من اجل الحب بقلم دودو محمد

لميس وخرج نزل وقف تاكسى وراح عند لميس كانت جهزت خرجت ليه وركبت معاه التاكسى وراحو على الشركه 
_____________________________
فى فيلا امير
فى اوضت امير
صحى امير على صوت تليفونه بص جنبه ملاقاش سهى نايمه رد وقال 
أمير ها ايه الاخبار 
......... من شويه طلع الشقه بتاعته هو وبعدها بربع ساعه وصلت عنده واحده وطلعت عنده فوق وبعد حاولى ساعه نزلت البنت وركبت تاكسى وهو نزل بعدها ركب عربيته وروح شقة أهله 

أمير بأستغراب بنت صورتوها طيب 
........ لاء محدش قال لينا
أمير انتو اغبيه لازم حد يقولكم تعملو ايه ده شغلكم يا اغبيه كنت صورتها وهى طالعه عنده 
.........احنا اسفين يا باشا غلطه مش مقصوده ونوعد حضرتك مش هنكررها تانى 
أمير اى حاجه تحصل زى دى تصوروها على طول فاهمين 
.........حاضر يا باشا 
أمير قفل التليفون واستغرب عدم وجود سهى جنبه وقال راحت فين دى وقام بص عليها فى الحمام ملاقهاش شك فيها لتكون هى اللى كانت عند ريان فتح الباب ونزل يجرى وهو بينده عليها وقال سهى يا سهى انتى فين 
امينه بخضه فى ايه يا ابنى نازل بتجرى وبتنده على سهى وانت متعصب كده ليه 
أمير مافيش يا امى بس هى فين 
سهى ايوه يا حبيبى انا هنا 
امير كنتى فين كده 
امينه كانت فى المطبخ بتحضر الفطار فيه ايه يا حبيبى 
أمير مافيش اصل قمت ملاقتهاش جنبى اټخضيت 
امينه اه ما هى صحيت من بدرى وخر
سهى قطعتها وقالت لدرجاتى يا حبيبى ملهوف عليا 
أمير ها ا ا اه عن اذنكم 
امينه رايح فين يا حبيبى 
أمير هطلع اصلى فرض ربنا وسابهم وطلع الاوضه 
امينه انتى ليه مقولتيش لامير انك خرجتى روحتى لدكتور
سهى انتى مش شايفه حالته يا مرات عمى اخاڤ أقوله يزعل منى أن خرجت من غير ما اقوله
امينه عندك حق يا بنتى ربنا يكملك بعقلك 
سهى تعيشى يا مرات عمى هروح احضر بقيت الفطار
امينه ماشى يا حبيبتى علشان نعمل الغدا للناس اللى جايه النهارده 
سهى هو مين اللى جاى النهارده 
امينه ريم ونبيله علشان الفرش اللى جاى النهارده 
سهى واختها جايه معاهم 
امينه معرفش بس معتقدش انها تيجى 
سهى ياريت ماشى يا مرات عمى انا رايحه المطبخ وسابتها ومشيت 
فى الفيلا عند جهاد وأحمد
فى اوضت جهاد
أحمد احلى صباح على احلى عيون 
جهاد صباح النور يا ابو حميد 
أحمد مزتى عامله ايه النهارده 
جهاد الحمدالله احسن بس الچرح بيشد عليا شويه 
أحمد معلش يا حبيبتى 
جهاد احمد معلش هتعبك بس عايزه اطمن على اسلام وعبير 
أحمد تانى يا جهاد ما انا امبارح مطمنك عليهم 
جهاد عايزه اعرف فاقت ولا لسه اكيد اسلام ھيموت عليها وزعلان أصله متعلق بأخته اوى 
أحمد لحد ما كنت هناك امبارح كانت لسه مفقتش من الغيبوبه واخوها قاعد معاها فى العنايه 
جهاد يمكن تكون فاقت انا بدعلها تقوم بالسلامه طول ما انا قاعده علشان خاطر اسلام ميتوجعش عليها 
أحمد ادينى سبب مقنع لحبك لاسلام 
جهاد انا نفسى معرفش بحبه ازاى وليه 
أحمد راجعى نفسك يا جهاد اسلام ميتحبش يا حبيبتى انا مش بفرض رأى عليكى انتى عارفه أن انا صحبك قبل ما اكون اخوكى الكبير بس بجد خاېف عليكى من حبك لاسلام 
جهاد لو بأيدى كنت مختارتش الحب ده بس ڠصب عنى حبيته ومش قادره اكرهه رغم كل اللى بيعملوا ده 
أحمد بجد اول مره اكون عاجز بالطريقه دى ومش عارف اخد قرار 
جهاد انا عاجزه زى زيك بالظبط بس انا بعذاب بقى 
أحمد اخدها فى حضنه وبسها فى راسها وقال ياريت فى ايديا حاجه يا جهاد ياريت 
جهاد متشلش همى انت ركز فى حياتك مع ساره وامسك فيها بأيدك وسنانك ساره بتحبك بجد 
أحمد وانا بمۏت فيها يا جهاد وناويت البسها الشبكه فى فرح اخوها محمود 
جهاد بفرحه بجد ربنا يسعدك يا حبيبى يارب 
أحمد وقف وبسها فى راسها وقال هروح الاول المستشفى وبعد كده هروح لجامعه وابقى اطمنك فى التليفون سلام وخرج وسابها 
جهاد اتنهدت بۏجع وقالت اااااه ۏجع قلبى كبير اوى يا احمد ياريت كنت اقدر احكى ليك على اللى جوايا بس مش عايزه اوجع قلبك عليا واضيع فرحتك ربنا يسعدك ويفرح قلبك يا احمد يارب 
_______________________________
فى المستشفى عند اسلام وعبير
خرجت عبير من العنايه ودخلت اوضه عادى وكانت قاعده وقاعد جنبها اسلام 
عبير اسلام ناوى تعمل ايه مع جهاد 
اسلام اتنهد وقال مش عارف يا عبير هحاول اصلح اللى فات يمكن تسامحنى 
عبير هتتجوزها 
اسلام ياريت توافق بس مستحيل تسامحنى على اللى حصل 
عبير انا لما أخرج هتأسف ليها ولروز وهطلب منها تسامحك
اسلام ياريت بالسهوله دى يا عبير 
عبير مدام بتحبك اوى كده وضحت بعمرها علشانك ومقدرتش تشوفك محپوس هتسامحك اكيد 
اسلام هحاول اعمل بكل طريقه علشان تسامحنى بس قبل اى حاجه لازم اقف على رجلى واعمل ليا عمل خاص مستقل بيا بعيد عن فلوس ابوكى وعن حياته
عبير وانا 
اسلام وانتى ايه 
عبير وانا هعمل ايه 
اسلام هتكملى تعليمك بس على حسابى انا مش هسيبك احنا بنكمل بعض يا عبير وانتى مسؤوله منى لحد ما تروحى بيت جوزك 
عبير بۏجع بيت جوزى مين ده اللى هيرضى يتجوز واحده زي
اسلام ليه بتقولى كده يا عبير انتى لسه صغيره والعمر قدامك وكتير مننا بيغلط وبيصلح من نفسه مش عيب على فكره احنا عايشين الدنيا نغلط ونتعلم 
عبير نفسى الناس تحبنى بعد ما كرهتنى 
اسلام اكيد هتحبنا بعد ما يتصلح حالنا ونتغير 
عبير يارب يا اسلام 
اسلام اخدها فى حضنه وقال نامى شويه ريحى 
عبير غمضت عينيها فى حضڼ اخوها ونامت 
اسلام بسها فى راسها وقال بصوت واطى حقك عليا يا عبير انا السبب فى اللى انتى وصلتى ليه ده علشان مكنتش الاخ الصالح ليكى وقعد يمشى أيده على شعرها 
_____________________________
فى فيلا عاطف
صحيت زهره من نومها وقامت دخلت الحمام اتوضت وخرجت أدت فرضها وخرجت من الاوضه ونزلت لاقت عاطف قاعد بيشرب القهوه بتاعته وبيقراه فى الجريده 
زهراء صباح الخير
عاطف بصلها بحب وقال صباح النور وطبق الجريده وحطها جنبه 
زهراء ملك والاولاد منزلوش 
عاطف لاء 
زهراء اكيد بعد اللى حصل امبارح ملك مش هتنزل 
عاطف تنزل ولا متنزلش شئ ميخصنيش 
زهراء اتنهدت وقالت عاطف علشان خاطرى بلاش تعاملها كده وحياتى عندك 
عاطف حياتك غاليه اوى على انك تحلفينى بيها علشان واحده زى ملك 
زهراء بليز يا عاطف 
عاطف بص ليها فى عينيها وقال حاضر يا زهره مشكلتى مقدرش ارفض ليكى طلب 
زهراء ابتسمت ليه وقالت ربنا يخليك 
عاطف تعرفى أن ضحكتك حلوه اوى 
زهراء ش ش.شكرآ وفى الوقت ده ملك نزلت وقعدت من غير ولا كلمه 
بيلار ورائف صباح الخير يا ماما صباح الخير يا بابا وقعدو على الكراسى 
عاطف فين حضڼ بابا 
بيلار انت وحش ومش هنحضنك خالص 
زهراء عيب يا حبيبتى تكلمى بابا كده 
رائف علشان هو السبب فى دموع ماما 
زهراء بصت لعاطف وبعدين بصت لاولاد وقالت عيب يا حبايبى تقولو كده بابا بيحبكم وبيحب ماما بس هو زعلان منها شويه صغننين
ملك بصت لعاطف بدموع ووقفت ولسه هتمشى 
زهراء رايحه فين يا ملك 
ملك طالعه اوضى 
زهراء اقعدى افطرى طيب 
ملك مليش نفس 
زهراء عاطف قول حاجه 
عاطف اقعدى يا ملك افطرى 
ملك لاء شكرآ ولسه هتطلع
عاطف بتحذير ملك انتى عارفنى مش بحب اقول الكلمه مرتين اقعدى 
ملك بصت ليه وقالت الكلام ده الأول إنما