نوفيلا

سامح يسامحنى 
سليم وانتى مفكره أن انتى أول ما تقولى ليه سورى هيسامحك انتى اترهنتى على مشاعره يا روز واستهترتى بيه 
روز عارفه أن انا غلطانه يا دادى بس الكلام ده قبل ما احبه كنت متغاظه منه وكنت عايزه انتقم منه بأى طريقه 
سليم يبقى اصبرى عليه شويه لحد ما ينسى الراجل بتبقى كرامته عنده اهم حاجه 
روز يبقى برضه هفضل حزينه ومش هاكل لحد ما يسامحنى ها 
سليم يا بنتى بلاش شغل عيال وقومى ربنا يهديكى
روز No مش هقوم 
سليم يابنتى انتى مأكلتيش حاجه من امبارح 
روز ومش هاكل غير لما سامح يسامحنى
سليم والمدرسه 
روز برضه مش هروح المدرسه 
سليم والله 
روز ربعت ايديها على صدرها وقالت yes
سليم وقف وخبط ايد على ايد وقال لله الامر من قبل ومن بعد وخرج من الاوضه 
روز مسكت بطنها وقالت اووه بقى انا جعانه اوى اعمل ايه دلوقتى لاء اجمدى يا رورو يمكن تصعبى عليه ويجى يصالحك يارب يجى بسرعه بقى انا ھموت من الجوع 
____________________________
فى الجامعه عند ساره
وصلت ساره الجامعه ودخلت على الكافتيريا وقعدت تشرب نسكافيه وفى الوقت ده جه احمد وقعد على الكرسى قصاد ساره وقال 
احمد صباح الخير 
ساره مردتش عليه ولسه هتقوم
احمد مسكها من دراعها وقال ساره خلاص بقى سامحينى انا اسف يا ستى وحقك عليا أن مسمعتش كلامك وصدقتك فى موضوع جيهان ده 
ساره لو سمحت سيب دراعى 
أحمد ساره اقسم بالله بحبك 
ساره ممكن تسيب دراعى 
أحمد مش قبل ما تسامحينى 
ساره احمد الناس بتبص علينا
أحمد قلب أحمد وعمر أحمد كله
ساره ابتسمت وقالت سيب طيب 
أحمد ايوه بقى ورينى اجمل ابتسامه فى الدنيا دى وسابها
ساره بجد يا احمد انا لسه زعلانه منك ومش قادره انسى منظرك وانت نايم جنب واحده على السرير وانت ع واتكسفت وسكتت
أحمد عارف ان هى صعبه عليكى تشوفينى كده بس اقسم بالله ڠصب عنى وانتى سمعتى بودنك اللى حصل 
ساره ماشى يا احمد 
أحمد سامحتينى 
ساره هزت راسها بمعنى ايوه 
أحمد بصوت عالى اقسم بالله بحبببببببببببببببببك 
ساره اتكسفت وقالت بس يا مچنون 
أحمد وفيها ايه لما الناس كلها تعرف ان انا بحبك ما انتى قريب اوى هتكونى خطيبتى حبيبتى وبعدها بكام شهر هتكونى مراتى ام عيالى 
ساره م م ماشى يلا بينا ندخل المحاضره 
أحمد يلا بينا ووقف ومسك ايد ساره 
ساره بصت على ايديها هى واحمد وهما ماسكين بعض بكسوف ومشيت جنبه وهى فرحانه
____________________________
فى المدرسه عند سامح
دخل سامح
المدرسه ودور بعينه على روز بس ملاقهاش وشاف جهاد واقفه لوحدها راح عندها وقال 
سامح صباح الخير يا جهاد
جهاد صباح النور يا مستر 
سامح ه ه هى روز فين 
جهاد روز عامله مقاطعه للاكل والشرب والمدرسه وحابسه نفسها فى الاوضه لحد ما انت تسامحها 
سامح پصدمه ايه ازاى يعنى 
جهاد اه والله شبه الاطفال بالظبط 
سامح دى اكيد مجنونه ممكن يحصل ليها مضاعفات بسبب قلة الاكل 
جهاد لاء هو مش ممكن ده اكيد هيحصل ليها مضاعفات 
سامح شغل العيال ده وسابها ومشى 
جهاد هيييييح يقطع الحب وسنينه وفى الوقت ده شافت إسلام فى العربيه وهو موصل عبير قلبها دق جامد وحست أن رجليها مش شيلها ولسه هتمشى 
عبير جهاد يا جهاد 
جهاد غمضت عينيها ووقفت مكانها 
عبير اخس عليكى يا جوجو كده تمشو من الرحله من غير ما تقولو بس شكل المستر ظبط صحبتك اوى وقضى معاها يوم حلو بعيد عن الرحله 
جهاد اتغاظت وبصت ليها وقالت روز اشرف من عشره زيك عاشت واتربت بره بس رغم كده بتحافظ على نفسها مش زيك رخيصه 
عبير لاء واضح أن قلبك جمد اوى وعايزه تخدى علقھ تفوقك ورفعت ايديها ولسه هتضربها بالقلم ايد جات ومسكتها 
___________________________
الفصل الثلاثون
فى المدرسه
اتعصبت عبير من طريقة كلام جهاد ليها ولسه بترفع ايديها علشان ټضرب جهاد بالقلم ايد مسكتها ومنعتها تضربها 
عبير اسلام انت ايه رجعك تانى 
اسلام نسيتى تليفونك عندى فى العربيه وقرب من جهاد ومشى أيده على خد جهاد وقال وبعدين مش حرام الوش الجميل ده ينضرب 
عبير شدت ايديها من ايد اسلام وقالت دى البنت المصديه جهاد اخت احمد جيران الهنا
جهاد وقفه مصدومه واول ما ايد اسلام لمست وشها حست أن قلبها هيوقف عليها رجعت لوراه وبعدت وشها عن ايد اسلام 
اسلام لا بجد انتى جهاد كبرتى واحلوتى اوى كده ليه 
عبير يا عم احلوت ايه انت هتكدب دى مصديه وشكلها يقرف الكلب الجربان ده اللى يشوفها يفتكرها دكر 
جهاد صعبت عليها نفسها بصت ليهم بدموع وطلعت تجرى 
أسلام يخربيت تخلفك يا شيخه 
عبير ايه في ايه 
أسلام يعنى انا كنت ھموت وانتقم من أحمد وانتى أخته معاكى ومقولتيش انت حافظه مش فاهمه يا بت 
عبير قصدك ايه مش فاهمه 
أسلام ايه يا ام المفهوميه كلها يعنى لو اعرف ان اخت احمد كبرت كده كنت ضحكة عليها واخد اللى انا عايزه مكان البنت اللى اخدها منى 
عبير طيب ما انت عارف ان عنده اخت 
أسلام اه عارف بس انا قليل اوى لما بقعد فى الفيلا اللى جنبهم ومعرفش أن أخته كبرت كده ومعرفش انها معاكى يا ذكيه 
عبير وعرفت ناوى على ايه 
أسلام وهو بيضحك ضحكة شړ قال ناوى على كل خير سلام يا قطتى وخرج ركب عربيته وراح على الجامعه بتاعته 
جهاد دخلت الحمام وهى بټعيط وبصت فى المرايا على وشها وحطت ايديها على خدها مكان ما اسلام لمسها وقالت بدموع مالك يا جهاد بتعيطى ليه علشان أخته جرحتك بالكلام ولا علشان جرحتك قدامه ما انا وهى على طول مع بعض كده بس اكتر مره اتوجعت فيها هى المرادى انا عارفه كل حاجه عنه ورغم كده حبيته بس أن هو يجى عليا ويوجعنى ده اللى مش هقدر عليه انا افضل احبه من طرف واحد ومن بعيد لبعيد احسن ما اقرب واټصدم فيه واخدت نفس وبصت على نفسها فى المرايا وقالت أهدى كده يا جهاد هى مره اتقابلنا فيها صدفه محصلش حاجه لكل ده وغسلت وشها وخرجت من الحمام وراحت على مكانها 
_____________________________
انتهى اليوم وجاء الليل وبدأت ريم تجهز نفسها وهى متوتره 
زهراء مالك يا بنتى خاېفه كده ومرتبكه 
ريم مش عارفه يا زوزو خاېفه اوى اوى وحاسه أن قلبى هيوقف عليا 
زهراء من ايه 
ريم مش عارفه اول مره هتكون كل حاجه رسمى مش عارفه هتعامل مع محمود ازاى بعد ما يكون خطيبى مكسوفه اوى وهو الصراحه ميتوصاش فى طريقة كلامه وحركاته
زهراء بالعكس المفروض تكونى فرحانه انك هتكونى ملك الراجل اللى حبتيه واتمنتيه محدش هيكون ليه عندكم حاجه وكلها شهرين وتبقى مراته ومعاه فى بيت واحد وتعيشو مع بعض فى سعاده وربنا يكرمكم بأولاد يملو عليكم حياتكم 
ريم بزعل على اختها انا سعادتى الوحيده أن مشوفش الدمعه اللى محپوسه فى عنيكى دى 
زهراء لاء دى بقت شئ اساسى فى حياتى يا ريم متحطيش فى بالك يلا يا عروسه اجهزى بسرعه زمان العريس جاى وفى الوقت ده تليفون زهره رن برقم عاطف اخدت التليفون وخرجت بره وردت عليه وقالت الو 
عاطف عامله ايه 
زهراء الحمدالله كويسه 
عاطف والاولاد 
زهراء كويسين متقلقش 
عاطف بتعملى ايه 
زهراء ولا حاجه 
عاطف هاتى بيلار عايزها 
زهراء حاضر وقالت بيلار بيرو تعالى كلمى بابا 
بيلار حاضر يا ماما واخدت التليفون