نوفيلا

من ايد زهراء وقالت الو 
عاطف عامله ايه يا حبيبتى 
بيلار الحمدالله كويسه 
عاطف خدى التليفون وابعدى عن ماما شويه 
بيلار حاضر وبعدت عن زهره وقالت بعد يا بابا
عاطف شاطره بصى ماما بتقابل اى راجل عندك 
بيلار اه يا بابا 
عاطف وهو بيدوس على سنانه مين متعرفيش اسمهم 
بيلار ايوه خالو شريف وخالو سامح 
عاطف اتنهد براحه وقال بس يا حبيبتى مفيش اى حد تانى 
بيلار لاء يا بابا مفيش حد راجل تانى ماما بتتكلم معاه 
عاطف ولا خرجت من باب الشقه وراحت الشقه اللي قصادهم 
بيلار لاء 
عاطف ماشى يا حبيبتى خلى بالك على اخوكى وادينى ماما
بيلار حاضر وراحت عند زهره وقالت خدى كلمى يا ماما بابا 
زهراء اخدت التليفون وقالت ماشى يا حبيبتى روحى العبى وقالت ايوه يا عاطف 
عاطف هبعت السواق بكره ياخدك انتى والاولاد 
زهراء بكره لالالا يا عاطف انا ملحقتش اشبع منهم سبنى يومين تانى ارجوك 
عاطف بعصبيه لو تفتكرى انا قولتلك بحب اقول الكلمه مره واحده سمعه وفى الوقت ده جرس الباب رن وراحت زهره فتحت الباب ووقفت مكانها مصدومه لما شافت امير قصادها جاى مع أهله 
امير اټصدم لما شاف زهره مكنش متوقع انها موجوده وهيشوفها وقعدو الاتنين يبصو لبعض ومش حاسين بأى حاجه حاوليهم 
زهراء التليفون وقع من ايديها وهى مش حاسه 
امينه سلمت على زهره وقالت ازيك يا حبيبتى واحشتينى انتى هنا من امته 
زهراء كانت مش سامعه ولا كلمه وعينيها على امير 
ساره سلمت عليها وقالت حمدالله على السلامه يا زهره 
زهراء مش سامعه اى كلمه بتتقال 
محمود زوزو عامله ايه 
سهى كانت بتبص عليهم هما الاتنين ومتغاظه من نظارتهم لبعض 
نبيله وشريف جم وسلمو عليهم ومازال الاتنين مش حاسين بأى حاجه 
شريف زهره زهره وخپطها على كتفها 
زهراء انتبهت لنفسها ورجعت شعرها وراه ودنها وقالت بتوتر ازيك يا خالتى 
امينه لسه فاكره ده انا سلمت عليكى وانتى ولا هنا 
زهراء بتوتر حقك عليا يا خالتى وبصت لساره وقالت عامله ايه يا ساره 
ساره كويسه 
زهراء ازيك يا محمود 
محمود الحمدالله انتى عامله ايه يا زوزو
زهراء الحمدالله وبصت على امير وقالت بتوتر ا ا ازيك يا أمير ومدت ايديها 
أمير بص على ايد زهره ومد أيده وسلم عليها وقال كويس انتى عامله ايه 
زهراء غمضت عينيها وضربات قلبها سرعت لما لمس ايديها وسمعت صوته بلعت ريقها بصعوبه وقالت وهى بتحاول تمنع دموعها من النزول ت ت تمام الحمدلله 
سامح زهره تعالى جنبى 
زهراء سحبت ايديها من
ايد امير وراحت عند سامح وقعدت جنبه 
امير بص على أيده وهى فاضيه وبعدين بص على زهره وهى قاعده جنب سامح بصه طويله وراح قعد على الكرسى اللى قصادها 
سهى كانت متابعه كل ده بغيظ وقعدت جنب امير 
وكلهم قعدو 
بيلار ماما بابا على التليفون وعايز يكلمك 
زهراء افتكرت أن عاطف كان معاها على التليفون ونسيته اتوترت واخدت التليفون من ايد بيلار وقالت ر ر روحى يا حبيبتى العبى مع اخوكى وقالت ايوه يا عاطف 
امير اتعصب اول ما سمع زهره بتكلم عاطف وقفل أيده بعصبيه وبص على زهره وهى بتتكلم 
عاطف ايه يا هانم نسيتى نفسك لما شوفتيه 
زهراء پخوف ه ه هو مين 
عاطف امير يا هانم انا سمعت كل حاجه وانا على التليفون اللى انتى نستينى عليه 
زهراء وقفت وقالت ع ع عن اذنكم وسابتهم وراحت عند المطبخ علشان تكلم عاطف 
امير بص على زهره وهى ماشيه وشافها وهى رايحه عند المطبخ 
زهراء ا ا ايوه يا عاطف 
عاطف بعصبيه انا قولتلك ايه وحذرتك من انك تقابليه ولا تتكلمى معاه انتى اللى جنيتى على نفسك فى اللى جاى يا زهره 
زهراء بدموع اقسم بالله انا مكنتش اعرف ان هو جاى انا اتفاجئت لما جيت أن محمود اخوه جاى يخطب ريم اختى النهارده ومن الطبيعى أن هو يجى بس والله ما اتكلمت معاه اكتر من السلام محصلش اى حاجه تانى 
عاطف تخدى الاولاد وتنزلى حالا وتخلى اخوكى يوصلك عند فيلا لميس وهى هتوديكى الفيلا بتاعتى مفهوم 
زهراء طيب احضر قراية الفاتحه الاول 
عاطف انا قولتلك بحب اقول كلمتى مره واحده اعملى اللى قولتلك عليه حالا فاهمه 
زهراء غمضت عينيها والدموع نزلت منها وقالت حاضر يا عاطف سلام وقفلت التليفون وحطته على الرخامه وقعدت ټعيط وحست بأيد على كتفها بصت و قالت شريف
شريف مالك يا زهره 
زهراء عاطف سمع صوت امير وصمم أن امشى اروح الفيلا بتاعته 
شريف فى اسكندريه 
زهراء لاء يا شريف الفيلا اللى هنا 
شريف اه افتكرت أن لميس قالت ليا قبل كده ان هو ليه فيلا هنا بس انتى تعرفي مكانها 
زهراء لاء انت هتودينى عند لميس وهى هتودينى الفيلا دى 
شريف دلوقتى 
زهراء ايوه يا شريف 
شريف طيب اصبرى عشر دقايق نقراه الفاتحه وننزل 
زهراء پخوف بس ارجوك بلاش نتأخر علشان لو عاطف اتصل وعرف أن انا فى البيت لسه هتحصل مشكله 
شريف مټخافيش يا زوزو ميقدرش يعمل ليكى حاجه وخرجو الاتنين تحت نظرات امير وقعدو 
امينه ما تتكلم يا أمير 
امير كان بيبص لزهره ومش سامع أمه 
امينه امير يا امير 
امير ها ا ا ايوه يا ماما 
سهى حطت ايديها على ايد امير وقالت مرات عمى بتقولك اتكلم يا حبيبى
زهراء بصت على ايد سهى اللى محطوطه على ايد امير ومسكت دموعها بالعافيه وحطت ايديها على ايد اخوها شريف ومسكت فيها جامد 
شريف بصلها وطمنها بعينيه وطبطب بأيده التانيه على ايديها 
امير شد أيده من تحت ايد سهى وقال احنا جاين نطلب ايد ريم لمحمود وبص على زهره 
شريف بهزار انا مش موافق 
محمود مين ده اللى مش موافق وربنا انط فى كرشك انا قتيل ام الجوازه دى وياريت الخطوبه والفرح يكونو بكره 
سامح ده اللى هو ازاى يعنى ما تصبر شويه هى هطير
محمود لاء هى مش هطير بس انا اللى هتشل على اليوم ده حرررررام بقى جوزونى البت 
نبيله يخربيت عقلك يا محمود سبحان من جمعكم مع بعض ريم العقل كله وانت رايحه منك بس نقول ايه النصيب 
ساره كده احسن يا خالتى خليها تعقلو شويه 
محمود طيب ايه مش هتجوزونى 
شريف ادخلى يا زوزو هاتى ريم 
زهراء ح ح حاضر وبصت على امير وقامت 
امير عينه كانت على زهره وهى ماشيه منزلتش ثانيه 
زهراء دخلت جابت ريم وجات 
ريم سلمت على الكل بكسوف وقعدت جنب محمود 
محمود قوليلهم حاجه يا ست الحجه خليهم يجوزونا ويخلصو
ريم بصوت واطى م م محمود اهدا شويه 
محمود وادى العروسه كمان جالها شلل فى صوتها 
سامح بقرف ما تهدا يا ابنى كده وخليك على بعضك شويه 
سهى ساكت ليه يا حبيبى ما تتكلم 
امير اتغاظ من طريقة كلام سهى غمض عينه علشان يهدا وقال قولتو ايه 
شريف طبعآ موافقين انت مش شايف حالته ده لو رفضنا مش بعيد يروح فيها
امينه على خيرت الله نقراه دلوقتى الفاتحه وبعد خطوبة شريف نعمل الخطوبه 
شريف والفرح هيكون معايا إن شاءالله 
محمود وانا مال امى اقعد استنى شهرين انا عايز اتجوز اخر الشهر ده 
سامح انت ليه محسسنى انك جاهز 
محمود الفيلا خلاص هننقل فيها بكره وانا ليا دور مخصوص وجاهز يعنى فاضل الفرش وخلاص 
زهراء بأستغراب فيلا انتو هتمشو من هنا 
محمود ايوه أمير اشترى لينا فيلا هنعيش فيها 
زهراء م م مبروك 
سهى واهم حاجه الاوضه اللى هنعيش فيها