شظايا قلوب محترقة
المحتويات
مستفهمة
يعني إيه
رفع حاجبه وابتسم
ودي براءة ولا استهبال
تأففت وأجابته بصوت أجفله
لا استهبال زم شفتيه على كلماتها يهز رأسه مستهزئا حديثها
طيب ياست المستهبلة أنا سألت عن جوازنا
توقفت وقطعت حديثه
أنهي جواز بالظبط ياحضرة الظابط
ظابط إيه يختي بعيد الشړ أنا ممكن أكون ظابط الأداء في حاجات تانية
سامعك ياست المستهبلة منعت ابتسامتها تهز رأسها على حركاته ثم اقتربت منه وانحنت تنظر إلى وجهه لأول مرة
بس يابتاع الحج متولي إنت أنا عملت معاك اللي ربنا أمر الزوجة بيه
غير كدا متتعشمش
أتعشم هو إنت هبلة يابت ليه بتحسسيني إنك أختي الكبيرة وعايزة أقسمك تركة أبويا العشم دا ممكن يكون في طبق بسبوسة بالمكسرات أو كوب آيس كريم بالشوكولا
فعلا إنت ظابط في الأداء ظل يطالعها بعيون لامعة لأول مرة يرى ضحكاتها وعفويتها دقيقتان تلهو بحركاتها وضحكاتها وهي تتحدث ومازالت عيناه تخترق أفعالها توقفت عن الحديث بعدما وجدت صمته ونظراته إليها ارتبكت وتراجعت تجلس على المقعد بصمت قطع صمتها
جوازنا حرام هبت من مكانها
لحظة هجهزلك حاجة تاكلها قالتها وتحركت
غرام توقفت وانتفض قلبها وهي تستمع إلى اسمها بصوته ظلت كما هي لم تستطع أن تستدير إليه
أنا مبفطرش ماليش نفس تعالي عايز أتكلم معاكي في موضوع مهم
هربت من أمامه حينما فشلت في السيطرة على رعشة قلبها لا تعلم مالذي يحدث إليها منذ فترة
وضعت الطعام على الطاولة المتحركة
لازم تاكل أي حاجة علشان معدتك متتعبش من المسكنات
أومأ لها حاول أن يحرك ذراعيه
ولكنه تألم قامت بتقطيع الطعام بأناملها تهرب من نظراته مرددة
مبعرفش أقطع الطعام بالشوكة والسکينة هينفع تاكل بطريقتي
أممم حلو مش بطال هبت من مكانها وابتلعت ريقها بصعوبة هجبلك عصير
استني عندك استدارت تطالعه
توقف وهو يضم ذراعيه واقترب منها يجذب كفها
تعالي لازم نتكلم سحبت كفها وجلست مبتعدة عنه
التفتت إليه منتظرة تكملة حديثه
بصي يا غرام أنا مابحبش اللف والدوران راجل دغري منكرش إنك جذبتيني توردت وجنتيها ابتسم على براءتها وتابع حديثه
توقف من مكانه وجلس بجوارها
أنا قدامك أهو واللي عايزة تسألي فيه وعد هجاوبك
اتجهت إليه متسائلة
إنت اتجوزت كام مرة
متمتما
هتفرق لو قولتلك
أكيد سحبت نفسا مستطردة
معرفش إيه الحكمة في مقابلتنا أو جوازنا بس متأكدة إن ربنا له حكمة في كدا بالخير علشان كدا عايزة أعرف كل حاجة عنك وأولها إحنا بنعمل إيه هنا
بنقضي شهر العسل
أرسلاااااان هتفت بها بنبرة منزعجة
ضحك قائلا
أحلى أرسلان في الدنيا أسمعها
يعني هعرف أصالحك لما أضايقك
ابتعدت برأسها عنه
إنت مشكلة والله
حليها
أحل إيه أفلت ضحكة مرتفعة وتوقف
لا خام خام يعني توقفت متذمرة من ردة فعله
بتضحك على إيه توقف عن ضحكاته يشير بيديه
خلاص خلاص خطت للخارج تسبه خرج خلفها يجذب ذراعها
استنى يابنتي ماتبقيش قفوشة
دفعته بقوة بذراعه المجروح ليغلق عينيه من الألم شعرت به فاقتربت متأسفة
آسفة والله مقصدش أشار بيديه
خلاص حصل خير قالها وهو يضم ذراعه مبتعدا إلى الأريكة تحركت خلفه وجلست بجواره بعدما أحضرت له بعض الأدوية التي توضع على الچرح فكت رباطه وأزاحت مايضمد به شهقة خرجت من فمها بعدما رأته متسائلة
من إيه دا
تراجع برأسه يستند على الأريكة وهي ترفع ذراعه لتضع بعض الأدوية عليه
أطبق على جفنيه بقوة وكأن هذه الطعڼة مزقت عظام ذراعه
ملست على الچرح بحنان ونظرت إليه بأسى
بيوجعك أوي صح هز رأسه دون حديث
آسفة تمتمت بها بخفوت وتجلى على ملامحها الحزن
أشار إليها للجانب الآخر
تعالي هنا نهضت ظنا أنه يريدها بأمر ما
أنا متجوزتش قبل كدا وجوزاي منك كان ضروري علشان أعرف أدخل المبنى دا دي أسرار مينفعش أتكلم فيها وطبعا مينفعش أتجوز أي حد وكمان مش من طبعي أرافق أي بنت عندي حدود ربنا في الأول ثانيا عمي اللي رشحك من بعد أول مرة اتقابلنا فيها وهو اللي يعرف عنك أكتر مني وواثق فيكي جدا معرفش على أساس إيه خلاني آخد الخطوة دي حقيقي اتجوزتك علشان كدا وماليش أي علاقات تانية وبعد جوازنا سمعت بالصدفة إن الجواز المشروط حرام كدا كدا أنا خلصت مهمتي وممكن ترجعي لحياتك بس انا ميرضنيش حد يتكلم عليكي وخاصة الكل عرف في شغلك إنك اتجوزتي غير طبعا أهلك
كانت تستمع إليه ولا تعلم ماذا يقول عيناها على حركات وجهه من حديثه حانت منه التفاتة إليها وجدها تحدجه بتدقيق توقف عن الحديث وتعلقت أعينهم ببعضها للحظات ربما دقائق
تعالي نجرب حياتنا مع بعض قالها وتعلقت عيناه بعينيها التي فتحتها بعد همسه باسمها
غرام موافقة نكمل حياتنا مع بعض
صمتت ولكن مازالت العيون متعلقة
مع طرقات على باب جناحهم لتهب من مكانها فزعة مع تورد وجنتيها لتشعر وكأنها أمام موقد من النيران من شدة حرارة ماشعرت به
خرجت من ذكرياتها على صوت السائق
وصلنا يا هانم ترجلت من السيارة تنظر حولها تسأل السائق
ليه جبتنا من هنا هو دا باب المستشفى أجابها معنديش معلومات ياهانم الباشا قال أنزلك هنا قالها وتراجع بالسيارة لوجهته التفتت حولها وأتت لترفع هاتفها تكلمه وجدته يقترب منها يتحرك بخطوات ثقيلة هرولت إليه
أرسلان دون حديث آخر
إن شاء الله
هيقوم بالسلامة تحرك يجذب كفها متجها إلى مكان هادئ بالحديقة بعدما أوصى أحد المسعفين بوضع أحد المقاعد المنفردة بذلك الركن المظلم الهادئ
أجلسها وتمدد على ذلك المقعد الذي يشبه الأريكة يتوسد ساقيها
تعبان أوي عايز أرتاح وبس
ارتاح إنسى أي حاجة وريح دماغك وخلي عندك ثقة بربنا إن بعد العسر يسر أنا معاك مش هسيبك غير لما تقولي إمشي
احتضن كفيها وأغلق عينيه يهمس بإرهاق
ربنا يخليكي ليا ياأحسن حاجة حصلتلي
بمنزل زين الرفاعي
تصدح أغاني الأفراح بالمنزل وتقوم الفتيات بالرقص انتهت العروس من زينتها مع طرقات أخيها على باب غرفتها دلف كرم يطلق صفيرا
حبيبة أخوها الصغيرة اللي بقت أجمل عروسة
هرولت إليه تهمس باشتياق
كرم رجعت إمتى
ضمھا يدور بها وارتفعت ضحكاته
من ساعة بس آدم كلمني من يومين أمسك كفها يلفها منبهرا
إيه الجمال دا ياروحي لاكدا لازم الواد آدم يدفع كتير
دفنت وجهها بصدر أخيها خجلة وتحدثت
وحشتني أوي معرفش ليه مصر على البحر الأحمر مصر مليانة مستشفيات
قوس ذراعه
ياله ياعروسة علشان العريس منتظر على ڼار وبعدين نتكلم
هبطت بجوار أخيها مع ابتسامتها التي يتدفق من خلالها الحب بكل ماتشعر به الآن فاليوم أخيرا سوف تزف لمتيم الروح
وصلت إلى أسفل الدرج لفارسها الهمام الذي ينتظرها بحلته البيضاء ظل يحرك عينيه على جسدها بالكامل فتاة وضع الله بها من الجمال مايجعلها محط أنظار لدقات القلوب من خصلاتها البنية المموجة وعينيها التي تتلون حسب حالتها ولا يعلم أحد بالتحديد لونها نعم فهي فتاة العائلة الجميلة المدللة لفظا وليس حظا
وصلت إلى عاشق الروح الذي تلقاها من أخيها بابتسامته المشرقة وعينيه اللامعة لا يعلم لماذا يشعر بكم هذه الفرحة
ألف مبروك ياإيلي
احمرت وجنتاها خجلا لتنظر إلى الأرض مبتعدة عن نظراته انحنى يهمس إليها
حلوة الأرض لو أحسن مني
متابعة القراءة
