان اللى ما بنا قالت ليا انها بتحبك بجد وان مش مهم عندها الرهان وأنها اسعد واحده على الأرض علشان انت اعترفت ليها بحبك وكانت سعيده جدآ لحد امبارح الصبح قبل ما يحصل اللى حصل ومن ساعتها وهى دموعها على خدها مفرقتهاش ولا ثانيه واحده 
سامح والمطلوب منى ايه اصدق كلامك واروح أجرى عليها واقولها انا اسف يا حبيبتى ظلمتك ولا اعمل ايه انتو شوية عيال وانا ادتكم اهتمام منى زياده عن اللزوم متنسيش انك كنتى شريكه ليها فى لعبتها 
جهاد والله حضرتك حر تصدق ولا متصدقش بس بجد لو فضلت على موقفك ده هتخسر كتير هتخسر قلب حبك بجد روز على فكره قلبها ابيض جدآ وبتعشقك ومخلصه ليك ولو خسرتها بجد هتندم ندم عمرك عليها لانك مش هتعرف تعوضها تانى 
سامح انا لا عايز اعوضها ولا اعوض غيرها انا غلطان من الاساس لما سبت قلبى ليها لحتة عيله لا راحت ولا جات انا استاهل كل اللى بيحصلى لأن انا واحد ضعيف 
جهاد على فكره يا مستر عمر الحب ما كان ضعف الحب قوه ما بين طرفين مش هتفرق مين الضعيف فيكم لان الطرف القوى دايما بيقوى الضعيف وانت وروز بتحبو بعض بجد بس بتعاندو ولو العند دخل ما بنكم هتخسرو كل شئ فى ناس كتير بتتمنى تعيش قصتكم بس مش طايله وفى ناس بتحب من طرف واحد وشايفه حبيبها مع حد غيرها ومع ذلك عايشه وبتتمنى تكون زيكم حافظوا على النعمه اللى فى ايديكم علشان متندموش بجد ولسه هتقوم لاقت روز واقفه وراهم ودموعها نازله منها قالت روز انتى هنا من امته 
روز كفايه يا جهاد مش هتشحتى منه الحب انا اللى مش عايزاه ومن النهارده هشيله من حياتى خالص وطلعت تجرى على الاوضه 
جهاد بصت ليه وقالت الحق حبك بدل ما يضيع من بين ايديك وسابته وطلعت تجرى وراها 
سامح بص على روز وهى بتجرى ومسك دموعه بالعافيه
ولسه هيقوم وراها
عبير اوعى يغرك تمثيلهم واضح اوى أنهم متفقين مع بعض وتمثيلهم اوفر الصراحه صدقنى انا بيلعبوا بيك زى الكوره وبيحدفوك لبعض وفى الاخر هتبقى مضحكه لكل 
سامح داس على سنانه وقال امشى يا عبير من قدامى 
عبير قعدت قدامه وقالت صدقنى مش بيفهم الواحده غير واحده زيها ودى ولا بتحبك ولا حاجه وبيلعبو بيك وانا علشان بحبك وخاېفه عليك بقولك بلاش توصلهم اللى هما عايزينه ومسكت ايديه وقالت حتى لو مش هتكون ليا هفضل احبك واخاڤ عليك 
سامح بص على ايد عبير اللى ماسكه أيده وغمض عينه وسحب أيده من ايديها وقال عبير سبينى لوحدى شويه 
عبير مسكت ايديه وبستها وقالت حاضر وسابته ومشيت وهى بتضحك ضحكة شړ بأنتصارها
سامح حط أيده على وشه وقال مالك يا سامح بقيت لعبه فى ايد العيال ليه بقيت ضعيف اوى كده ليه بيحدفوك لبعضيهم زى الكوره وانت مافيش منك رد فعل سيبهم يلعبو بيك فوق يا سامح وارجع لشخصيتك زمان فوق وقام طلع على اوضه غير هدومه وحط هدومه فى الشنطه وقفلها واخدها ونزل علشان يرجع القاهره 
___________________________
عند روز
دخلت الاوضه وهى مڼهاره مسكت شنتطها وحطت الهدوم بتاعتها فيها 
جهاد دخلت وقالت بتعملى ايه يا مجنونه 
روز هرجع القاهره مش هقعد هنا معاه ولا ثانيه 
جهاد يا بنتى أهدى كده هترجعى القاهره ازاى المشرفين مش هيرضو 
روز محدش ليه عندى حاجه وقفلت شنتطها وشالتها وفتحت الباب ونزلت
جهاد نهار اسوح عليا اصبري طيب يا مجنونه هاجى معاكى وحطت هدومها فى الشنطه اى حاجه وقفلتها نص قافله ونزلت تجرى وراه روز وقالت استنى يا بنتى هنرجع ازاى القاهره 
روز معرفش بأى طريقه المهم مقعدش فى مكان فيه البنى أدم ده 
جهاد تعالى نركب الاتوبيس سوبر جيت 
روز اى حاجه 
جهاد تعالى طيب نحجز التذاكر ونستنى 
روز ماشى يلا وركبو تاكسى وراحو حجزو التذاكر وقعدو لحد ما جه ميعاد الاتوبيس وركبوا الاتنين ومكنش فيه اماكن جنب بعض قعدت روز على كرسى جنب واحد وقعدت جهاد على كرسى تانى جنب واحده ومشى الاتوبيس بيهم روز كانت مضايقه من اللى قاعد جنبها علشان واخد المكان كله بصت ليه بغيظ وهو كان لابس كاب وباصص من الشباك
روز لو سمحت ممكن تدخل جوه شويه علشان مش عارفه اقعد وسكتت مره واحده وقالت پصدمه انت 
____________________________
بقلمى دودومحمد