الذئب

تتراجع پخوف
جمال ماتخافيش كده لسه ادامك اسبوع عايزك تشدي حيلك بسرعة يا حلوة 
ودخل الحمام وعاد مستلقيا بجوارها ذاهبا في النوم فورا فأخذت تنظر لنفسها ولجسدها الملئ بعلاماته عليه وهي تبكي في صمت
زينة يااااااه بعتي نفسك علشان الفلوس تستاهلي كل اللي بيحصلك دي نتيجة الطمع ده حصاد كل اللي عملته اشربي بقى بقيتي مجرد واحدة اشتراها واحد لمتعته وبس ولا تقدري تفتحي بوقك ولا تقدري تلجأي لأي حد من اهلك بعد اللي عملتيه معاهم خلاص ح تعيشي كده وأخذت تبكي حالها
كانت قمر وجميلة في الجناح تحضر بعض الأشياء لها ولجاسر
قمر جميلة سامحتي بجد فابتسمت لها جميلة
جميلة عارفة ياقمر انا كنت مقهورة وموجوعة قوي بس في نفس الوقت كنت حاسة اني مش ح اقدر ابعد عن جاسر طول العمر وقلت اكيد ح يجي الوقت اللي نرجع فيه سوا بس اول ما لاقيته ادامي على الأرض نسيت كل حاجة حصلت وافتكرت بس حبنا وعشقنا لبعض ولما عرفت الحقيقه وازاي ماما اتخدعت منهم واجبرته كل زعل جوايا راح
قمر طيب بما بقى ان كل حاجه راحت ح نحط بقى شويه من الحاجات الدلع دي دي علشان تدلعوا نفسكم شويه فضحكت جميلة
جميلة ندلع نفسنا ازاي انتي مش شايفه الحال واخذوا يضحكوا سويا ورغم هذا وضعت بعض من ملابسها الخاصة وهبطوا للأسفل ودخلوا الجناح الاخر الذي خصص لهم ورصت قمر كل شئ لهم
جميلة قمر اطلعي انتي بقى ارتاحي انا تعبتك معايا وقولي لجاسر ح اخد دش بس واطلع له على طول
قمر طيب تحبي استناكي او اجي معاكي فابتسمت جميلة لها
جميلة تسلمي ياقلبي مانحرمش منك
فخرجت قمر وابلغت جاسر فطلب جاسر من معتز مساعدته في الدخول إلى الجناح فادخله معتز واسنده حتى جلس على الفراش وخرج وبعد قليل خرجت جميلة من الحمام ووجدت جاسر يجلس أمامها فصړخت بفزع
جميلة حرام عليك ياجاسر خضتني
وكان جاسر في عالم أخر وهو ينظر إليها فقد افتقدها بشكل لا يوصف وشعرت جميلة به 
وتحدث جاسر بصوت اجش
جاسر قربي ياجميلة قربي ياجميلتي فاقتربت منه جميلة قليلا
فجذبها جاسر بقوة واجلسها بجواره وهمس وحشتيني قوي ياضي عيني وحشتيني بشكل مش قادر حتى اوصفه لك فارتعش جسد جميلة من همسه هكذا فامسك وجهها بيده السليمة فهمست باسمه
جميلة جاسر انت كمان واحشني قوي قوي قوي بس 
جاسر من غير بس حبيبتي من غير بس تعالي ننام علشان ترتاحي
جميلة طيب كده بقى انت اللي ح تيجي في حضڼي انا مقدرش انام على جنبي غير حاجة بسيطة قوي
جاسر حبيبتي يعني انتي ح تفضلي نايمة على ضهرك كده
جميلة اه من الرابع وانا بنام على ضهري وكمان نص قاعدة مقدرش انام خالص على السرير فوضع جاسر يده علي بطنها وهو يهمس لاولاده
جاسر حبايب بابا ماتغلبوش ماما بقى وسيبوها ترتاح شوية كفايه خبط كده حبايبي ياااااااه حاسس لما تيجوا ان شاء الله ح ابقى كأني مسكت السما بأيدي ورفع رأسه ونظر لها ربنا يقومك بالسلامة ياضي عيني فابتسمت جميلة وهي تقبل رأسه
جميلة ويشفيك حبيبي ويقومك لنا بخير وسلامة
مرت الايام وكان جاسر لايفارق جميلة الا بصعوبة وكانت جميلة تذهب لمساعدة فريدة هي ولمياء في توضيب بيتها وكان أجمل شئ ان بيت عبدالحميد في الوسط بين بيت أحمد ولمياء وبيت فارس وفريدة وحاول معتز اخذ منزل له هو وقمر ولكن عبدالحميد وجاسر رفضوا تماما ذلك واعطوهم الملحق الخارجي فكانوا يقيمون به ودار عبدالحميد يجلس بها الكل واقترب موعد زفاف فارس وفريدة فقد حددوه
بعد فك جبس جاسر بيومين وكانوا كلهم يجلسون معا في حديقة الدار كل زوجين معا وكان الشباب يجلسون متجاورون ونظرت جميلة لكل من حولها وهي تبتسم
جاسر الله على أجمل ابتسامه في الدنيا
جميلة حبيبي شوف ما احلانا كل الأحبه اتنين اتنين بس بص كده على عمو كارم وطنط سعاد شايف عاملين ازاي
جاسر بتفكري في ايه ياروحي
جميلة ح تعرف استنى بقولكم ياشباب قربوا كده شوية مش عايزة الكبار يسمعوا فاقتربوا جميعا وصنعوا دائرة مقربة ونظرت لهم جميلة وضحكت بشدة يانهار ابيض اللي يشوف كده يقول بنخطط لغزو المريخ فضحكوا جميعا وصړخت جميلة مټألمة وهي تضع يدها على بطنها
جاسر مالك حبيبتي في ايه فنظرت له جميلة پغضب
جميلة ولادك مش ساكتين نازلين رزع فيا اه ياني يابا كان مالي انا ومال الغلب ده المهم ياعيال فصړخ الكل عيااااااااال فنظرت لهم جميلة وهي ترفع حاجبها ايوه عيال انا بقيت ماما يبقى انتم عيال المهم اسمعوا قبل المقاريض مايهبدوا فيا تاني وربنا ده انا ح اطلقهم عليكم بس يجوا هما بس فضحك الجميع
جاسر مش عارف ليه محسساني انك ح تخلفي فيران مقاريض وتطلقيهم المهم كملي ياروحي
جميلة فريدة انتي عارفه انا بحب طنط سعاد ازاي مش كده
فريدة طبعا يابنتي دي محتاجة كلام وهي كمان ياجميلة بتحبك قوي 
جميلة طيب حلو قوي معتز انت كمان عارف انا بحب عمو كارم زي بابا 
معتز طبعا ياجميلة وهو بيحبك اكتر منا كمان ده انا لما بغلس عليكي ساعات ويكون جانبي بيهبدني كوع في جانبي بحس ان روحى بتتسحب مني
جميلة طيب عايزكم تفتحوا مخكم معايا وتسمعوني للآخر دلوقتي انت اتجوزت وعايش مع قمر شوية هنا وشوية في الساحل علشان المشروع وانتي يافريدة ح تتجوزي وح تسافري مع جوزك شهر العسل وبعدها ح تبقى بين هنا وبين القاهرة وبين الساحل كمان مافكرتوش في طنط سعاد وعمو كارم هما طبعا ح يكونوا معانا اه بس احنا كل واحد معاه وليفه وهما كل واحد لوحده فنظرت لها فريدة ورفعت حاجبها
فريدة قصدك ايه ياجميلة وضحى
فضحكت جميلة لشعورها پغضب فريدة
جميلة فريدة اسمعيني كويس وانت كمان يافارس خليك معايا تفتكروا لو كل واحد فيكم اخد باله من أمه ولا ابوه يوم أتين شهر سنه وبعدها فريدة طنط سعاد اترملت عليكي بدري قوي وهي لسه صغيرة وانت يامعتز باباك ماشاء الله لسه شباب انا بقترح بالراحة كده وبعقل من غير تهور بصوا عليهم وشوفوا هما متفهمين مع بعض ازاي مالحظتوش في كلامنا كلنا مع بعض ان دائما كلامهم بيكمل بعضه فريدة حبيبتي فكري بعقلك وبقلبك عارفة انه مش سهل تحسي ان امك ممكن تتاخد منك لكن انتي اوريدي ح تعيشي مع جوزك وح يبقى هو حياتك وهي ح تفضل وحدها ليه مانجمعهومش سوا ولعلمكم دي فكرتي انا ماحدش قالي حاجة والله اعلم لو انتم وافقتم هما ممكن يوافقوا ولا لا فصمت الكل قليلا واحتضن فارس فريدة
فارس ديدا حبيبتي فكري في كلام جميلة امك لسه صغيرة وتقريبا عاشت مع باباكي فترة قليلة وعاشت ليكي وضحت بشبابها كله علشان تربيتك ونجحت وصمدت أدام اهل ابوكي واحنا دلوقتي ح نتجوز وح تنشغلي عنها اكيد بيا وبحياتنا وبشغلنا وبسفرنا مش بذمتك تستاهل تعيش الباقي من حياتها مع راجل يحميها ويهتم بيها ويكون ونس لها وعمو كارم اتعذب كتير مع طليقته وكلنا عارفين واكتر واحد عارف فينا