نوفيلا

وقالت م م ممكن بس ادخل الحمام 
امينه ادخلى يا ساره معاها وريها مكان الحمام 
ساره حاضر تعالى يا زوزو وحطت ايديها على كتفها وبستها فى خدها ومشيت شاورت ليها على الحمام وقالت وانا بره هستناكى 
زهراء بضحكة حزن م م ماشى ودخلت الحمام وبصت على نفسها فى المرايا ودموعها نزلت منها وقعدت ټعيط وتهز راسها يمين وشمال رافضه اللى سمعته وقالت ليه ليه يحصل كل ده ليه امير هيكون اب لطفل تانى مش منى مش كان وعدنى أن انا بس اللى هكون ام أولاده كان دايما يرسم ليا احلام وفى الاخر كل ده طلع سراب وبقى اب لطفل من واحده تانيه غيرى اه يا قلبى اللى بيتقطع من جوايا يا ۏجع قلبى على حب عمرى الصبر من عندك وغسلت وشها وظبطت المكياج بتاعها وخرجت من باب الحمام واتفاجئت بأمير قدامها اتوترت وحاولت تمشى بسرعه بس امير وقفها وقال 
أمير مبسوطه معاه 
زهراء غمضت عينيها وحبست دموعها ولسه هتمشى 
أمير بتضحكى معاه زى ما كنتى بتضحكى معايه قلبك بيدق ليه زى ما كان بيدق ليا 
زهراء مقدرتش تتحكم فى دموعها اكتر من كده ونزلت منها وبصت ليه وقالت ايوه يا أمير سعيده ومبسوطه معاه وبيحصل اكتر من اللى انت قولته ده لان هو جوزى 
أمير قرب منها وتكلم جنب ودنها وقال حلوه فلوسه اللى سبتينى علشانها صح وبعد عنها وقال بس بصى اهو ربنا كرمنى وبعت ليا فلوس كتير وبقى عندى فيلا وعندى شركه وبدل العربيه اتنين وتلاته
زهراء بدموع واهم حاجه أن ربنا هيكرمك بطفل تفرح بيه مبروك 
أمير اټصدم لما عرف أن زهره عرفت وقال الله يبارك فيكى عقبالك 
زهراء قريب قريب اوى يا امير 
أمير اتعصب وزقها على الحيطه وقرب منها وقال انتى ليه غاويه تعذبينى ليه دايما بترتاحى لما بتوجعينى عيرتينى بفقرى لما كنت فقير وكسرتى رجولتى لما روحت جبتك من على سرير راجل غريب ومستمره فى وجعى لحد دلوقتى لما روحتى لراجل غيرى انتى ليه بتعملى فيا كده ليه 
زهراء زقته وقالت انت جاى تحاسبنى بصفتك ايه ها بأمارة ما بعتنى لاسلام ولا لما رجعت ولاقيتك متجوز واحده غيرى انت اللى بعتنى يا أمير مش انا 
أمير قرب منها تانى وقال بصوت واطى انا مبعتكيش يا زهره لاسلام انتى اللى بعتى نفسك ليه لما كذبتى علينا كلنا وروحتى عنده الفيلا وسمحتى يبقى فيه باب مقفول عليكى وعليه وبسبب استهتارك وغبائك ابوكى ماټ ولما انا اتجوزت كنتى انتى اللى بدأتى البعد وروحتى بعيد وبرضه قبلتى تعيشى مع راجل غريب فى فيلا لوحدكم ولو كنت مشوفتكيش هناك كنا فضلنا ندور عليكى العمر كله بعتى أهلك علشان الفلوس علشان تعيشى فى فيلا وتجيبى هدوم كتير وتعيشى الحياة اللى بتحلمى بيها 
زهراء كانت مش مركزه فى ولا كلمه من قرب امير ليها وكانت بتاخد نفسها بصعوبه 
أمير شافها فى الحاله دى مسك دخلت عليهم ساره وشافتهم بالوضع ده 
زهراء زقت امير ووقفت وهى متوتره ورجعت شعرها لوراه وقالت س س ساره ه ه هفهمك
ساره متقوليش حاجه يا زهره وكويس أن انا اللى دخلت عليكم محدش تانى عمومآ انا جيت اقولك أن العرسان جم والمأذون هيبدأ يكتب الكتاب 
زهراء م م ماشى ا ا انا جايه معاكى وبصت على امير بدموع ومشيت مع ساره 
أمير لييييييه كل ده بيحصل ليه وقعد على الكرسى ودموعه نزلت منه
عاطف دخل وقال العياط ده لنسوان مش للرجاله
أمير مسح دموعه وبصله بغيظ وقال انت ايه جايبك هنا ها 
عاطف اصل بدور على مراتى زهره وقالو ليا انها فى الحمام جيت أشوفها مشوفتهاش بما انك قاعد هنا كده 
أمير بقرف لسه خارجه 
عاطف اصل مقدرش استغنى عنها وجودها فى حياتى شئ اساسى 
أمير قفل ايده بغيظ وقال اهى عندك بره اشبع بيها وزقه وخرج 
عاطف بغيظ ماشى يا زهره حسابنا فى البيت وخرج وراه امير 
____________________________
فى الجنينه
وصل العرسان والمأذون
وقعد شريف جنب المأذون والجنب التانى محمود وحطو أيديهم فى ايد بعض وبدأو الاتنين يقولو وراه المأذون وقال 
المأذون بارك الله لكما وبارك عليكما وجمع بينكم فى خير 
سامح اخد الورق ومضت عليه ريم 
محمود راح عند ريم ووقف قدامها وبسها فى راسها وقال مبروك يا احلى زوجه فى الدنيا 
ريم بكسوف الله يبارك فيك 
محمود بصوت عالى حد يقرصنى يا جدعان انا بجد اتجوزت ولا بحلم
الكل ضحك على كلام محمود 
عند شريف
كان قاعد جنب المأذون زى ما هو متحركش وجه ابو لميس وقعد الجنب التانى وحطو أيديهم فى ايد بعض وقالو وراه المأذون 
المأذون قال بارك الله لكما وبارك عليكم وجمع بينكم فى خير 
شريف راح عند لميس وحضنها
ولف بيها وقال بصوت عالى بحبببببببببببببببببك 
الكل صفر ليهم وصقفو ليهم 
وفى الوقت ده وصل ابو سهى عمى امير 
سهى طلعت تجرى عليه وقالت بدموع بابا حبيبى واحشتينى 
حسين انتى اكتر يا بنتى عامله ايه والحمل عامل معاكى ايه
سهى مشيت ايديها على بطنها وقالت الحمدالله يا بابا وبعدين سلمت على حسام وصلاح اخواتها وقالت اومال فين ماما ليه مجاتش 
صلاح ماانتى عارفه امك متقدرش على المشاوير البعيده دى 
سهى اصلها واحشتنى اوى 
حسين ابقى اخلى امير يجيبك الصعيد تشوفيها 
سهى أن شاءالله تعالو ادخلو يلا ودخلو سلمو على الكل 
حسام بص لساره بحب وقال اذيك يا بنت عمى 
ساره بقرف كويسه 
حسام ايه لسه مفكرتيش فى موضوعنا
ساره انا سبق وقولتلك مش موافقه 
أمير منورنا يا عمى 
حسين المكان منور بأصحابه يا ابنى قولى سهى عامله معاك ايه
امير بص لسهى بقرف وبعدين بص لابوها وقال كويسه يا عمى 
سهى قلقت لامير يتكلم ويحكى الحقيقه ولما قال كويسه اتنهدت براحه وحطت دراعها فى دراع امير وقالت امير مافيش منه اتنين يا بابا طيب اوى اوى وبيحبينى مۏت 
حسين ربنا يسعدكم يارب 
أمير بص بغيظ لسهى وقال ربنا يخليك يا عمى
عند زهراء
كانت قاعده على الترابيزه اللى عليها امها وسامح وروز وعينيها على امير واول ما شافت سهى بتمسك دراع امير دموعها نزلت منها وفى الوقت ده جه عاطف وقال 
عاطف فينك يا حبيبتى بدور عليكى وبسها فى راسها 
زهراء مسحت دموعها بسرعه وبعدت راسها عنه وقالت ها ا ا انا موجوده يا عاطف دخلت الحمام وجيت 
عاطف ماشى يا حبيبتى 
أمير كان متابع اللى بيحصل واتغاظ لما عاطف باس زهره من راسها 
وفى الوقت ده طلب الدجى العروسين يجو على الاستيتج علشان يرقصو سلو مع بعض
راح شريف ولميس 
ومحمود وريم
عند شريف ولميس
بدأو يرقصو وهما بيبصو لبعض من غير ولا كلمه 
لميس بكسوف بتبص ليا كده ليه 
شريف مش مصدق نفسى معقول انتى خلاص بقيتى مراتى 
لميس لاء صدق يا قلبى انا بقيت مراتك حبيبتك وحياتك كلها 
شريف وعد منى يا لميس هعيشك اسعد واحده على الأرض ولا عمرى هوجعك ولا اجرحك 
لميس وانا وعد منى هكون معاك على المره قبل الحلوه وحياتنا محدش هيعرف حاجه عنها غير انا وانت وبس وهقف دايما فى ضهرك وعمرى ما هقبل انك تقع ابدآ
شريف بحبك اوى يا لميس واخدها فى حضنه و ضمھا جامد 
عند محمود وريم
محمود زوجتى العزيزه اخيرآ قدرت امسك ايدك من غير ما تشتمينى 
ريم