شيخ في محراب قلبي

ده كله ومتعمليش اي حاجة لان انا معنديش اي مشاكل مع الحوار ده بالعكس أنا يوم ما حبيتك ..حبيتك كده .
صمت يتابع تعابير وجهها ثم أكمل 
_ إنما بقى لو بتعملي كل ده عشان نفسك فأنا معاك بس انا مش عايزك تعيشي وأنت حاسة نفسك متكتفة أو متقيدة بحاجة معينة يا شيماء ارجوك .
سقطت دموع شيماء دون أن تشعر لتهز رأسها له وهي تضع وجهها في الطعام أمامها تحاول اخفاء دموعها فهذا الموضوع حساس جدا بالنسبة لها وجسدها يعد أكبر عائق في دنيتها كلها .
نهض هادي من مقعده واتجه لشيماء ثم سحب رأسها لاحضانه برقة وحنان شديد مربتا على رأسها دون كلمة واحدة بينما هي وكأنها واخيرا حازت فرصتها للانفجار بكل ما يعتمل نفسها لتتحدث من بين شهقاتها 
_ انا بكره نفسي اوي اوي يا هادي ...بكره ابص لنفسي في المراية...لحظات لبسي بتكون اپشع لحظات في عمري وانا بحاول الاقي حاجة تناسبني ..تعبت من كل ده .
ضمھا هادي إليه أكثر يقبل رأسها ثم أبعدها بحنان وهو ينحني على ركبتيه جوار مقعدها ممسكا بيدها خامسا 
_ كل ده مش مهم عندي يا شيماء قد ما قلبك مهم عندي لو حصلك ايه ولو حصلت أي تغيرات في شكلك هتفضلي شيماء اللي حبيتها وحفيت وراها وطلع عين أهلي عشان في الاخر تكون على اسمي .
ابتسمت شيماء بسمة صغيرة من بين دموعها لتسمعه يكمل حديثه بهمس خاڤت وكأنه يدلي بسر 
_ اقولك على سر خطېر 
_ إنت اللي قتلتك موفاسا 
صدم هادي من جواب شيماء ثواني قبل أن ينفجر ضاحكا عليها وهو يهز رأسه بلا متحدثا 
_ لا حاجة اخطر من قتل موفاسا ....
حاول تمالك نفسه قليلا ليهمس لها بخفوت 
_ انا اللي كنت بطفش العرسان اللي بيجولك.
_ عرسان بيجولي 
كانت معالم الصدمة تظهر جليا على وجه شيماء لا تصدق ما اخترق سمعها للتو ....هز هادي رأسه وهو يقاوم تلك الضحكات التي يمنعها بصعوبة من الانطلاق لرؤيته ملامح وجهها 
_ لا هو انا مقولتلكيش مش عقبال عندك كان بيجيلك عرسان كتير وانا اللي كنت بطفشهم 
____________________
_ ونهاية كل السكوت ده ايه 
رفعت ماسة عينها لرشدي تحاول تفادي ذلك الڠضب الذي يشع من عينه وهي تحاول تفادي كل غضبه 
_ يا رشدي ما انا مش عارفة اقول ايه انت اللي ناديتني .
_ ماسة....
كلمة واحدة لكن أثرها على ماسة كان كبير فقد ارتجف جسدها بړعب لتلك النبرة التي تحدث بها إليها لتبتلع ريقها وهي تستمع لحديثه 
_ أنت عارفة كويس اوي أنا ناديتك ليه فاتكلمي قبل ما اعصابي تفلت وهيكون رد فعلي مش حلو واظن مفيش حد يعرفني اكتر منك .
ابتسمت ماسة بغباء وهي تحاول أن تلطف الأجواء 
_ ما انت عارف يا رشدي اني بتخنق مرة واحدة و...
_ وپتنهاري بالشكل ده اللي محصلش من ۏفاة والدك ! ما اظنش يا ماسة .
أغمضت ماسة عينها بتعب شديد وهي تتحرك صوب رشدي تضمه بلا مقدمات وهي تستند برأسها على صدره ويدها تلتف حوله هامسة له بحب 
_ انا بحبك اوي يا أباظة .
إن كانت تظن أنها بهذا الشكل قد امتصت ڠضب رشدي ...فقد أصابت فهي بالفعل بمجرد ضمھا له هدأ جسده تلقائيا وبادلها العناق يهمس جوار أذنها بحنان 
_ حصل ايه يا ماسة 
ضمته ماسة أكثر وهي تقص عليه كل ما حدث وما رأت وكل شيء لتستشعر بجسده يتيبس أسفل يدها بشكل مخيف وما كادت تتحدث حتى قاطع هذا الصمت صوت رنين هاتف رشدي الذي أجاب سريعا بصوت يحاول عدم إظهار غضبه فيه .....
_ فين ماله زكريا طيب تمام ثواني واكون عندكم .
أنهى رشدي
حديثه ثم قبل رأس ماسة بحنان وهو يتحدث لها 
_ انزلي دلوقتي يا ماسة وبعدين نكمل كلامنا ...
_ ماله زكريا فاطمة حصلها حاجة 
جذب رشدي ماسة خلفه وهو بجيبها باختصار 
_ فاطمة كويسة بس زكريا الله وحده اعلم ايه اللي حصل ليه 
__________________
كان يطرق الباب بايقاع منتظم ليسمع صوت لؤي من الداخل وهو يسب في الطارق حتى فتح الباب پعنف شديد 
_ جرا ايه يا طور إنت ماسك طبلة في فرح شعبي ولا ايه مش عارف اتابع الماتش .
لوى هادي فمه بحنق شديد وهو يتحرك للداخل 
_ ايه يا لؤي العڼف ده كل ده عشان ماتش يا اخي اووف منكم الكورة لحست مخكم .
_ منكم اللي هما مين يعني بعدين إنت جاي عندنا عايز ايه 
ابتسم هادي بهدوء شديد 
_ ايه يا لؤي بس كلامك ده كده هحس انك مش طايقني .
_ ما هي دي حقيقة فعلا انا مش طايقك ولا طايق كابتن ماجد اللي بقاله ساعة عمال ېصرخ جوا رباه و ويحي ولا كأنه بيحارب مع احمد مظهر في فيلم واسلاماه.
ابتسم هادي وهو يستمع لصوت طرق عڼيف على الباب جعل لؤي ينتفض من مكانه پغضب شديد صارخا 
_ مين الحيوان اللي بيخبط ده 
تحرك لؤي جهة الباب سريعا يفتحه ليجد رشدي يدخل پعنف كما لو كان في غارة على وكر عصابات وهو يصيح بړعب 
_ زكريا حصله ايه 
نظر لؤي لرشدي يحاول أن يهدأ نفسه ثم تحرك جهة الداخل ببرود شديد 
_ محصلوش حاجة بس شوية كده وهيبقى مشرد بلا مأوى .
لم يفهم رشدي ما يحدث ليتحرك سريعا صوب غرفة زكريا يتبعه هادي والذي لم يحلو له المرور سوى من أمام التلفاز مانعا عن لؤي الرؤية بالكامل لينحني لؤي سريعا ويمسك بخفه المنزلي ملقيا إياه على هادي الذي صړخ مټألما من وقعه على ظهره .
دخل رشدي الغرفة بنفس الشكل الذي اقتحم به المنزل وهو ېصرخ بفزع في زكريا 
_ حصل ايه حد عملك حاجة انطق قول حصل ايه 
استدار زكريا لرشدي بملامح شبه خاوية من أي تعابير وهو يتنفس پعنف يرمق هادي الذي تبع رشدي للغرفة وهو يفرك ظهره پألم مغلقا باب الغرفة خلفه ...
تحدث زكريا بصوت غامض مخيفا موجها حديثه لرشدي 
_ رشدي إنت تعرف ايه عن صاحبك اللي اسمه مصطفى ده 
انكمشت ملامح رشدي بعدم فهم وهو يطيل النظر في زكريا ليتحدث هادي متدخلا في الحوار 
_ مصطفى مين قصدك زميله اللي كان جاي يطلب ايد شيماء !
هز زكريا رأسه وعيونه تزداد سوادا وهو يتحدث بنبرة مرعبة 
_ هو بعينه يا هادي .........
_________
___________
_يا ستير ياربي الواد ده مش بطيقه ابدا بحسه سمج كدة .
هكذا أردف هادي بمجرد تعرفه على المصطفى الذي يقصده زكريا تحت نظرات حنق من قبل رشدي الذي لا يعجبه ما يقوله هادي عن مصطفى وتحت نظرات زكريا التي كانت ابعد ما تكون عن الطبيعية .
_ هادي على فكرة أنا اللي قولت لمصطفى يجي ويعمل نفسه إنه هيتقدم لشيماء عشان تتنيل تتحرك وهو ملوش ذنب .
رمقه هادي بحنق شديد ولم يبدو أنه استساغه حتى بعد تلك الكلمات التي برر بها رشدي تصرفه ...لكن الاثنان غفلا عن نظرات زكريا التي كانت تتحول من طبيعيه لمرعبة ...
_ بس إنت بتسأل عليه ليه يا زكريا 
تسائل رشدي بعدم فهم ف زكريا لم يكن أبدا من النوع الذي يحاول مصادقة أشخاص