رواية كاملة رهيبة

كان ينوي فعله.
_يااه يا يحيى أخيرا رضيت عن أبوك و جيت تشوفه!
دلف يحيي إلي شقة والده وهو يجول ببصره يمينا و يسارا يتذكر تلك التفاصيل التي إشتاقها كثيرا بعد أن فقدها بين جنبات ذلك البيت.
جلس والده و جلس هو بدوره أمامه ثم نظر إلي والده قائلا .أخبار صحتك إيه يابا! و عبدالقادر و زينب و العيال عاملين إيه!
نظر إليه والده بفرحه وقال أنا بقيت كويس لما شوفتك يا يحيي قدورة و عياله بخير والحمد لله..طالغين مطروح بقالهم يومين.. طمني عليك إنت عامل إيه و العيال عاملين إيه! مجيبتهمش معاك ليه دول وحشوني أوي.
إبتسم يحيي قائلا كلنا كويسين يابا الحمدلله..هبقي أجيبهملك تشوفهم مرة تانيه.
_و سايبهم قاعدين لوحدهم إزاي يبني الدنيا مبقاش فيها أمان .
قاعدين مع غزل! مش لوحدهم متقلقش.
إنزوي حاجبي أبيه وتسائل غزل!
أومأ يحيي مؤيدا وقال أيوة يابا.. أنا إتجوزت غزل.
تفاجأ والده و إعتراه شعور بالصدمة فقال بتتكلم بجد! إمتا و إزاي
لسه من كام يوم بس..هي كانت الجليسه بتاعتهم من فترة و هما كانوا متعلقين بيها عشان كده خدت الخطوة دي محدش هيعرف يراعيهم زيها ولا أنا هبقا مطمن عليهم مع حد غيرها.
_طب وهي وافقت إنكوا تتجوزوا عشان كده بس!!..يعني وافقت تتجوزك وهي عارفه إنك متجوزها عشان العيال
أنا صارحتهم بكل حاجه و كنت علي نور معاهم من الأول وهما وافقوا..و بصراحه غزل متفهمه الموضوع و متقبله
كمان.
أومأ والده بهدوء وقال وإنت عامل إيه في شغلك..مش محتاج فلوس
جحظت عينا والده بدهشه وقال إيه! شوفته فين إتكلمتوا! وهو فين دلوقتي!!
سرد يحيي لأبيه ما حدث ليلة أمس و الحوار القصير الذي دار بينه وبين سليمان و المكتوب وما إحتواه.
شرد الأب أمامه بتيه وقال بنبرة صوت يغلفها الحزن لا حول ولاقوة إلا بالله..لله الأمر من قبل ومن بعد.
ثم نظر إلي يحيي وقال متروحش الأماكن دي تاني يا يحيي إنت طول عمرك تعرف ربنا و بتصلي وتصوم يبني.
ربت يحيي علي كتف والده و قال بعد أن منحه إبتسامه هادئه متقلقش عليا يابا أنا عارف أنا بعمل إيه.
نهض واقفا ليتسائل والده بضيق إنت ماشي!
_معلش يابا هبقا أجيلك تاني أنا و نور و زياد بس دلوقتي لازم أروح الشركه عشان عندي شغل.
أومأ والده بموافقه ثم قال و تجيب غزل كمان معاك عشان أشوفها.
_حاضر من عينيا.
ودع والده و إنصرف عائدا إلى عمله ليتابع عمله الآن بذهن صاف و قلب مطمئن.
بعد مرور أسبوع...
كان يحيي يجلس برفقة قاسم و إثنين آخرين من شركائهما في عشاء عمل بإحدي المطاعم الفاخرة ليتلقي إتصال من غزل فإستأذن ليجيب الإتصال و من ثم يعود إليهم مجددا.
وقف علي منأى من الناس وأجاب أيوة يا غزل
أتاه صوتها هادئا ساكنا وكإنما يغلبها النعاس فقالت أيوة يا يحيي.. إنت إتأخرت ليه كده!
_معلش نسيت أعرفك إن عندي عشا عمل مع ناس في الشغل.. قدامي شويه لسه لو عايزة تنامي إنتي نامي.
أضافت بصوت جاهدت كثيرا أن يبدو طبيعيا طيب أنا هنام لإني مش قادره لما تيجي بالسلامه لو إحتاجت حاجه إبقا صحيني.
ليتسائل هو بشك إستني..مال صوتك إنتي تعبانه!
تحاملت علي آلامها وقالت لا أبدا أنا كويسه..عايزة أنام بس.
_طيب نامي و إرتاحي وأنا شويه وجاي..تصبحي علي خير.
أنهي المكالمه و عاد سريعا إلي الطاوله التي كان يجلس عليها و عادوا ليستأنفوا عملهم من جديد بينما إنفجرت غزل في البكاء الصامت من قوة الألم الذي يصيبها.
بعد إنتهاء عشاء العمل عاد يحيي إلي بيته في ساعة متأخرة من الليل ليجد السكون يخيم على المكان من حوله أدرك بأن الجميع قد خلد إلي النوم فدلف إلي المغسل يأخذ حماما ساخنا لعله يصيبه ببعض من الإسترخاء ليستمع إلي أنين مكتوم صادر من غرفة غزل فأوصد المياه سريعا وإرتدي ملابسه سريعا و خرج من غرفته.
وقف أمام باب غرفتها يرهف السمع مرة أخري ليستمع إلي صوت بكاء خاڤت فطرق الباب بقلق ثم أدار مقبض الباب بغتة و دلف إلي الغرفة بقلق ليجدها منكمشه في فراشها تضم ركبتيها إلي قفص صدرها المغلق بأغلال الضجر و الكدر تعانق المنهمك براحة يديها و تذرف الدمعات بصمت.
هرع إليها مسرعا و إنحني بجزعه إلي مستوي وجهها وقال بلهفه مالك يا غزل! إيه اللي تاعبك
نظرت إليه بأعين باكيه و وجه شاحب و حمحمت تجلي حلقها ثم قالت مفيش.. شوية تعب بس و هيروحوا.
جلس إلي جوارها ثم قال شوية تعب إيه..أنا كنت شاكك إنك تعبانه من ساعة ما كنتي بتكلميني..قومي بسرعه نروح لدكتور.
هزت رأسها بنفي وقالت لا ملوش داعي أنا هاخد مسكن وهبقي كويسه.
_طب إيه اللي بيوجعك بالظبط!
أشارت إلي القسم العلوي الأيمن من بطنها وقالت هنا.
_دي المرارة! إنتي أول مرة تشتكي منها
أومأت بتأكيد ليقول طيب أنا هعمل لك حاجه دافيه تشربيها و نشوف لو الألم خف شويه تبقا نوبة بسيطه لو مخفش تبقا محتاجه تتشال بقا نروح لدكتور.
إتسعت عينيها بفزع وقالت تتشال! لأ طبعا.
قال ممازحا يستي متتفجعيش كده لو لزماكي أوي ممكن أتبرع لك بالمرارة بتاعتي ولا تغلي عليكي.
ناولها كوب الأعشاب وجلس إلي جانبها مجددا بينما بدأت هي تحتسيه بهدوء حتي فرغت منه ليقول مش حاسه إنك أحسن شويه
أومأت بموافقه دون أن تنطق ليقول هتبقي كويسه إن شاءالله.. إنتي أكلتي حاجه حارة
_لا أبدا.
يبقي أكيد نفسيتك تعبانه..بتفكري في حاجه! الإنفعالات الزياده هي السبب أكيد.
نظرت إليه مطولا ثم قالت لا أبدا.. أنا كويسه.
أومأ وقال طيب يلا حاولي تنامي وأنا هفضل جمبك.. لما تنامي هبقا أروح أوضتي.
أغمضت عينيها سريعا وغطت في النوم وهي تشعر لأول مرة بالأمان والطمأنينة لمجرد أنه يرقد إلي جانبها.
إنتظمت أنفاسها سريعا لينظر هو إليها مبتسما وقد علم بأنها راحت في النوم سريعا.
إعتدل في مرقده بجانبها و راح يتطلع نحوها
متفحصا ملامحها الهادئه الناعمه قبل أن تقترب منه وهي نائمه مما جعل قلبه يثور بشدة ليجدها وقد أحاطت عنقه بيديها لينسحب من فراشها مسرعا ويعود إلي غرفته محاولا تجاهل تلك الإحساس الذي راوده قبل قليل ثم تدثر بفراشه و إستسلم إلي النوم.
الفصل التاسع عشر
كانت كعادتها تجلس برفقة نور و زياد قبل أن يرتفع رنين جرس الباب معلنا عن قدوم أحد ما فنهضت وهي تتسائل بينها و بين نفسها من القادم يا تري!
فتحت الباب لتنصدم ب يسر تقف أمام الباب و نظراتها تمتلئ بالتحفز و الترقب قبل أن تتحول إلي تجهم و حدة غاضبه وهي تقول هو إنتي لسه قاعدة معاهم وسعي!
قالت الأخيرة وهي تدفعها بصدرها للخلف و تدلف إلي الشقه فقالت غزل إيه اللي إنتي بتعمليه ده! جايه ليه يا يسر و عايزة إيه
نظرت إليها يسر بحنق و طالعتها سخريا وقالت أنا اللي جايه ليه و عايزة إيه! أما إنك بجحه بصحيح.. إنتي اللي قاعده هنا ليه و بترسمي علي إيه بالظبط يا غزل هانم!
نظرت إليها غزل پغضب و أعين متسعه ثم قالت برسم علي إيه بالظبط! هكون برسم علي إيه يا يسر
توقفت أمامها يسر و نظرت إليها بتحد وأضافت بلاش تعملي نفسك عبيطه.. أنا و إنتي عارفين كويس أوي اللي فيها.. إنتي طول عمرك بتحبي يحيي و عينك منه!
ألقت بكلماتها بغتة مما جعل غزل تحملق بها بدهشه قبل أن تكمل الأخري حديثها وتقول إيه قولت حاجه غلط أنا! من أيام بيت العيله و إنتي عينك علي يحيى في الرايحه و الجايه.. و كتير كنت بقول كده محدش كان مصدقني.. عنيكي كانت ڤضحاكي أوي بس محدش فهم نظراتك غيري.
نظرت إليها غزل بتحد مماثل وقالت خلصتي!
لم تجبها يسر فقالت أيوة طول عمري بحب يحيي و هفضل لآخر نفس فيا بحبه عندك مانع!
وقعت كلماتها علي أذن يحيي الذي كان يقف علي باب الشقه يستمع لجدالهما كالصاعقة و أرهف السمع إليهن بعدم تصديق.
إغتاظت يسر و عبست فقالت بصوت جهور يا بجاحتك.. و واخده عيالي حجه عشان تفضلي معاه طول اليوم مفكره إنه كده هيبصلك ولا يعبرك إنسي يا ماما...
همت غزل بالحديث لتتفاجأ بدخول يحيي المفاجئ وهو يتقدم منهما بخطوات ثابته متزنه و علي محياه إبتسامه ساخره ثم نظر إلي يسر وقال ده مين اللي فهمك كده!
نظرت إليه يسر بدهشة وقالت يحيي! أنا كنت آااا......
وقع الخبر علي مسامعها كالصاعقة.. مما أثار استياءها و دهشتها و ڠضبها و جميع مكنوناتها فإستطاعت بالكاد أن تنطق قائلة إتجوزتوا !
أومأ يحيي موافقا بإبتسامه ساخرة وقال عقبالك كده لما تلاقي إبن ال......حلال بس تبقي أجدع مننا و تعزمينا.
ألقي بكلماته اللاذعه التي أخرجتها عن صمتها لتقول پغضب شديد إتجوزت يا يحيي! بعد ده كله بتتجوز عليا! البت دي عرفت تخطفك مني زي ما طول عمرها بتتمني!
و أضافت أنا كنت عارفه من الأول إن قعادها معاك هنا وراه سبب في دماغها بتسعي ليه و يا تري بقا ضحكت عليك إزاي يا أستاذ يحيي ولا إيه اللي خلاك تتجوزها! أكيد رمت نفسها عليك عشان تدبسك فيها.....
لم تستأنف حديثها بل إزدردت بتوتر عندما هدر يحيي قائلا پغضب إخرسي خالص!
ثم نزع قبضته عن عنقها بحدة وقال جايه ليه! أنا مش قولتلك مش عايز أشوف وشك تاني ولو صدفه! إيه اللي جايبك
قالت پبكاء صاخب جايه أشوف عيالي يا يحيي.
_ملكيش عيال عندي!
قالها وهو يوليها ظهره و ينصرف لتتجه نحوه مهروله پبكاء و أمسكت بيده وهي ترجوه قائله عشان خاطري يا يحييعشان خاطر ربنا خليني أشوفهم أبوس إيدك.
نزع يده من بين كفيها بقوة و هم بقول شئ ما قبل أن يتوقف عندما إستمع إلي بكاء صغاره وهم يقفون علي باب غرفتهم يطالعون ما يحدث أمامهم پبكاء.
إتجهت يسر نحوهم علي الفور ليحتضنوها بشدة فتعلقت نور بچيدها و قام زياد بالتشبث بذراعها لا يريدان تركها.
بدل يحيي بصره بينهما بغيظ و ڠضب و صدح صوته غاضبا يقول إدخل يا زياد إنت و أختك علي أوضتكم!
_يحيي!
قالتها غزل وهي تنظر إليه بإستعطاف ثم وقفت أمامه مباشرة وقالت حرام عليك إنت مش شايفهم متعلقين فيها إزاي.. سيبهم مع مامتهم شويه.
كانت يسر تنظر نحوهما بترقب وهي تنتظر جواب يحيي لتجده قد عاد ينظر إلي أطفاله وهم يختبئون بحضن أمهم و إلتزم الصمت مما شجعها أن تقول عشان خاطرهم يا يحيي سيبهم ييجوا معايا يومين.
أرشق النظر إليها وقال علي الفور بنبرة صارمه لا تقبل النقاش إنتي باين عليكي إتجننتي عايزة تاخدي عيالي و تمشي! و تقعدي عند مين! عند إسماعيل اللي مش لاقي يأكل إخواتك! الهبل اللي بتقوليه ده تنسيه خاالص.
_عشان خاطري يا بابا