الذئب

ممكن تعملي لي جهوة معاكي فنظرت له وابتسمت
جميلة عيوني حاضر
لمياء رايحه فين ياختي
جميله ح اعمل لبابا وجاسر قهوة وماما شاي بالنعناع تشربي حاجة معاهم
لمياء لو ح تشربي نسكافيه اشرب معاكي 
جميلة ماشي اعمل لنا احنا نسكافيه روحي انتي وانا ح اخلص واحصلك
في الخارج اشار عبد الحميد لولده فذهب وجلس امامه
جاسر خير يابويا في حاجة
عبد الحميد خير ياولدي ادامك كد ايه وتنهي الصفجة بتاعتك
جاسر الحمدلله يابويا أحمد خلاص مضي الاوراج وح نشتغلوا فيها من بعد بكرة يعني شهرين تلاتة نخلصوا التصاميم وبعدها نبدء البناء ليه يابويا في حاجة ولا ايه فابتسم عبدالحميد
عبد الحميد ابدا ياولدي بنطمنوا عليك اني وامك
جاسر ادعولي المشروع كبير جوي في الساحل و علي مستوي عالي والمفروض ننجزه في اسرع وجت ممكن 
عبد الحميد طيب ياولدي ربنا يوفجك يارب ممكن تخلي جميلة ولمياء يساعدوك لغاية ماتنجز في التصاميم لكن البناء لاه مايسافروش واصل 
جاسر والله يا بويا أحمد كان لسه بيحكي معايا انه ممكن لما يتجوز لمياء يسافروا ويبجي هو هناك دائما واني بين هنا وهناك لغايه مانخلصوا منيه ان شاء الله
عبد الحميد ان شاء الله ياولدي 
جاسر ابويا أحمد كلمني انه عايز يجي ويتفج مع حضرتك علي ميعاد الفرح وح نعملوه فين رأي حضرتك ايه
عبد الحميد والله ياولدي اني عارف انه خلص كل اللي مطلوب منيه واحنا كمان فاضلها ايه يارباب
رباب والله ياعبد الحميد هي حاجتها كلها بتاعه رفايع البيت خلصت خلاص فاضلها بجي الهدوم والحاجات الشخصيه دي وفستان الفرح 
عبد الحميد طيب علي خيره الله يبجي لما ياجي نتفجوا معاه علي اول الشهر الجاي بالمشيئه يعني بعد ٣ اسابيع تكون هي وجميلة خلصوا الباجي سوا وبعديها بجي يبجي الدور علي جميلة احسن اني مش ملاحج علي عرسانها فانتفض جاسر من مكانه پغضب وانفعال
جاسر عرسان ايه يابويا في حد اتجدم لجميلة واني ماعرفش فضحك عبد الحميد ورباب 
عبد الحميد يوووووه ياولدي ده كل يوم والتاني بيتجدم لها عريس بس اني مش بوافج وجلت نخلصوا من لمياء الاول وبعدها ندير علي جميلة فجلس جاسر امام ابيه
جاسر ابويا اني كنت ناوي اجولك بس كنت مستني لما انجز شويه في المشروع ده علشان مانعطلوش لكن لازمن تعرفوا بجي مش ح ينفع اسكت اكتر من اكده فضحك عبد الحميد ورباب بشده
عبد الحميد اخيرا نطجت ياولدي اني وامك خابرين انك بتعشجها وهي كمان بس انت عارف هي بتخجل من خيالها ربنا يوفجكم ياولدي فقبل جاسر يد ابوه وامه 
جاسر اني مش عايز اجولها الا لما امشي شويه في المشروع خصوصا ان أحمد ح ياخد اجازه سبوعين بعد الجواز
رباب طيب ايه رأيك ياولدي تتجدم لها يوم فرح اختك اهو نجروا فاتحه وتلبسها شبكتها وبعد اكده لما تنجز شويه نعملوا الفرح ايه رايك
جاسر موافج طبعا خلاص ح اتفج مع لمياء واحمد علي اكده من غير هي ماتعرف ونعملوها لها مفاجأة 
عبد الحميد ربنا يسعدكم ياولدي يارب ويبعد عنكم كل شړ 
جاسر دعواتكم لنا يابويا حضرتك وامي الخير والبركه 
رباب داعين لكم كلاتكم ياولدى ربي يسعدكم ويوفجكم دائما
في الداخل كانت جميلة تصنع القهوة والشاي والنسكافيه ولمياء قامت بتقطيع الكيكه التي صنعتها جميله في وقت سابق وخرجوا سويا
جميله احنا جينا اتفضل يابويا الجهوه 
عبدالحميد تسلم يدك يابتي احلي جهوه بشربها من يدك بعد جهوه رباب
جميله الف هنا يابويا اتفضلي يا امي الشاي بالنعناع بالاخضر 
رباب تسلم يدك ياجلبي اني بجي مش بعرف اتمزج غير بكبابي الشاي بتاعتك دي اني حتي مش بعرف اتمزج باللي انا بعملها سبحان الله فخجلت جميلة
جميلة ربنا مايحرمني منك يا امي اتفضل ياجاسر الجهوة فامسك جاسر فنجان القهوة ونظر لها
جاسر مانحرمش من يدك ياجوجو ايه

________________________________________
ده انتم ح تشربوا نسكافيه فنظرت له جميلة وتكلمت بحسن نيه
جميلة اه اعملك نسكافيه فامسك جاسر مجها
جاسر لاه اني ح اشرب شوية من ده ممكن فاحمر وجهها
جميلة اكيد طبعا اتفضل
لمياء امسك ياجسور دوج الكيكة اللي عملاها جميلة
وجلسوا جميعا يتحدثون ويضحكون سويا حتي رن هاتف في الداخل وذهبت لمياء حتي تحضره فوجدت ام السعد تحضر
ام السعد اتفضلي يالمياء ده تلافون الحاجة رباب فاخذته لمياء واعطته لامها دي خالتي يا امي فتنهدت رباب وامسكت الهاتف
وابتعدت قليلا عنهم حتي تستطيع ان تتحدث براحتها وغابت عشر دقائق ثم عادت لهم وهي تزفر براحه فابتسم لها عبد الحميد وهو يمد يده لها حتي تجلس بجواره
عبد الحميد مالك يا رباب 
رباب ابدا ياعبده بتسأل علينا وانت عارف بجي بتحب تسأل في كل التفاصيل واني بتخنج من الحشاريه دي مش بحبها
عبدالحميد جصري معاها واخلصي
رباب بعمل اكده والله ياعبده بس مش عارفة بلعه راديو من سؤال لسؤال حاجة تخنج يا باي اني عارفة اتغيرت كيف اكده
عبد الحميد عيشه البندر بتغيير يا رباب ربنا يهديهم المهم ياولدي ح تعمل ايه في الشغل 
جاسر ح اعمل كيف ماجولت يابويا بس لو هما وافجوا 
عبد الحميد خلاص جولهم مستني ايه عاد فنظر جاسر لجميلة ولمياء ووجدهم ينظرون علي شئ في الهاتف ويتهامسون معا
جاسر لولو جوجو بتعملوا حاجة مهمه
لمياء لاه ياجاسر بنتفرجوا علي حاجات في النت عايز حاجة
جاسر بجولكم ايه اني مزنوج فيكم شويه فضحكت لمياء 
لمياء مزنوج فينا كيف يعني ح تاخدنا تتصرف فينا يعني ولا ايه عاد ياخوي
جاسر يابت اعجلي شوية يامطيوره
لمياء عجلت ياخوي جول عايز ايه منينا
جاسر تحبوا تنزلوا معايا الشركة الفترة الجاية دي ح يكون عندينا ضغط في الشركه علشان تصاميم المشروع وعايز حد معايا ثجه علشان ننجز وكمان محدش يجدر ياخد منا حاجة
جميلة اني عن نفسي لو ابويا وامي وافجوا اني تحت امرك
لمياء واني كمان برضك
عبدالحميد خلاص يابنات تروحوا مع جاسر الصبح والسواج يرجعكوا علي العصر علشان تنجزوا كمان في باجي طلبات العروسة بتاعتنا 
لمياء ماننحرمش منكم يارب
جاسر خلاص اعملوا حسابكم من بعد بكره تنزلوا معايا وبكره لما ياجي أحمد الصبح ح نجعد مع بعض احنا الاربعة علشان ننظموا كل حاجة سوا 
جميلة ان شاء الله ياجاسر وبعدين احنا كمان ممكن نبجي ناخد معانا الشغل ولما نرجعوا من بره نجعد نشتغلوا عليه اهنا
رباب ح يبجي تعب عليكم ياجلب امك
جميلة لاه يا امي مافيش تعب حضرتك عارفة اني بحب السهر وبعدين حتي لو في تعب مع نجاح جاسر وأحمد والشركه التعب كله ح يروح ونظرت لجاسر فوجدته يبتسم لها فارتبكت ونظرت للمياء مش اكده يالمياء
لمياء ايون طبعا اكيد
عبد الحميد خلاص يبجي علي بركة الله ربنا بوافجكم ان شاء الله بس جميلة ولمياء في امانتك ياجاسر مايبعدوش عن عينك انت وأحمد فاهم
جاسر طبعا يابويا هما ح بجعدوا معايا في مكتبي 
رباب ربنا معاكم ياولادي يبارك لكم في شغلكم وحياتكم فأمنوا جميعا خلفه وظلوا يتحدثون معا في حاله من التفاهم والحب
في القاهرة كانت تجلس حسناء اخت رباب وزوجها كارم وهو صديق لعبد الحميد وابنها معتز وابنتها زينة